Morgunblaðið - 14.03.1980, Side 22

22
MORGUNBLAÐIÐ, FÖSTUDAGUR 14. MARZ 1980
Ár trésins á
Fáskrúðsfirði
Fáskrúðtifirði, 13. marz.
Á ÞESvSARI lóð stendur hús, sem
Sigurður Einarsson byggði árið
1908 og Marteinn Þorsteinsson,
kaupmaður og útgerðarmaður
hér, og Rósa Þorsteinsdóttir,
kona hans, bjuggu í alla sina tíð
hér á Fáskrúðsfirði. Rósa plant-
aði trjánum, sem sjást á mynd-
inni, árið 1920, og er mest af
trjánum danskur reynir. Eru
þessi tré með elztu trjám á
staðnum, en garðurinn stendur á
milli Búðavegar og Skólavegar,
þar sem Landsbanki Islands æti-
ar að fara að reisa bankahús-
næði.
Ráð er fyrir því gert að trén fái
að standa þó svo að ný og stór
bygging komi á lóðina, en ekki er
enn ákveðið hvort íbúðarhúsið
sjálft, sem er með eldri húsum á
staðnum, verður flutt í heilu lagi í
burtu eða brotið niður. Sigurður
Ráðinn sem frétta-
*
maður að Utvarpinu
HALLGRÍMUR Thorsteinsson
hefur verið ráðinn fréttamaður
hjá Útvarpinu og hefur hann störf
fljótlega. Bæði Útvarpsráð og
Fréttastofa útvarps mæltu með
ráðningu Hallgríms.
Hann hefur starfað á fréttastof-
unni í afleysingum, en verið við
nám í Bandaríkjunum í vetur.
Meðfylgjandi mynd Balt-
asars „Það sem keisarans
er“ birtist í Mbl. í gær með
rabbi við listmálarann.
Myndin sneri þá rangt í
blaðinu og er því birt hér
aftur.
Einarsson, sá er byggði húsið árið
1908, var faðir Einars Sigurðsson-
ar, fyrsta heiðursborgara Búða-
hrepps, en hann er 'nú kominn á
níræðisaldur og starfaði sem
skipa- og húsasmiður hér á Fá-
skrúðsfirði.
Leiðrétting
Flöskuskeyti á ferð-
inni í Reyðarfirði
Eskifirði, 13. marz.
ÞAÐ BAR til tíðinda hér fyrir
nokkrum dögum, að Sören Sören-
sen fann flöskuskeyti i Þernunesi
við Reyðarfjörð, en Sören var
þarna á ferð í steinaleit. Skeytið
var í forláta viský-flösku og var
merkt númer 21, þannig að ætla
má að fleiri skeyti hafi verið send
af sendanda skeytisins, sem
fannst í Þernunesi.
í skeytinu segir m.a., að það sé
sent frá kanadíska flutningaskip-
inu M.V. Arctic 20. ágúst 1978, þar
sem það var statt um 360 sjómílur
suðvestur af Reykjanesi á leið frá
Skotlandi til Nahisisvik á Baffin-
eyju, þar sem það átti að lesta blý
og fleiri málma og flytja til
Antwerpen í Belgíu. Bréfritarinn,
Raymond Brow frá Kanada, biður
finnanda flöskunnar að svara sér
og segja frá fundarstað, ástandi
skeytisins og fleiru og það hyggst
Sören gera fyrr en seinna.
—Ævar
Kosið um áfengisút-
sölu á Seltjamamesi
Bæjarstjórn Seltjarnarnes-
kaupstaðar samþykkti á fundi
sinum s.I. miðvikudag, að fram
skyldi fara meðal íbúa bæjarins
atkvæðagreiðsla um áfengisút-
sölu, en hugmyndin er að gefa
Áfengis- & tóbaksverzlun ríkis-
ins kost á útsölu í hinni nýju
verzlanamiðstöð sem nú er að
rísa við Eiðistorg þar í bæ.
Samkvæmt lögum ber að láta
fram fara atkvæðagreiðslu með-
al íbúa bæjarfélaga hvað
slíkum málum viðvíkur, og
samþykkti bæjarstjórn að kosn-
ingin færi fram samhliða for-
setakosningunum i vor.
Að þessu tilefni sneri Morg-
unblaðið sér til Magnúsar Er-
lendssonar forseta bæjarstjórn-
ar og spurði hann fyrst hvort
hann teldi líkur á, að ibúar
Seltjarnarnesbæjar mundu
samþykkja áfengisútsölu, en
slikt hefur verið fellt t.d. i
Hafnarfirði.
