Morgunblaðið - 06.03.1980, Side 3

MORGUNBLAÐIÐ, FIMMTUDAGUR 6. MARZ 1980
3
Aðgerðaleysi í skipulagsmálum stefn-
ir byggingaiðnaðinum í stórhættu
Rætt við Birgi Isleif Gunnarsson en hann á sæti i skipulagsnefnd
í borgarstjórn Reykjavíkur kemur í dag til umræðu og afgreiðslu
tillaga vinstri meirihlutans í skipulagsnefnd um að fresta þvi að
staðfesta aðalskipulag Reykjavíkur en mál þetta hefur verið mikið
deiluefni i skipulagsnefnd og í borgarráði að undanförnu. Af þessu
tilefni sneri Mbl. sér til Birgis ísieifs Gunnarssonar en hann á sæti
i skipulagsnefnd:
„Við sjálfstæðismenn höfum
brugðist mjög hart gegn tilraun-
um vinstri meirihlutans í skipu-
lagsnefnd og borgarstjórn til að
drepa á dreif og fresta enn
staðfestingu og framkvæmd að-
alskipulagsins, sem samþykkt
var 1977. Við teljum að allur
frekari dráttur stefni byggingar-
iðnaðinum í Reykjavík í stór-
hættu, enda er lóðaskortur nú
þegar farinn að gera alvarlega
vart við sig. Nefna má, að
tæplega 1000 umsóknir bárust
um lóðir, sem nú stendur til að
úthluta en þær eru 236 svo engan
veginn tekst að fullnægja eftir-
spurn.
Á fundi borgarstjórnar þann
25. apríl 1977 voru samþykktar í
borgarstjórn tillögur um endur-
skoðun aðalskipulagsins frá
1965. Að lokinni afgreiðslu
þeirra tillagna var samþykkt
með 12 atkvæðum að vísa álykt-
un borgarstjórnar til skipulags-
stjórnar ríkisins með staðfest-
ingu fyrir augum. Þróunarstofn-
un Reykjavíkur var síðan falið
að undirbúa málið fyrir skipu-
lagsstjórn ríkisins, en þegar
vinstri meirihlutinn tók við
völdum vorið 1978 var sú vinna
stöðvuð. Ástæður þess voru
greinilega þær, að alþýðubanda-
lagsmenn höfðu greitt atkvæði
gegn einstökum þáttum skipu-
lagsins en eftir kosningarnar
tóku þeir forystu í skipulagsmál-
um af hálfu meirihlutans og
virtust ekki geta hugsað sér að
halda áfram á grundvelli fyrri
samþykktar.
Við sjálfstæðismenn höfum á
þessu kjörtímabili reynt að
knýja fram að gengið verði frá
aðalskipulaginu en án árangurs.
Það alvarlegasta í þessu er, að
ekkert hefur verið aðhafst í
langan tíma fyrr en nú þegar í
óefni er komið. Tillögur vinstri
meirihlutans í skipulagsnefnd
sem lagðar verða fram í borgar-
stjórn í dag, ganga út á það að
fresta enn staðfestingu skipu-
lagsins og taka til endur-
skoðunar vissa þætti þess með'
það fyrir augum að ljúka því
verkefni í maí. Við teljum hins
vegar óraunhæft að nokkur end-
urskoðun, sem gagn er að, geti
farið fram á svo stuttum tíma.
Við viðurkennum að slíkt skipu-
lag þarf að vera í stöðugri
endurskoðun, þar sem ýmsar
forsendur eru ávallt að breytast,
en sú endurskoðun tekur lengri
tíma ef takast á að leysa þann
skipulagsvanda, sem borgin
stendur nú frammi fyrir í dag
eftir aðgerðaleysi vinstri meiri-
hlutans.
Rétt er að benda á, að Borgar-
skipulag Reykjavíkur (Þróunar-
stofnun Reykjavíkur) lét frá sér
fara í janúar síðastliðnum um-
sögn um staðfestingu á
aðalskipulagi Reykjavíkur
Birgir ísleifur Gunnarsson
1975—95 og hefur sú umsögn
verið mjög umdeild. Borgarverk-
fræðingurinn í Reykjavík sá
sérstaka ástæðu til þess aö
mótmæla þessari greinargerð
með ítarlegri umsögn og við
fulltrúar Sjálfstæðisflokksins í
skipulagsnefnd höfum skrifað
ítarlega greinargerð um þetta
mál. I þessari greinargerð kemur
fram, að við teljum þær fullyrð-
ingar rangar, að minni byggð
rúmist á svonefndum
Úlfarsfellssvæðum en aðalskipu-
lag gerir ráð fyrir. .
