Morgunblaðið - 25.10.1978, Síða 1
32 SIÐUR
Búizt við niðurstöðu
ísraelsstjórnar í dag
Jerúsalem — Kaíró — 24. október — Reuter — AP
ENN ER ólokið umræðum ísraelsstjórnar um drög að friðarsamningunum við
Egypta, en Begin forsætisráðherra kvaðst í kvöld búast við að niðurstaða lægi fyrir
á morgun. Mikil leynd hvílir yfir ríkisstjórnarfundunum, en áreiðanlegar heimildir
herma að enn eigi sex eða sjö ráðherrar af sautján, sem sæti eiga í stjórn Begins,
eftir að tjá sig um málið, áður en þeir Moshe Dayan utanríkisráðherra og Weizman
varnamálaráðherra geti snúið aftur til Washington til fundar við samninganefnd
Egypta siðar f þessari viku. Áreiðanlegar heimildir herma að bæði ísraelsmenn og
Egyptar muni hafa breytingartillögur fram að færa á fundinum í Washington.
Hryðjuverkamenn
sízt á undanhaldi
Róm — 21. októbor — Routor. — AP.
VOPNUÐ lögregla lét til skarar skríða gegn hryðjuverkahópum á að
minnsta kosti 20 stöðum í mörgum borgum Ítalíu í dag. Upplýsingar
um árangurinn hafa ekki fengizt aðrar en þær að verulegt magn
vopna hafi verið gert upptækt og að tveir menn, grunaðir um
hryðjuverk, hafi verið handteknir. Rognini dómsmálaráðherra birti í
dag skýrslu um starfsemi Rauðu herdeildanna og annarra öfgahópa,
þar sem fram kom það álit að hryðjuverkamenn væru sízt á
undanhaldi í landinu, enda væru þeir vel f jáðir og vopnum búnir.
Þá gerðist það í Róm í dag, að
tveir menn gerðu skotárás á
lögreglubíl. Særðist lögregluþjónn
þar lífshættulega, og bendir allt til
þess að þar hafi Rauðu her-
deildirnar verið að verki. I Veróna
skýrði lögreglan frá því að tveir
hryðjuverkamenn hefðu skotið
fætur undan fangaverði, en sá er
þrítugasta og fimmta fórnarlamb-
ið, sem fyrir slíku verður á ítaliu í
ár.
Sadat Egyptalandsforseti árétt-
aði í kvöld þá afstöðu sína að
tryggja yrði sjálfsákvörðunarrétt
Palestínuaraba á Gaza-svæðinu og
á vesturbakka Jórdanárinnar, en
það atriði virðist nú vera það sem
einkum tefur fyrir endanlegu
samkomulagi.
Háttsettur embættismaður í
Kaíró sagði í dag, að stjórn
Saudi-Arabíu hefði tjáð sérlegum
sendimanni Sadats í Riyadh, að
þar ríkti nú „betri. skilningur" á
nauðsyn samkomulagsins milli
Israels og Egypta en verið hefði.
Egypzki embættismaðurinn sagði
þó að enn væri of snemmt að gera
ráð fyrir fullum stuðningi Saudi-
Araba við samkomulagið, en
Súdan er eina Arabaríkið, sem
hingað til hefur lýst stuðningi
sínum við málið opinberlega.
EZER WEIZMAN varnarmálaráðherra ísraels og Moshe Dayan
utanríkisráðherra við upphaf umræðna um friðarsamkomulagið í
ríkisstjórninni í gær.
Sadat býður
páfa upp á
Sínaí-fjall
Vatíkaninu — 24. október. — AP.
ANWAR Sadat Egyptalandsforseti
hefur boðið Jóhannesi Páli páfa H.
að koma til Egyptalands og flytja
bænagjörð á Sínaí-fjalli þegar
friðarsamningar ísraelsmanna og
Egypta hafi verið undirritaðir.
Sendiherra Egypta í Vatíkaninu
skýrði frá þessu í dag og sagði að
páfi hefði sýnt málinu mikinn
áhuga. Af hálfu Vatíkansins hefur
þessi fregn ekki fengizt staðfest
enn sem komið er.
Fjallið á Sínaískaga hefur verið
undir yfirráðum ísraelsmanna frá
þvi í stríðinu 1967. Sadat hefur hug á
því að reisa þar mosku, kirkju og
synagógu þegar ísraelska herliðið
hverfur á brott eins og gert er ráð
fyrir í Camp David-samkomulaginu.
Helgi mikil er á fjallinu, þar sem
Móses fékk vitrunina um boðorðin
forðum daga, hvort sem snýr að
Gyðingum, knstnum mönnum eða
múhameðstrúarmönnum.
Mannfall
íÍRAN
Teheran — 24. október — AP
TIL ÁTAKA kom milli lögreglu
og andstæðinga stjórnarinnar í
tveimur borgum írans í dag. í
Grogan. sem er nyrzt í landinu.
létu 11 manns lífið. hið fæsta en
upp úr sauð er mótmælendur. sem
voru um 30 þúsund. báru eld að
bækistöðvum öryggislögreglunn-
ar. í Qum. sem er skammt suður
af Teheran, skarst einnig i odda.
en að því er næst verður komizt.
varð ekki mannfall.
