Morgunblaðið - 18.12.1980, Blaðsíða 19

MORGUNBLAÐIÐ, FIMMTUDAGUR 18. DESEMBER 1980
51
Tekið i spil í safnaðarheimili Sauðárkrókskirkju, en þar er talsvert
um féiagsstarf eldri ibúa staðarins.
Skortur á vistrými
fyrir aldrað fólk
mjög tilfinnan-
legur í Skagafirði
Með breyttum þjóðféiagshátt-
um og aukinni velmegun hefur
gamla fólkið einangrast. Það
dvelur ekki lengur í skjóli barna
sinna og snerting þess við æsk-
una er að rofna.
Þegar börnin hverfa að heiman
verða eigin hús og íbúðir, í flestum
tilfellum, bæði of stór og óhentug
öldruðu fólki, að annast þar um
sjálft sig. I hæfilegu húsnæði og
með tilheyrandi aðstoð, getur líf
aldurhniginna hjóna og einhleyp-
inga orðið innihaldsríkt og
ánægjulegt, samskipti aukist inn-
byrðis og samband við umhverfið
haldist. Ellin á ekki að vera
óbærileg einsemd, heldur
skemmtileg hvíld og afþreying við
tómstundastörf og önnur hugðar-
efni. Hér þarf samfélagið að koma
til hjálpar og veita þá aðstoð, sem
unnt er.
Skagfirðingar eiga ekkert starf-
andi elliheimili. í sjúkrahúsinu á
Sauðárkróki er hjúkrunardeild og
íbúðir fyrir átta aldraða einstakl-
inga, byggt fyrir nokkrum árum.
Ljóst er, og hefur lengi verið, að
full þörf er á að bæta hér úr.
Það mun hafa verið árið 1977, að
bæjarstjórinn á Sauðárkróki og
sýslumaður Skagfirðinga fengu
Húsnæðismálastjórn ríksins til að
gera athugun á þörfum fyrir slíka
starfsemi í byggðum Skagafjarð-
ar. Könnun þessi var unnin af
Gylfa Guðjónssyni, arkitekt, og
Asdísi Skúladóttur, félagsfræð-
ingi, og skiluðu þau áliti 1978.
Lögðu þau allmikla vinnu í þetta,
ferðuðust um allan Skagafjörð.
Heimsóttu staði, stofnanir og
gamalt fólk víðsvegar um héraðið.
Amarflug
um jólin
Sérstakar jólaflugferðir Arnar-
flugs hefjast 17. desember til
áætlunarstaða félagsins.
I aðalatriðum verður flogið
samkvæmt venjulegri áætlun og
aukaferðum bætt við eftir þörfum.
Nú þegar hafa bókanir síðustu
dagana fyrir jól gefið tilefni til
aukaferða til flest allra áætlunar-
staða félagsins auk leiguflugs með
sérstaka hópa, eins og nemendur
Núpsskóla suður til Reykjavíkur í
jólaleyfi.
Einungis verður flogið á að-
fangadag ef veður hefur hamlað
flugi dagana á undan og ekki
hefur tekist að koma öllum far-
þegum á ákvörðunarstað.
Arnarflug fellir niður allt flug á
jóladag og hefur aftur flug á
annan í jólum til Siglufjarðar kl.
11.30 og Flateyrar og Suðureyrar
kl. 11.45.
Milli hátíðanna verður flogið
samkvæmt áætlun og bætt við
aukaferðum ef þurfa þykir.
FréttatilkynninK
A þann hátt drógu þau saman
mikinn fróðleik um þessi mál í
sýslunni, en fleiri staðir ættu að
geta notið skýrslunnar að miklu
leyti.
Að lokinni könnun þeirra Ásdís-
ar og Gylfa var málið enn á
umræðustigi og áttu aðilar sýslu
og bæjar með sér fundi um skipan
þessara mála. Á fundi sýsluráðs,
bæjarráðs og félagsmálaráðs
Sauðárkróks í jan. sl. var gengið
frá því, að Skagafjarðarsýsla og
Sauðárkróksbær gerðu með sér
samstarfssamning um sameigin-
lega byggingu hjúkrunar- og dval-
arheimilis í tengslum við Sjúkra-
húsið á Sauðárkróki. Einnig
skyldu reistar íbúðir fyrir aldraða
á Hofsósi og í Varmahlíð. Nú í
sumar kusu sýslunefnd Skaga-
fjarðar og bæjarstjórn Sauðár-
króks þrjá menn hvor aðili í
byggingarnefnd, er hafa skuli á
hendi framkvæmd þessa málefnis.
Byggingarnefndin er tekin til
starfa. Hún hefir yfirfarið skýrslu
Húsnæðismálastjórnar, kynnt sér
á hvern hátt þessum málum er
best fyrir komið annarsstaðar,
rætt við heilbrigðisyfírvöld, Hús-
næðismálastofnun ríkisins og sótt
um lóðir undir umræddar bygg-
ingar. Komið hefur verið að máli
við arkitekta og vonast er til, að
hægt verði að hefja störf á næsta
vori. Augljóst má vera, að mikla
fjármuni þarf til að standa
straum af slíkri framkvæmd.
