Morgunblaðið - 09.03.1979, Blaðsíða 27

MORGUNBLAÐIÐ, FÖSTUDAGUR 9. MARZ 1979
27
aukna fræðslu almennt um stjórn-
mál og stjórnmálastarfsemi. Við
reynum að veita nemendum meiri
innsýn í stjórnmálin en menn eiga
kost á daglega og gera þeim grein
fyrir bæði hugmyndafræðilegu og
starfrænu baksviði stjórn-
málanna. Mikilvægur þáttur í
skólahaldinu er að þjálfa nemend-
ur í að koma fyrir sig orði og taka
þátt í almennum umræðum, en
þjálfun af því tagi er yfirleitt ekki
að fá í skólum landsins. Með þessu
móti viljum við gera fólk hæfara
til þátttöku í stjórnmálum og
almennu félagsmálastarfi."
Aðspurður um hvort einhver
skilyrði væru fyrir þátttöku s.s.
hvort sjálfstæðisfólk sem hefði
áhuga þyrfti að vera flokksbundið,
sagði Sveinn: „Nei, það eru engin
sérstök skilyrði sett fyrir þátttöku
í stjórnmálaskólanum. Skólinn er
opinn öllu sjálfstæðisfólki, hvort
sem það er flokksbundið eða ekki.
Þá er ástæða til að árétta alveg
sérstaklega, að hann er opinn fólki
á öllum aldri“.
— Ertu ánægður með skóla-
haldið og árangur þess í þessi sjö
ár sem skólinn hefur starfað?
„Ég held að það sé alveg óhætt
að segja, að skólahaldið hafi
heppnast mjög vel þessi ár sem
það hefur verið, þátttakendum til
mikils gagns. Þeir leiðbeinendur
og kennarar, sem kennt hafa við
skólann, hafa sýnt mikinn áhuga á
þessu starfi og stuðlað að því að
gera skólahaldið skemmtilegt og
frjálslegt. Og ástæða er til að geta
þess, að kennararnir hafa innt allt
sitt starf af hendi í sjálfboða-
vinnu. Fjölmargir nemendur skól-
ans þessi sjö ár hafa orðið mjög
virkir í félagsstarfi Sjálfstæðis-
flokksins í sínum heimabyggðum
og margir þeirra hafa tekið við
forystustörfum.
Nú þegar hafa margir skráð sig
til þátttöku í skólanum að þessu
sinni og vil ég nota þetta tækifæri
til að hvetja þá sem áhuga hafa að
skrá sig hið allra fyrsta," sagði
Sveinn A. Skúlason að síðustu.
I skólanefnd stjórnmálaskóla
Sjálfstæðisflokksins eiga sæti: Vil-
hjálmur Þ. Vilhjálmsson, formað-
ur, Guðni Jónsson, Hrönn Har-
aldsdóttir, Margrét Arnórsdóttir,
Þór Erling Jónsson og Halldór
Arnason.
Albert Guðmundsson:
Símvirkiun
verði talin
til iðngreina
Albert Guðmundsson (S) hefur
lagt fram á Alþingi þingsályktun-
artillögu, þar sem fjallað er um
breytingar á reglugerðum um iðn-
fræðslu með það í huga að sím-
virkjun verði gerð að iðngrein og
að símvirkjun verði tekin upp sem
námsefni í iðnskóla. Er tillaga
Alberts svohljóðandi:
„Alþingi ályktar að fela mennta-
málaráðherra að láta endurskoða
gildandi reglugerð nr. 143/1967 um
iðnfræðslu, m.a. með það í huga,
að símvirkjun verði talin til iðn-
greina og að símvirkjun verði
tekin upp sem námsefni í iðn-
skóla."
í greinargerð með tillögunni
segir Albert ennfremur:
„Samkvæmt núgildandi reglu-
gerð um iðnfræðslu er símvirkjun
ekki talin með sem iðngrein. Engu
að síður er krafist bæði verklegs
og bóklegs náms, sem lýkur með
prófi, til þess að mega stunda
þessa atvinnu.
