Morgunblaðið - 02.09.1978, Blaðsíða 22

MORGUNBLAÐIÐ, LAUGARDAGUR 2. SEPTEMBER 1978
22
Stefnir I aukakeppni milli
þriggja liða í 2. deildinni:
ÍBÍ setur ,allt sitt
traust á Ármann
ÍSFIRÐINGAR verða aöeins áhorfendur að leikjunum í 2. deildinni um helgina eða e.t.v. er réttara að
segja að þeir fylgist spenntir mcð úr fjarlægð. Ekkert verður leikið í 1. dcildjnni. en úrslitin í 3ju deildinni
halda áfram og þeim lýkur á mánudag og fjórir leikir eru á dagskrá í 2. deild í dag. Margt bcndii; til
að þrjú lið verði jöfn í 2. sæti deildarinnar og þurfi að heyja aukakeppni um hvert þeirra flyzt upp í
1. deild með KR. þ.c. ÍBÍ. Ilaukar og Þór. Tvö síðarnefndu liðin verða í eldlínunni í dag. en ísfirðingar
leika sinn síðasta leik um aðra helgi.
— Við ísfirðingar leggjum allt
okkar traust á Armenninga og
vonum að þeir taki stig bæði af
Þór og Haukum. Sjálfir vinnum
við síðan Fylki, þannig að það
verða ísfirðingar sem leika í 1.
deildinni næsta sumar í fyrsta
skiptið, sagði Þórður Ólafsson,
fyrirliði ÍBÍ, er við slógum á
þráðinn til hans í gær. Staðan í 2.
deildinni er nú þannig að ísfirð-
ingar hafa 19 stig og eiga eftir að
leika gegn Fylki úti, Þór er með 17
stig og á eftir útileik við Armann
í dag og heimaleik við Austra um
næstu helgi. Haukar, sem einnig
hafa 17 stig, eiga eftir heimaleik
við Völsung í dag og útileik við
Ármann um aðra helgi. Fyrir
hálfum mánuði hefði þetta „pró-
gramm" virzt létt hjá Þór, IBI og
Iíaukum, en þá voru Ármenningar
af flestum dæmdir í 3. deild. Nú
hefur staðan breytzt, þeir hafa
fengið til liðs við sig gamla jaxla
og ætla sér ekki niður. Fyikir er
hins vegar áfram í bullandi
fallhættu og liðið verður því
berjast hatrammlega. Allt getur
gerzt í deildinni, en eins og Þórður
sagði þá getur Ármann breytt
gangi mála í deildinni.
Fram
AÐALFUNDUR körfuknattleiks-
deildar Fram verður haldinn
— Eðlilega vonum við að við
verðum einir í 2. sætinu á eftir KR
og Ármann hjálpi okkur til þess,
segir Þórður Ólafsson. — En ef ég
á að vera raunsær þá stefnir í
úrslit þriggja liða og reyndar er
ekki langt í fjórða liðið, því ég
reikna með að Tróttur, Nes-
kaupstað, fái 20 stig í deildinni og
gæti lent í aukakeppni ásamt
einhverjum eða öllum hinum
liðunum þremur ef málin þróast
þannig.
— I sumar hefur það verið
nokkuð einkennandi fyrir lið okkar
ísfirðinga að við höfum nýtt illa
upplögð marktækifæri og síðan
fengið ódýrt mark eða mörk á
okkur sem kostað hefur okkur stig.
Ef við höfum nýtt færin höfum við
unnið góða sigra eins og sjá má á
markatölu okkar. Það fór illa með
okkur að við gerðum þrjú 1:1
jafntefli á heimavelli í sumar á
móti Haukum, Þór og Reyni og svo
töpuðum við fyrir Austra heima.
Ef við hefðum unnið þessa leiki þá
værum við fyrir löngu komnir upp
í 1. deildina.
