Morgunblaðið - 16.09.1978, Blaðsíða 39

MORGUNBLAÐIÐ, LAUGARDAGUR 16. SEPTEMBER 1978
39
• Arnór Guðjohnsen er einn þeirra knattspyrnumanna, sem hlotið
hafa sína eldskírn með ungiingalandsliðum.
Unglingalandsliðið
leikur tvo leiki við
Völsunga á Húsavík
UNGLINGALANDSLIÐSINS í knattspyrnu bíða erfið verkefni á
næstunni þar sem eru leikir gegn Hollendingum í undankeppni EM.
Fyrri leikur liðanna fer fram her á landi 4. október næstkomandi eða
sama dag og karlalandsliðið leikur í A-Þýzkalandi. Síðari leikur
liðanna vcrður si'ðan ytra 8. nóvember.
í vikunni barst unglinganefnd
KSI höfðinglegt boð frá Völsung-
um frá Húsavík um að koma
norður með unglingahópinn og
leika tvo leiki gegn Völsungum.
Fyrri leikurinn verður í dag
klukkan 16 og sá síðari klukkan 14
á morgun. Boð Húsvíkinganna
kemur á bezta tíma fyrir unglinga-
landsliðið því liðið verður endan-
lega valið um miðja næstu viku.
21 leikmaður frá 9 félögum
hefur verið á æfingum undanfarið
og hafa þeir allir nema einn leikið
með drengjalandsliðinu. í raun má
segja að unglingalandslið 16—18
ára sé orðið beint framhald af
drengjalandsliðinu og þar öðlast
leikmennirnir sína fyrstu reynslu.
Sjö þeirra leikmanna sem nú eru í
unglingalandsliðshópnum léku í
úrslitum EM í Póllandi í vor.
Úrslitakeppni EM fer fram í
Austurríki næsta vor og hefur
ísland átt lið í úrslitunum í þrjú
síðustu skipti, en fimm sinnum
alls. Næstu vikurnar æfir ungl-
ingalandsliðið fjórum sinnum í
viku, en það var fyrst í síðustu
viku, sem tími gafst til æfinga
fyrir liðið þar sem flestir leik-
manna liðsins leika með meistara-
flokkum félaga í 1. eða 2. deild.
- áij.
FIMM GOLFMÓT
NÚ UM HELGINA
• Boðskeppni Varnarliðsins í
golfi fer fram á golfvellinum á
Leiru í dag, laugardag, og hefst
kl. 9. Keppt er í þrem flokkum, og
verða keppendur um 100. Vegleg
verðlaun verða veitt og eftir
keppnina bjóða varnarliðsmenn
keppendum og eiginkonum í
matarveizlu.
• Flugfélagskeppnin í golfi fer
fram á sunnudag í Leirunni og
hefst kl. 10. Er þetta sveitakeppni
unglinga. Lciknar verða 27 holur.
Keppt verður um veitinga-
bikarinn á Ncsvelli á sunnudag-
inn kl. 1. Er þetta forgjafar-
keppni og leiknar 18 holur.
• Golfklúbburinn Keilir í
Ilafnarfirði gengst fyrir opinni
kvennakeppni í golfi á sunnudag-
inn. Ilefst keppnin kl. 1. Að
vanda gefur Jens Guðjónsson
gullsmiður vegleg verðlaun til
keppninnar.
• Ilin árlega Baccardi-keppni
Golfklúbbs Reykjavíkur fer fram
á Grafarholtsvellinum í dag.
laugardag. og hefst hún klukkan
14.00. Leiknar verða 18 holur og
verða allir ræstir út samtímis.
VALUR OG ÍBK í
ÚRVALSDEILDINNI
KR-INGAR tryggðu sér
sæti í úrslitum Urvalsdeild-
arinnar í knattspyrnu er
þeir unnu Fram með yfir-
burðum fyrir nokkru síðan.
í dag klukkan 14 leika Valur
og Keflavík um það hvort
liðið mætir liði KR í úrslita-
leiknum. Leikurinn fer
fram á hinum nýja grasvelli
Valsmanna.
Fótboltinn er nú
einu snni svona...
