Morgunblaðið - 11.03.1979, Blaðsíða 32
Samkomulag milli
stjórnarflokkanna
á næsta leiti?
SAMKOMULÁGSHORFUR í efnahagsmálum voru í gær meiri innan
ríkisstjórnarinnar en oft áður. Svo virtist sem Alþýðubandalagið væri
horfið frá öllum helztu kröfum sínum, nema tveimur. verðbótaákvæð-
um frumvarpsins og innlánsbindingu í Seðlabanka íslands. Þá mun
Alþýðubandalagið hafa komið fram með nýja kröfu, um þak á
visitöluna á ný og munu alþýðuflokksmenn vel geta hugsað sér slíka
tilhögun, en óvíst var, hvort Framsóknarflokkurinn gerði það.
Ný undirnefnd hefur verið skip-
uð um vísitölumálið og eiga í henni
sæti þrír ráðherrar. Formaður er
Tómas Arnason, fjármálaráð-
herra, en einnig eiga sæti í henni
Kjartan Jóhannsson, sjávarút-
vegsráðherra, og Ragnar Arnalds,
menntamálaráðherra. Þessi nefnd
sat á fundum í gærmorgun og var
síðan ráðgerður ríkisstjórnarfund-
ur klukkan 15. Þess hafði verið
vænzt, að framkvæmdastjórn
Alþýðubandalagsins yrði boðuð á
fund síðdegis í gær, en um
hádegisbil hafði sá fundur ekki
verið boðaður. Þá hefur flokks-
stjórn Alþýðuflokks verið boðuð til
fundar á mánudag.
Aiþýðubandalagið mun vera bú-
ið að samþykkja að vísitalan verði
sett á 100 hinn 1. febrúar og
ennfremur að tekin verði inn
viðskiptakjaraviðmiðun. Þá hafa
þeir og sett fram kröfu um þak á
vísitöluna, sem talsverður ágrein-
ingur er um innan Alþýðubanda-
lagsins. Telja sumir alþýðubanda-
lagsmenn þá kröfu hættulega
flokknum, þar sem hann hafi beitt
sér fyrir afnám þaksins í borgar-
stjórn Reykjavíkur, sem var aðal-
ástæða Kjaradóms fyrir þaklyft-
ingunni hjá opinberum starfs-
mönnum yfirleitt. Þá mun þakið
og vera þyrnir í augum bæði
forystumanna BSRB og BHM. Þá
var og talið, að vafamál væri að
Framsóknarflokkurinn samþykkti
þakið, þar eö Valdimar K. Jónsson
væri nýkjörinn formaður BHM og
ættu framsóknarmenn erfitt með
að setja þakið í gildi nú rétt er
háskólamenn fagna sigri eftir dóm
Kjaradóms.
Eins og kunnugt er af fréttum,
settu alþýðuflokksmenn frest til
mánudags, ef frumvarp væri ekki
komið frá ríkisstjórninni þá,
myndu þeir sjálfir leggja efna-
hagsmálafrumvarp fram í þinginu.
A síðasta framkvæmdastjórnar-
fundi Alþýðubandalagsins mun
Eðvarð Sigurðsson hafa sagt, að
ógerningur yrði að afgreiða frum-
varpið í miðstjórn ASI fyrir þann
tíma. Verið gæti, að forystumenn
launþega í framkvæmdastjórn
Alþýðubandalagsins væru í stakk
búnir til þess að taka afstöðu til
málsins, en svo væri ekki um
miðstjórn Alþýðusambandsins og
þyrfti lengri tíma til þess en einn
dag.
Færð sæmileg
og svipað veður
í GÆR var ágætt veður um land
allt og víða greiðfært á vegum, er
Morgunblaðið ræddi við Arnkel
Hrottaleg
líkamsárás
MIÐALDRA maður liggur nú
mikið slasaður í sjúkrahúsi
eftir að til hrottalegra átaka
kom milli hans og húsráðanda
þar sem maðurinn leigir en
húsráðandi hafði brotizt inn
hjá þessum leigjanda sinum.
Það var á tíunda tímanum í
fyrrakvöld, að lögreglan var
kvödd að húsi við Miklubraut
og þegar lögreglumennirnir
komu á staðinn, voru tveir
menn í herberginu, miðaldra
maður, sem reyndist mikið
slasaður, með djúpa skurði í
andliti og einnig með skurð á
hálsi, og síðan húsráðandinn,
22ja ára piltur, sem einnig var
alblóðugur.
Rannsókn máls þessa var á
frumstigi í gær, en að sögn Erlu
Jónsdóttur, deildarstjóra hjá
rannsóknarlögreglu ríkisins,
virðist sem ungi maðurinn
hafi brotizt inn hjá leigjanda
sínum til að sækja þangað
peninga en leigjandinn þá kom-
ið að honum. Pilturinn hafði
áður stolið frá leigjanda sínum
240 þúsund krónum, því að eitt
sinn er hann tók við greiðslu
frá leigjandanum hafði hann
séð hvar maðurinn setti pen-
ingana.
Einarsson vegaeftirlitsmann
skömmu áður en blaðið fór í
prentun.
Sagði hann vera orðið greiðfært
um Suðurnes, austur fyrir Fjall og
um Hvalfjörð, þá var einnig fært
norður í land allt til Húsavíkur, og
víðast hvar voru helstu vegir
færir, en þó víða þungfært eða
illfært um fjallvegi.