— Grikklandsferðin var sérlega
vel heppnuð hjá okkur og hleypti
nýju blóði í mannskapinn. Andinn
innan liðsins hefur aldrei verið
eins góður, ég held að ferðin hafi
verið jákvæð í alla staði og það er
ekki til neitt sem heitir þreyta í
mannskapnum, eins og margir
halda og er hjá mörgum liðum. Við
æfðurn þarna einu sinni á dag við
góðar aðstæður og voru æfingarn-
ar á kvöldin þegar aðeins var farið
að kula. Nokkrir leikmanna liðsins
hafa sprungið út eftir Grikklands-
ferðina og upp á síðkastið höfum
við í fyrsta skipti í sumar getað
stillt upp okkar sterkasta liði.
— Bæjarstjórn ísafjarðar sam-
þykkti nýlega að hefja strax
framkvæmdir við gerð grasvallar
hér. en hann kemur ofan á
malarvöllinn ókkar. Byrjað
verður á verkinu næstu daga og
reyndar er þegar byrjað á því þar
sem þökurnar á völlinn eru fyrir
hendi. Völlurinn vcrður tilbúinn
næsta ár. en hvenær verður
veturinn og veðrið næsta vor að
segja til um. segir Þórður Ólafs-
son að lokum.
I.EIKIR HELGARINNARi
Laugardaxur. 2. deildi
LauKardalsvoIlur kl. 13.30i Ármann — Þór
I.auKardalsvöIlur kl. 16> KR — Austri
Neskaupstaður kl. 14> Þróttur — Fylkir
Ilvaleyri kl. 15i Haukar — Vöisungur
Laugardagur. 3. deildi
Sauöárkrókur kl. lfii Einherji — Njarðvík
Varmárvöilur kl. 16i VíkinKur — SíkIu-
Ijörður
Sunnudaxur kl. II,
Landsleikur, ÍSLAND — BANDARÍKIN
Mánudagur. 3. deild.
Sauðárkrókur kl. 19. Njarðvík — Magni
Varmárvöllur kl. 19« SelfosB — SÍKlufjörður
áij
• Tekst Þórði Ólafssyni að
leiða lið ÍBÍ alla leið upp 1 1.
deild?
ÞÓRÐUR
SPÁIR
ÞÓRÐUR Ólafsson. fyrirliði
IBI. spáði fyrir Morgunblaðið
um leiki helgarinnar. en hann
tók það fram að í nokkrum
leikjanna væri óskhyggja ofar
en raunsætt mat.
Island — Bandaríkin 2.0
2. DEILD.
Armann — Þór 2.1
KR — Austri 0.0
Þróttur — Fylkir 3.0
Ilaukar — Völsungar 0.0
3. DEILD.
Þórður var beðinn um að
spá um hvaða lið færu upp í 2.
deild. en úrslitakeppni þriðju
deildar hófst í fyrrakvöld.
Þórður spáði liðum Selfyss-
inga og Einherja frá Vopna-
firði sæti í 2. deild á næsta ári.
komið
hálfa leið
ÞESSA dagana fer fram úr-
slitakeppnin í 3. deild. Leikið
er í tveimur þriggja liða
riðlum. öðrum á Sauðárkróki
og hinum í Mosfellssveit.
Fyrstu leikirnir fóru fram í
fyrrakvöld þá vann Selfoss
öruggan og merkilega auðveld-
an sigur gegn Víkingi frá ^
Ólafsvík. 3—0 eftir að staðan
hafði verið 1—0 í leikhléi.
Magni og Einherji skildu
jafnir á Sauðárkróki. hvort lið
skoraði eitt mark. Reyndar
voru það Magnamenn scm
skoruðu bæði mörkin. því að
mark Einherja var sjálfsmark
í byrjun leiksins. Ilringur
Ilreinsson jafnaði fyrir Magna
snemma í síðari hálfleik.
Leikurinn þótti slakur. en
úrslitin sanngjörn.
PR/TM/ —gg.
Hermann
„kóngur"
skoraði
VALSMENN unnu ÍBA 2.1 í
„úrvaisdeildinni" í knatt-
spyrnu á Akureyri í vikunni.
Eru Valsmenn þar með komnir
í úrslit kcppninnar ásamt KR.
