Morgunblaðið - 02.09.1978, Blaðsíða 5
MORGUNBLAÐIÐ, LAUGARDAGUR 2. SEPTEMBER 1978
5
r
Davíð Scheving Thorsteinsson við opmm sýningarinnar „Islenzk föt 1978”
„Vara eindregið við því að grip-
ið verði til afturvirkra skattalaga”
VIÐ OPNUN sýningarinnar „ís-
lenzk föt 1978“ flutti formaður
félags íslenzkra iðnrekenda, Dav-
íð Scheving Thorsteinsson, ræðu
Þar sem hann lagði áherzlu á
kröfu iðnaðarins um jafnrétti við
aðra íslenzka framleiðsluatvinnu-
vegi. Þá varaði Davíð eindregið
við Þeim áformum að gripið yrði
til afturvirkra skattalaga. Ræða
Davíðs fer hér á eftir:
„Iðnaðarráðherra, alþingismenn,
forseti borgarstjórnar, borgar-
stjóri, og aðrir góðir gestir.
Ég vil byrja á því að bjóða hinn
nýja iönaðarráðherra, Hjörleif
Guttormsson, velkominn til starfa.
Hans bíður mikið og vandasamt
starf og vona ég að góð samvinna
muni takast milli iðnaðarins og
hans í framtíðinni.
Jafnframt vil ég þakka fráfarandi
iðnaðarráðherra, dr. Gunnari
Thoroddsen, fyrir ágæta samvinnu
undanfarin fjögur ár. Við höfum
marga hildi háð og jafnan haft
sigur, þegar við höfum snúið
bökum saman, enda hefur furðu
miklu verið áorkað á undanförnum
fjórum árum, þó enn sé óralangt í
það að starfsaðstaða iðnaðarins
sé slík, sem hún hefði þurft að vera
árið 1970, þegar hin svokallaða
aðlögun að fríverzlun hófst.
í samstarfsyfirlýsingu hinnar
nýju ríkisstjórnar er að finna
mikilvæga stefnumótun á sviöi
iðnaðar, því þar segir að sam-
keppnisaðstaða íslenzks iðnaðar
skuli tekin til endurskoðunar og að
spornað verði með opinberum
aðgerðum gegn óeðlilegri sam-
keppni erlends iðnaðar, meðal
annars með frestun tollalækkana.
Ég skil þessi orð svo, að þarna
ætli ríkisstjórnin að taka til greina
þau rök okkar, að óhjákvæmilegt
sé að fresta frekari tollalækkunum
á fullunnum iðnaðarvörum á
meðan samstarfsaðilar okkar í
EFTA og EBE halda áfram þeim
hætti sínum að svíkja og þver-
brjóta fríverzlunarsamningana
með opinberum styrktar- og
stuðningsaðgerðum við iðnað
sinn, hvert í sínu ríki.
Ég fagna því að hin nýja
ríkisstjórn hefur tekið þessa á-
kvörðun, en vil enn einu sinni
leggja áherzlu á, að þessi frestun
tollalækkana á að ná til Ira greina
iðnaðarins og framlenging ein er
einskis nýt, nema sá tími, sem
þannig fæst, verði notaður til aö
koma loks aðbúnaði íslenzks
iðnaðar í eðlilegt horf, en tillögur
iðnrekenda um hverju breyta þarf
koma fram í stefnuskrá Félags
íslenzkra iðnrekenda, sem gefin
var út 28. júlí s.l. Vil ég hvetja þá,
sem fara með málefni iönaðarins,
svo og þá sem áhuga hafa á
þessum málum, að kynna sér
stefnuskrána og þær tillögur, sem
í henni felast. Segja má að megin
inntak stefnuskrárinnar felist í
kröfu iðnaðarins um jafnrétti, þ.e.
jafnrétti við aðra íslenzka fram-
leiðsluatvinnuvegi, jafnrétti við
erlenda keppinauta og jafnrétti við
erlend fyrirtæki á íslandi.
Skora ég á og eggja lögeggjan
hið nýja Alþingi og ríkisstjórn að
nota þann örstutta tíma, sem
vinnst með þeim skammtíma
neyðarráðstöfunum, sem þeir hafa
boðað í samstarfssamningi sínum,
til að taka upp nýja efnahags-
stefnu frá næstu áramótum, þar
sem lagður verði traustur og
varanlegur grundvöllur að eflingu
framleiðslunnar, því auðvitað er
aukin framleiðsla eini raunhæfi
grundvöllur bættra lífskjara, því
það er óhugsandi að við getum
haldið áfram að halda uppi fölsk-
um lífskjörum á íslandi með
erlendum lántökum, Ég vil nota
þetta tækifæri til að vara mjög
eindregið við því að gripið verði til
afturvirkra skattalaga, eins og þó
hefur verið rætt um, að því er
fregnir herma.
