Morgunblaðið - 21.12.1980, Blaðsíða 31

MORGUNBLAÐIÐ, SUNNUDAGUR 21. DESEMBER 1980
71
4. sunnu-
dagur
í aðventu
UPP. Kleðjizt allir. Kledjizt þér,
t Guði vorum fattna ber,
vort hjálpráð nú er nærri.
Ó, heyrið bliðan boðskap þann,
að borinn er i manndóm hann,
sem Guð er, himnum hærri.
Burt, hryggð, úr allra hjðrtum nú.
kom, heilög gleði, svo i trú
vér Jesú faðmað fáum,
og elskan heit af hjartans rót
þeim himingesti taki mót
með lofsongs hjómi háum.
Ó, virztu, góði Guð. þann frið,
sem gieðin heims ei jafnast við,
f allra sálir senda,
og loks á himni lát oss fá
að lifa jólagleði þá,
sem tekur aldrei enda.
Kingo - Sb. 1801 - H.Hálfd.
Biblíulestur
Vikuna 21.—27. dosember.
Sunnudagur 21. des. Jóh. 1:19-28
Mánudagur 22 des. Lúk. 1: 39-56
Þriðjudagur 23. des. Jer. 31:2-6, 14
Miðvikudagur 24. des. Jes. 9: 5-7a, 11:1-2, 23: 5-6
Fimmtudagur 25. des. Lúk. 2:1-14
Föstudagur 26. des. Matt. 23:34-39
Laugardagur 27. des. Jóh. 21:19b-24
Svo sem vér og
fyrirgefum vor -
um skuldunautum
Þessi bæn er í rauninni seinni hluti bænarinnar: Fyrirgef oss
vorar skuldir. Við biðjum Guð um fyrirgefningu allra okkar synda,
það er dagleg bæn, því við erum syndarar sem eigum allt undir
fyrirgefningu og náð Guðs komið. Bænin um fyrirgefningu er því
eins og játning þess að við viðurkennum smæð okkar og sekt
frammi fyrir Guði.
Sá sem þegið hefur náðina og hefur fengið að reyna mátt
fyrirgefningarinnar, hann hlýtur að fyllast löngun til að eiga
hugarfar fyrirgefningarinnar og biður því Guð hjálpar í því.
Nú kemur það á daginn að þetta er eitt af því erfiðasta í
mannlegu samfélagi. Ef eitthvað smávegis er gjört á hlut okkar þá
blossar reiðin og hefndarhugurinn upp, slíkt er eðli manneskjunn-
ar.
Jesús fjallar um þetta atriði í dæmisögunni: Skuldugi þjónninn.
Hann skuldaði 10 þúsund talentur, sem er þvílík upphæð að
vonlaust er að greiða hana. En húsbóndinn gaf honum upp
skuldina.
Jólaliós í úrvali
UNDANFARNAR vikur hefur
jólaljósunum fjölgað jafnt og
þétt. Aðventukransar, aðventu-
stjörnur, Ijósum prýdd jólatré á
torgum, ljósaskreytingar yfir
verslunargötum. Ijósaraðir á
svölum, Ijós í kirkjugörðum og
kertasaia i fullum gangi. öll
þessi ljós gleðja okkur því meir
að jólahátíðina ber upp á þá
daga ársins sem dimmastir eru.
Oft heyrist um það rætt að
jólaljósin og jólaamstrið stytti
skammdegið og geri mönnum
létt i skapi þegar drunginn er
mestur. Án efa er svo. Hitt er
vert að hugleiða, hvort öll þessi
ljósadýrð hafi einhverja
merkingu aðra en þá að gleðja
okkur meöan stystur er sólar-
gangur.
„Hið sanna ljós, sem upplýsir
hvern mann var að koma í
heiminn" segir í jólaguðspjalli
Jóhannesarguðspjalls. „Ljósið
skín í myrkrinu," segir þar einnig.
