Morgunblaðið - 11.03.1979, Blaðsíða 25

MORGUNBLAÐIÐ, SUNNUDAGUR 11. MARZ 1979
Minning:
Siguröur Gíslason
loftskeytamaður
Fæddur 26. júlí 1903.
Dáinn 25. febrúar 1979.
A morgun, mánudaginn 12.
mars, verður gerð frá Hafnar-
fjarðarkirkju útför Sigurðar
Gíslasonar loftskeytamanns.
Hann lést á Landakotsspitala 25.
febrúar s.l. eftir stutta sjúkrahús-
legu.
Hér er kvaddur einn þeirra
manna, sem tekið hafa þátt í því
að breyta íslensku þjóðlífi frá því
að vera barátta um, hvort menn
hefðu til hnífs og skeiðar, til þess
nútímaþjóðfélags, sem við hinir
yngri búum við. Það er einkum sú
kynslóð manna, sem nú eru að
kveðja, sem lagt hefur mikið af
mörkum til þess velferðarþjóðfél-
ags sem allir telja sig hafa kröfu
til. Þegar einn af þessari kynslóð
er kvaddur, er ljóst að einum
heiðursmanni er færra.
Sumir menn verða frægir af
afrekum, aðrir af endemum. Nöfn
þeirra komast í bækur og af þeim
eru skráðar sögur. Aðrir vinna
afrek, fleiri en eitt í kyrrþey, en
eru þó engu minni en þeir, er
komast á blöð mannkynssögunnar.
Lítil þjóð eins og sú íslenska
þarf á öllu sínu að halda og hún
metur einnig mikils það sem vel er
gert. Þá er ekki spurt um stjórn-
málaskoðanir eða lífsviðhorf. Að
leiðarlokum er spurt um árangur.
Hefur þjóðlífið breyst til batnaðar
vegna þess, að sá lifði, sem horfinn
er?
Þess manns, sem hér er kvadd-
ur, mun verða minnst meðal þeirra
frumkvöðla, sem unnu við einn
stærsta öryggisþátt, sem íslensk-
um sjómönnum hefur hlotnast. En
Sigurður Gíslason starfaði sem
loftskeytamaður á íslenskum fiski-
skipum nærri allan sinn starfs-
tíma, lengst af hjá sama útgerðar-
fyrirtækinu hér í Hafnarfirði.
Sá er þetta ritar átti því láni að
fagna að kynnast Sigurði Gísla-
syni nokkuð, en svo háttaði til að
ég sem unglingur séðst á togara að
sumri til. Faðir minn bað frænda
okkar Sigurð er starfaði sem
loftskeytamaður um borð í togar-
anum Röðli að hafa auga með
drengnum. Má með sanni segja að
ekki brást hann þessari ósk, síðan
áttum við samskipti um nokkurt
skeið á öldum ljósvakans. Þessi
kynni, þó ekki löng væru, urðu mér
samt til gagns og gleði og vil ég nú
þakka Sigurði frænda mínum
fyrir. Síðan það sumar, sem Sig-
urði var falið að hafa auga með
drengnum, höfum við vitað hvor af
öðrum, þótt ekki í önn dagsins
gæfist tími sem skyldi til náinna
kynna.
Sigurður Gíslason er fæddur á
bænum Knarrarnesi á Vatnsleysu-
strönd árið 1903, sonur hjónanna
Guðnýjar Sigurðardóttur og Gísla
Sigurðssonar, sem þar þjuggu
ásamt börnum sínum en auk Sig-
urðar áttu þau hjón tvö börn, þau
Ingibjörgu og Guðmund, sem bæði
eru búsett í Reykjavík.
Gæfumaður var Sigurður.
Kvæntur sæmdarkonunni Þórunni
Sigurðardóttur, kennara. Reyndist
hún honum stoð og stytta í öllu
þeirra lífi. Lifir hún mann sinn
ásamt tveimur dætrum sem báðar
eru giftar hér í Hafnarfirði. Þá
dvaldi og á heimili þeirra bróður-
sonur Þórunnar, Hörður Jafets-
son, kennari hér í bæ. Heimili
þeirra einkenndist ávallt af hlý-
leika og glaðværð, sem gott var að
koma til.
Eg vil fyrir hönd fjölskyldu
minnar færa Þórunni, dætrum
þeirra, tengdasonum, barnabörn-
um og öðru venslafólki innilegar
samúðarkveðjur og bið góðan Guð
að styrkja þau á stund sorgar-
innar.
Sigurður Þórðarson
Á MORGUN 12. marz verður til
moldar borinn frá Þjóðirkjunni í
Hafnarfirði, Sigurður Gíslason
loftskeytamaður. Hann var
fæddur á Minna-Knarranesi,
Vatnsleysuströnd, foreldrar hans
voru Gísli Sigurðsson útvegsbóndi
og kona hans Guðný Sigurðar-
dóttir.
