Morgunblaðið - 01.03.1979, Blaðsíða 33

MORGUNBLAÐIÐ, FIMMTUDAGUR 1. MARZ 1979
33
Farið hefur
fé betra
Albert Guðmundsson sagðist
ekki í nokkrum vafa um, að þessi
fjárhagsáætlun borgarstjórnar-
meirihluta vinstri manna ætti
eftir að verða honum að falli og
farið hefði fé betra.
Handahófskennd
______vinnubrögð_________
Páll Gíslason (S) tók næst til
máls og sagði, að undanfarið hefðu
borgarbúar fengið að fylgjast með
því hve geysilega handahófsleg
vinnubrögðin hefðu farið við gerð
þessarar fjárhagsáætlunar. Svo
blint hefði verið unnið að mörgum
málum, að erfitt væri að sjá
samhengi í þessu, enda glundroði
að byrja að að koma í ljós, þó'að
ekki væri liðið ár síðan samstarfið
hófst.
Aldraða
___________fólkið___________
Þetta hefði byrjað með því að
allar álögur á borgarbúa voru
hækkaðar eins og leyfilegt hefði
verið bæði á einstaklinga á og
atvinnureksturinn. Þetta skapaði
mestan vanda hjá öldruðu fólki
sem ekki hefði tekjur, sem hækk-
uðu með vísitölu. Mætti búast við
að margir neyddust til að selja hús
sín og flytjast á stofnanir hins
opinbera fyrr en það annars hefði
kosið.
Atvinnuleysi
Þá hefðu hinar gífurlegu álögur
á atvinnureksturinn ennþá víð-
tækari verkanir, því hætt væri við,
að vegna skattaálaganna færu
fyrirtæki að draga við sig að hefja
nýjar framkvæmdir og af því gæti
leitt versta bölið, — atvinnuleysi.
Og borgarfulltrúar ættu að horf-
ast í augu við það, að á þeim hvíldi
sú ábyrgð að gera allt sem hægt
væri til að hindra aukningu at-
vinnuleysis. Hvergi á landinu gæti
slík sveifla orðið stærri eða alvar-
legri en hér í Reykjavík, ef hún
færi af stað. í raun væri
byggingariðnaðinum hættast við
þessu og iðnaði tengdum honum.
Nú hefði vinstri stjórnin íþyngt
atvinnufyrirtækjum og byggingar-
framkvæmdum þeirra allt frá því
hún fæddist, en vinstri meirihlut-
inn í borgarstjórn hefði ekki látið
sitt eftir liggja með stórauknum
álögum.
Samhent
__________stjórn__________
Páll Gíslason sagði, að glund-
roðinn skini svo í gegnum þessa
fjárhagsáætlun, að honum segði
svo hugur um, að frekar mundi
glundroðinn vaxa þegar á kjör-
tímabilið liði og þá rættist sú spá,
að meðferð fjármála væri erfið-
asta verkefnið og aðeins gæti
samhent stjórn leyst þau svo vel
færi.
Lýðskrum
sjálfstæðismanna
Björgvin Guðmundsson sagðist
furða sig á málflutningi minni-
hlutans, stefna sjálfstæðismanna
væri hreint ekki ljós. Sjálfstæðis-
flokkurinn væri á móti hækkun
gjalda til borgarinnar og aukinni
teknaöflun og á móti niðurskurði,
stefnan væri því ruglingsleg. Hvað
vildi Sjálfstæðisflokkurinn?
Umsnúningur
vinstri manna
Magnús L. Sveinsson sagði, að
núverandi meirihluti hefði sem
minnihluti alltaf gagnrýnt sjálf-
stæðismenn fyrir að framkvæma
allt of lítið! Magnús sagði að skilja
hefði mátt Kristján Benediktsson
þannig, að þegar fyrrverandi
meirihluti fór frá hefði átt að vera
• Fela raunveru-
leikann fyrir
trúnaðarmönnum
sínum,
ráðum og nefndum
• Á elleftu stundu
hrópar meirihlutinn
á hjálp
• Allar álögur á
borgarbúa hækkað-
ar
• Hafa látið ábend-
ingar embættis-
manna sem vind
um eyru pjóta
• Sjálfstæðismenn
bjóðast til að
taka fjárhags-
áætlunina til endur-
skoðunar
hreint borð og sá dagur gæti
komið í lífi borgarinnar, að öll
vandamál væru leyst. Trúir
Kristján Benediktsson því, að við
næstu borgarstjórnarkosningar
verði málum þannig háttað í borg-
inni, að engin vandamál verði fyrir
hendi? Ef málum yrði svo háttað
þá væri ástæðulaust að kjósa nýja
borgarstjórn svona yfirleitt. Málin
væru nú ekki svona einföld.