Fram og IBK. Það var Berg-
sveinn Alfonsson. sem tók
forystuna fyrir Val um miðjan
fyrri hálflcik í leik Vals og
IBA. Á 35. mínútu Iciksins
jafnaði Skúli Ágústsson síðan
úr vítaspyrnu eftir að brotið
hafði verið á Kára Árnasyni
innan vítateigs. Á 70. mínútu
leiksins skoraði si'ðan Her-
mann „kóngur" Gunnarsson
sigurmark Vals eftir mikinn
einleik. ÍBA var á ferð sunnan
fjalla um síðustu helgi og vann
þá ÍA 4.1 og UBK 3.1 í
úrvalsdeildinni.
— Sigb. G.
þriðjudaginn 5. september næst-
komandi. Hefst fundurinn
klukkan 20.30 og fer hann fram
í félagsheimilinu.
FYRSTA
ÞJÁLFARA-
NÁMSKEIÐ-
IÐ í 7 ÁR
Ilandknattleikssambandið
gengst fyrir þjálfaranám-
skeiði um helgina og er þetta
fyrsta námskeiðið í íþróttinni.
sem haldið hcfur verið hér á
landi í 7 ár. 35 manns frá 31
félagi verða á þessu nám-
skeiði. en félögum á suðvestur-
horni landsins var boðið að
senda þátttakendur á nám-
skeiðið. Greinilegt er að mikiil
áhugi er á slíkri starfsemi og
verkefni eru fyrir þjálfara-
námskeið út allt næsta ár cins
og Jóhann Ingi Gunnarsson.
landsliðsþjálfari. orðaði það á
blaðamannafundi í fyrradag.
Á næstu mánuðum er stefnt að
því að halda eitt annað slíkt
námskeið í Reykjavík. tvö
fyrir norðan og 1 í Vestmanna-
cyjum.
Námskeiðið. sem fram fer
um helgina er svo nefnt
leiðbeinendanámskeið a-stigs.
og er það unnið í samráði við
grunnskóla ÍSÍ. Námskeiðið
hófst í ga‘r klukkan 11 við
Álftamýrarskólann. en þar fer
námskeiðið íram. bæði verk-
legt og bóklegt. Lesefni á
námskeiðinu er um 300 blað-
síður og kennarar verða 9
talsins. en aðallega verða þeir
Jóhann Ingi. Jóhannes Sa*-
mundsson. Viggó Sigurðsson.
Jens Einarsson og Geir Hall-
steinsson í hlutverki fraAar-
ans á þessu námskeiði.
V_______1____________________/
Um 20 milljón króna
fyrirtæki að halda
IHF-þing hérlendis
ÓLÍKLEGUSTU hlutir. smáir og stórir. hafa komið upp í samhandi við Alþjóðlega ráðstefnu handknattleiksmanna, sem hefst hér í Reykjavík
á fimmtudaginn í næstu viku. Er þetta 17. ráðstefna IIIF, Alþjóða handknattleikssambandsins, en sú fyrsta sem haldin er hér á landi og
fyrsta alþjóðaþing íþróttaforystumanna, sem haldið hefur verið hér á landi. Hér er því um merkisatburð að ræða og HSÍ-fólk hefur unnið
mikið starí að undanförnu við undirbúning þingsins, en Gunnar Torfason hefur haft á hendi stjórn undirbúningsins, en með honum hafa
margir lagt hönd á plóginn.
IHF heldur þing sín á fjögurra
ára fresti og er þetta 17. þingið,
sem haldið er. Unnið verður í
nefndum og minni einingum á
fimmtudag og föstudag, en þingið
verður síðan sett við hátíðlega
athöfn á laugardaginn eftiV viku.
Þinginu lýkur á sunnudagskvöld,
en á mánudag fara allir þátttak-
endur í heils dags skoðunarferð.
Um 150 manns eru væntanlegir til
landsins vegna ráðstefnunnar og
af þeim eru rúmlega 120 fulltrúar
á þinginu. Fulltrúar koma frá 40
þjóðlöndum og er greinilegt að
Island, „þetta fjarlæga land“, er
spennandi í augum margra því
þátttaka er óvenju mikil.
Þingið fer fram á Hótel Loftleið-
um og er forystumenn IHF komu
hingað til lands fyrir ári til að
skoða alla aðstöðu lýstu þeir
sérstakri ánægju sinni með alla
aðstöðu á Loftleiðum. Eins og
fram hefur komið verður starfað í
mörgum undirnefndum og þarf
allt að níu sali til að koma öllum
hópunum fyrir, en það vandamál
var auðvelt að leysa á Loftleiðum.
