Morgunblaðið - 21.12.1980, Blaðsíða 29

MORGUNBLAÐIÐ, SUNNUDAGUR 21. DESEMBER 1980
69
Þessir hringdu . . .
Ekkert hægt að
gera í málinu
Guðrún Jóhannsdóttir hringdi
og hafði eftirfarandi að segja: —
Kaupmenn hafa oft haldið því
fram, að frjáls verðlagning væri
til hagsbóta fyrir neytendur, hefði
aukna samkeppni í för með sér og
leiddi þannig til lækkunar vöru-
verðs. Nú bar svo við, að ég fór í
Alaska í Breiðholti og keypti
nokkur kerti. Þau voru öll með
tveimur verðmiðum; á neðri mið-
anum stendur 335 kr. en á þeim
efri 615 kr. Ég hafði samband við
skrifstofu verðlagsstjóra út af
þessu máli og var sagt þar að
ekkert væri hægt að gera í málinu,
þar sem álagning á þessari vöru
væri frjáls. Hvað finnst neytend-
um um frjálsa álagningu, ef hún á
að verða í ætt við þetta? Faðir
minn var kaupmaður, svo að ég
veit vel hvað það kostar að reka
fyrirtæki.
Það er tvennt sem mig langar að
taka undir, sem rætt hefur verið í
dálkum Velvakanda undanfarið.
Annars vegar er það gagnrýni á
þær áætlanir að taka upp skrefa-
talningu á símtöl hér í borginni,
sem mér finnst ekki koma til
greina af mörgum ástæðum og
hins vegar er það ábending til
kaupmanna að þeir hafi verð með
í auglýsingum sínum; það tel ég
sjálfsagða þjónustu.
ógeðfelldar
bíóauglýsingar
Ó.J. hringdi og kvartaði yfir
ógeðfelldum auglýsingum eins af
kvikmyndahúsunum hér á höfuð-
borgarsvæðinu: — Ég er ekki þar
með að segja að myndir þessa bíós
séu hótinu skárri en auglýsingarn-
ar, en það er eins og eigendur
þessa fyrirtækis haldi að það
dragi meira að bíóinu að kalla
hástöfum um sóðaskapinn í aug-
lýsingum sinum, mér finnst þeir
leggja alla áherslu á að ganga
fram af venjulegu og óbrengluðu
fólki. Nýleg tvö dæmi eru til vitnis
um þetta. I öðru þeirra var klámið
efst á lista og ekki dregið af sér i
auglýsingunum, í hinu var það
ofbeldið, sem þurfti að smjatta á,
svo að útvarpsþulunum svelgdist á
lestrinum. Barðir til róbóta, sagði
einn þeirra í ógáti. Útvarpið ætti
að sýna festu gagnvart svona
siðleysi og hafna allri dýrkun á
ofbeldi eða klámi. Það hefði al-
menningsálitið með sér í því efni.
Hérna fylgir sýnishorn af því sem
þetta fyrirtæki hefur að segja í
auglýsingu um menningarframlag
af sinni hálfu þá vikuna og birtist
í einu dagblaðanna fyrr í mánuð-
inum.
Hví þurfa þingmenn
svo langt jólafrí?
Ungur maður hringdi í Velvak-
anda og vildi koma á framfæri
fyrirspurn um það hvernig á því
stærði að þingmenn, sem væru
hátt launaðir hjá hinu opinbera,
þyrftu lengra jólafrí en yngstu
nemendur í barnaskólum. — Ég
hef oft verið að velta þessu fyrir
mér og þætti fróðlegt að fá
skýringar á því. Auðvitað veit ég
að þeir þurfa að hafa samband við
sína kjósendur og allt það. En er
þetta eðlilegt?
