Morgunblaðið - 15.08.1978, Side 12

12
MORGUNBLAÐIÐ, ÞRIÐJUDAGUR 15. ÁGÚST 1978
Á Selfossi stendur nú yfir landbúnaðarsýning ein mikil,
sem margir eiga sjálfsagt eftir að sjá. Mbl. brá sér austur
fyrir f jail í gær og ræddi við nokkra sýnendur og tók Rax
meðfylgjandi myndir við það tækifæri.

Sölvfélay Gar&yrkjumanna sýnir fjölmaryar teyundir af yrænmeti, en
4frænmetiskarlinnu lenyst til hæyri d myndinni er settur saman úr ýmsum
teyundum yrænmetis.
Sgna 30 tegund-
ir afgrœnmeti
• Söhifólaií Garðyrkjumanna er
með tvö sýningarsvæði á landbún-
aðarsýningunni og er annað
þeirra innandyra en hitt utan. Á
innisvæðinu eru sýndar um 30
tegundir af grænmeti og var
Iljalti Lúðvíksson, starfsmaður
sölufélagsins, að leggja síðustu
hönd á „grænmetiskarr, er við
hittum hann að máli.
Hjalti sagði Sölufélagið leggja
höfuðáherzlu á grænmetisbylting-
una, en að sögn hans er fólk farið
að hugsa meira um grænmeti og
grænmetisrétti en áður. Er Sölufé-
lag Garðyrkjumanna með sérstaka
verzlun á sýningunni, og er þar
selt margs kyns grænmeti.
Þá sýnir sölufélagið garðáhöld
fyrir almenna garðyrkju, en sýn-
ing sölufélagsins er þó ekki
tæmandi. „Jurtalyf", áburður og
fræ eru sýnd á sýningarsvæðinu,
sem og slöngur, garðdælur og
úðadælur. Þá eru sýndir pottar af
öllum gerðum og stærðum, og
sérstakir litlir pottar, sem hægt er
að sá í.
Hjalti kvað sýninguna vera
miðaða við hinn almenna borgara
er ætti lítinn garð, en auk þess
verzlar Sölufélag Garðyrkju-
manna með áhöld og tæki fyrir
garðy rkj ubændur.
Á útisvæði sölufélagsins er að
finna sláttuvélar af ýmsum gerð-
um, og einnig ýmiss konar önnur
stór tæki, sem notuð eru við
garðrækt.
Landgrœðslan kynnt
í máli og myndum
• Á sýningarsvæði Landgræðsl-
unnar hittum við Hafstein Heið-
arsson að máli, en Hafsteinn er
starfsmaður hennar. Hafsteinn
tjáði okkur að reynt væri að gera
grein fyrir starfsemi Landgræðsl-
unnar í máli og myndum, auk
þess, sem sýnt er hvernig landið
er grætt upp.
Fremst á sýningarsvæðinu eru
þrjár grasrendur og hefur þar
verið sáð þremur mismunandi
tegundum af grasfræjum, vallar-
sveiggrasi, vallarfoxgrasi og tún-
vingli. Á að líta svo út, sem
landgræðsluflugvélin TF-TÚN
hafi dreift fræjunum, en vélin er
til sýnis á svæðinu. Hefur nokkr-
um áburðarpokum verið stillt upp
fyrir framan vélina, en áburður
þessi er sá hinn sami og notaður er
við uppgræðsluna.
Aftar á sýningarsvæðinu eru
melhólar, en melur er mikið
notaður til að binda foksand í hóla
og stöðva sandfok. Hefur þessi
aðferð gefið allgóða raun.
Hafsteinn sagði ennfremur að
rofabarð hefði verið myndað aft-
ast á svæðinu og er búið að stinga
rofabarðið niður. Síðar er fræjum
og áburði dreift yfir rofabörð sem
þetta úr flugvél. Að sögn Haf-
steins eru þrjár tegundir af áburði
einkum notaðar, 26-14, 26-149 og
23-23.
Þá eru á svæðinu skilti, sem á er
að finna ýmsar upplýsingar um
landgræðsluna og myndir af starf-
seminni.
Að lokum má geta þess að
síðastliðinn sunnudag flaug land-
græðsluflugvélin Páll Sveinsson
yfir landbúnaðarsýnínguna og
dreifði svokölluðum lukkumiðum
yfir sýningarsvæðið. Vinningar
voru alls 32 og veitti Búnaðarfé-
lagið þá, en í bígerð er að
endurtaka þetta atriði næsta
sunnudag, ef veður leyfir.
