Morgunblaðið - 14.02.1979, Blaðsíða 3

MORGUNBLAÐIÐ, MIÐVIKUDAGUR 14. FEBRÚAR 1979
3
Frumvarp Olafs:
Kjaramálaráð — eignakönnun
— verðlagslöggjöfinni flýtt
Morgunblaðinu hefur borizt í hendur „frumvarp til laga um
stjórn efnahagsmála og ráðstafanir til þess að draga úr
verðbólgu og stuðla að framförum í þjóðarbúskapnum", sem
ólafur Jóhannesson forsætisráðherra hefur nú lagt fyrir
ríkisstjórn og aðila vinnumarkaðarins. bessi frumvarpsdrög
eru í 9 köflum, 55 greinar ásamt ákvæðum til bráðabirgða. Þvf
fylgir ýtarleg greinargerð.
Hér á eftir verða rakin helztu atriði frumvarpsdraganna og
eru kaflafyrirsagnir þær sömu.
Um stefnumörkun
í efnahagsmálum
í athugasemdum með frum-
varpinu segir, að það sé byggt á
starfi ráðherranefndar, sem unnið
hafi að því að samræma tillögur
stjórnarflokkanna í efnahagsmálum
í samræmi við þá heildarstefnu, sem
boðuð var í greinargerð frumvarps
um viðnám gegn verðbólgu í nóvem-
ber.
I I. kafla er kveðið á um, að fyrir
hvert Alþingi skuli leggja til kynn-
ingar skýrslu um þjóðhagsáætlun
fyrir það ár, sem í hönd fer. Þar skal
m.a. greina frá þeim markmiðum,
sem ríkisstjórnin setur sér um
hagþróun á næsta ári, og helztu
efnahagsráðstöfunum, sem hún
hyggist beita til þess að þau náist.
Samráð stjórnvalda
við samtök launafólks
í II. kafla er kveðið á um stofnun
kjaramálaráðs, sem sé vettvangur
samráðs og samstarfs stjórnvalda
og launafólks, sjómanna, bænda og
atvinnurekenda í efnahags- og
kjaramálum.
Verkefni kjaramálaráðs skal m.a.
vera:
1. Að ræða meginþætti í efna-
hagsmálum og helztu markmið

FruwÁrv til I»<<»
sjj jMí ?L£f »*>; AjísmA ; a
ttl að
i'Mtm yntmoifx
efnahagsstefnu ríkisstjórnarinnar
frá ári til árs og til lengri tíma í því
skyni að leggja grundvöll að sam-
ræmdum ákvörðunum á sviði opin-
berra fjármála, peninga- og lána-
mála, lífeyrismála og verðlagseftir-
lits af opinberri hálfu og á sviði
kjaramála af hálfu aðila vinnu-
markaðarins.
2. Að fjaila um þjóðhags-, fjár-
festingar- og lánsfjáráætlanir,
tekjustefnu og forsendur þeirra og
gera opinberlega grein fyrir niður-
stöðum sínum meðal annars til
viðmiðunar við gerð kjarasamninga.
3. Að fjalla um önnur atriði, sem
horfa til framfara á sviði atvinnu-,
verðlags-, kjara- og launamála og
efnahagsmála almennt.
Ríkisfjármál
í III. kafla er fyrst fjallað um
stjórn ríkisfjármála, þar sem kveðið
er á um, að fjárlagafrumvarpi skuli
fylgja áætlun er lýsi í aðalatriðum
meginstefnu í ríkisbúskapnum þrjú
ár eftir lok þess fjárlagaárs, sem
þau taka til. Fyrir árslok 1979 skal
lokið endurskoðun laga, er kveða á
um skyldu ríkissjóðs til fjárfram-
laga til sjóða eða einstakra verkefna
eða marka einstaka tekjustofna í því
skyni. Hér er m.a. stefnt að því að
auka svigrúm ríkisstjórnarinnar til
þess að hafa áhrif á fjárfestingu.
Kveðið er á um það, að niður-
greiðsla landbúnaðarafurða verði
ekki hærri en svo, að útsöluverð
hverrar afurðar til neytenda verði
lægra en sem svarar verði til fram-
leiðenda. Þessu marki skal náð í
áföngum á þessu og næsta ári og
skulu niðurgreiðslur endurskoðaðar
ársfj órðungslega.