Heimsóknir á jólum
Sig J. hringdi í Velvakanda og
kvaðst hafa verið hrifin af hug-
mynd sem hún hefði heyrt að
hrint hefði verið í framkvæmd
erlendis en ekki hér heima. —
Menn voru hvattir til að heilsa
hverjir öðrum og kinka vinsam-
lega kolli. Ég man ekki hverjir
voru upphafsmenn þessa, en það
skiptir ekki öllu máli. Ég ætla að
stinga upp á því að við íslendingar
gerum þetta að tímamótajólum og
látum okkur ekki nægja að senda
jólakort, heldur heimsækjum
hverjir aðra, ekki síst þá sem á
einhvern hátt þurfa sérstaklega á
heimsóknum að halda.
Hafið útiljósin á
fyrir bréfberana
Reynir Armannsson póst-
fulltrúi hringdi og kvað það valda
miklum erfiðleikum fyrir bréfber-
ana sem bæru út jólapóstinn, að
fólk slökkti á útiljósum hjá sér
þegar það færi að heiman á
morgnana. — Margar götur eru
illa upplýstar, svo að unglingarnir
eiga í mesta basli við að lesa á
bréfin. Þar við bætist að þau eru
oftast ókunnug og geta þannig
ekki stuðst við neitt. Ég mælist
vinsamlega til þess að fólk skilji
eftir útiljósin á þegar það fer til
vinnu og hvet hina sem heima
sitja til að kveikja hjá sér.
Argur út í Karnabæ
Sveinn Sigurðsson hringdi og
sagðist vera argur út í Karnabæ
fyrir að plata sig ofan úr Breið-
holti og láta sig fara erindisleysu.
— Þeir auglýsa í Morgunblaðinu á
miðvikudaginn m.a. litla plötu,
Sector 27, með Tom Robinson í
aðalhlutverkinu. Hann var vinsæll
hér á íslandi og í Bretlandi þegar
hann var með Tom Robinson
Band. Ég var búinn að bíða eftir
þessari plötu og var því fljótur að
taka við mér. Strætó úr Breiðholt-
inu niður á Hlemm. í einum
spretti í Karnabæ. — Nei, því
miður, þessi plata er ekki komin
ennþá, sögðu þeir. Eins og ég
sagði, þá er ég argur út í Karnabæ
fyrir þetta prakkarastrik og leyfi
mér að gagnrýna svona verslunar-
hætti.
Paradísarheimt á
óhentugum tíma
Margrét Sæmundsdóttir
hringdi og kvaðst vera heldur
óhress yfir þeim tíma sem valinn
hefði verið til sýningar á Paradís-
arheimt. — Á jóladagskvöld eru
margir að sinna gestum sínum,
svo að enginn kostur er að horfa á
myndina. Og auðvitað er slæmt að
missa af 1. hlutanum. Ég leyfi mér
því að bera fram þá fyrirspurn til
sjónvarpsins hvort það ætli að
endursýna þenn'an hluta.
ORIS
Svissnesk goeði
á góðu veiði
öryggi og styrkur ORIS úranna fer langt fram
úr verðinu. Það sannar áratuga reynsla okkar
fagmanna. Veldu þér ORIS úr, verðið gerir þig
enn ánægðari.
örugg þjónusta fagmanna. Póstsendum um
land allt.
FRANCH MICHELSEN
ÚRSM ÍÐAM EISTARI
LAUGAVEGI 39 SÍM113462
MF=
Massey Ferguson
Tilgreint verð miðast
við gengi 5/12 1980
VERÐLÆKKU N!
Eigum nokkrar dráttarvélar
verði:
Tegund:
MF 135 MP
MF 165 8
MF 165 MP
MF 185 MP
til afgreiðslu á lækkuðu
Lækkað verð:
Gkr. 5.950.000 Nýkr. 59.500
Gkr. 7.400.000 Nýkr. 74.000
Gkr. 7.900.000 Nýkr. 79.000
Gkr. 9.500.000 Nýkr. 95.000
Núv. verð:
kr. 7.150.000
kr. 8.800.000
kr. 9.300.000
kr. 10.900.000
Sölumenn okkar og kaupfélögin veita allar upplýsingar
MJÖG HAGSTÆÐ KJÖR
HhöJbtwiv-éiwv fif
SUÐURLANDSBRAUT 32 • REYKJAVIK• SIMI 86500