Sérstakur skóli, Póst- og síma-
skólinn, annast þessa fræðslu.
Skólanefnd er skipuð af póst- og
símamálastjóra, sem einnig ræður
Lítið
barn
hefur
lítið
sjónsvið
skólastjóra, en skólanefndin ræður
síðan kennara og prófdómara.
Ekki munu aðrir fá heimild til
náms í símvirkjun en þeir, sem
ráðnir eru til starfa hjá Pósti og
síma. Símvirkjanám er því algjör-
lega lokað og engin trygging fyrir
því, að þeir, sem áhuga hafa á
náminu, geti nökkru sinni aflað
sér þeirrar þekkingar, reynslu og
réttinda sem nauðsynleg eru til að
mega leggja starfið fyrir sig.
Almennt er þegnum þjóðfélags-
ins gert kleift með hinu almenna
skólakerfi að afla sér þeirrar
skólagöngu, sem hugurinn stendur
til og fáanleg er hér á landi, án
þess að krafist sé vinnuráðningar í
starfsgreinum áður en nám er
hafið. Þróun þessara mála er sú,
að nú er unnt að ljúka iðnnámi frá
iðnskóla í mörgum starfsgreinum
án þess að nemandinn þurfi að
vera á námssarrningi í greininni.
Auk þess að bæta úr ósann-
gjörnu misrétti, sem viðgengist
hefur í þessum efnum, leiðir þessi
skipan til verulegs sparnaðar fyrir
ríkissjóð, þar sem sérskóla Pósts
og síma mætti leggja niður þegar
námið væri flutt í skóla sem þegar
eru starfræktir.
Það má ætla, að einokun og
hvers konar höft á athafnafrelsi
eigi þverrandi fylgi að fagna, og
líklegt, að einokunaraðstaða sú, er
lög um fjarskipti nr. 30 frá 1941
færa Pósti og síma í hendur, verði
fljótlega felld niður. Er þá nauð-
syn á því, að unnt sé að leita til
annarra en starfsmanna símans
um verkefni er snerta símvirkjun
og notendur síma þurfa að fá
framkvæmd."
Albert Guðmundsson:
Simnotendur ráði símlögnum
og tækjum innan húsveggjar
Albert Guðmundsson (S) hefur
lagt fram í sameinuðu Alþingi
tillögu til þingsályktunar um
starfsreglur Pósts- og símamála-
stofnunarinnar. Er þar gert ráð
fyrir að starfssvið landssíma Is-
lands verði samræmt starfssviði
annarra hliðstæðra þjónustustofn-
ana, svo sem rafveitna, hitaveitna
og vatnsveitna. Er þar einkum átt
við að símanotendum sé í sjálfs-
vald sett hvernig þeir ganga frá
símanum innanhúss, eftir að síma-
lögnin er komin í tengil innan
húsveggjar notanda.
Tillaga Alberts er svohljóðandi:
„Alþingi ályktar að fela sam-
gönguráðherra að setja með reglu-
gerð nánari fyrirm'æli um starfs-
svið Landssíma Islands með það að
markmiði að samræma starfsemi
og verksvið símans þeim reglum er
gilda um starfsemi annarra hlið-
stæðra þjónustustofnana. svo sem
rafveitna, hitaveitna og vatns-
veitna.“
I greinargerð með tillögunni
segir flutningsmaður svo:
„í II. kafla laga nr. 30 frá 27.
júní 1941, er að finna ákvæði þar
sem ríkinu er, m.a. í 2. gr., veitt
einokun á „að flytja til landsins,
selja, leigja eða dreifa út á annan
hátt, smíða, gera við, breyta eða
setja upp hvers konar fjarskipta-
virki (tæki, taugar, búnað, o.þvl.)
Réttarrád-
gjöfin svarar
skriflegum
fyrirspurnum
Réttarráðgjöfin hefur nú veitt
endurgjaldslausa lögfræðiráðgjöf í
síma 27609 fjögur miðvikudags-
kvöld. Að sögn lögfræðinganna
hafa fjölmargir notfært sér þessa
þjónustu og færri komist að en
vildu þar sem þjónustan hefur.
