Morgunblaðið - 09.03.1979, Blaðsíða 21

g
MORGUNBLAÐIÐ, FÖSTUDAGUR 9. MARZ 1979
21
Sumir voru forsjálir að hafa skóflu til að moka sig úr sköflunum.
Strætisvögnunum seinkaði og hún gat því orðið drjúg
stundin á biðstöðvunum.
GÍFURLEG ófærð var á höfuð-
borgarsvæðinu og næsta
nágrenni, aðallega vegna horðan-
strekkings og mikils skafrenn-
ings, sem olli þvi að vanbúnir
bflar tepptust víða á aðalleiðum
eða drápu á sér og við það
mynduðust miklir umferðarhnút-
ar. Fólk átti víða í erfiðleikum af
þessum sökum og einnig sakir
óveðursins almennt, þannig að
miklar annir voru hjá lögregl-
unni í Reykjavík og nágranna-
bæjunum. Hins vegar var ekki
kunnugt um nein meiriháttar
slys eða óhöpp.
Að sögn varðstjóra í aðalstöðv-
um lögreglunnar í Reykjavík var
ástandið allan síðari hluta dags í
gær vægast sagt mjög slæmt.
Verst var þó ástandið í vestur-
bænum og miðbænum, en færð
var tiltölulega góð í Árbæ og
Breiðholti. Hins vegar var Iög-
reglunni ekki kunnugt um nein
alvarleg slys eða óhöpp af völdum
ófærðarinnar eða veðurs. Lög-
reglan þurfti að aðstoða margt
fólk vegna veðursins og ófærðar-
innar, þannig að segja mátti að
hún hafi lítið getað sinnt öðru en
slíku í allan gærdag, og undir
kvöld hafði lögreglan tekið 5—6
jeppa á teigu til að sinna slíku
aðstoðarstarfi, auk þess sem allur
bflakostur lögreglunnar sjálfrar
var upptekinn við slík störf.
Að sögn lögregluvarðstjórans
var ráðgert að starfsmenn gatna-
málastjóra reyndu að halda öllum
aðalleiðum opnum fram til kl. 22
í gær en þá átti að gera hlé á
snjóruðningi fram til kl. 04 í nótt.
Mátti því gera ráð fyrir að færð
gæti versnað þegar liði á kvöldið.
Hjá Strætisvögnum Reykjavík-
ur fékk Morgunblaðið þær
upplýsingar, að vagnarnir hefðu
átt í miklum erfiðleikum í allan
gærdag og þá aðallega vegna þess
að smærri bflar tepptu og urðu
farartálmar á aðalleiðum. Voru
strætisvagnarnir fastir vfða um
borgina á níunda tímanum f gær
af þessum ástæðum en vonir
stóðu til að úr rættist þegar
umferð minnkaði og eins var
farið að draga úr ferðatíðni vagn-
anna. Átti þá að reyna að rétta af
áætlun þeirra, sem öll hafði geng-
ið úr skorðum um daginn. Átti að
reyna að halda áætlunarferðum
áfram fram eftir kvöldinu svo
lengi sem unnt væri.
Samkvæmt upplýsingum
Hafnarfjarðarlögreglunnvar var
þar hið versta ástand í gærkvöldi.
Reykjanesbrautin var algjörlega
teppt og þar voru margir bflar
fastir, og þar á meðal ýmsir sem
lagt höfðu af stað þá leið þrátt
fyrir aðvaranir lögreglunnar.
Einnig var allt ófært á Hafnar-
fjarðarveginum og eins á Arnar-
neshæðinni, þar sem fjöldi bíla
hafði stöðvazt og mikill
umferðarhnútur myndast. Þá var
Vesturlandsvegurinn algjörlega
lokaður við Ilulduhóla. „Það hafa
verið miklar annir hér hjá okkur
og rauðglóandi línur í allan heila
dag,“ sagði lögregluþjónninn sem
Morgunblaðið hafði tal af.
í gærkvöldi var norðanstrekk-
ingurinn kominn um allt land. Að
sögn Markúsar Á. Einarssonar
veðurfræðings var allt útlit fyrir
að norðanáttin yrði ríkjandi
áfram í dag, kalt í veðri en
kannski eitthvað minni skafrenn-
ingur en í dag vegna minni
ofanhríðar.
—

Gífurleg
ófærð
í höfuð-
borginni
ígær
Sumsstaðar var skafrenningurinn svo svartur að vart mátti sjá út úr augum.
Ljósm. Mbl. Hmx
1 að leigja sér 5—6 jeppa