Morgunblaðið - 18.12.1980, Blaðsíða 37

MORGUNBLAÐIÐ, FIMMTUDAGUR 18. DESEMBER 1980
69
■fr
VELVAKANOI
SVARAR í SÍMA
10100 KL. 10—12
FRÁ MÁNUDEGI
TIL FÖSTUDAGS
Hella samt
olíu á eldinn
í dag stynja mörg heimili og
einstaklingar undir ófrelsi eitur-
nautna. I dag má sjá heimili
sundruð. Og ég er oft að velta því
fyrir mér hvernig þeim sé innan-
brjósts sem lifa, já hafa prósentur
af þvi að gera landa sína verri en
þeir eru, öll þessi vínveitingahús
sem lifa á ógæfu annarra og ég
undrast stjórnvöld sem vita að
það er verið að grafa undan helstu
stoðum íslenskrar og sannrar
velmegunar en hella samt með
áfengisveitingum olíu á eldinn. Er
von að vel fari, þegar jafnvel
okkar bestu menn hlúa að mein-
inu?
Einar Ben. sagði: Sé drepinu
hlúð visnar heilbrigt líf og hefndin
grær á þess leiði.
Tökum á móti
fagnaðarboðskapnum
Þessi sigling gengur ekki. Við
verðum að snúa við. Við getum
snúið við. Hamingja lands og
þjóðar krefst þess. Sá sem er ekki
með er á móti. Enginn getur verið
hlutlaus.
Jólin eru í nánd. Enn kalla
klukkur dýrðar og friðar okkur til
betra lífs. Látum ekki hljóma
þeirra fara inn um annað eyrað og
út um hitt. Tökum á móti fagnað-
arboðskapnum og opnu hjarta
okkar fyrir því, þá eignumst við
sanna hamingju og þá einu fjár-
festingu sem mölur og ryð fá
aldrei grandað.
Guð gefi að svo megi verða og
gefi ykkur öllum sönn og gleðileg
jól.“
fyrir 50 árum
„Hjer úti á Islandi eiga menn
erfitt með að skilja stjórnmáia-
hreyfingu þá í Þýskalandi, sem
kend er við foringjann Hitler,
eða nazionalsósíalistana (nazi).
Þeir prjedika hernað og ribb-
aldaskap, prjedika afturhvarf
til harðstjórnar, ofsóknarhat-
urs gegn þjoðum og þjóðflokk-
um. Og þeim vex fylgi hröðum
skrefum. Ilinn austurríski
húsamálari Hitler, sem menn
fyrir skömmu ýmist aumkvuðu
eða hlógu að, er að safna um sig
fjölmennasta stjórnmálaflokki
Þjóðverja. Hann er sjálfur aust-
urriskur þegn. Ilann er því
ekki kjörgengur O'i þýská
þingsins
En hvernig er þá málpípa
hans, dr. Goebbels?
UtiH maður og visinn — en
með ákaflega sterkan róm. Á
meðal flokksmanna sinna i
þinginu. er hann einhver hinn
óásjálegasti ásýndum.
Þegar hann situr á þingi,
hallar hann sjer að jafnaði
aftur á bak aftur á borðsrönd-
ina, sem er aftan við sæti hans,
og heldur sjer á lofti með
olnbogunum, til þess að verða
ekki alt of lágur i sæti — svo
meira beri á honum .. “
Þessir hringdu . . .
Ólæs eða ekki vöknuð?
Þ. St. hringdi til Velvakanda og
kvartaði yfir sífelldum leiðrétt-
ingum lesara veðurfregna á
morgnana. — í morgun fannst
mér keyra um þverbak, afsakið,
afsakið, Norðurland, afsakið
Norðausturland, o.s.frv. Er ekki
hægt að hafa læsa manneskju í
þessu starfi, sem þarf ekki að vera
að afsaka sig í sifellu í gegnum
alla þuluna? Eigum við hlustend-
ur, sem búum í menningarþjóðfé-
lagi ekki heimtingu á slíku. Þessi
manneskja hlýtur að vera illa læs
eða alls ekki vöknuð þegar hún
hefur lesturinn. Eða er textinn
e.t.v. svona illa búinn í hendurnar
á henni?
Málfari hrakar
Mér sýnist einnig að málfari
fari almennt hrakandi í fjölmiðl-
um, fólk ruglar saman málshátt-
um og orðatiltækjum, hugsun er
tætingslega sett fram, enginn má
vera að því að sýna stillingu og
vanda málfar sit. Ég sá til dæmis
í einhverri fréttaklausu í Mbl. í
gær, að talað var um föður og
dóttur sem mæðgin. Þau hafa
hingað til verið nefnd feðgin og
legg ég til að svo verði áfram, en
móðir og sonur nefnd mæðgin.