Hefur réttarráðgjöfin nú ákveðið
að færa út kvíarnar og svara
skriflegum fyrirspurnum slmenn-
ings. Geta þeir sem kjósa að senda
Réttarráðgjöfinni skriflegar fyrir-
spurnir sínar um alls kyns lög-
fræðileg vandamál sent fyrir-
spurnir sínar ásamt nafni, heim-
ilisfangi og síma til Réttarráðgjaf-
arinnar, pósthólf nr. 4260 124,
Reykjavík. Munnleg ráðgjöf verð-
ur áfram veitt í síma 27609 öll
miðvikudagskvöld kl. 19.30 til 22
til maíloka.
AUGLÝSINGA-
SÍMINN F.R:
22480
eða hluta þeirra“ o.s.frv. í IV.
kafla sömu laga er þessi einkarétt-
ur framseldur póst- og símamála-
stjórn. Hins vegar er ráðherra,
sem fer með fjarskiptamál, veitt
heimild í 3. gr. laganna til að veita
undanþágur frá ákvæðum 2. grein-
ar. í lögum nr. 36 frá 13. maí 1977
er einkaréttur Póst- og símamála-
stofnunar enn þá áréttaður. í 3. gr.
þeirra laga er þó nokkuð dregið í
land frá fyrri ákvæðum, þar sem
nú er veitt einkaleyfi til að „stofna
til og starfrækja hvers konar
póst-, síma- og aðra fjarskipta-
þjónustu" svo og að „hafa eftirlit
með innflutningi og viðurkenningu
á búnaði í því sambandi".
Ekki eru bornar brigður á nauð-
syn þess, að Póst- og símamála-
stofnun reki símstöðvar og annist
lagnir símalína milli staða. Hins
vegar á einkaleyfi símans að vera
lokið þegar að því kemur sem
framkvæma þarf eftir að símalögn
er komin í tengil innan húsveggjar
notanda.
Starfsemi annarra þjónustu-
stofnana, svo sem rafmagns-,
vatns- og hitaveitna, má telja
hliðstæðar starfsemi síma og ættu
því að gilda um þær hliðstæð
ákvæði. Rafmagnsveita og hita-
veita tengja lagnir sínar við mæla
notenda innanhúss, en láta þar
staðar numið. Eftir að gengið er
frá inntaki er notendum í sjálfs-
vald sett hvernig lögnum innan-
húss er hagað og hvaða efni og
tæki eru notuð, svo framarlega að
öryggis- og gæðakröfum, sem
kunna að verða settar, sé fullnægt.
Með frjálsum innflutningi eykst
fjölbreytni og hagkvæmni og sím-
anum sparast fé og fyrirhöfn við
innkaup og birgðahald, a.m.k. varð
sú raunin á þegar Viðtækjaverslun
ríkisins var lögð niður á sínum
tíma. Má ætla að sú verði einnig
raunin að þvi er símann varðar."
HÚS
byggjendur
hugsið um stofnkostnað, rekstrarkostnað og
vellíðan í rétt upphituðu húsi
H II H X hHun
býður allt þetta
3ja
át>V
&hvrðð
r- r
Mjög hagkvæmt verð
Hárnákvæmt hitastilli.
ADAX ofnarnir
þurrka ekki loft
Yfir 20 mismunandi
gerðir
ísl. leiðarvísir fylgir
Samþykktir af raffangaprófun.
Rafmagnsv. ríkisins.
i
Ir-7 I
k—J
I o lj
} '
I C
Nafn
Heimilisfang
EF
Til Einar Farestveit & Co hf.
Bergstaðastræti 10A Reykjavík
Ég undirritaður
óska eftir bæklingum yfir ADAX rafhitun
GANGBRAUT
ER BEZTA LEIÐIN EF AÐGÁT ER HÖFÐ
Junior Chamber Reykjavík