Fjárlaga- og hagsýslustofnun er
falið að gera tillögur um einn
milljarð í niðurskurð samkvæmt
heimild fjárlaga.
Á árunum 1979 og 1980 skulu
ákvarðanir í rikisfjármálum miðað-
ar við, að heildartekjur og útgjöld á
fjárlögum verði innan við 30% af
vergri þjóðarframleiðslu, nema
óvæntar og stórfelldar breytingar
verði í þjóðarbúskapnum, t.d. þann-
ig, að atvinnuöryggi sé í hættu.
Á árunum 1979 og 1980 verði gerð
könnun á eignum og skuldum allra
skattþegna, bæði einstaklinga og
félaga, einnig þeim sem undanþegn-
ir eru framtalsskyldu. Niðurstöð-
urnar verði notaðar við endurskoðun
á skattlagningu eigna og við tillögu-
gerð um skattlagningu eignamynd-
unar, sem stafar af verðhækkunum
sérstaklega.
Ríkisendurskoðun skal hafa eftir-
lit með framkvæmd fjárlaga í um-
boði Alþingis. Gert er ráð fyrir
nýjum lögum um ríkisendurskoðun,
sem fela í sér grundvallarbreytingu
á störfum stofnunarinnar og hlut-
verki hennar.
Lögð er aukin áherzla á störf
hagsýslustofnunar í því skyni að
auka hagkvæmni og sparnað.
Fjárfestingar- og
lánsfjáráætlun
Kveðið er á um, að ríkisstjórn
skuli láta fjárfestingar- og lánsfjár-
áætlun fylgja fjárlagafrumvarpi,
þar sem m.a. eftirfarin atriði komi
fram:
1. Heildaráætlun um opinberar
framkvæmdir og fjármögnun þeirra
með framlögum á fjárlögum, eigin
fjármögnun opinberra fyrirtækja og
lánsfé.
2. Framlög til framkvæmda at-
vinnuvega og einstaklinga.
3. Framlög til fjárfestingarlána-
sjóða.
4. Útlánareglur fjárfestingarlána-
sjóða og fjármögnun þeirra.
5. Útlánareglur og lánskjör fjár-
festingarlánasjóða.
6. Áætlun um erlendar lántökur
opinberra aðila.
Gerð skal grein fyrir þróun og
horfum um fjárfestingu í einstökum
atvinnuvegum.
Á árinu 1978 skal við það miðað,
að heildarfjármunamyndun þjóðar-
búsins verði innan við 25% af vergri
þjóðarframleiðslu, nema t.d. at-
vinnuöryggi sé í hættu.
Fyrir árslok 1979 skulu settar
nýjar reglur um útlán fjárfestingar-
lánasjóða og samræmi lánskjör,
m.a. með tilliti til vaxta, verðtrygg-
ingar og lánstíma.
Peninga og lánamál
Kveðið er á um það, að í tengslum
við fjárfestingar- og lánsfjáráætlan-
ir sé gerð áætlun til eins árs í senn
um útlán bankakerfisins og þróun
lánamarkaðarins í heild.
Á árinu 1979 sé stefnt að því að
aukning peningamagns í umferð fari
ekki fram úr 25% og vöxtur pen-
ingamagns verði a.m.k. 5% hægari
1980.
35% af innlánsaukningu innláns-
stofnana skulu bundin á reikningi í
Seðlabankanum.
Ákvarðanir um gengi krónunnar
skulu miðast við að halda sem
stöðugustu gengi og að ná settu
markmiði um viðskiptajöfnuð en
tryggja jafnframt rekstrargrundvöll
útflutningsatvinnuveganna og sam-
keppnisgreina.
Fyrir árslok 1980 verði verðtrygg-
ing sparifjár og inn- og útlána
komið á, en lánstími lengdur.
Verðtrygging spari-
fjár og lánsfjár
Til þess að verðtryggingu spari-
fjár og almannasjóða verði komið á,
skal heimilt að mynda sparifjár-
reikninga og stofna til lánsviðskipta
í íslenzkum krónum eða öðrum
verðmæli með ákvæðum þess efnis,
að greiðslur, þar með taldir vextir,
skuli breytast í hlutfalli við breyt-
ingar á vísitölum, vöruverði, gengi
erlends gjaldeyris eða annars verð-
mælis.
Heimilt skal þeim, sem endurlán-
ar erlent lánsfé, að áskilja sér sömu
lánskjör.