LIÐIN VIKA var viðburðarík að venju. Fáir hefðu spáð, að ekki mundi þurfa nokkur
stykki“ af aukaleikjum um hin ýmsu sæti í deildum næsta ár. Af helstu viðburðum má
nefna að í Hafnarfirði var ýmist sorg eða gleði hjá knattspyrnumönnum, þegar F.H. og
Haukar skiptu um sæti í knattspyrnunni, og Haukar taka nú sæti í 1. deild í fyrsta
skipti í litríkri og öflugri íþróttasögu félagsins. Mér finnst skemmtilegt að sjá nafn
Hauka yfir lið 1. deildar næsta ár, bæði er nafnið fallegt og auk þess hefur félagið
skilað heilladrjúgu starfi í gegnum árin. Ég óska Haukum til hamingju með
árangurinn og bíð spenntur eftir næsta sumri hvað árangur snertir.
UPPGJÖR — Það er venja á
íslandi að halda upp á vertíðarlok
bæði til sjós og lands, svo er einnig
hjá knattspyrnumönnum. Við
töðugjöld knattspyrnumanna er
ýmist um gleði eða sorg að ræða.
Gleði hjá þeim liðum sem vel
hefur vegnað, þeim er stundum
fylgt eftir með utanlandsferðum,
en vonbrigði hjá þeim sem beðið
hafa lægri hlut. Sumir fara þá
e.t.v. líka í utanlandsferðir, aðrir
stíga á stokk og strengja heit, eða
biðja góðar vættir um betri tíð að
ári. I upphafi knattspyrnutíma-
bilsins geystust ýmsir fram á
ritvöllinn og spáðu í framtíðina,
svo var einnig hér. Ef aðeins er
horft til baka og athugað hverju
var spáð um 1. deild verður
útkoma þeirrar spár ekki svo ýkja
langt frá lagi, enda e.t.v. ekki mjög
erfitt að spá, en því var spáð að
Valur og Akranes yrðu í toppbar-
áttunni og sú varð raunin á. Fram,
Í.B.V., Víkingi og Keflvíkingum
var spáð miðlungsárangri, Þrotti
nokkuð góðu ári miðað við nýliða,
en F.H., K.A. og Breiðabliki var
spáð þungum róðri. Það sem spáin
náði ekki til var glæsilegur
endasprettur Keflvíkinga og þá á
móti slakur endasprettur Fram-
ara. Mér varð að ósk minni um
„sjarman" við að hafa Akureyrar-
lið í 1. deild, átti þó von á öðru
nafni.
Ég fékk þó pínulitla ákúru frá
ísfirðingi fyrir þessa
„sjarma“-hugsun en sleppum því.
Aframhaldandi seta K.A. var ekki
með í fyrsta útreikningi, en
frammistaða þeirra var mjög
athyglisverð, þó segja megi að
nokkur heppni var með í spilinu,
en fótboltinn er nú einu sinni
svona. Um spána í 2. deild gæti
nokkuð öðru máli, utan þess að ég
spáði yfirburðasigri K.R. sem og
varð raunin. Fáir höfðu gert ráð
fyrir jafn harðri og skemmtilegri
keppni eins og 2. deildin varð, og
sem dæmi má nefna að þegar
aðeins þremur umferðum var
ólokið áttu 8 félög möguleika að
fylgja K.R. upp í 1. deild. í þessum
þætti voru helstu „kandidatar"
Þór, ísafjörður og Reynir. Þrótti
og Fylki var spáð miðlungsár-
angri, en Austra, Haukum (já
Haukum) og Völsungi var spáð
erfiðu sumri. Aðalfrávikið í spánni
var að sjálfsögðu um Haukana og
Austra sem sumir jafna á við
„Cosmos", slíkur var frami þess á
landsvísu. Það má því segja, að
þegar síðustu umferð í 2. deild
lauk, hefði verið líkast að lagður
hefði verið spilakapall sem e.t.v.
gengur upp einu sinni á öld, en
eins og framan greinir þurfti
engan aukaleik um nein sæti.