Fyrirhugað er, að fá félagasamtök
til að taka þátt í allsherjar
fjársöfnun þessu máli til fram-
dráttar. Áhugi er allsstaðar mik-
ill. Rausnarlegar gjafir hafa bor-
ist frá eldra fólki og fylgir
þar góður hugur. Nokkur félög
hafa þegar lýst sig reiðubúin til
samstarfs um málið með fjáröflun
o.fl. Húsnæðismálastjórn hefur
heitið allri þeirri lánafyrir-
greiðslu, er lög heimila og einnig
lífeyrissjóðir í Skagafirði. Hins
vegar er óljóst enn sem komið er
um þátttöku ríkisins, en það mál
verður kannað nánar.
í Skagafjarðarhéraði búa nú um
4500—5000 manns og fer fjölg-
andi. Þarfir þessa fólks fyrir
hverskonar heilbrigðisþjónustu er
hin sama og gerist annarsstaðar.
Ljóst er, að Skagfirðingar hafa
orðið á eftir að skipa þessum
málum eins og best gerist í öðrum
héruðum. Við svo búið má ekki
lengur standa. Allir héraðsbúar
verða að hefjast handa og samein-
ast um farsæla lausn málsins.
I byggingarnefnd aldraðra í
Skagafirði eiga sæti: Frá Skaga-
fjarðarsýslu, sýslunefndarmenn-
irnir: Gunnlaugur Steingrímsson,
Hofsósi, Sigurður Jónsson, Reyni-
stað, Þórarinn Jónasson, Hróars-
dal. Frá Sauðárkróksbæ, bæjar-
fulltrúarnir Friðrik J. Friðriks-
son, Hörður Ingimarsson og Sæ-
mundur Hermannsson.
Oldrunarnefnd Skagafjarðar.
Hjúkrunarfræðingatal
í TILEFNI af 60 ára afmæli
Hjúkrunarfélags íslands var gefið
út Hjúkrunarfræðingatal, sem er
viðbót við Hjúkrunarkvennatal,
sem gefið var út á 50 ára afmæli
félagsins 1969.
Hjúkrunarfræðingatalið geymir
upplýsingar um 850 hjúkrunar-
fræðinga, sem brautskráðst hafa
frá hausti 1969 til jafnlengdar
1979.
Með útgáfu Hjúkrunarfræð-
ingatals liggur fyrir heimild-
arskrá um alla hjúkrunarfræð-
inga íslenska og erlenda, sem
fengið hafa hjúkrunarréttindi hér
á landi.
Hjúkrunarfræðingatalið er
byggt upp á svipaðan hátt og
hefðbundin félags- eða stéttatöl.
greint er frá fæðingardegi, for-
eldrum, námsferli, starfssögu og
fjölskylduaðstæðum hvers hjúkr-
unarfræðings. Mynd fylgir hverri
frásögn.
Hjúkrunarfræðingatalið er í
flestu sniðið eftir fyrri bókinni,
Hjúkrunarkvennatalinu, og mega
ritin teljast ómetanleg heimild-
arrit. Rétt er að benda þeim á, sem
eiga fyrri bókina að verða sér úti
um eintak af seinni bókinni meðan
hún er fáanleg.
Hjúkrunarfræðingatalið er 332
blaðsíður að stærð, prentað á
vandaðan myndapappír. Prent-
verk annaðist prentsmiðjan Edda
Bókin er til sölu í nokkrum
bókaverslunum og á skrifstofu
Hjúkrunarfélags Islands, Þing-
holtsstræti 30 og kostar þar kr.
15.000 og kr. 13.000 til félags-
manna.
Eftir að Hjúkrunarfræðingatal-
ið kom út hafa komið talsverðar
fyrirspurnir um fyrri bókina, sem
nú er uppseld.
Ákveðið hefur verið að gera
könnun á hversu mikill áhugi er á
að endurprenta Hjúkrunar-
kvennatalið og er tekið við pönt-
unum á því á skrifstofu hjúkrun-
arfélags Islands, Þingholtsstræti
30.
(Frá Hjúkrunarfélagi íslands.)
ASIMIXN KR:
22480 kjsl
Jílor)0iml)t«íiib
Electronic Chef
fer sigurför um allt land
KENWOOD ElectronicChef fæst á eftirtöldum stödum:
Rafha, Austurveri
DÓmus, Laugavegi 91
JL hÚSÍÓ, Hringbraut121
Örin, Akranesi
JL husió, Borgarnesi
Einar Stefánsson, Raftækjaverslun, Búóardal
Kaupfélag Saurbæinga, Skrióuiandi, Dai
Póllinn hf., isafiröi
Verslun Einars Guófinnssonar Boiungarvik
Rafbær sf„sigiufirói
Kaupfélag Skagfiröinga, gauóárkróki
‘li'/íúMi
Kaupfélag Húnvetninga, Biönduósi
Hegri, Sauóárkróki
Kaupfélag Eyfiróinga, Akureyri
Askja hf„ Húsavik
Verslunin Mosfell, Heitu
Radío og sjónvarpsstofan, Seifossi
Kaupfélag Árnesinga, Seifossi
Rafbær, Hveragerói
Stafnes Sf., Vestmannaeyjum
Kjarni hf„ Vestmannaeyjum
Stapafell hf.,Kefiavik
Hér er ein lítil
systir..
CHEFETTE
.... og hér er
önnur
MINI
LHEKLA hf
LAUGAVEGI 170-172 -SÍMAR 21240-11687