Morgunblaðið - 09.03.1980, Side 32
SUNNUDAGUR 9. MARZ 1980
PIERPODT
QUARTZ — úr
Þessi heimsþekktu úr
fást hjá flestum úr-
smiðum.
Féll útbyrðis
og drukknaði
HÁSETI á báti frá Vestmanna-
eyjum féll útbyrðis og drukknaði
þar sem báturinn var að veiðum
út af Ingólfshofða á föstudag.
Maðurinn sem drukknaði var
rúmlega þrítujrur. ókvæntur og
barnlaus, með lögheimili i
Reykjavík. Ekki er unnt að birta
nafn hans að svo stöddu.
Verið var að leggja netin þegar
slysið varð. Hásetinn ætlaði að
stytta sér leið upp á efra þilfar,
notaði ekki stigann innan þilja en
fór út um netarúllugat á síðu
skipsins og ætlaði að vega sig upp
á efra þilfar utan á borðstokknum.
Talið er að hann hafi misst tökin,
því skipverjar sáu hann falla í
sjóinn. Var bátnum snúið við og
stakk háseti sér í sjóinn eftir
manninum og skipstjórinn einnig,
en sá sem féll fyrir borð var
ósyndur. Kom hásetinn fyrst að
manninum og síðan skipstjórinn
og var búið að ná manninum um
borð aftur eftir um það bil 7—10
mínútna volk í sjónum. Var
maðurinn þá látinn og báru
lífgunartilraunir ekki árangur.
Tæplega 60 íslenzkir
íþróttamenn við æfing-
ar og keppni erlendis
MhÐ HVERJU ánnu sem líður fjölgar þeim íþróttamönnum
íslenzkum, sem leggja stund á íþrótt sína í öðrum löndum. Við
lauslega samantekt í gær taldist Mbl. til, að nú væru hátt í 60
íþróttamenn við æfingar og keppni erlendis í þremur
íþróttagreinum, 23 í knattspyrnu, 25 í frjálsum íþróttum og 9
í handknattleik.
17 þeirra 23 knattspyrnumanna,
sem nú eru samningsbundnir við
erlend félög, hafa leikið í íslenzka
landsliðinu í íþróttinni. Flestir eru
þ< ir í Svíþjóð eða 14 talsins og
hafa þá ekki fulla atvinnu af
íþróttinni heldur er hún hluta-
starf hjá þeim flestum. í Belgíu
eru 5 knattspyrnumenn, 1 í Holl-
andi, 1 í V-Þýzkalandi, 1 í Skotl-
andi og 1 er á samningi við
bandarískt félag. Að auki eru
nokkrir knattspyrnumenn erlend-
is við æfingar, en koma á ný heim
er líður á vetur.
I Bandaríkjunum eru 19 frjáls-
íþróttamenn við æfingar og fleiri
eru á förum þangað. Þarna eru
m.a. nokkrir af beztu frjáls-
íþróttamönnum Islendinga, sem
búa sig nú af kappi undir
Ólympíuleikana á sumri komanda.
Auk þess eru 3 frjálsíþróttamenn í
Svíþjóð og 3 í V-Þýzkalandi. Flest
af þessu fólki einbeitir sér að
æfingum, en nokkrir eru við nám
eða starf jafnframt.
í V-Þýzkalandi eru 5 hand-
knattleiksmenn samningsbundnir
þarlendum félögum, 1 er á Spáni
og þrír í Svíþjóð. Auk þessa má
nefna, að fyrr í vetur voru hópar
skíðamanna við æfingar erlendis,
og þá einkum í Svíþjóð og Mið-
Evrópu, en einnig í Bandaríkjun-
um.
Mikil bleyta og slabb var á götum og gangvegum á höfuðborgarsvæðinu í
gærmorgun og fram eftir degi, eins og þessar myndir bera með sér. Ekki er kunnugt
um nein óhöpp af þessum sökum, en víða varð fólk fyrir óþægindum og starfsmenn
Reykjavíkurborgar voru í önnum við að opna niðurföll og veita burt „stórfljótum" á
götum borgarinnar.
Snjóflóð féU í
Olafsxíkuri'nni
SNJÓFLÓÐ féll í gær-
morgun í Ólafsvíkurenni,
um hálfan kílómetra frá
ólafsvík. Fór það yfir veg-
inn og niður í fjöru um 30
metra. Þar sem snjóflóðið
féll yfir veginn var það 8
metra djúpt og 12—14
metrar á breidd. Var unn-
ið við að ryðja snjónum í
gær. Var víða þungfært
um fjallvegi á Snæfellsnesi
í gær og ekki tókst að fara
um kerlingarskarð í
gærmorgun vegna veðurs.
I fyrrinótt snjóaði um
vestanvert landið og setti
niður töluverðan snjó. Er
snjóvaðall víða á vegum, en
þó eru vegir færir. í gær-
morgun var Hellisheiði
ófær og var hún rudd þá
þegar en umferð gekk mjög
stirðlega í gær. Var snjó-
koma af og til. Greiðara
var um Þrengsli en mikil
hálka.
