Morgunblaðið - 12.04.1979, Blaðsíða 3
MORGUNBLAÐIÐ, FIMMTUDAGUR 12. APRÍL 1979
51
Spil lyftingamannsins
Markmið spilsins er að komast upp í reitinn með tölunni 60.
Þátttakendur hafi tening, sem þeir varpa eftir röð. Talan sem
kemur upp er margvölduð með 10. Komi t.d. upp 2 er það
margfaldað með 10: 20.
Eitt ber þó að athuga. Nauðsynlegt er að fá í næsta skipti
hærri tölu en áður, annars er allt árangurslaust og næsti
þátttakandi fær að varpa teningnum.
Eva Sigvaldadóttir, 5 ára, Espigerði 16, Reykjavík.
— Pabbi, eru fiskarnir
alltaf svangir?
— Já, oftast, drengur
minn. En þó ekki, þegar ég
er í veiðiferð.
„Ættuð þér ekki að setja
upp fuglahræðu í garðin-
um yðar, frú Hansen?“
„Ætli það sé nauðsyn-
legt, ég er þar svo mikið
sjálf.“
Einu sinni var hús, sem
var alveg veggjalaust, í því
var ekkert gólf, ekkert
þak, engir gluggar og eng-
ar hurðir. *
Púff, hvað var kalt í því
húsi!
1. Hvers vegna éta grísir
svo mikið?
2. Veistu um eitthvað, sem
er verra en gíraffi með
hálsverk?
3. Með hvorum endanum
geltir hundurinn?
4. Hvenær stækkar laxinn
mest?
5. Veistu, hvað stóratáin
sagði við litlutá?
Svör við gátum:
1. Til þess að verða stórir!
2. Þúsundfætlu, sem er illt
í fótunum!
3. Báðum!
4. Þegar laxveiðimaðurinn
hefur veitt hann og ætlar
að segja frá stærð hans!
5. Það er hæll á eftir okk-
ur!
Vorið er á leiðinni
Varla eru blómin farin að gægjast upp í garðinum heima
hjá þér? Sennilegra er, að enn séu skaflar eftir þar og allur
gróður sofandi ennþá eftir veturinn.
Þú getur látið grænka dálítið inni með litlum tilkostn-
aði. Árangurinn kemur fljótt í ljós og það er spennandi að
fylgjast með vextinum.
Framkvæmdin:
Stór kartafla er skorin til, svo að hún standi stöðug.
Síðan skefur þú dálítið innan úr henni með skeið. Ofan í
holuna setur þú bómull og vökvar hana vel. Þá sáir þú
karsa-fræi ofan á bómullina nokkuð þétt. Kartöfluna lætur
þú loks í undirskál og setur hana í sólríkan glugga.
Andlit má gera á kartöfluna með títuprjónum og
smánöglum. Þegar karsinn spírar og vex, verður hann,
fallegt grænt hár á brúnu höfði, og þú getur smátt og
smátt klippt af því og borðað!
Þú getur fullt eins vel notað grasfræ, en þá borðar b'
tæplega hárið.
Efni:
Servíettuhringur úr
pappa eða tré (fæst í
sumum ritfangaverslun-
um). Hnappamót (t.þ.a.
láta hringinn standa á),
30 mm.
Trékúla, 25 mm.
Litir og rautt filt.
Lím og sandpappír.
Pússið hringinn og
hnappamótið þannig,
að fletirnir grípi vel og
gott sé að líma hringinn
á stallinn. Ilöfuðið og
hringinn að utanverðu
getið þið máiað með
gulum lit. en stallinn og
hringinn að innanverðu
með öðrum lit. Klippið
lítið nef úr filtinu
(rauðu). Límið það fast
og málið augun svört.
Hringur fyrir
páskaservíettur