Morgunblaðið - 22.02.1981, Blaðsíða 18

18 MORGUNBLAÐIÐ, SUNNUDAGUR 22. FEBRÚAR1981 __
Sjónvarpsþættir til dönsku-
kennslu teknir í Höfn i sumar
í JÚLÍ í sumar hefjast í Danmörku upptökur á 10
sjónvarpsþáttum, sem sérstaklega eru gerðir til dönsku-
kennslu á íslandi. Kvikmyndaleikstjórinn danski Bent Christ-
ensen, þekktur maður fyrir bæði kvikmyndir og sjónvarps-
myndir, gerir myndirnar, en auk hinna 10 25 mínútna þátta
fyrir sjónvarp, fylgir áætluninni útvarpsefni og bækur til
kennslu á dönsku. Sagði Christensen íslenzkum blaða-
mönnum, sem hittu hann að máli í danska sjónvarpshúsinu í
Gladsaxe að þetta væri eitt stærsta verkefni, sem opinberir
aðilar í Danmörku hefðu lagt í og raunar það eina af þessu
tagi. Kostnaðaráætlun hijóðar upp á 4 milljónir danskra
króna, sem skiptist á tvö ár, en Islendingar leggja til 268
þúsund d. króna hvort ár. Tekur upptakan í sumar í
Danmörku 4 mánuði og aðra fjóra mánuði önnur vinna og
frágangur þáttanna. Áætlað er að myndirnar verði tilbúnar 1.
marz 1982.
Kvikmyndastjórinn Bent Christensen lýsir því fyrir isienzkum
biaðamönnum hvernig hann hugsar sér sjónvarpsþættina til dönsku-
kcr.nslu á íslandi, sem hann er með i undirbúningi. Ljósm. E.Pá.
Málið á sér nokkurn aðdrag-
anda, má rekja alla leið aftur til
1978, þegar þáverandi utanríkis-
ráðherrar landanna, Einar Ág-
ústsson og K.B. Andersen, áttu
fund og Einar gerði tillögu um að
kannaðir yrðu í starfshópi mögu-
leikar á að semja dagskrá fyrir
dönskukennslu á Islandi fyrir út-
varp og sjónvarp. Danir tóku
málinu ákaflega vel og nefnd
embættismanna landanna vann að
því og skilaði áliti sumarið 1979,
sem varð til þess að fjárveitingar
fengust og framkvæmdanefnd tók
við, sem fékk það hlutverk að
stjórna áætluninni. Henni veitti
forstöðu Peter Söby Kristensen
sendikennari. Sagði Bent Christ-
ensen að mikið væri búið að vinna
að undirbúningi. Höfundar væru
þrír, Hans Hansen, Erik Thygesen
og Poul-Henrik Trampe, en fjöl-
margir íslendingar og Danir hefðu
komið þar við sögu.
Bent Christensen sagðist telja
að þessi þáttaröð ætti góða mögu-
leika á að vekja áhuga á íslandi,
fyrir utan það að verða að gagni
við dönskukennslu og menningar-
samskipti landanna. Því væri lögð
áherzla á að myndirnar yrðu
skemmtilegar fyrir áhorfendur,
þótt taka yrði tillit til þess að
verið væri að æfa málakunnáttu.
Bæru kvikmyndirnar þess merki,
m.a. í samningu, því málið þyrfti
að smáþyngjast, og í klippingu.
Kvikmyndin fjallar um íslenzka
stúlku um tvítugt, Hildi Gunnars-
dóttur, sem kemur til Kaiip-
mannahafnar í fylgd með veikum
ættingja, sem deyr, en hún ákveð-
ur að vera kyrr í Danmörku um
sinn. Og inn í það fléttast svo leit
hennar að unnusta, sem horfið
hefur, en hún þykist viss um að sé
í felum í Danmörku. Leitin leiðir
hana á ýmsar slóðir í Danmörku,
þar sem hún kynnist fólki af öllu
tagi, líka Islendingum sem vinna í
Danmörku. Þannig kynnast áhorf-
endur í gegn um Hildi smám
saman danskri menningu, dönsku
hugarfari og siðum, þannig að
sagan á 2ð gefa í heild mynd af
daglegu lífi í Danmörk'J. Er efnið
einkum miðað við að það nýtist
fullorðnu fólki aimennt með
sæmilega færni í að lesa dönsku
en takmarkaða í að skilja mælt
mál og tala, og er ekki fyrir algera
byrjendur.
Þættirnir eru teknir á 16 mm
filmu, svo að hægt verður að nota
efnið af filmu, myndsegulböndum
og hljómböndum í skólum eftir að
sjónvarpsþættirnir hafa verið
sýndir. En Christensen sagðist
miða við það — í klæðaburði og
öðru — að efnið yrði notað í 5 ár,
því líf og lifnaðarhættir breyttust.
Þó mundu raunar flestir gera ráð
fyrir að nota mætti þá lengur.