BREYTINGAR á milli deilda
næsta keppnistímabil verða þær,
að úr 1. deild falla F.H. og
Breiðablik, en þessi lið leika mjög
svipaða knattspyrnu, „sætan“
Árni Njálsson í þá gömlu góðu daga.
bolta, en á milli fellur allt niður
fyrir meðalmennskuna. í þeirra
stað koma K.R. og Haukar. Vest-
urbæingar flykkjast því á völlinn á
ný með hækkandi sól, og Haukar
taka við „ráðherrastólum" í Hafn-
arfirði. Úr 2. deild féllu Völsungur
og Ármann. Völsungur hefur átt
misjöfnu gengi að fagna undanfar-
in ár en Ármenningar hafa veyið
síðustu ár í harðri baráttu um 1.
deildar sæti. Mér finnst, þrátt
fyrir fall í 3. deild, lið Ármanns
mun sterkara en mörg af þeim
liðum sem áfram sitja í 2. deild,
þannig að ég álít að einhverjar
aðrar orsakir en knattspyrnugetan
valdi því að ekki tókst betur til.
Liðið fékk 6 stig í þremur fyrstu
leikjunum og síðan jafnmörg í
næstu 15 leikjum, skrítin pólitík
það. Sæti þessara liða taka Sel-
fyssingar, eftir eins ára veru í 3.
deild og Magni, Grenivík, í fyrsta
skipti.
LOKAORÐ Senn tekur að hausta
og knattspyrnunni að ljúka. Þetta
vérður síðasti rabbþátturinn um
knattspyrnu. Tilgangurinn með
þessum skrifum var að stinga
niður penna um það sem nærtæk-
ast var um knattspyrnumál innan-
lands hverju sinni. Víða hefur
verið borið niður en hvergi brotið
til mergjar, og knattspyrnunni því
ekki bjargað hér frekar en annars
staðar. Reynt hefur verið að
KNATTSPYRNURABB
EFTIR ÁRNA NJÁLSSON
komast sem víðast við á sann-
gjarnan og heiðarlegan hátt, án
stóryrða eða niðurrifs enda var
aldrei ætlunin að gera slíkt.
Ég hefi reynt að skrifa hlut-
laust, þó að eitt knattspyrnufélag
sé mér hjartkærast. Eins og oft
vill verða í svona þáttum hefur
frekar verið skrifað um það sem
manni finnst mega betur fara, en
hitt gleymst sem vel hefur verið
gert. Um það hvort vel eða illa
hefur tekist til verður dæmt af
lesendum, nokkrir hafa rætt við
mig um þessar greinar, nokkrir
þakkað, fáeinir skammað, ekki þó
mikið. Ég tel gott fyrir knatt-
spyrnuforystuna að svona kjall-
ara- eða rabbgreinar séu skrifaðar
þó stundum sé höggvið nokkuð
nærri þeim sem með æðstu málin
fara, sé það gert án upphrópana
eða hávaða. Ég hefi áður sagt aðr
mér finnst, að forystumenn, sem í
eldlínunni starfa, jafnt leikmenn
og aðrir, ættu að gera eitthvað af
því að rita almennar greinar um
knattspyrnu og vona að einhverjir
taki við þessum þáttum næsta ár.
Það sem atti mér út í að skrifa
þessar greinar var, að mér finnst
of einhliða skrifað um íþróttir,
nær eingöngu skrifað um einstaka
leiki og nær ekkert um hið ytra og
innra starf íþróttahreyfingarinn-
ar. Um leið og ég lýk þessum
greinum þakka ég fyrir það
tækifæri að hafa fengið að skrifa
þessar greinar, þetta var mér
góðum skóli, því stundum í „gamla
daga“ þegar maður var í knatt-
spyrnunni var maður ekki alltáf
„dús“ við pressuna. Menn skipta
stundum um íþróttagreinar eftir
árstíðum, margir knattspyrnu-
menn snúa sér að öðrum bolta-
greinum og ýmsu fleira yfir
veturinn. Ég legg frá mér pennann
og tek gaffal í staðinn og fer að
taka upp kartöflur.
Beztu kveðjur til allra sem að
knattspyrnumálum starfa.
Árni Njálsson.