í sameiginlegri könnun allra
verðlagsyfirvalda á Noröurlöndum,
sem fór fram fyrir skömmu, kom í
Ijós að innkaupsverð allmargra
vörutegunda til íslands var í
flestum tilvikum mun óhagstæðara
heldur en til hinna Norðurland-
anna. Þó var það ein vörutegund,
sem skar sig þó úr hvað þetta
snerti. Það voru gallabuxur. Það
kom sem sé í Ijós, að innkaups-
verð á gallabuxum til íslands var
næst lægst á öllum Norðurlöndun-
um. Skyldi ástæðan fyrir þessum
hagkvæmu innkaupum á gallabux-
um ekki vera samkeppni innflytj-
enda við íslenzkan iðnaö?
Ég tel að nú gefist loks tækifæri
til að sannreyna þá staðhæfingu
iðnrekenda, að íslenzkur iðnaður
haldi niöri verðlagi á íslandi.
Skora ég á verðlagsstjóra að
rannsaka hvort þessi staðhæfing
er rétt eða ekki, því reynist hún
rétt, er greinilegt að raunhæfasta
og virkasta verðlagseftirlit, sem til
er, er efling íslenzks iðnaðar.
Við höfum nú búið við svokallað-
ar verðstöðvanir óslitið frá 1.
nóvember, 1970. Hvert manns-
barn veit þó, að aldrei hafa dunið
jafn miklar verðhækkanir yfir
þjóðina og á þessu tímabili. Er ekki
kominn tími til að snúa af þessari
einskis nýtu en þó hættulegu
braut?
Ég segi hættulegu, því að þessar
svokölluðu verðstöðvanir hafa
einkum bitnað á sumum greinum
iðnaðarins og það svo, að þær
hafa stórskaðað samkeppnishæfni
þeirra. Treysti ég því að hér verði
gerð breyting á og að iðnaðurinn
fái að minnsta kosti að sitja við
sama borð og innflutningsverzlun-
in hvað þessi mál varðar.
Fataiðnaðurinn á eins og iðnað-
•urinn almennt í miklum rekstrar-
erfiðleikum um þessar mundir og
kemur þar margt tit. Höfuðóvinur-
inn er að sjálfsögðu hið óstöðuga
efnahagslíf okkar og verðbólgan,
sem því fylgir. Það hlýtur að vera
hverjum manni Ijóst, að þeim
Hrunadansi óðaverðbólgu og sí-
felldra gengisfellinga, sem dunað
hefur hér undanfarin ár og áratugi,
verður að Ijúka, því annars er
sjálfstæði þjóðarinnar í voða.
Það er Ijóst, að hægt er að ráða
við verðbólguna, ef vilji er fyrir
hendi, en því miður er ég kominn
á þá skoðun að hin raunverulega
ástæða þess, að. okkur hefur ekki
tekizt að losna við verðbólguna, sé
sú, að þjóöin vill verðbólgu og því
hefur hún eyðilagt allar tilraunir
stjórnvalda til að draga úr eða
stöðva verðbólguna. Fyrsta skil-
yrði til þess að verðbólgan verði
stöðvuö er því hugarfarsbreyting
okkar allra.
Ekki get ég svo skilið við
verðbólguna að ég víki ekki
nokkrum orðum að gengisskrán-
ingu.
Ég hef orðið var við þann regin
missKilning, að þessi eða hin
stjórn felli gengið. Þetta er alrangt,
það erum við fólkið í landinu, sem
fellum gengið, með því að leggja
of miklar byrðar á framleiðsluna.
Það eina, sem stjórnvöld gera,
er að setja stimpil sinn á orðinn
hlut, enda þótt þau þverskallist
oftast við í lengstu lög að viður-
kenna staðreyndir.
Gengið verður að vera skráð í
samræmi við innlendan tilkostnað
og þaö má aldrei skekkja það með
tilfærslum fjármagns, eins og t.d.
meö greiðslum úr tómum verð-
jöfnunarsjóðum, eða með ólíkum
starfsskilyrðum framleiðslugrein-
anna.
Rétt gengisskráning er súrefni
framleiðslunnar og með rangri
gengisskráningu er verið að murka
lífið, hægt og bítandi, úr undir-
stöðuatvinnuvegunum.
