Morgunblaðið - 21.10.1979, Blaðsíða 23

MORGUNBLAÐIÐ, SUNNUDAGUR 21. OKTÓBER 1979
55
Með gamla laginu ...
Liíandi tón-
listí Artúni
+ Ártún i Ártúnshöfða heitir
nýjasti skemmtistaður höfuð-
borgarinnar og á síðustu
tímum diskóteka og plast-
framleiðslu i öllum áttum þá
ætla eigendur nýja staðarins að
halda gamla áralaginu, þ.e.
hafa danshljómsveitir með lif-
andi mönnum til þess að leika
fyrir gestina og fyrsta hljóm-
sveitin sem trekkti upp fyrir
dansinn var Brimkló um
siðustu helgi. En það var bara
byrjunin og nú í kvöld ætlar
Brunaliðið að taka til hendinni
við hljóðfærin i 5 tima lotu milli
10 og 3. Eigandi Ártúns er
Sigursæll Magnússon sem rak á
sinum tima Tjarnarbúð. Ráð-
gert er að fá sem flestar hljóm-
sveitir til þess að skemmta í
Ártúni og nú er bara að sjá
hvorir standa sig betur snúð-
arnir með plastskífurnar eða
fingralipir hljómlistarmenn af
islenzku bergi.
Fimm iræknir íþróttabræður
ÆTLI það sé ekki einsdæmi hér á Islandi, að fimm
bræður séu landsliðsmenn í íþróttum? Þannig spyr
Dagur frá Akureyri nýlega og það verður að segjast,
að við höfum ekki heyrt önnur dæmi um fimm bræður
svo frambærilega á sviði íþróttanna. En Akureyringar
státa af þessu og eru það fimm synir hjónanna
Aðalheiðar Alfreðsdóttur og Gísla Hjartarsonar.
Allir muna eftir bræðrunum Felixsonum, Herði,
Gunnari og Bjarna á sínum tíma í landsliðinu í
knattspyrnu. Einnig má nefna dugmikla sundknatt-
leiksfjölskyldu, en í þeirri grein hefur þó ekki verið
talað um landslið í háa herrans tíð, svo að ekki hafa
þeir bræður verið í landsliði í íþrótt sinni.
Elzti Akureyrarbróðirinn Gíslason er Hjörtur, sem
iðkaði lyftingar í mörg ár og var þá í landsliði
unglinga og margfaldur íslandsmeistari. Sá næsti,
Alfreð, er einn sterkasti handknattleiksmaður Akur-
eyringa, hefur verið í unglingalandsliði og er nú í liði
21 árs og yngri. Þá kemur Gunnar, leikmaður KA bæði
í handknattleik og knattspyrnu, en á sínum tíma
unglingalandsliðsmaður í síðarnefndu greininni.
Yngstir eru svo tvíburarnir Garðar og Gylfi, sem
nýlega voru valdir í landslið unglinga í lyftingum.
Tvíburarnir Garðar og
Gíslasynir, 16 ára, yngstir
landsliðsbræðra. (Mynd T
> |
Stundar-
friður til
Júgóslavíu
+ Framkvæmdastjóri leiklistar-
hátiðarinnar Bitef i Júgóslaviu
var nýlega á ferð hérlendis og sá
þá m.a. sýningu Þjóðleikhússins á
Stundarfriði eftir Guðmund
Steinsson. í framhaldi af heim-
sókn þessari hefur Þjóðleikhúsið
nú fengið boð um að sýna Stund-
arfrið á Bitef-hátiðinni í septem-
ber á næsta ári.
Hátíð þessi er haldin annað
hvert ár og er þetta í annað sinn
sem Þjóðleikhúsið tekur þátt i
henni, fyrra skiptið var 1976 er
Inúk var sýndur þar. Með helstu
hlutverk fara Kristbjörg Kjeld,
Helgi Skúlason, Árni Tryggva-
son, Guðbjörg Þorbjarnardóttir,
Sigurður Sigurjónsson, Lilja
Þorvaldsdóttir og Guðrún Gisla-
dóttir. Sýningar eru orðnar 40
talsins og er ekkert lát á aðsókn
segir að lokum í frétt Þjóðleik-
hússins.
+ Fjögur víetnömsku barnanna hafa
nú byrjað skólagöngu í Melaskólan-
um, þar af eru þrjú systkin, Kristín,
Dóra og Skúli og sú f jórða heitir Anna
og er hún kínversk. Á efri myndinni
sést Kristín til hægri á myndinni, hún
situr í 3-D og á neðri myndinni e Dóra
upptekin við skriftir, hún er í 2-C.
Ingi Kristinsson, skólastjóri Mela-
skólans sagði að börnin væru búin að
vera tíu daga og gengi vel og virtust
þau samlagast öðrum nemendum,
mæta vel og engin vandamál komið
upp. Ljósm. Mbl. Emilía.
fclk í
fréttum
n
Skólagangan hafin
j