Morgunblaðið - 14.02.1979, Blaðsíða 13

MORGUNBLAÐIÐ, MIÐVIKUDAGUR 14. FEBRUAR 1979
13
Borgarstjórnarmeirihlutinn.
Jóhann Hauksson:
Hvar er félagshyggjufólkið?
Einhvern veginn hefur orðið
„barnaár" beint huga mínum að
hlutskipti barna í okkar velferðar-
þjóðfélagi sem við svo viljum
kalla. Hvað er gert fyrir börn og
unglinga í þéttbýli sem í Reykja-
vík? Hverjar eru þarfir þeirra og
hvernig er komið til móts við þær
af opinberri hálfu?
Til eru ýmsar stofnanir og sam-
tök sem láta velferð barna og
unglinga sérstaklega til sín taka.
Barnaverndarnefnd er dæmi um
hið fyrrnefnda; Ungtemplarasam-
tök og Skátahreyfing dæmi um hið
síðarnefnda. Það er flestum þess-
um stofnunum og samtökum sam-
eiginlegt, að þeim var upphaflega
komið á fót með fyrirbyggjandi
starfsemi að markmiði og/eða
glíma við tiltekin vandamál barna
og unglinga t.d. afbrotahneigð,
drykkjuskap, slæmar uppeldisað-
stæður o.þ.h. Sá galli hefur þó
verið á gjöf Njarðar, að
„vandamálin“ hafa ætíð verið
skilgreind af hinum fullorðnu og
stofnanirnar þvi borið einkenni
þess. Starfsemin beinist að því
sem hin fullorðnu og ábyrgu telja
börnum hollt og gott. Þetta hefur
haft það í för með sér, að þar sem
hefur verið komið upp aðstöðu
fyrir unglinga hafa það mestan-
part orðið „betri" börnin sem sótt
hafa staðina. Krakkar sem drekka
og reykja og gera annað það sem
spillandi þykir að mati hinna
fullorðnu sem ábyrgðina bera, fá
einfaldlega ekki aðgang.
Ein merkasta tilraunin sem gerð
hefur verið af hálfu Reykjavíkur-
borgar til að koma til móts við
þann hóp barna og unglinga sem
ekki treysta sér til að sækja þá
staði sem eru fyrir hendi, er
Útideildin svokallaða. Hún hefur
þá sérstöðu að vera „hreyfanleg“
ef svo má að orði komast. Hennar
starfsvettvangur eru staðirnir sem
unglingarnir safnast saman á.
Starfsfólk Útideildar reynir að
kynnast unglingunum og öðlast
traust þeirra í þeim tilgangi að fá
þá sjálfa til að skilgreina vanda-
mál sín. A þessum forsendum
veitir Útideild síðan þjónustu sína.
Á þennan hátt hefur Útideildin
kynnst fleiri hundruð unglingum
og aðstoðað sæg þeirra í vandræð-
um sínum. Grundvallar starfs-
regla Útideildar hefur og verið að
aðhafast ekkert það sem ungling-
arnir ekki sjálfir vilja. Auk þess
hefur hún lagt sig fram um að
hafa nokkurt samstarf við lögregl-
una.
Endanlegt markmið er svo að
beina unglingunum inn á eitthvert
þroskandi starf t.d. hópstarf þar
sem þau ráða ferðinni nokkuð
sjálf.
Það gefur því auga leið að á
þeim tveim árum sem Útideildin
hefur starfað hefur mikil vinna
verið lögð í að skapa starfsgrund-
völl sem byggist á góðu samstarfi
við þá aðila sem koma við sögu.
Það tel ég því hrikalega glám-
skyggni af hálfu núverandi borg-
arstjórnarmeirihluta (sem saman-
Nokkur orð
um Útideild
stendur af yfirlýstum félags-
hyggjuflokkum) að taka nú
ákvörðun um að leggja Útideildina
niður. Röksemdirnar sem heyrst
hafa eru fyrst og fremst fyrirheit
um sparnað á útgjöldum borgar-
innar. í mínum eyrum hljómar
þetta líkt því, að spara skuli
aurinn en krónunni hent. — Það
má geta þess, þó ekki sé það
endilega til eftirbreytni né fyrir-
myndar fyrir okkur hér, að á sama
tíma og borgarstjórnin í Ósló skar
niður útgjöld borgarinnar til fé-
lagsmála fyrir nokkru bætti hún
við sig einni deild Útideildar þar í
borg þrátt fyrir þá starfsemi sem
þegar var fyrir hendi á þessu sviði.