Söfnum fyrir sneið-
myndatölvunni
Gamall sjúklingur Landspítal-
ans hringdi og vildi koma á
framfæri áskorun um að drifið
yrði í að efna til allsherjarsöfnun-
ar í landinu til að kaupa sneið-
myndatölvuna handa Landspítal-
anum. — Mér finnst að það væri
ekki úr vegi á merkum tímamót-
um í sögu þeirrar ágætu stofnun-
ar, að landsmenn sýndu svo ekki
yrði um villst, að þeir teldu hana
verðuga slíks framtaks.
Byrgjum brunninn
Önnur móðir í Safamýri
hringdi til Velvakanda og sagðist
vilja staðfesta og taka undir það
sem Móðir í Safamýri sagði í
dálkinum í gær. Það hlýtur að
vera hægt að einangra sölu á
þessum hættulegu efnum eins og
sölu á spritti, og afgreiða þau t.d.
ekki nema gegn framvísun öku-
skírteinis. Ég hvet foreldra til að
vera vel á verði og taka eftir hvort
börn þeirra eru t.d. þung á morgn-
ana. Auk þess vil ég vekja athygli
foreldra á grein dr. Vilhjálms G.
Skúlasonar i Mbl. í gær. Þar er á
ferðinni þörf og fræðandi lesning.
Gefðu okkur jóla-
gjöf, Guðni
P.Þ. hringdi og var heldur betur
óhress yfir að missa Guðna Kol-
beinsson úr þættinum Daglegt
mál. — Ég hlustaði á þennan
fræga þátt, þar sem Guðna fipað-
ist í eignarfallinu. Ég tók nú
reyndar ekki eftir því að einhver
ógæfa hefði átt sér stað og fannst
í meira lagi óviðeigandi að gera
veður út af svona smáræði. Er
Guðni að veita kennurum fordæmi
að þeir hætti kennslu ef þeim
verður á að mismæla sig? Á þjóðin
að taka þetta til eftirbreytni, að
halda sér jafnvel saman eftir að
hafa stigið víxlspor í móðurmál-
inu? Guðni bað um jólagjöf handa
Ríkisútvarpinu, vildi fá nothæft
orð yfir stereo. Um leið og ég bið
Guðna um gjöf á móti, því að æ
sér gjöf til gjalda, þá leyfi ég mér
að láta eitt orð flakka fyrir stereo:
breiðhljómur. Þá bið ég hann að
benda Jónasi Jónassyni, okkar
ágæta útvarpsmanni, á orðið
hljóðstofa, sem vel getur komið í
stað hljóðstúdíós, stofa fyrir stúd-
ió.
Lausn fundin
Gunnar Auðunsson hringdi og
hafði eftirfarandi að segja: — Það
hefur mikið verið þráttað um það,
hvort byggja skuli olíugeyma í
svonefndri Helguvík. Hafa þar
fallið mörg og hressileg orð og
málið jafnvel orðið svo eldfimt, að
stjórnarslit hafa verið nefnd í
sömu andránni. En nú held ég að
lausn sé fundin á þessu erfiða
máli. Gamall og góður skipstjóri
sem fæddur er og upp alinn í
Leirunni segir mér að margnefnd
vík heiti alls ekki Helguvík, heldur
Stakksvík. Það liggur því í augum
uppi að við hættum bara við að
byggja geymana í Helguvík — en
setjum þeim mun meiri kraft í að
reisa þá í Stakksvík. Og allir verða
ánægðir.
Aldrei létu þeir
rakastigið vanta
Kulsækinn Flóridafari hafði
samband við Velvakanda og bað
hann um að koma á framfæri
þeirri fyrirspurn til Veðurstofu
Islands, hvaða ástæður lægju til
þess að rakastig væri ekki haft
með í veðurlýsingu og veðurspá. —
Ég er nýkominn heim frá Flórída
og veitt því sérstaka athygli, hve
líflegar veðurfregnir voru þar
vestra, og fræðandi. Aldrei létu
þeir rakastigið vanta. Það hlýtur
að vera hægt að hafa þetta eins
hér. Liggur ekki í augum uppi að
nauðsynlegt er að vita um raka-
stigið til þess að geta að gagni
notfært sér upplýsingar um hita-
far?
|GROHE
2 VATNSNUDDTÆKI
Æ TIL JÓLAGJAFA
JGefið gjöf sem gerir öllum gott og sérstaklega
þeim sem þjást af gigt og vöðvabólgu.
JUndratækið sem mýkir vöðva og veitir vellíðan.
Hægt er að tengja vatnsnuddtækið við hvaða
| I | blöndunartæki sem er, gömul sem ný.
Dönsk urvals hjól frá
Sterk
léttbyggð og á góðu
verði miðaö viö mjög háan gæðaflokk
Hjól fyrir alla aldursflokka án gíra eða
með 2-3-5-6 og 10 gírum.
Bestu barnaþríhjólin eru auðvitað fré WINTHER
— Góö varahlutaþjónusta —
SÉRVERZLUN í MEIR EN HÁLFA ÖLD.
ÖRNINN
STOFNAO
1925
Spítalastíg 8 v/Óöinstorg,
sími 14661. — Póstkröfuþjónusta.