Ymis vandamál hafa komið upp
og má t.d. nefna tungumálaerfið-
leika. Enska, þýzka og franska eru
jafn rátthá innan IHF og þarf því
að túika all.t sem sagt er yfir á
þessi tungumál. Voru í þessu
sambandi fengnir túlkar frá Sviss
og kostaði það fyrirtæki um 2
milljónir króna. I sumar kom
síðan beiðni frá Arabalöndunum í
sameiningu um að einnig yrði
túlkað yfir á arabísku. Varð því að
fá fjórða túlkinn til að leysa
vandamál Arabanna.
Stjórnarkosning fer fram á
fjögurra ára fresti hjá IHF og
verður það næst í Moskvu á þingi
IHF þar 1980. Ólympíuleikarnir í
Moskvu og þing IHF þar verður
væntanlega meðal stóru málanna
á þinginu hér, en einnig er ljóst að
mikill tími fer í umræður um
Prinsinn
mætir
MARGIR frægir handknatt-
leiksmenn verða á
IIIFþinginu. menn sem eiga
mikinn þátt í uppgangi íþrótt-
arinnar í heiminum. Of langt
mál yrði að geta þeirra allra.
en í nafnalistanum hnutu
blaðamenn um eitt nafn, aðal-
fulltrúa Saudi-Arabíu. Prins
Fahd Ben Nasser Ben Abel
mótafyrirkomulag handknatt-
leiksmanna. Þannig er hugmynd
um að setja á laggirnar Evrópu-
keppni landsliða í handknattleik,
líkt og er í knattspyrnu. Einnig
eru hugmyndir um að aðeins 16
beztu handknattleiksþjóðir heims
fái að taka þátt í úrslitum
Heimsmeistarakeppni, en ekki
aðeins 12 þær beztu og síðan ein
þjóð frá Evrópu, Asíu, Afríku og
Ameríku eins og nú er. Danir og
Spánverjar hafa verið iðnastir við
að senda inn tillögur, en á þessu
þingi er ljóst aö mikið verður rætt
um þróun handknattleiksins í
þriðja heiminum, en t.d. í Afríku,
Asíu og S-Ameríku hafa frægir
þjálfarar verið á ferð og mikill
áróður hefur vérið í gangi fyrir
handknattleiknum þar. Sovétmenn
hafa sent inn tillögur um að
rússneska verði gerð eitt af
aðaltungumálum í IHF1 og einnig
spænska, en þessi tillaga gengur
aftur á hverju IHF-þingi á eftir
öðru.
Kostnaður við ráðstefnuhaldið
er áætlaður rúmlega 20 milljónir
króna, en það dæmi breytist
reyndar dag frá degi vegna
verðbólgunnar. Verkefni HSI er að
standa undir kostnaði af ráð-
stefnuhaldinu og eins og málið
stendur í dag er útlit fyrir að
einhver hagnaður verði af ráð-
stefnuhaldinu. Gjaldeyristekjur af
ráðstefnunni eru áætlaðar 50—60
milljónir króna, en óvíst er hvort
HSÍ fær st.vrk frá opinberum
aðilum vegna ráðstefnuhaldsins.
Sportvörusýning verður sett upp
á Hótel Loftleiðum meðan á
þinginu stendur og sýna þar m.a.
Adidas, Hummel, Puma og Henson
svo nokkur „stórfyrirtæki" í sport-
vöruframleiðslu séu nefnd. HSÍ
hefur látið gera sérstakar krúsir
og platta vegna þingsins og verða
þeir seldir meðan á þinginu
stendur.
Þing þetta er mikill ávinningur
fyrir handknattleik á íslandi, því
þarna koma saman helztu forystu-
menn handknattleiksins í heimin-
um. ísland ætti eftir þetta þing að
verða enn stærri punktur á
landakorti handknattleiksins. Á
miðvikudaginn þinga norrænir
forystumenn handknattleiksins og
verður þar rætt um sameiginleg
hagsmunamál Norðurlandanna.
- áij.