Reynsla Óslóbúa af Útideild er
sýnilega önnur en hér gerist.
Mér sýnist að betur hefði farið
að boðskapur Sameinuðu þjóðanna
á Barnaári hefði aldrei borist til
eyrna borgarstjórnarmeirihlutans
í Reykjavík. Það virðist einhvern
veginn sem tengsl séu á milli þess
að Ári barnsins var komið á
laggirnar og að Borgarstjórnar-
meirihlutinn í Reykjavík tók
ákvörðun um að leggja niður
Útideildina. — Með einu penna-
striki —.
Megi endalok Útideildarinnar
verða til þess að lífga upp umræð-
una um hlutskipti barna og ungl-
inga á Ári barnsins.
Jóhann Hauksson.
Umrœðufundur í Valhöll í kvöld:
„Friðhelgi einkalífs
með sérstöku tilliti
til foreldra og bama”
HVÖT, félag sjálfstæðiskvenna í
Reykjavík, og Heimdallur, félag
ungra sjálfstæðismanna í
Reykjavík, boða til sameiginlegs
fundar í kvöld klukkan 20.30 í
Sjálfstæðishúsinu Valhöll við
Háaleitisbraut. Fundarefnið
Verður: „Friðhelgi einkalífs með
sérstöku tilliti til foreldra og
barna." Öllu áhugafólki er heim-
ill aðgangur að fundinum.
Framsögu á fundinum hefur
Ragnhildur Helgadóttir al-
þingismaður en hún hefur
nýlega flutt lagafrumvarp um
þetta efni, m.a. í tilefni af
ítarlegri skoðanakönnun sem
gerð var um persónuhagi nem-
enda í grunnskólanum.
Að lokinni framsögu Ragn-
hildar verða frjálsar umræður,
en síðan fara fram pallborðsum-
ræður um efnið.
Þátttakendur í pallborðsum-
ræðunum verða:
Sigríður Jónsdóttir námsstjóri.
Sigurður Pálsson námsstjóri.
Kjartan Gunnarsson lögfrKðingur.
Jóhanna Thorsteinsson íóstra.
Ragnar Ingimarsson verkfræðing-
ur.
Haildóra Rafnar kennari.
Umræðustjóri verður Erna
Ragnarsdóttir innanhúsarki-
tekt.
Ragnar
Sigurður
Gagnkvæmt
uíaust
Sparilánakerfi Lands-
bankans hefur frá byrjun
árið 1972, byggst á gagn-
kvæmu trausti bankans
og viðskiptavinarins.
Ef þú temur þér reglu-
semi í viðskiptum, sýnir
Landsbankinn þér traust.
Landsbankinn biöur
hvorki um ábyrgðarmenn
né fasteignarveð.
Einu skilyrðin eru reglu-
bundinn sparnaður,
reglusemi íviðskiptum,
— og undirskrift þín og
maka þíns.
Biðjið Landsbankann
um bæklinginn
um sparilánakerfið.
Sparitjársöfnun tengd rétti til lár
iíi
Sparnaður
þinn eftir
12 mánuði
18 mánuði
24 mánuði
Mánaöarleg
innborgun
hámarksupphæð
25.000
25.000
25.000
Sparnaöur í
lok tímabils
300.000
450.000
600.000
Landsbankinn
lánar þér
300.000
675.000
1.200.000
Ráöstöfunarfé
þitt 1)
627.876
1.188.871
1.912.618
Mánaðarleg
endurgreiðsla
28.368
32.598
39.122
Þú endurgreiðir
Landsbankanum
á12 mánuöum
á 27 mánuðum
á 48 mánuðum
1) í tölum þessum er reiknað með 19% vöxtum af innlögðu fé, 24% vöxtum af lánuðu fé, svo og kostnaði vegna lántöku. Tölur þessar geta
breytzt miðað við hvenær sparnaður hefst. Vaxtakjör sparnaðar og láns eru háð vaxtaákvörðun Seðlabanka Islands á hverjum tíma.
LANDSBANKINN
Sparilán - tiygging í fimntíð