Morgunblaðið - 23.01.1981, Blaðsíða 10

10
MORGUNBLAÐIÐ, FÖSTUDAGUR 23. JANÚAR 1981
Frá hinni nýju íélagsmiðstöð Fjölbrautaskólans i Breiðholti.
Fjölbrautaskólinn í Breiðholti opnar Félagsmiðstöð:
„Sannkallaður hátíðisdag-
ur fyrir okkur nemendur44
- segir Gunnar Baldvinsson, formaður nemendaráðs
NEMENDAFÉLAG Fjðlbrauta
skólans i Breiðholti opnaði á mið-
vikudaK fyrsta áfanga nýrrar fé-
lagsmiðstöðvar i kjallara nýju
sundlaugarbyggingarinnar við
Austurberg 5. Við opnunarathöfn-
ina héidu ræður Guðmundur
Sveinsson, skólameistari fjöl-
brautaskólans, Höskuldur Goði
Karlsson, félagsfulltrúi og Gunnar
Baldvinsson. formaður nemenda-
ráðs. Að athöfninni lokinni var
ýmislegt til skemmtunar. Kór Fjöl-
brautaskólans söng nokkur lög,
lesin var grfnhrollvekja, lesin ljóð
o.fl.
1 samtali sem Morgunblaðið átti
við Gunnar Baldvinsson, form. nem-
endaráðs, kom fram að hér er um að
ræða 350 fermetra húsnæði. „Við
erum búin að bíða eftir að þessum
áfanga yrði lokið í rösklega þrjú ár,
þannig að þetta er sannkallaður
stórhátíðisdagur fyrir okkur," sagði
Gunnar. „Nemendur skólans hafa
lagt fram geysimikla vinnu við að
gera húsnæðið nothæft og það er
allt sjálfboðavinna. Hér var meira
að segja unnið á hátíðisdögum í
jólafríinu og síðustu daga fram á
nætur, — við kláruðum hér kl. 3 í
fyrrinótt. Reykjavíkurborg hefur
látið okkur í té hráefni en við höfum
séð um að vinna úr því. Við höfum
nýtt okkur fjölbreytni skólans við
verkið þannig að nemendur á tréiðn-
aðarsviði hafa séð um alla trévinnu,
nemendur á rafiðnaðarsviði um
lýsingu og rafmagn, nemendur á
listasviði um skreytingar o.s.frv.
Húsnæðið höfum við ókeypis en
allan tækjakostnað höfum við hins
vegar þurft að greiða sjálf og er þar
um nokkra fjárupphæð að ræða —
t.d. kostuðu hljómflutningstækin
rúmlega 40.000 nýkr.
Ætlunin er að hafa hér framvegis
opið alla daga þannig að nemendur
skólans geti verið hér þegar þeir
eiga frí. Hér verður starfrækt sölu-
búð og flutt músik að deginum. Á
kvöldin verða hér kvöldvökur,
dansskemmtanir, spurningakeppn-
ir, málfundir og fleira.
Þegar allur kjallarinn verður
korr.inn í notkun, en þess er nú
trúlega langt að bíða, er ætlunin að
opna hér stóra félagsmiðstöð. Þá er
ætlunin að hér verði m.a. þrekstöð,
þar sem menn geta æft lyftingar,
ljósmyndaherbergi fyrir ljósmynda-
klúbb skólans, tómstundasalur,
hægt verður að stunda borðtennis,
biljard og fleira þess háttar."
Verður þetta fullnægjandi að-
staða til félags- og tómstundastarfa
fyrir nemendur skólans?
„Þetta húsnæði sem við opnuðum
í dag er náttúrulega alger bráða-
birgðaaðstaða en þegar allur kjall-
arinn hefur verið tekin í notkun
hugsa ég að það verði nægjanlegt.
En þó þessi aðstaða sé lítil erum við
mjög ánægð með hana — hún er
undirstaðan að auknu félagslífi við
skólann og kemur öllum nemendum
hans til góða,“ sagði Gunnar að
lokum.