„Að sjálfsögðu er erfitt að
segja um hvernig þessar kosn-
ingar muni fara,“ sagði Magnús
— „en mitt persónulega álit er,
að áfengisútsala verði samþykkt,
enda tel ég það bera vott mikill-
ar hræsni og yfirdrepsskapar
þegar fólk neitar að hafa útsölur
áfengis í sínum bæjum, en síðan
fer mikill hluti þessa sama fólks
langar leiðir til höfuðborgarinn-
ar til áfengisinnkaupa — slíkt
væri einhvers staðar kallað tvö-
falt siðgæði."
Nú er opnunartími verzlana
Magnús Erlendsson
frjálsari á Seltjarnarnesi en í
Reykjavík — má búast við því
sama hvað áfengisútsölu varðar?
„Það er rétt að bæjaryfirvöld
á Seltjarnarnesi vilja veita
íbúum bæjarins sem bezta þjón-
ustu, og því mega kaupmenn
hafa verzlanir sínar opnar svo
lengi sem þeir vilja og hafa
áhuga á, enda er stríður straum-
ur Reykvíkinga í matvöruverzl-
anir á Seltjarnarnesi allar helg-
ar, en hvað viðvíkur opnunar-
tíma áfengisútsölu, yrði það að
sjálfsögðu alfarið í höndum
ráðamanna ÁTVR.“
Búist þið við aukinni áfengis-
drykkju í bænum, ef opnuð yrði
útsala frá ÁTVR?
„Það tel ég af og frá. Rann-
sóknir sína glöggt, að í þeim
bæjarfélögum hér á landi þar
sem opnar eru áfengisútsölur, er
fjarri því að meira sé drukkið en
í þeim bæjum sem engar útsölur
hafa. Kemur þetta skýrt fram í
rannsóknum þeim sem læknarn-
ir Tómas Helgason og Jóhannes
Bergsveinsson ásamt Gylfa
Ásmundssyni sálfræðingi hafa
framkvæmt um áfengisvenjur
íslendinga."
Óttist þið ekki að opnun
áfengisútsölu muni skapa ónæði
hjá íbúum bæjarins?
„I Reykjavík eru áfengisútsöl-
ur inni í miðjum íbúðarhverfum,
þó hefi ég ekki orðið var við í
fjölmiðlum miklar kvartanir af
þeim sökum. Hins vegar vil ég
taka það skýrt fram, að fyrir-
hugaðri útsölu á Seltjarnarnesi
er ætluð aðstaða fjarri íbúðar-
hverfum, eða eins og áður sagði í
hinni nýju stóru verzlanamið-
stöð, og þó ég sé sjálfur lítill
boðberi þessara veiga, þá tel ég
eðlilegt og sjálfsagt, að þeir, sem
þeirra vilja njóta og hafa um
hönd, geti nálgast þær í sínum
heimabæ. Ég er alfarið á móti
boðum og bönnum og tel að í
þessu máli sem flestum öðrum sé
einstaklingnum gefinn hæfileiki
til að velja eða hafna. Bönn hafa
sjaldan leyst nokkurn vanda í
þessum málaflokki," sagði
Magnús Erlendsson að lokum.
Verkefni sveitarfélaganna
verði færð nær fólkinu
— sagði félagsmálaráðherra á fulltrúa-
ráðsfundi Sambands ísl. sveitarfélaga
NÚ STENDUR yfir í Reykjavík fulltrúaráðsfundur Sambands ísl.
sveitarfélaga, en fundurinn hófst í gær og lýkur i dag. Auk reglulegra
fundarstarfa kynnti Ilallgrímur Dalberg ráðuneytisstjóri í félags-
málaráðuneytinu aðra áfangaskýrslu verkaskiptanefndar ríkis og
sveitarfélaga, en hún fjallar um stjórnsýslu og umdæmaskipan á sviði
sveitarstjórnamálefna í landinu. Þá flutti ólafur Davíðsson hagfræð-
ingur í Þjóðhagsstofnun erindi um
Við fundarsetninguna í gær
flutti Svavar Gestsson félags-
málaráðherra ávarp og Sigurjón
Pétursson forseti borgarstjórnar
Reykjavíkur og Jón G. Tómasson
formaður sambandsins setti fund-
inn. Síðdegis í gær hófust síðan
nefndarstörf og mun þeim verða
fram haldið í dag og síðan lögð
fram nefndarálit og fara þá fram
umræður um þau. Fundinum lýk-
ur síðan síðdegis í dag.