Árið 1924 tók hann próf frá
Loftskeytaskóla íslands. Eftir það
var hann loftskeytamaður á togur-
um, en lengst af hjá Venus h/f,
Hafnarfirði, þar til hann varð að
hætta vegna veikinda. Það er
óhætt að segja að Sigurður hafi
verið einn af brautryðjendum
þeirra manna, sem skildu hve
mikils virði var að geta haft
samband, bæði á milli skipa og
útgerðarmanna. Hann var einn
þeirra, sem ekki settu ljós sitt
undir mæliker, heldur hugsuðu
aðeins um hvað mikið gagn þeir
gerðu.
Sigurður var góður málamaður,
sem kom honum vel í þessu starfi.
Ég, sem þekkti hann í 50 ár, held
að varla hafi verið eftirsóttari
loftskeytamaður í skipsrúm. Hann
var algjör reglumaður, og var
alltaf traust þess skipstjóra, sem
hann var hjá. Slíkur maður verður
alltaf minnisstæður, þar sem sam-
an fór reglusemi og kunnátta, allir
sjómenn vita að á gömlum skipum
var ekki sú tækni eins og nú er til
staðar. Sigurður fylgdist mjög vel
með öllum nýjungum á þessu sviði,
enda tókst honum oft að gera við
tækin ef þau biluðu.
Sigurður kvæntist 9. október
1932, Þórunni Sigurðardóttur,
Ólafssonar kennara í Hafnarfirði.
Þau eignuðust þrjú börn, dreng
sem do í fæðingu og tvær dætur,
25
Sigrúnu Jonný, sem gift er
Guðmundi Halldórssyni, og Ástu,
gifta Þorsteini Hálfdánarsyni.
Einnig ólu þau upp bróðurson
Þórunnar, Hörð Jafetsson sem
kvæntur er Önnu Aðalsteins-
dóttur, Barnabörnin eru orðin
átta.
Hann átti yndislegt heimili
ásamt konu sinni Þórunni.
Heimilið var honum mikils virði
og gerði hann allt til þess að konu
hans og börnum og síðan barna-
börnum liði vel.
Slíkum manni sem Sigurði er
erfitt að gleyma, traustum, og vini
vina sinna. Margar ánægjustundir
áttum við hjónin ásamt börnum
okkar á heimili þeirra.
Ég vil að endingu þessara fáu
orða um svila minn, þakka honum
fyrir allt það, sem hann gerði fyrir
mig og fjölskyldu mína.
Við vottum konu hans, börnum,
tengdabörnum og barnabörnum
okkar dýpstu samúð.
Hvíl þú í friði, allir verða að
hvílast í þeim faðmi, sem okkur er
ætlaður að leiðarlokum.
Njáll Þórðarson.
LEGSTEINAR
S. HELGASON H/F,
STEINSMIÐJA
SKEMMUVEGI48, KÓPAVOGI,
SÍMI 76677.
Lokað á morgun
Skrifstofur okkar og vöruafgreiöslur veröa lok-
aöar frá hádegi á morgun mánudaginn 12. marz,
vegna jaröarfarar.
Optim,a Kosangas-salan,
Suðurlandsbraut 10 Sjávarbraut 2.
Afmælis- og
minningar-
greinar
ATIIYGLI skal vakin á því. að
afmælis- og minningargreinar
verða að berast blaðinu með
góðum fyrirvara. Þannig verð-
ur grein. sem birtast á í
miðvikudagsblaði. að berast í
síðasta lagi fyrir hádegi á
mánudag og hliðstætt með
greinar aðra daga. Greinar
mega ekki vera í sendibréfs-
formi eða bundnu máli. Þær
þurfa að vera vélritaðar og
með góðu línuhili.
NU EÐA.
BLAUPUNKT
LITSJÓNVARPSTÆKI
Bosch framleiðsla
20“, 22“ og 26“ skermar
• BLAUPUNKT SJÓNVÖRP ERU
EFTIRSÓTT VEGNAGÆÐA.
• BLAUPUNKT SJÓNVÖRP BÚA YFIR
BEZTU KOSTUM SJÓNVARPA
• BLAUPUNKT SJÓNVÖRP HAFA ÞVÍ
ALLA ÞÁ KOSTI, AÐ OKKAR MATI, SEM AÐRIR
AUGLÝSA.
Að við höfum ekki auglýst • BLAUPUNKT er einfaldlega vegna
þess, að við höfum ekki getað annað mikilli eftirspurn.
Útborgun frá kr. 150.000.-
Nú er að hrökkva eða stökkva
Akurvík h.f
°urmai ófþzeimm Lf.
Reykjavík s. 35200.
Akureyri.