Við skulum vera þess minnug að
nútíma þjóðfélag er myndað af
mörgum þáttum, svo sem sjálfri
framleiðslunni í þröngum skilningi,
alls konar þjónustustarfsemi,
verzlun, samgöngum, bygginga-
starfsemi, menningarmálum, heil-
brigðismálum, fræðslumálum,
opinberri þjónustu og fjölda mörgu
öðru, sem ekki er hægt að telja
upp hér. Allir þessir þættir tengjast
hver öðrum og þróun hvers þeirra
og viðgangur er tengdur vexti og
viðgangi hinna.
En við skulum jafnan vera þess
minnug að það er sjálf framleiðsl-
an í þröngum skilningi, sem er
undirstaða allrar annarrar atvinnu-
starfsemi, og það alvarlegasta í
íslenzkum efnahagsmálum í dag er
að það er hún, sjálf undirstaðan,
sem er veikasti hlekkurinn í
íslenzka efnahagskerfinu. Bresti sá
hlekkur hrynur allt annað atvinnulíf
eins og spilaborg.
Þjóðarheill krefst þess að leið-
togar þjóðarinnar, hvar í flokki
sem þeir standa, sameinist um að
hefjast nú þegar handa og að þeir
vinni allir saman að því í einlægni
að móta og framkvæma nýja
uppbyggingarstefnu framleiðsl-
unnar með þau megin markmið
fyrir augum að sjálfstæði og
áframhaldandi búseta þjóðarinnar
í landinu sé tryggð um ókomin ár
með síbatnandi lífskjörum.
Megi þeir leiðtogar, sem þjóðin
hefur nýlega valið sér, bera gæfu
til þess að snúa sér alfir sem einn
að þessu megin verkefni.
Að þessum orðum mæltum lýsi
ég kaupstefnuna „íslenzk föt 1978"
opnaða."
Veizlukaffi í Sigtúni
Kvennadeild Styrktarfélags lamaðra og fatlaðra verður með árlega kaffisölu
á morgun, sunnudag 3. september, í Sigtúni við Suðurlandsbraut. i
fréttatilkynningu frá deildinni segir, aö í Sigtúni verði veizlukaffi á borðum
ásamt mjög góðum skemmtiatriðum, m.a. koma fram Þeir Tóti trúður og Jónas
Þórir Þórisson. Allur ágóði rennur til æfingastöðvarinnar að Háaleitisbraut 13
og til barnaheimila Styrktarfélagsins.
FTytur fyrirlestra á veg-
um Freeportklúbbsins
HÉR á landi er nú staddur í boði
Freeport-klúbbsins Joseph P. Pirro,
forstöðumaöur ráðgjafadeildar Free-
port-sjúkrahússins í New York. Mun
hann dvelja hérlendis um tveggja
vikna skeið ásamt eiginkonu sinni,
flytja hér fyrirleatra um áfengismál á
vegum Freeport-klúbbsins og feröast
nokkuð um landið, að Því er segir í
fréttatilkynningu frá Free-
port-klúbbnum.
Mr. Pirro kom fyrst hingað til lands
vorið 1976 í boði þeirra 20 sjúklinga,
sem þá höfðu fyrstir íslendinga leitað
sér hjálpar á Freeport-sjúkrahúsinu.
Þá flutti hann nokkra fyrirlestra, átti
viðtöl við fjölmiðla og flutti nokkra
fræðsluþætti um áfengismál í sjón-
varpi.
Pirro flytur fræðsluerindi í Súlnasal
Hótel Sögu laugardaginn 9. september
og sunnudaginn 10. september. Á
mánudagskvöldi 11. september mun
hann síöan flytja fyrirlestur í Sjálfstæð-
ishúsinu á Akureyri og hefst hann kl.
20.30.
SNYRTING ASTAÐNUM
Tískusýningamar á síðustu fatasýningu gjörbyltu
hugmyndum flestra um innlenda fataframleiðslu.
Nú hafa tuttugu og þrir framleiðendur tekið
höndum saman við félaga úr Sambandi íslenskra
ftgrunarsérfræðinga,
Jafnhliða tískusýningum kl. 18 og kl. 21 alla
virka daga, og einnig kl. 1A30 um helgar, verða
sérsýningar fegrunarsérfræðinga sem vafalaust
ciga eftir að vckja mikla athygli.
FOT '78 i Laugardalshöll er opin daglega kl.
17—22, en kl. 14—22 um hclgar.
Aðgöngumiðar kosta kr. 700 (fullorðnir) og kr.
300 (börn).
STÓRGLÆSILEG SÝNING 1—10. september 1978.