í Árnessýslu var fært um flesta
vegi, en lítið mátti þó hreyfa vind
til að ekki yrði ófært.
Guðmundur Hafsteinsson
veðurfræðingur tjáði Morgun-
blaðinu í gær, að ekki væri búist
við miklum breytingum á veðri um
helgina. Lægð værr að vísu að
koma upp að landinu, og færi hún
austur með, og gæti þá snjóað á
suðvesturhorninu, en siðan brygði
aftur til norðaustan-áttar. Þá yrði
úrkomulaust syðra en gæti gert, él
á Norður- og Austurlandi.
Guðmundur kvað áfram verða
kalt, ekki hlýnaði þrátt fyrir
tilkomu lægðarinnar.
Loðnuaflinn
um 430 þús. t.
SJÖ loðnubátar höfðu tilkynnt
um afla til loðnunefndar á
hádegi í gær frá því um miðnætti,
alls 2800 lestir, og er heildar-
aflinn þá orðinn rétt um 430
þúsund lestir. Þróarrými er
víðast hvar á þrotum í Faxaflóa-
höfnum.
Bátarnir sem tilkynntu um afla
voru: Faxi 200, Þórshamar 250,
Örn 550, Hrafn 550, KefMkingúr
280, Skarðsvík 560 og Albert 450.
SUNNUDAGUR 11. MARZ 1979
ÍTALSKA óperan II Pagliacci eftir Leoncavallo verður frumflutt af íslenzku óperunni í Háskólabíói
klukkan 19.15 í kvöld. Alls taka um 100 manns þátt í sýningunum á óperunni, sem verða a.m.k. þrjár. Á
þessari mynd eru þau Magnús Jónsson og Elín Sigurvinsdóttir í hlutverkum Pagliacci og Neddu, en þau
fara með tvö af aðalhlutverkum óperunnar. Sjá nánar á bls. 14. Ljósm. Mbl. Emilía.
Fíkniefnamálið
í Kaupmannahöfn:
gullskartgripirnir þýfi
Pelsinn og
Danska lögreglan telur að annaðhvort
hafi Islendingamir stolið munum eða
tekið þá sem greiðslu fyrir kókaín
Kaupmannahöfn, lð. marz — frá
Sigtryggi Sigtryggssyni blaðamanni
DANSKA lögreglan hefur nú fundið út, að minkapels sá, sem fannst í
fórum Islendinganna, er þeir voru handteknir á laugardag fyrir viku,
er stolinn. Ennfremur telur lögreglan, að gullskartgripirnir, sem
einnig voru í fórum Islendinganna, séu þýfi. Pelsinn er jafnvirði
3.150.000 króna og skartgripirnir eru jafnvirði 5.670.000 króna, að því
er talið er. Lögreglan hefur haft uppi á eiganda pelsins sem segir að
pelsinum hafi verið stolið á Strikinu fyrir skömmu og telur lögregian
að annaðhvort hafi fslendingarnir stolið honum eða tekið hann upp í
greiðslu fyrir kókaín.
Lögreglan sagði í morgun, að hún
teldi ljóst að landlausi Ungverjinn
væri höfuðpaurinn í þessum
kókaínhring, sem hún kallar svo,
og íslendingarnir væru vjðriðnir
hann. Nú eftir að málið kemur
upp, virðast línur vera farnar að
skýrast. Ungverjinn er höfuðpaur-
inn, enda eru fjallhá kærumál á
hann, en tveir Islendingar séu að
einhverju leyti viðriðnir málið,
karl og kona. Þrennt af íslenzka
fólkinu hefur þegar verið látið
laust og ljóst er að það fólk
blandazt ekki frekar í málið. Þá
bendir margt til þess, að tveir
þeirra, sem enn sitja inni, séu
ekkert viðriðnir málið, enda annar
þeirra nýsloppinn úr þýzku fang-
elsi. Hins vegar virðist svo sem
kona hans sé viðriðin málið, en
hún bjó í Danmörku á meðan
maður hennar sat í þýzka fang-
elsinu. Þá er enn einn Islendingur,
sem enn situr inni, og virðist hann
ekki blandazt beint í kókaínmálið,
en lögreglán heldur honum enn
vegna annarra mála.
Flest af fólkinu var með kókaín
eða hass á sér, þegar það var
handtekið og samkvæmt upplýs-
ingum lögreglunnar mun það vafa-
laust fá dóm fyrir það. Þessi tvö,
sem áður eru nefnd, munu að
öllum líkindum fá þyngstu
dómana, ef sannast á þau meðferð
Kókaínsins. Hingað til hafa þau
algjörlega neitað því.
I næstu viku munu samkvæmt
upplýsingum lögreglunnar hefjast
af fullum krafti yfirheyrslur yfir
þeim, sem enn sitja inni. Vonast
lögreglan til að málið muni
upplýsast á næstu tveimur vikum.
Að yfirheyrslum loknum munu
mál Islendinganna koma fyrir
dómara og er útilokað að spá um
það, hvenær dómar verða upp
kveðnir.
Þetta kókaínmál hefur verið
blásið talsvert mikið út í dönsku
blöðunum, en í ljós hefur komið, að
það er ekki eins mikið mál á
danska vísu og fyrst leit út fyrir.
Þó mun það mesta kókaínmál, sem
hér hefur komist upp. Telur
lögreglan þetta mál vísbendingu
um að hugsanlega sé að koma upp
kókaíntímabil í fíkniefnaheimin-
um í Kaupmannahöfn.