Morgunblaðið - 02.09.1978, Blaðsíða 17
MORGUNBLAÐIÐ, LAUGARDAGUR 2. SEPTEMBER 1978
17
Sólin skein
ekki 1971
Um klukkan hálf þrjú mátti sjá
hvar Benedikt Gröndal ók hægt og
rólega eftir Álftanesveginum í átt
að Bessastöðum. Sjálfsagt hefur
Benedikt ekki kunnað við að verða
of seinn til síns fyrsta fundar í
ríkisráði, sem hefjast átti á
Bessastöðum klukkan þrjú.
Skömmu eftir að Benedikt renndi
í hlaðið á Bessastöðum eða kl. 2.40
kom Ólafur Jóhannesson ásamt
Guðmundi Benediktssyni ríkis-
ráðsritara. „Sólin skín,“ sagði
Ólafur um leið og hann heilsaði
Benedikt, sem spurði, hvort hún
hefði skinið 1971, þegar vinstri
stjórnin tók við þá. „Nei, hún skein
ekki 1971. Það var rigning," sagði
Ólafur og Benedikt bætti við:
„Vonandi er þetta þá fyrirboði
góðs.“
Skömmu seinna fóru hinir nýju
ráðherrar að koma hver á fætur
öðrum og fyrstur kom í leigubíl
nýi sjávarútvegsráðherrann,
Kjartan Jóhannsson, og þá Tómas
Árnason fjármálaráðherra sem að
þessu sinni ók konubílnum, eins og
einhver sagði, Mazda 329 og
samgönguráðherrann Magnús H.
Magnússon ók í hlaðið á Simku.
Ráðherrar Alþýðubandalagsins
komu til fundarins í einum og
sama bílnum, pólskum Fiat
station sem viðskiptamálaráðherr-
ann, Svavar Gestsson, ók. „Þetta
er aðallega orkusparnaður,“ sagði
Ragnar Árnalds mennta- og sam-
göngumálaráðherra er hann steig
út úr bíl Svavars. „Átti kannski
Hjörleifur Guttormsson orku- og
iðnaðarráðherra uppástunguna að
þessu?“ var spurt. „Já, hann
Hjörleifur stjórnar þessu eins og
orkumálunum," svaraði Ragnar.
Síðastur ráðherranna kom Stein-
grímur Hermannsson landbúnað-
ar- og dómsmálaráðherra og það
var bílstjóri fráfarandi landbún-
aðarráðherra sem ók Steingrími.
Það kunna fleiri að
líta málin alvar-
legum augum
Þá hófst ríkisráðsfundur, j)ar
sem forseti íslands skipaði Ólaf
Jóhannesson til að vera forsætis-
ráðherra og hina átta nýju ráð-
herra og var gefinn út úrskurður
um skipun og skiptingu starfa
þeirra. Þá staðfesti forseti íslands
á fundinum bráðabirgðalög um
niðurfærslu verðlags og verðlags-
bótavísitölu í september 1978. Að
loknum ríkisráðsfundi þágu ráð-
herrarnir veitingar og klukkan
3.45 gekk hin nýja ríkisstjórn út á
tröppur forsetabústaðarins. Þar
stilltu þeir sér upp til myndatöku
og einn ljósmyndaranna bað um
aggalítið bros. „Við lítum nú
alvarlegum augum á málin,“ sagði
Ólafur Jóhannesson og Ragnar
Arnalds bætti við „Já, það kunna
það nú fleiri.“
Matthías Bjarnason fráfarandi sjávarútvegsrádherra býdur
eftirmann sinn Kjartan Jóhannsson velkominn til starfa á skrifstofu
sjávarútvegsrábherra að Lindargötu 9.
Ljósm. RAX.
Húsakynni forsœtisráðuneytisins eru Ólafi Jóhannessyni ekki með
öllu ókunn, því hann var forsœtisráðherra á árunum 1971 til 1971
og lét það meðal annars útbúa þá skrifstofu, sem forsætisráðherra
hefur nú til umráða. Hér tekur Geir Hallgrímsson á móti Ólafi
Jóhannessyni í skrifstofu forsœtisráðherra siðdegis i gœr.
Ljósm. RAX.
Þeir voru sammála um það fráfarandi og viðtakandi fjármálaráð-
herra að ríkiskassinn ætti fáa vini að. Hér afhendir Matthías Á.
Mathiesen eftirmanni sínum i ráðherraembœtti, Tómasi Árnasyni,
lyklana að ráðuneytinu.
Ljósm. Emilía.
Gunnar Thoroddsen tók á móti hinum nýja iðnaðarráðherra,
Hjörleifi Guttormssyni, á skrifstofu ráðuneytisstjórans, því engin
ráðhe'rraskrifstofa er í iðnaðarráðuneytinu.
Ljósm. Emilia.
Ráðherra án
skrifstofu
Að loknum ríkisráðsfundinum
héldu nýju ráðherrarnir hver til
síns ráðuneytis þar sem þeir veittu
viðtöku lyklum ráðuneytanna úr
hendi fyrirrennara sinna, nema
hvað Ólafur Jóhannesson kom því
ekki við að heilsa upp á eftirmenn
sína í viðskiptaráðuneytinu og
dómsmálaráðuneytinu. Auk þess
að hitta fyrirrennara sína heilsuðu
nýju ráðherrarnir upp á starfsfólk
ráðuneytanna.
Ráðherrarnir í þessari nýju
ríkisstjórn eru sem kunnugt er
einum fleiri en í þeirri, sem fór frá
í gær. Einn hinna nýju ráðherra,
Hjörleifur Guttormsson orku- og
iðnaðarráðherra, hefur enn sem
komið er ekkert skrifstofuherbergi
í ráðuneyti sínu, þar sem fyrir-
rennari hans Gunnar Thoroddsen
hafði skrifstofu sína í félagsmála-
ráðuneytinu. Eftir því sem blaðið
fékk upplýsingar um í ráðuneytinu
í gær er ekkert skrifstofuherbergi
laust í iðnaðarráðuneytinu og því
með öllu óvíst í hvaða stól hinn nýi
iðnaðarráðherra sest á mánudags-
morgun.
-t.g.
Steingrímur Hermannsson tekur við lyklum landbúnaðarráðuneytis-
ins úr hendi Halldórs E. Sigurðssonar.
Ljósm. Emilía.
Svavar Gestsson er sestur í stól viðskiptaráðherra á annarri hœð
Arnarhvols en fráfarandi viðskiptaráðherra Ólafur Jóhannesson
kom því ekki við að bjóða hinn nýja ráðherra velkominn til starfa,
þar sem hann var að taka við lyklum forsœtisráðuneytisins.
Ljósm. Emilía.
JÞetta eru húsakynni ráðherrans en þú séð þó minnst af
starfseminni hér,“ sagði Vilhjálmur Hjálmarsson er hann bauð
Ragnar Amalds velkominn til starfa í menntamálaráðuneytinu.
Ljósm. RAX.
Gunnar Thoroddsen tekur á móti Magnúsi H. Magnússyni, sem tekur
við embætti félagsmálaráðherra af Gunnari á skrifstofu
félagsmálaráðherra.
Ljósm. Emilía.