Magnús sagðist vilja leggja
áherzlu á, að álögur vinstri manna
væru hátt í tvo milljarða á borgar-
búa umfram það sem sjálfstæðis-
menn hefðu haft. Þetta væru nýjar
álögur. Þrátt fyrir það væri um
stórfelldari niðurskurð að ræða en
nokkurn tíma áður.
Versnandi
_______fjárhagur____________
Birgir ísleifur Gunnarsson tók
næst tii máls og sagði, að fjárhag-
ur borgarinnar hefði snarast um á
aðeins hálfs árs valdatímabili
vinstri manna til hins verra. Nú
eftir átta mánaða stjórn af hálfu
vinstri flokka væri hrópað til
sjálfstæðismanna jafnvel með
grátstafinn í kverkunum, hvað
viljið þið gera, þið hafið ekki
komið með neinar tillögur? Birgir
ísleifur sagði, að hér væri rangt
farið með staðreyndir, sjálfstæðis-
menn hefðu látið fara frá sér mjög
ítarlega bókun þar sem fram kæmi
hver væru gagnrýnisatriði á þessa
fjárhagsáætlun.
Loforð
Birgir ísleifur Gunnarsson lýsti
furðu sinni á, að Kristján Bene-
diktsson hefði kveinkað sér undan
gagnrýni sjálfstæðismanna á lítið
samráð. En Kristjáni ætti að vera
það ljóst, að sjálfstæðismenn
hefðu ekki haldið uppi þessari
gagnrýni ef vinstri menn hefðu
ekki lofað þessu og síðan svikið
það. Þegar borgarstjórnarmeiri-
hlutinn á fyrsta fundi hefði til-
kynnt um samstarf hefði hann
lofað borgarbúum, að samráð yrði
haft við starfsmenn. Það væru
þessi svik sem sjálfstæðismenn
vildu benda sérstaklega á.
Sannleikurinn væri sá, að þegar
hrópað væri til sjálfstæðismanna,
hver væru ykkar úrræði?, vildu
sjálfstæðismenn svara á eftirfar-
andi hátt: „Við höfum stjórnað
borginni í langan tíma, um árabil
og þið sem skipið þennan meiri-
hluta sátuð flestir í borgarstjórn á
síðasta kjörtímabili. Á síðasta
kjörtímabili geisaði óðaverðbólga
hér í landi, milli 30—50% á hverju
ári. Þrátt fyrir það tókst okkur að
stjórna fjármálum borgarinnar á
þann hátt, að ekki væru hækkaðar
álögur á borgarbúa, heldur væru
notaðar sömu álagningarreglur.
Þetta gerðum við með aðhaldi og
sparnaði, ekki aðeins við samningu
fjárhagsáætlunar, heldur með
daglegu aðhaldi. Þetta gerðum við
með því, að í stjórn borgarinnar
var dagleg pólitísk forysta. Sú
forysta er ekki fyrir hendi í dag.
Það er alveg ljóst, að þremenning-
arnir, sem raunverulega hafa með
höndum hina raunverulegu póli-
tísku stjórn, hafa ekki náð valdi á
því að stjórna þessu daglega að-
haldi sem þarf í slíku stórfyrir-
tæki sem Reykjavíkurborg er.“
Borgarstjóri hefur ekki fengið
nein völd eða neitt umboð til
slíkrar stjórnunar. I öðru lagi
bentu sjálfstæðismenn einnig á, að
ástandið í fjármálum borgarinnar
væri ekki eins slæmt og það er í
dag ef sjálfstæðismenn hefðu verið
áfram við stjórn. Það væru ótal
mörg atriði í daglegri stjórnun,
sem benda mætti á sem hefðu
farið öðru vísi ef sjálfstæðismenn
hefðu verið áfram við stjórn.