Ekki er þar átt við svartnætti
skammdegisins heldur veröld
mannsins. Það mun tæpast of-
mælt, að þeir tímar sem við
nútímamenn lifum séu tímar
bölsýni og vonleysis. Sjaldan hef-
ur verið spurt áleitnari spurninga
um framtíð heims og manns en
einmitt nú. Bölsýnið og vonleysið
á sér ekki rætur í svartagallsrausi
trúarleiðtoga. Heimsendir er nú
ekki fyrst og fremst boðaður af
predikunarstólum kristinna
kirkna. Framtíðarfræðingar með
stafla af framtíðarspám um fólks-
fjölgun, orkuþurrð, fæðuskort,
styrjaldarlíkur o.s.frv. flytja
okkur þennan boðskap. Þær eru
fáar bjartsýnisraddirnar um
framtíð heims og manns. Ósjálf-
rátt koma manni í hug orðin úr
fyrsta kafla 1. Mósebókar: Myrk-
ur grúfði yfir djúpinu.
Þeir eru margir, sem selja vilja
hrjáðu mannkyni ljós. Margir,
sem segjast eygja von fyrir mann-
inn. Sú von er gjarnan bundin
möguleikum mannsins sjálfs.
Trúarlegar hreyfingar af óskyld-
asta tagi fara sigurför víða um
lönd. Mannkyn, ekki síst sá hluti
þess sem „á' lífið framundan"
leitar ljóss, leitar vonar.
Kristnir menn trúa því að
ljósið, vonin, sé þegar í heiminn
komið. Jesús Kristur, hið sanna
ljós sem upplýsir hvern mann
kom í heiminn. Dýrð sé Guði í
upphæðum og friður á jörðu!
Ljósið skín í myrkrinu!
En guðspjall Jóhannesar segir
meira. „Ljósið skín í myrkrinu, og
myrkrið hefur ekki tekið á móti
því. — Hann kom til eignar
sinnar og hans eigin menn tóku
ekki við honum.“
Jesús Kristur skírskotar ekki
fyrst og fremst til fjöldans. Hann
mætir einstaklingnum með ljós
sitt og lífgjöf og spyr: Viltu
þiggja? Viltu þiggja líf af mínu
lífi, ljós af mínu ljósi, von og frið?
Þegar þú kveikir á aðventuljós-
unum þínum, þegar þú sérð jóla-
ljósadýrðina í kringum þig, þegar
þú kveikir á jólatrénu þínu, láttu
það þá verða þér predikun um hið
sanna ljós sem kom í heiminn, til
að lýsa þér, gefa þér frið, gefa þér
von. Láttu það ekki aðeins verða
þér stytting á skammdeginu held-
ur varanlegt ljós í lífi þínu. Öllum
þeim sem tóku við honum gaf
hann rétt til að verða Guðs börn.
Sá réttur er þér gefinn án skíl-
yrða af kærleika. Gjörðu svo vel.
„Þér eruð ljós heimsins", sagði
Jesús við þá sem gengu honum á
hönd. Þeir voru það ekki af
sjálfum sér heldur vegna þess sem
hann hafði gefið. Þetta er einnig
sagt við þig sem ert lærisveinn
Jesú í dag. Þú ert sendur með ljós
vonar, kærleika og friðar þar sem
þú ferð meðal þeirra sem finnst
myrkrið umlykja sig og eygja
enga von. Immanúel — þ.e. Guð
með oss — ljósið skín í myrkrinu!
En þjónninn var varla kom-
inn út frá hinum miskunn-
sama húsbónda er hann rakst
á samþjón sinn sem skuldaði
honum smá upphæð og þar eð
hann gat ekki greitt skuldina
samstundis þá lét hann færa
hann í varðhald.
Þessi dæmisaga endurtekur
sig aftur og aftur í daglegu lífi
og skapar endalausa úlfúð,
hatur og svik.
Við gleymum svo oft að líta í eigin barm og sjá í réttu ljósi allt
það sem við höfum gert á hlut náunga okkar. Við gerum líka allt of
lítið af því að setja okkur í spor þeirra sem eitthvað hafa gert á
hlut okkar. Hvað þá að við hugsum um þá óborganlegu skuld sem
við höfum fengið gefna upp hjá Guði með krossdauða frelsarans.
Jesús Kristur tók á sig skuld okkar og sekt, dó saklaus fyrir seka
til þess að við losnuðum úr fjötrum syndarinnar og dauðans. Sá
sem kemur auga á þessa lausn Drottins og frelsun á að finna hjá
sér þrá og löngun til að fyrirgefa meðbróðurnum ekki sjö sinnum
heldur sjötíu sinnum sjö sinnum, eins og Jesús komst að orði.