Aðalpersónurnar í kvikmynd-
inni eru fimm. Kvaðst leikstjórinn
lengi hafa leitað og loks fundið
unga íslenzka leikkonu, sem væri
búin að koma og fá þjálfun í
Danmörku — Lilju Þórisdóttur.
Og hún mundi koma með fjöl-
skyldu sína til Danmerkur áður en
upptaka hæfist og dvelja þar.
Kvaðst hann viss um að hún væri
rétta manneskjan í hlutverkið. Að
öðru leyti eru í aðalhlutverkum
Ove Sprogoe, Sonja Oppenhagen,
Claus Strandberg og Sören Pil-
mark. Aftur á móti kvaðst hann
ekki enn búinn að finna tónskáldið
sem gera mundi tónlist við mynd-
ina, en það ætti að vera islenzkt.
Sjálfur hefur Christensen farið
til íslands. Dvaldi þar nokkurn
tíma til að kynnast íslenzkum
viðhorfum áður en hann hóf
verkið. Sagöisí hafa orðið var við
að lítið væri um danskar b«ck9r
hér, en Andrés Önd gætu menn
keypt á dönsku. Væri æskilegt
fyrir samskipti landanna að sjón-
vörpin skiptust meira á dag-
skráratriðum, t.d. menningardag-
skrám. Þau þyrftu að eiga mögu-
leika á að velja þætti, án þess að
þau skipti væru sett i kerfi, sem
Hvort sem litið er á þvottahæfni, efnisgæði,
handbragð eða hönnun, er Völund í sérflokki,
enda fyrsta flokks dönsk framleiðsla, gerð
til að uppfylla ströngustu kröfur vandlátustu
markaða veraldar.
Volund
danskar þvottavélar
í hæsta gæðaflokki.
Frjálst val hitastigs með hvaða
kcrfi sem er veitir fleiri mögu-
leika en almennt eru notaðir, en
þannig er komið til móts við
séróskir og hugsanlegar kröfur
framtíðarinnar.
Hæg kæling hreinþvottarvatns
og forvinding í stigmögnuðum
lotum koma í veg fyrir
krumpur og leyfa vindingu á
straufríu taui.
En valið er þó frjálst:
flotstöðvun, væg eða kröftug
vinding.
Trefjasían er í sjálfu
vatnskerinu. Þar er hún
virkari og handhægari,
varin fýrir barnafikti
og sápusparandi svo um
munar,
Traust fellilok, sem lokað er
til prýði, en opið myndar bakka
úr ryðfríu stáli til þæginda
við fyllingu og iosun.
Sparnaðarstilling tryggir
góðan þvott á litlu magni
og sparar tíma, sápu
og rafmagn.
Fjaðurmagnaðir demparar
í stað gormaupphengju
tryggja þýðan gang.
Fullkominn öryggisbúnaður
hindrar skyssur og óhöpp.
3ja hólfa sápuskúffa
_x>g alsjálfvirk sápu-
og skolefnisgjöf.
Fjórir litir: hvitt, gulbrúnt, grænt, brúní.
Tromla og vatnsker
úr ekta 18/8 króm-
nikkelstáli, því
besta sem völ er á.
Lúgan er á sjálfu
vatnskerinu, fylgir
því hreyfingum þess
og hefur varanlega
pakkningu.
Lúguramminn
er úr ryðfríum
málmi og
rúðan úr
hertu pyrex-
gleri.
Annað eftir
því.
Strax við fyrstu sýn vekur glæsileiki Völund athygli þína.
En skoðaðu betur og berðu saman, lið fyrir lið, stillingar,
möguleika, hönnun, handbragð og efnisgæði, og þá skilurðu
hvers vegna sala á vönduðum vélum hefur á ný stóraukist
í nágrannalöndunum. Reynslunni ríkari huga nú æ fleiri að
raunverulegu framleiðslulandi og verðleikum fremur en
verði og gera sér Ijóst, að gæðin borga sig: strax vegna
meira notagildis, síðar vegna færri bilana, loks vegna lengri
endingar.
Volund ^
þvottavélar-þurrkarar-strauvélar
FYRSTA FLOKKS FRÁI
Traust þjónusta
Afborgunarskilmálar I
iFOmx
HÁTÚNI 6A • SÍMI 24420
B.B. fyrir þá sem bvggia
BYGGINGAVÖRUR HE
Suðurlandsbraut 4.
Sími 33331. (H. Ben-húsið).
í öllum lengdum
Þakjárnið fæst í öllum lengdum upp að
10 metrum. Einnig í „standard" lengdum frá
6-13 fet. Höfum einnig fyrirliggjandi:
KJÖLJÁRN ÞAKPAPPA
RENNUBÖND ÞAKSAUM
mwimnuMi
EFÞAÐERFRÉTT-
NÆMTÞÁERÞAÐÍ
MORGUNBLAÐENU