Nefna mætti eitt dæmi. Ef tekið
hefði verið á málefnum SVR á
miðju sumri eins og embættis-
menn hefðu þá bent á að þyrfti að
gera þá væru málefni SVR ekki
komin í það ástand, sem þau væru
í. En menn yrðu að átta sig á einu.
Pólitísk forysta fælist líka í því að
fá fram hækkanir, en meirihlutinn
hefði látið sem vind um eyru þjóta
ábendingar embættismanna.
Borgarstjórnarmeirihlutinn
talaði hér eins og það væru ein-
hver ópersónuleg öfl, sem hétu
verðlagsnefnd og verðlagsráð sem
bara ákvæðu þetta. En hvað væri
það? Þetta væri bara pólitísk
ákvörðun, „ákvörðun þeirra
manna sem réðu í ríkisstjórninni,
ykkar flokksbræðra, ykkar manna
og þið hafið ekki haft uppi neina
tilburði að reyna hafa áhrif á þá,
eins og við gerðum.
Á þennan hátt hafið þið glutrað
niður hundruðum milljóna króna
bæði á síðasta ári og þessu ári,
sem ég er viss um að við hefðum
náð hefðum við verið í forystu.
Þannig að ég er sannfærður um
það og veit það reyndar, að fjárhag
borgarsjóðs væri á annan veg
komið ef ekki hefði verið skipt um
meirihluta."
Það væri því út í hött, að
borgarstjórnarmeirihlutinn komi
nú til sjálfstæðismanna um hver
okkar úrræði yrðu? „Þið lofuðuð
borgarbúum ákveðinni málsmeð-
ferð með fjárhagsáætlun og önnur
mál, málsmeðferð sem þið hafið
ekki staðið við í raun.“
Hver eru
úrræðin?
Kristján Benediktsson sagðist
vilja fá að vita hver úrræðin væru
sem sjálfstæðismenn hefðu til
úrbóta í fjárhagsáætluninni.
Tilboð
sjálfstæðismanna
Birgir ísleifur Gunnarsson
sagði: „í tilefni af þessum orðum
Kristjáns Benediktssonar vil ég
gera honum tilboð. Ef borgarfull-
trúinn er reiðubúinn til þess að
fresta afgreiðslu fjárhagsáætlun-
ar hér og nú þá skulum við
borgarfulltrúar Sj álfstæðisflokks-
ins taka þessa fjárhagsáætlun til
endurskoðunar en við viljum jafn-
framt fá möguleika á því að
framkvæma þá fjárhagsáætlun
sem þá yrði samin."
Borgarfulltrúar meirihlutans
svöruðu ekki þessu tilboði. Fjár-
hagsáætlun Reykjavíkurborgar
fyrir árið 1979 var síðan borin
undir atkvæði og sátu sjálfstæðis-
menn hjá, en greiddu atkvæði á
móti í einstaka tilfellum eða sátu
hjá og gerðu stutta grein fyrir
atkvæðum sínum. Borgarfulltrúar
meirihlutans samþykktu hins veg-
ar fjárhagsáætlunina undan-
tekningalaust. Lauk síðan fundi,
eftir ellefu klukkstunda lotu enda
klukkan að verða fjögur að morgni
hins 16. febrúar.
flauelsjakkar
í &r&m litum.
Stærdir S-M-L
HAGKAUP
Tísku-
sýning
Föstudag kl. 1 2.30— 13.30.
Sýningin, sem verður i Blómasal Hótels Loftleiða er
haldin á vegum Rammagerðarinnar, íslensks Heimilisiðn-
aðar og Hótels Loftleiða
Sýndir verða sérstakir skartgripir og nýjustu gerðir fatn-
aðar, sem unnin er úr islenskum ullar- og skinnvörum.
Módelsamtökin sýna.
Hinir vinsælu réttir kalda borðsins á boðstólum.
Verið velkomin.
HOTEL
LOFTLEIÐIR
Sími 22322