Þessi bæn er því mjög nauðsynleg eins og allar bænir hinnar
Drottinlegu bænar, og þarf íhugunar við. Notum hana rétt og
biðjum Guð um að gefa okkur skilning á mikilvægi hennar og
kraft til að framfylgja henni í lífi okkar og starfi.
... fréttamolar ...
SVÍÞJÓÐ — barátta gegn
frjálsum fóstureyðingum
Eftir að frjálsar fóstureyð-
ingar voru leyfðar í Svíþjóð
hafa þær verið 30—35.000 ár-
lega. Á yfirstandandi ári er gert
ráð fyrir að þær verði nálægt
40.000 sem þýðir að á 25 árum
verði framkvæmdar milljón
fóstureyðingar. Vegna þessa
hefur Kyrkliga Förbundet sent
frá sér samþykkt sem felur í sér
harða gagnrýni á núgildandi
fóstureyði ngalöggj öf í Svíþjóð
og leggur jafnframt áherslu á
rétt hins ófædda barns til lífs.
Samþykktinni er fylgt eftir með
undirskriftasöfnun sem ætlað
er að styðja það viðhorf til
fóstureyðinga sem fram kemur í
samþykktinni. Kyrkliga För-
bundet heldur því fram í yfir-
lýsingu sinni að líf hins ófædda
sé fullverðugt mannlegt líf sem
hefur mannlega séð rétt til
framtíðar. M.a. segir í sam-
þykktinni: „Mörg verðandi
mannaböm, sem fórnað hefur
verið á altari fóstureyðinga-
löggjafarinnar hefðu án efa
getað orðið meðal velgjörðar-
manna mannkyns."
Kyrkliga Förbundet hyggst
með undirskriftasöfnun sinni
stuðla að sterkri andstöðu við
núgildandi löggjöf um fóstur-
eyðingar og styrkja þá hreyf-
ingu sem þegar gerir vart við
sig í Svíþjóð gegn frjálsum
fóstureyðingum. Þetta hefur
m.a. leitt til þess að sænska
þingið hyggst taka umrædd lög
til endurskoðunar.
Gyðingar og kristnir
Lútherska heimssambandið
hyggst koma á alþjóðlegri
ráðstefnu um samband kirkj-
unnar og gyðingdóms. Ráðgert
er að ráðstefnan verði haldin á
árinu 1981 og þátttakendur
verði 60—70. Forsendur ráð-
stefnunnar eru miklar umræður
sem átt hafa sér stað um
gyðingdóm og kristindóm á
undanförnum árum, ekki síst í
Noregi.
Evróputrúboð
Anfin Skaaheim, fram-
kvæmdastjóri kristilegu skóla-
hreyfingarinnar í Noregi hefur
boðið þrem stærstu lúthersku
kristniboðssamtökunum í Nor-
egi til óformlegra viðræðna um
að reka kristniboð í Evrópu.
Skólahreyfingin hefur tengsl
við hliðstæð samtök í Evrópu og
hefur sent hjón til þessara
starfa i Lissabon.
Alíka mikið Kuðleysi
í Vestur-Evrópu og
Sovétríkjunum
— Vesturlönd eru nú stærsti
kristniboðsakur í heimi, sagði
þekktur trúboði, dr. Alan Wal-
ker frá Sidney, í ræðu sem hann
hélt á ráðstefnu margra kirkju-
deilda sem nefnist World Con-
vention of Churches of Christ,
þar sem mættir voru fulltrúar
frá 60 löndum.
— Hin raunverulega höfnun
trúarinnar á Vesturlöndum er
jafngild hinu fræðilega guðleysi
sem ríkir í kommúnistaríkjun-
um. Að líkindum er álíka margt
fólk sem tilbiður Guð í Sovét-
ríkjunum og á Vesturlöndúm.
Sovésk yfirvöld sýna meiri
sjálfstjórn en yfirvöld á Vestur-
löndum. Klámrit og opinbert
vændi er bannað í Sovétríkjun-
um á meðan slíkt vex og dafnar
í Vestur-Evrópu og á Norður-
löndum, sagði dr. Walker og
hvatti kirkjurnar á Vesturlönd-
um til að leggja áherslu á að
kalla fólk til afturhvarfs og
trúar á Jesúm Krist.