Geir Hallgrímsson í viðtali við Vísi:
„Hef ekki áhuga á að vera
formaður, ef ég nýt ekki
trausts ílokksmanna til þess“
GEIR HallKrimsson, formaður Sjálfstæðisflokksins, segir í viðtali
við danblaðið Vísi í gær, að hann hafi ekki áhuga á að vera formaður
Sjálfstæðisflokksins njóti hann ekki trausts flokksmanna til þess. í
viðtali þessu er Geir Hallftrimsson spurður, hvort hann hafi hugleitt
að segja af sér formennsku „í kjölfar ófara flokksins undir þinni
stjórn“. Hann segir: „Nei, reyndar ekki, og við skulum ekki tala um
ófarir, heldur áföll. Hins vegar hef ég ekki áhuga á að vera
formaður, ef ég nýt ekki trausts flokksmanna til þess. Ég tel skyldu
mina að skila flokknum af mér með þeim hætti, að ekki verði sagt, að
ég hafi gefizt upp eða brugðizt þeim trúnaði, sem mér var sýndur á
síðasta landsfundi.“
Þá var Geir Hallgrímsson
spurður í þessu viðtali, hvort
hann geti hugsað sér að vera í
þingflokknum eftir að annar
maður væri orðinn formaður
flokks og hann svarar: „Já, það
gæti ég vel hugsað mér. En
varðandi hvort tveggja, þing-
mennsku og formennsku í flokkn-
um, þá hef ég aldrei hugsað mér
að vera í því mjög lengi. Eg hef
alltaf verið ákveðinn í að hætta,
meðan ég hefði enn fulla starfs-
krafta og eiga nokkur starfsár,
þar sem ég gæti verið herra yfir
mínum eigin tíma, en það hef ég
ekki verið síðan ég varð borgar-
stjóri."
í Vísisviðtalinu er Geir Hall-
grímsson spurður um það, hvern-
ig hann hafi sinnt því að ala upp
samstarfsmenn og hvort hann sé
búinn að sjá sér út eftirmann og
hann svarar: „Það get ég ekki
sagt. Það er auðvitað skylda
stjórnmálaforingja að sjá til þess
að til séu menh í flokknum til að
leysa hann af.“
Þá er formaður Sjálfstæðis-
flokksins spurður, hvernig til-
finning það hafi verið að gegna
þessu starfi, er hann fékk á sig
mótframboð á landsfundi,
Reykjavíkurborg hafi tapast,
mesta fylgistap í sögu flokksins
án þess að það hafi unnizt til
baka og loks hallarbylting í
febrúar.
Geir Hallgrímsson svarar á
þessa leið: „Það liggur í augum
uppi, að þetta er andstreymi, sem
menn í svona stöðu verða að taka
án þess að láta hugfallast. Hins
vegar er ljóst, að þó Sjálfstæðis-
flokkurinn tapaði miklu 1978
hefði hann getað náð því fylgi
aftur, ef menn hefðu borið gæfu
til að standa saman. Það hafa
ekkí komið fram alvarleg
málefnaleg ágreiningsatriði inn-
an þingflokksins frá þeim, sem
nú hafa klofið sig frá þingflokkn-
um. Vorið 1978 gengu dýrir eiðar
og yfirlýsingar um, að menn
stæðu heilir að baki formanns, en
efndir hafa ekki orðið eins og efni
stóðu til. í því liggur meðal
annars skýringin á, að flokkurinn
náði ekki betri árangri en raun
bar vitni í síðustu kosningum og
einnig í stjórnarmyndunarvið-
ræðum." Formaður Sjálfstæðis-
flokksins er spurður, hvert hafi
verið mesta mótlæti í stjórn-
málaferli hans og hann svarar:
„Missir meirihlutans í
Reykjavík."
Fært er um Heydal og
Dali, allt vestur í Reyk-
hólasveit, og fært er á milli
Þingeyrar og Flateyrar, en
Botnsheiði og Breiðadals-
heiði eru ófærar. Fært var í
morgun um Holtavörðu-
heiði, en skafrenningur.
Greiðfært er um Norður-
land og Norðausturland
með ströndum fram allt
austur til Vopnafjarðar. Af
Austurlandi er síðan greið-
fært til Reykjavíkur.
Spáð éljagangi
um helgina
BÚIST er við að rikjandi verði
suðvestanátt með éljagangi um
allt sunnan- og vestanvert landið
í dag, að því er Guðmundur
Hafsteinsson veðurfræðingur hjá
Veðurstofu íslands sagði í sam-
tali við blaðamann Morgunblaðs-
ins í gær. Má því búast við að
kólni og birti dálítið til, og
slabbið og bleytan frá í gær
hverfi.
Norðanlands og austan sagði
Guðmundur að líklega birti til í
dag.
Úrkoma var allmikil aðfarar-
nótt laugardags sunnanlands, en
þó ekki óvenjulega mikil, að sögn
Guðmundar. Á Stórhöfða í Vest-
mannaeyjum mældist úrkoman 34
millimetrar, en 9 í Reykjavík.