Við opnunarathöfnina klippti Guðmundur Sveinsson, skólameistari, á
borða, sem strengdur hafði verið á gangveginn inn i félagsmiðstöðina.
Ljósmynd Emllia.
Ekkja
skáldsins
Nadezhda Mandelshtam,
ekkja Osip Mandelshtam,
sovéska stórskáldsins
sem var eitt af fórnarlömbunum
í hreinsunum Stalins, var jarð-
sett í litlum kirkjugarði í útjaðri
Moskvu skömmu eftir áramótin.
Nokkur hundruð vina og að-
dáenda fylgdu henni hinsta spöl-
inn.
Lögreglujeppi og svartur lög-
reglubill, sem var þéttsetinn
óeinkennisklæddum lögreglu-
mönnum, stóðu álengdar ef ske
kynni að útfarargestir notuðu
tækifærið til þess að láta í Ijós
andúð sína á stjórnvöldum
vegna meðferðar þeirra á hinni
látnu og eiginmanni hennar, sem
týndi lífinu í fangabúðum Gul-
ag-kerfisins árið 1938 sem
„fjandmaður þjóðarinnar".
að margir urðu að standa utan
dyra í hinum nístandi kulda á
meðan athöfnin fór fram. Rit-
höfundur í hópnum lýsti því
fyrir vestrænum fréttamanni
hversvegna jarðarför þessarar
öldruðu konu var jafnfjölmenn
og raun bar vitni. Hann er einn
þeirra skálda og rithöfunda sem
í fyrra gerðu árangurslausa til-
raun til að fá að gefa út
óritskoðað safnrit smásagna og
ritgerða.
Hann sagði:
„Hún á virðingu okkar sem
merkisberi þeirra sovésku
skálda sem voru hundelt á dög-
um Stalins og urðu jafnvel mörg
hver að gjalda skoðana sinna
með lífinu. Hún á þakklæti
okkar og virðingu fyrir að varð-
veita skáldskap eiginmanns síns
Nadezhda
Mandelshtam,
merkisberi
hinna ofsóttu
skálda
NADEZHDA: lögreglan fylgdist náið með útförinni.
En það var engu líkara en að
fólkið hefði bundist um það
fastmælum að minnast þeirra
hjóna á þessari stundu með
þögninni einni saman. Engar
ræður voru fluttar. Það eina sem
rauf kyrrðina þennan þungbúna
vetrardag var ómurinn af sálma-
söng kórsins þegar líkmennirnir
hófu kistuna upp á axlir sér og
báru hana út úr kirkjunni.
Nadezhda Mandelshtam var
81 árs þegar hún dó í íbúðar-
kytru sinni hinn 29. desember
síðastliðinn. Hún átti enga ætt-
ingja á lífi, og lögreglan notaði
það sem tylliástæðu til þess að
taka líkið í sína vörslu og
innsigla íbúðina. En Nadezhda
átti traustan vinahóp sem hún
hafði ánafnað eigur sínar í
erfðaskrá. Þessir vinir hennar,
sem þóttust vita að viðbrögð
lögreglunnar væru að minnsta
kosti að nokkru leyti af pólitísk-
um toga spunnin, fengu nokkra
félaga úr rithöfundasamtökun-
um til liðs við sig og tókst að fá
leyfi til að sjá sjálfir um útför-
ina.
Hún var gerð frá kirkjukríli í
einu af úthverfum höfuðborgar-
innar og þröngin var svo mikil
með því að læra ljóðin hans
utanbókar á þeim árum þegar
það var hættulegt að festa þau á
blað.“
Annar rithöfundur sagði:
„Með því að koma hingað erum
við að votta þeim manni virð-
ingu okkar sem með skáldskap
sínum lagði grundvöllinn að nú-
timabókmenntum Sovétríkj-
anna.“
Osip Mandelshtam var
„endurreistur" eins og það heitir
þar eystra eftir lát Stalins og
ljóðasafn eftir hann var gefið út
i Leningrad 1974, en þótt I
bókina vanti flest þau af ljóðum
skáldsins sem síst hafa hlotið
náð fyrir augum stjórnvalda, er
bókin ekki föl almenningi heldur
einungis á boðstólum í sérversl-
unum Sovétmanna fyrir útlenda
borgara!