Um tíu þúsund námsmenn tóku
þátt í mótmælafundi við Teheran-
háskóla í dag. Fyrir atbeina
rektors háskólans fór fundurinn
fram án þess að öryggislögreglan
kæmi á vettvang, en námsmenn
kröfðust þess meðal annars að
trúarleiðtoginn Khoumani kæmi
heim úr útlegð.
Uppreisn í Kambódíu?
BanKkok — 21. októbor — AP — Reuter.
IIANOI-útvarpið hefur í gær og í dag flutt fregnir af uppreisn innan
hcrsins í Kambódíu. Mcðal annars segir í fregnum þessum, að
óbreyttir hermenn hafi hópum saman gengið í lið með uppreisnar-
mönnum vfðs vegar í landinu og hafi komið til mikilla bardaga, þar
sem ýmir háttsettir foringjar hafi ýmist látið lífið eða gefizt upp.
Ýmislegt bendir til að fregnir þessar séu orðum auknar, cn
heimildarmenn í Thailandi. sem yfirleitt eru áreiðanlegir, telja þó að
átök eigi sér stað.
Haft er eftir heimildum leyni-
þjónustu hersins í Thailandi, að
I sex víetnömsk herfylki séu komin
| inn fyrir endilöng landamæri
Kambódíu að austanverðu. Vest-
rænir fréttaskýrendur telja að um
fámennara lið sé að ræða, en
samkvæmt yfirlýsingum stjórna
bæði Kambódíu og Vietnams eiga
harðir bardagar sér stað á landa-
mærunum.
Þeir, sem vel fylgjast með gangi
mála í Indókína frá Bangkok, eru
flestir þeirrar skoðunar að upp-
reisnarmenn í Kambódíu gangi
erinda víetnömsku stjórnarinnar.
Varaforsætisráðherra Kambódíu,
Ieng Sary, lýsti því yfir á fundi
með fréttamönnum í Jakarta í
dag, að fréttaflutningur Víetnama
af uppreisnaraðgerðum i
Kambódíu sé ekki annað en
áróðursbragð, en Vietnamar séu
nú að undirbúa meiriháttar innrás
í Kambódíu í næsta mánuði.
Furðu-
hlutir
vekja
undrun
Melbourne — Charleston — 24. okt.
- AP
SÍÐAN um helgi hafa fregnir af
fljúgandi furðuhlutum vakið
undrun og athygli. bæði í
Bandaríkjunum og Ástralíu. Þá
hafa borizt fregnir úr Mývatns-
sveit af Ijósagangi. sem ekki
hefur fengizt skýring á (sjá
nánar fregn á bls. 12).
Eins hreyfils Cessna 182 flug-
vél frá ástralska flughernum
hvarf sporlaust á laugardaginn
og hefur ekkert til hennar spurzt,
enda þótt fjöldi flugvéla og skipa
hafi síðan tekið þátt í víðtækri
leit. Áður en samband rofnaði við
vélina sagði flugmaðurinn að
furðulegt loftfar veitti honum
eftirför og flygi í um 300 metra
hæð yfir flugvélinni. Það síðasta
sem heyrðist frá flugmanninum,
tar sem hann var staddur yfir
Bass-sundi, var þetta:
„Það færist nær úr austurátt.
Það virðist vera í einhvers konar
leik ... flýgur með hraða, sem ég
get ekki áætlað." Síðan: „Það
flýgur framhjá. Það er aflangt, —
get ekki lýst því nánar. Nú er það
alveg að ná mér.“ Einni mínútu
síðar heyrðist í flugmanninum á
ný: „Mér sýnist það ekki færast
úr stað. Ég snýst líka ... hlutur-
inn snýst líka fyrir ofan mig. Ég
sé grænt ljós og utan á er ljós,
sem er með einhvers konar
málmslikju." Síðan skýrði hann
frá því að hreyfill vélarinnar
starfaði óreglulega og væri far-
inn að hökta. Voru það síðustu
skilaboðin frá honum, en upp-
lýsingar hans voru hljóðritaðar í
flugturninum í Melbourne.
Lýsandi furðuhlutir sáust víða
í Vestur-Virginíu í Bandaríkjun-
um um helgina og komu fram í
ratsjám víða í fylkinu, auk þess
sem margir ábyrgir menn, eins og
lögreglumenn, greindu þá með
berum augum. Yfirvöld á þessum
slóðum hafa fengið yfir þrjátíu
tilkynningar um slík fyrirbæri,
en Don Sharpe, yfirmaður í
fylkislögreglunni, er einn þeirra,
sem segjast hafa fylgzt grannt
með þeim. „Ég treysti mér ekki
til að fullyrða hvað þetta var. Ég
hef aldrei séð neitt hreyfast í
líkingu við þetta,“ segir Sharpe.
Sjónarvottum ber flestum saman
um að yfirleitt hafi þrír furðu-
hlutir farið saman, og mest hafi
borið á grænum, bláum og
hvítum ljósum, en einnig hafi
borið fyrir rauð og gul ljós. Segir
Sharpe að fyrirbærin hafi borið
mjög hrátt yfir, líkt og stjörnu-
hrap, en síðan hafi dregið mjög
skyndilega úr ferðinni. Hafi
flugvélar nálgast hafi ljósin
dofnað og síðan horfið um stund.