Frá sýningarsvæði Landgræðslunnar. Landgrœöslufluyvélin er fremst d myndinni, en fjær sést í melhólana oy
rofabardið.
Hlustað með athyyli er skóvinnan er útskýrð.
Heimilisiðnaðardeildin:
Sgning á gömlum og
nýjum vinnubrögðum
• Samhand sunnlenzkra kvenna
í Árnessýslu og Rangárvallasýslu
og Samband vesturskaftfellskra
kvenna hafa skipulagt og sett
upp heimilisiðnaðardeild land-
búnaðarsýningarinnar. Að sögn
Höllu Aðalsteinsdóttur er deildin
sýning margra þeirra hluta sem
bezt hafa verið unnir á Suður-
landi á siðustu árum og einnig á
gömlum og nýjum
vinnubrögðum.
Á hverjum degi eru í gangi
tóvinna, skógerð, vefnaður og
hrosshársvinna en einnig eru fleiri
vinnubrögð sýnd bæði gömul og ný
en það er mismunandi frá degi til
dags hvað til sýnís er af þeim.
„Tóvinnan er lang vinsæiust meðal
áhorfenda," sagði Halla, „þar eru
sýnd vinnubrögð sem fólk er hætt
að sjá, unglingar hafa t.d. aldrei
séð spunnið á rokk.“
Heimilisiðnaðardeildin er einnig
með sérstaka sýningu á undan
tízkusýningunum sem haldnar eru
á landbúnaðarsýningunni. Þar eru
rakin gömlu vinnubrögðin á ull-
inni frá því að hún er þvegin og
þangað til hún er komin í band.
Er blaðamenn komu í heimilis-
iðnaðardeildina var þar verið, auk
hinna daglegu verka sem áður var
sagt frá, að vinna að postulínsmál-
un, skermagerð og maður var að
höggva listaverk í rekaviðarbúta.
Einnig var að hefjast sýning á
baldýringum og knipplingum og
virtist fólk hafa mikinn áhuga á
því að sjá það sem fram fór.
Þróunardeildin:
„Allar tölur
sgndar á mgnd-
rœnan hátt”
• í þróunardeild landbúnaðarins á
sýningunni á Selfossi er, eins og
nafnið bendir til, leitazt við að sýna
þá þróun sem átt hefur sér stað f
íslenzkum landbúnaði á síðustu
árum. Hjalti Gestsson fram-
kvæmdastjóri Búnaðarsambands
Suðurlands varð fyrir svörum er
hlaðamenn komu í deildina.
„Hér er þróunin sýnd á marga
vegu t.d. hvað afurðir snertir í
hinum ýmsu framleiðslugreinum.
Það hefur orðið geysileg þróun í
íslenzkum landbúnaði á þessari öld.
Hér eru margar tölur sem varpa
ljósi á þá staðreynd. Sum þróunin er
mjög óæskileg en önnur aftur
eðlileg.
Það er margt sem vekur athygli
sýningargesta. Til dæmis er hér
tafla sem sýnir hvert peningarnir
fara sem fólk borgar fyrir eitt kíló af
dilkakjöti. í hlut bóndans fer
þriðjungur, slátur og heildsölukostn-
aður er næsti liður og síðan er þetta
rakið hvað af hverju á töflunni."
Allar tölurnar í þróunardeildinni
eru sýndar á myndrænan hátt og
verður það til þess að fólk horfir
frekar á þær að sögn Hjalta.
Flestum tölunum safnaði Guð-
mundur Jónsson fyrrum skólastjóri
á Hvanneyri en töflurnar sem
þessum tölum er komið fyrir á
hannaði Jón Kristinsson úr Lambey.
Meðal þess, sem sjá má á þessum
töflum, er dúntekja, framtaldir
laxar, fjöldi fjár, nauta og hrossa og
gróðurhúsastærð.
Auk taflanna er í þróunardeildinni
útisvæði þar sem sýnt er gamla
engjatjaldið og það sem því fylgir,
það er að segja stemmningin við
heyskapinn eins og hann tíðkaðist
áður fyrr. Emil Ásgeirsson í Gröf
gerði tjaldið en Jón Kristinsson sá
um umhverfið.
Hjalti Gestsson við yamla enyjatjaldið.