Endurminningar Nadezhdu
Mandelshtam, þar sem hún lýsir
meðal annars ógnum Stalin-
tímabilsins, voru og að sjálfs-
ögðu bannfærðar í ættlandi
hennar. Aftur á móti var hand-
ritinu komið vestur fyrir tjald og
birt þar i myndarlegri og eftir-
minnilegri útgáfu.
(Þýtt og •ndursagt.)
Kostnaði verði dreift jafnt á alla landsmenn
- segir í ályktun stjórnar Orkubús Vestfjarða um
ástandið í raforkuframleiðslu vegna vatnsskorts
Á stjórnarfundi Orkubús
Vestfjarða, sem haldinn var
miðvikudaginn 21. janúar
var rætt um hið alvarlega
ástand, sem skapast hefur
vegna samdráttar i raforku-
framleiðslu landsmanna sök-
um vatnsskorts. Miklar vonir
voru bundnar við tengingu
Vesturlinu og var tenging
hennar talin forsenda að
traustum rekstrargrundvelli
Orkuhúsins. Nú virðast þær
vonir hafa brugðist verulega,
að minnsta kosti í bili.
Stjórn Orkubús Vestfjarða
mótmælir þeim afarkostum,
sem Orkubúinu er gert að
sæta varðandi verðlagningu á
raforku og telur að Orkubú
Vestfjarða eigi fyllsta rétt á
orkukaupum samkvæmt gjald-
skrá eins og önnur orkufyrir-
tæki í landinu.
Á fundinum var fjallað um
stóraukna raforkuframleiðslu
með díselvélum og áform um
skiptingu kostnaðar milli til-
tekinna orkufyrirtækja af
þeim sökum. Stjórnin mót-
mælir því, að slíkar ákvarðan-
ir um framleiðslu raforku hafi
verið teknar án þess að tals-
mönnum Orkubúsins hafi ver-
ið gefinn kostur á að setja
fram sjónarmið Vestfirðinga í
málinu.
í annan stað mótmælir
stjórn Orkubús Vestfjarða því,
að kostnaði vegna þessara
óumflýjanlegu ráðstafana
skuli ekki dreift á alla lands-
menn heldur einvörðungu á þá
aðila, sem greitt hafa hvað
hæst orkuverð í landinu. Vest-
firðingar eru að sjálfsögðu
fúsir að bera sinn hluta þessa
kostnaðar, en krafa er gerð
um, að allir aðrir landsmenn
beri einnig sinn hluta.
Miðað við þær tillögur sem
liggja fyrir er miðað við það,
að Orkubú Vestfjarða, þ.e.
orkunotendur á Vestfjörðum,
greiði rúmar 980 milljónir
g.króna vegna aukins kostnað-
ar, sem leiðir af raforkufram-
leiðslu með díselvélum, en það
svarar til tæplega 100 þúsund
g.króna á hvern íbúa veitu-
svæðisins og er þá gert ráð
fyrir óbreyttu ástandi í
orkuframleiðslu næstu fjóra
mánuði. Með hliðsjón af yfir-
lýsingum stjórnvalda og einn-
ig með hliðsjón af orkuverði á
Vestfjörðum er þess krafist að
fyrirliggjandi tillögur um
skiptingu þessa stóraukna
framleiðslukostnaðar raforku
í landinu verði teknar til
endurskoðunar nú þegar þann-
ig að kostnaði verði dreift á
alla landsmenn.
(Fréttatilkynnlng.)