Við höfum einnig talið ólíklegt
að hægt sé að taka fljótlega til
bygginga svæði, sem hafa verið
undir vatnsvernd, þar sem rann-
sóknir á heildarvatnsmagni í
Reykjavík séu ekki það langt á
veg komnar að verjandi sé að
taka Bullaugu úr notkun.
Allt tal vinstri meirihlutans
um mistök við endurskoðun
aðalskipulagsins frá 1977 er út í
hött. Við þá vinnu lögðu hönd á
plóginn hinir færustu fagmenn
og í skipulagsnefnd sátu menn
sem gjörþekktu skipulagsmál.
Má þar nefna Garðar Halldórss-
on núverandi húsameistara
ríkisins, Helga Hjálmarsson
arkitekt og Sigurð Harðarson
núverandi formann skipulags-
nefndar. Hann ýar á móti ýms-
um efnisþáttum skipulagsins og
hefði því vafalaust verið fljótur
að finna að, ef eitthvað hefði
skort á hin faglegu vinnubrögð.
Það er því í hæsta máta lítilm-
annlegt nú hjá vinstri meirihlut-
anum i skipulagsnefnd að ætla
að skjóta sér á bak við einhver
mistök. Mistökin í þessu máli
liggja í aðgerðaleysi vinstri mei-
rihlutans og því einu.“
Guðlax meðal um
40 sjávarrétta
á kútmagakvöldi
ÞÆR ERU margar kynlegar skepnurnar, sem synda í hafinu í
kringum landið, og aðeins hluti þeirra, sem við íslendingar nýtum
okkur. Guðlaxinn er ein þessara tegunda, en þó mjög sjaldgæf og
ekki á hverjum degi á borðum. Hann verður þó að finna meðal 40
annarra sjávarrétta á árlegu kútmagakvöldi Lionsklúbbsins Ægis
á Hótel Sögu i kvöld. Sérfróðir segja okkur að þessi heldur
ófrýnilega skepna sé herramannsmatur og standist fyllilega
samanburð við laxinn.
Sigurvin Gunnarsson yfir-
matsveinn á Hótel Sögu sagði í
samtali við Mbl. í gærkvöldi, að
þetta væri góður matur og
Guðlaxinn er litrik skepna sam-
kvæmt Fiskabók AB, sporður
og uggar rauðir, bleikur á kvið
og blár á bak.
minnti bæði í lit og bragði á lax.
Þeir á Sögu hefðu bragðað á
þessari fisktegund í fyrsta skipti
í gær og þyrðu svo sannarlega að
mæla með fiskinum, sem þeir
skæru í sneiðar og grilluðu á
pönnu.
Ekki sagðist Sigurvin áður
hafa matreitt þennan fisk, enda
væri hann sjaldgæfur í afla
íslenzkra sjómanna. Þann guð-
lax, sem upp á verður boðið á
Sögu í kvöld í fyrsta skipti á
íslenzku veitingahúsi, fékkst á
handfæri í mynni Eyjafjarðar í
sumar. Tveir menn voru þar á
handfærum og þeim varð heldur
hverft við er þeir sáu tvo guð-
óli Harðarson matsveinn og Sigurvin Gunnarsson yfirmatsveinn á Hótel Sögu með guðlaxinn, sem
Lionsfélagar hyggjast snæða í kvöld. (Ljósm. Emilía).
laxa birtast. Þeim tókst að ná
öðrum þeirra inn fyrir og síðan
hefur hann verið vandlega
geymdur í frysti.
I Fiskabók AB fundum við
eftirfarandi upplýsingar um
guðlax:
„Auðþekktur á vaxtarlaginu,
bolurinn er mjög hár, en þó
allþykkur. Munnur lítill, tann-
laus og framskjótanlegur.
Hreistrið er smátt og mjög laust.
Lengdin 1.5—1.8 m. Þyngdin allt
að 100 kg. Miðsævis djúpfiskur,
aðallega á 100—400 metra dýpi.
Fæða er aðallega kolkrabbi.
Hér við land er hann ekki
sjaldséður, en aðallega verður
hans vart á sumrin og haustin og
er útbreiðsla hans í nokkru
samræmi við göngur beitu-
smokksins. Ágætur matfiskur,
minnir á lax.“
SCANDINAVIAN
FASHION WEEK
Kaupmannah. 13/3—19/3.
Gisting:
Hotel Hebron
Grand Hotel
Páskaferð —
Benidorm
15 dagar
Brottför 3. apríl
Verð frá kr. 267.000-
LONDON
Páskaferð
Brottför 29/3 og 1/4
Gisting:
Cumberland Hotel
Regent Palace Hotel
Londoner Hotel
Ferðamiðstöðin hf. seljum farseðla um allan
Aðalstræti 9 — Símar 11255 - 12940 HEIM Á HAGSTÆÐASTA VERÐI