í ávarpi sínu gat Svavar Gests-
son félagsmálaráðherra þess að
nefnd sú er starfað hefur að
endurskoðun verkefnaskiptingu
ríkis og sveitarfélaga skuli starfa
áfram og mun hún nú hefjast
handa um síðasta áfanga verkefn-
fjármál sveitarfélaga.
is síns sem varðar skiptingu tekju-
stofna ríkis og sveitarfélaga og
hefur ráðherra óskað eftir því að
hún ljúki störfum um næstu
áramót. Síðan minntist ráðherra á
ýmis atriði er unnið hefur verið að
í ráðuneytinu og snerta sveitar-
stjórnir. I lok ávarps síns ræddi
hann um mikilvægi sveitarfélag-
anna sem stjórnsýslueininga:
„Sveitarstjórnirnar eru þau
stjórnvöld sem næst eru íbúum á
hverjum stað og hverju svæði. Ég
tel að það sé nauðsynlegt fyrir
sveitarstjórnirnar allar að gera
sér grein fyrir þessari staðreynd,
ekki aðeins í orði heldur einnig í
verki með því að reyna að laða
fram frumkvæði og áhuga íbú-
anna í sveitarfélögunum á þeim
margvíslegu verkefnum, sem þau
þurfa að takast á við og sveitar-
stjórnirnar. I þessu sambandi tel
ég ekki síst mikils um vert að
stjórnskipan hinna stærri og fjöl-
mennari sveitarfélaga verði tekin
til sérstakrar athugunar þannig
að verkefnin verði færð nær fólk-
inu með því að laða fram aukinn
áhuga á ákvörðunum um ýmis mál
sem snerta hið daglega líf íbú-
anna. í þessum efnum dugir það
ekki að forráðamenn sveitarfélag-
anna bíði eftir því að þeir verði
spurðir og kvaddir á vettvang af
íhúunum. Forráðamenn sveitarfé-
laganna þurfa að hafa frumkvæði
í þessum efnum og því virkari sem
þátttaka íbúanna er þeim mun
betri verður stjórnin á sveitarfé-
laginu".
Lúðrasveitin
æfir fyrir
Noregsferð
Stykkishólmi 12. marz.
LÚÐRASVEIT Stykkishólms æfir
Islenzkir eðlisfræðingar harma
stofuf angelsun Sakharovs
EÐLISFRÆÐIFÉLAG íslands
hefur ritað eðlisfræðideild Sov-
ézku vísindaakademíunnar bréf,
þar sem stjórn félagsins kveðst
harma þá skerðingu á persónu-
frelsi, sem sovézk yrirvö'd hafi
beitt eðlisfræðinginn Andrei
Sakharov, m.a. með því að gera
honum ókleift að starfa á fræða-
sviði sínu með eðlilegum hætti.
í bréfinu, sem undirritað er af
formanni félagsins, Þorsteini Vil-
hjálmssyni, segir m.a.:
„Sovézk vísindi hafa notið vax-
andi virðingar í hinum alþjóðlega
heimi vísindanna á undanförnum
áratugum. Með aðgerðunum gegn
Sakharov er þessari virðingu
stefnt í voða og kemur þar margt
til. Hætta er á því að tengsl
annarra við þau vísindi, sem unnið
er að við slík skilyrði, gangi úr
skorðum við atburði sem þessa. Sú
einangrun, sem af því leiddi
mundi sem slík vafalaust ekki
verða sovézkum vísindum til
framdráttar. Auk þess munu að-
gerðir af þessu tagi smám saman
móta sovézkum vísindum innri
starfsskilyrði, sem hefta allt eðli-
legt og frjótt vísindastarf."
M.a. er bent á að vísindi geti
stuðlað að friðsamlegri sambúð
milli þjóða, en síðan segir:
„Við getum því miður ekki
dregið dul á þann ótta að atburðir
á borð við stofufangelsun Sakh-
arovs geti orðið til þess að snúa
við þessari þróun, torvelda eðlileg
alþjóðleg samskipti í vísindaheim-
inum og gera að engu þau áhrif,
sem slík samskipti geta haft til
friðar. Þetta bréf er samið til að
lýsa þessum ótta í þeirri von að
valdamönnum snúist hugur áður
en hann verði að veruleika."
Hefur sovézka sendiráðinu á
íslandi verið sent afrit af bréfinu
með beiðni um að efni þess verði
kynnt sovézkum stjórnvöldum.
nú af kappi dagskrá fyrir sumar-
ferð sveitarinnar sem fyrirhuguð
er til Noregs ef ekkert sérstakt
kemur fyrir sem aftrar ferðalag-
inu.
I sveitinni eru nú yfir 20 hljóð-
færaleikarar og hefir lúðrasveitin
starfað samfellt í 36 ár. Félagar
komu á sínum tíma upp Hljómskál-
anum í Stykkishólmi þar sem nú er
Tónlistarskólinn. Var þetta verk
mest unnið í sjálfboðavinnu.
Víkingur Jóhannsson hefur nær
óslitið stjórnað sveitinni, en lengst
hefur Árni Helgason verið formað-
ur eða í 27 ár.Núverandi formaður
er Bjarni Lárentsínusson sem leik-
ið hefir í Lúðrasveitinni næstum
frá upphafi. Aðeins 1 af stofnend-
um er enn hljóðfæraleikari í sveit-
inni en það e Benedikt Lárusson.
— Fréttaritari.