Skilyrði verðtryggingar eru m.a.,
að kröfur og skuldbindingar séu
skráðar á nafn. Seðlabankinn skal
birta vísitölur, sem heimilt er að
miða verðtryggingu sparifjár og
lánsfjár við, ásamt vaxtakjörum.
Verðbætur á laun
Við útreikning verðbótavísitölu
skal sleppa breytingum á óbeinum
sköttum og gjöldum og niðurgreiðsl-
um vöruverðs.
Við útreikning verðbótavísitölu
skal taka tillit til viðskiptakjara
þannig, að ef innflutningsverð
hækkar umfram útflutningsverð
skal draga frá hækkun verðbótavísi-
tölu 30% þeirrar hlutfallstölu, sem
viðskiptakjararýrnuninni nemur.
Hækkun verðbóta 1. júní, 1. sept-
ember og 1. desember 1979 skal þó
ekki fara fram úr 5%. Fari réttur á
verðbótum fram úr því, skal sá hluti
verðbótahækkunarinnar frestast í
níu mánuði.
Miða skal við grunntöluna 100
miðað við nóvembervísitölu 1978.
Vinnumarkaðsmál
Á vegum félagsmálaráðuneytisins
skal koma á fót vinnumátaskrif-
stofu, sem skuli afla og koma á
framfæri upplýsingum um atvinnu-
tækifæri á öllu landinu, veita ör-
vrkium og unglingum aðstoð við að
finna vinnu við hæfi og gera tillögur
um úrbætur í atvinnumálum ásamt
fleiru.
Atvinnurekendum er skylt að
tilkynna skrifstofunni með tveggja
mánaða fyrirvara ráðgerðan sam-
drátt eða breytingar á rekstri, sem
leiða til uppsagnar 4 starfsmanna
eða fleiri.
Verðlagsmál
Gildistöku laga um verðlag, sam-
keppnishömlur og óréttmæta við-
skiptahætti sé flýtt um tvo mánuði
og miðað við 1. september.
Reglulegar athuganir skulu gerð-
ar á innflutningsverði og borið
saman við verð í öðrum löndum.
Jöfnunarsjóður
sjávarútvegsins
Gert er ráð fyrir, að ríkisstjórnin
tilnefni 4 menn í stjórn Verðjöfnun-
arsjóðs fiskiðnaðarins, en hags-
munasamtök í sjávarútvegi eftir
sem áður 4.
Sú breyting er gerð, að einkum
skuli höfð hliðsjón af verðlagi
þriggja undanfarinna ára, en ekki
horft beinlínis til afkomu fisk-
vinnslunnar. í greinargerð segir, að
með því sé rofið það samband, sem
verið hafi milli fiskverðsákvörðunar
og verðjöfnunarákvörðunar til að
skapa svigrúm til sveiflujöfnunar.
Aflatryggingarsjóði er gert að
bæta hlut skips og áhafnar, þegar
brýna nauðsyn beri til að draga úr
sókn til verndar mikilvægum nytja-
fiskum. Jafnan er kveðið á um
heimild til sjóðsins til að taka
sérstakt tillit til sóknartakmarkana
í verndarskyni og langvarandi stað-
bundins aflaleysis, er stafi af breyt-
ingum á fiskgengd og sókn, þannig
að aflabætur miðist við meðalafla á
svæðinu þegar ástand fiskstofna sé
með eðlilecrum hætti.
* KLÆÐNING
A kiæðning er fáanleg í mörgum fallegum litum sem eru inn-
brenndir og þarf aldrei að mála.
A/klæðning er seltuvarin og hrindir frá sér óhreinindum.
Fáanlegir eru ýmsir fylgihlutir með A klæðningu sem hefur þurft að
sérsmiða fyrir aðrar klæðningar, auk þess er hún þykkari og þolir
því betur hnjask. A/klæðning hefur sannað yfirburði sina,
og reynst vel í íslenskri veðráttu.
Leitið nánari upplýsinga og kynnist möguleikum A/klæðningar.
Sendið teikningar og við munum reikna út efnisþörf og gera verð-
tilboð yður að kostnaðarlausu.
INNKAUP HE
ÆGISGÖTU 7, REYKJAVfK - SÍMI 22000 - PÓSTHÖLF 1012.
TELEX 2025 - SÖLUSTJÓRI: HEIMASfMI 71400.