Morgunblaðið - 12.04.1981, Qupperneq 20
68
MORGUNBLAÐIÐ, SUNNUDAGUR 12. APRÍL 1981
Boðið til páskaveizlu II
Pottarím
Umsjón: SIGRÚN
DAVÍÐSDÓTTIR
Og áfram neldur veizlan ...
Nautakjöt íyllt með
kjúklinKalifrarkæfu
(Frh.) / (Handa sex)
Uppskriftin af kjúklingalifr-
arkæfunni var í síðasta blaði,
svo ég sný mér alfarið að
kjötinu.
6 sneiðar úr nautafilé, G cm
þykkar og 150—180 gr hver
sneið
kjúklingalifrarkæfa
um 3 msk smjör
1. Kjötið á að vera laust við
allar himnur og sinar, svo að þið
byrjið á að skera þær utan af, ef
með þarf. Snúið sneiðunum
þannig að hliðin vísi upp. Skerið
lítinn skurð í hliðina, og víkkið
út svo að þið komið um 1 msk af
kjúklingalifrarkæfu í hverja
sneið. Lokið með því að stinga
tannstöngli fyrir. Þegar þið eruð
búin að útbúa sneiðarnar og
fylla, geta þær beðið í nokkrar
klst. í kæliskáp.
2. Þegar sezt er að borðum,
hitið þá pönnu með þykkum
botni, gjarna smiðajárnspönnu,
með því að setja hana á 2—3 (á
sex stiga plötu). Þar á hún að
hitna í gegn án smjörs.
3. Steikið kjötið rétt áður en
það er borið fram. Setjið smjörið
á pönnuna og hækkið hitann.
Þegar smjörið er bráðið og
brúsandi, þá steikið þið kjötið,
um 6—8 mín. hvora hlið. Það er
viðkvæmt mál hversu mikið
kjötið á að vera steikt, svo það er
skynsamlegt að spyrjast fyrir
um óskir hvers og eins. En það
er staðreynd að þegar kjötið er
rautt og safamikið að innan, en
ekki endilega blæðandi, nýtur
það sín sérstaklega vel. Þegar
kjötið er hæfilega steikt er það
borið fram.
Ef þið viljið búa til sósu er það
einfalt mál. Þið takið þá kjötið
af pönnunni og haldið því heitu.
Hellið um 3% dl af rjóma á
pönnuna. Látið rjómann sjóða
hressilega stutta stund og hrær-
ið í á meðan, svo þið náið
kjötsafanum vel af pönnunni.
Rjóminn þykknar við suðuna og
verður fyrirtaks sósa. Ofurlítið
af nýmöluðum pipar og lxk— 2
msk sojasósa er hæfilegt krydd.
Ef þið viljið hafa enn meira
við, byrjið þið á því að hella 2—3
msk af koníaki, eða öðru ámóta
áfengi á pönnuna, látið sjóða
augnablik og skafið safann af
henni, áður en þið hellið rjóman-
um á pönnuna.
Og enn er hægt að halda
lengra eftir breiðum brautum
sósugerðarinnar. í stað koníaks,
eða gjarnan ásamt koníaki, hell-
ið þið allt að 1 'k dl af rauðvíni á
pönnuna og látið sjóða þar til
aðeins um helmingur er eftir. Ef
þið drekkið rauðvín, hafið þá
gjarnan sama vín i sósuna. Það
tekur enga stund á pönnu við
mikinn hita. Hellið síðan rjóma
í, en nú aðeins um 2'k dl. Ykkur
finnst þetta kannski ekki mikil
sósa, en hún á aðeins að vera
meðlæti, en ekki að kaffæra
kjötið. Hrærið vel í henni meðan
hún sýður og berið hana síðan
fram.
Með kjötinu berið þið gjarnan
fram grænar, litlar baunir. Og
notið endilega frystar baunir,
því þær eru mjög áþekkar nýjum
baunum. Það sama er ekki hægt
að segja um niðursoðnar baunir.
Ef þið náið ekki í frystar baunir,
mæli ég með að þið sleppið
baununum, en notið nýjar gul-
rætur í staðinn. Skerið þær í
þunnar sneiðar, eða eldspýtna-
laga stöngla, og farið með þær
eins og sagt er um baunirnar hér
á eftir.
500 gr. frystar haunir
30 gr. smjör, eða um það bil
1 fínsaxað hvitlauksrif
1. Hitið smjörið í potti, og
látið hvítlaukinn malla þar í svo
hann mýkist en brúnist ekki.
Hellið frystum baununum
(óþíddum) í pottinn og látið þær
þiðna og hitna í gegn, en ekki
sjóða. Haldið þeim heitum ef
þær þurfa að bíða.
Ef ykkur finnst þetta ekki
nógu matarmikið meðlæti, getið
þið bætt bökuðum kartöflum við.
Ef ykkur finnst of lítið að gera
ráð fyrir einni sneið af kjöti á
mann, getið þið haft 1—2 auka-
sneiðar með. En mér finnst
ósköp hæfilegt að gera ráð fyrir
sneið á mann, þegar um marg-
réttaða máltíð er að ræða.
Jöklasalat meÖ vín-
berjum og sesamfræjum
(Handa sex)
Þið getið notað hvort sem er
jöklasalat (ísbergssalat), kína-
kál eða blaðsalat. Aðalatriðið er
að salatið sé stinnt og fínt, en
ekki lint og ellilegt. Bezt er að
nota græn, sæt vínber, en blá
koma einnig til greina og taka
sig vel út. Mér finnst þau bláu
ekki eins bragðgóð, en það er
smekksatriði. Sesamfræ fást
víða, bæði í kryddstaukum og í
pökkum og pokum innan um
svokallaðar heilsuvörur. Þau eru
bragðmild og af þeim er svolítið
hnetubragð. í stað sesamfræja
eru grófsaxaðar valhnetur sízt
lakari. Það virðist e.t.v. mikil
vinna að plokka steinana úr
vínberjunum, en það er alls ekki
seinlegt.
Á salatið er haft ofurlítið af
sósu, rétt til bragðbætis. í hana
er bezt að nota sólblómaolíu eða
enn frekar olíu úr vínberjastein-
um, sem fæst víða í stórum
grænum flöskum frá danska
fyrirtækinu Castus. Gott vínedik
er ómissandi, gjarnan hvítvíns-
edik. Slíkt fæst t.d. í Náttúru-
lækningabúöinni, Jurtinni við
Lækjartorg, Víði og sumum
Sláturfélagsbúðum. Og svo sinn-
ep. En sinnep og sinnep er ekki
það sama. Ég ætla ekki að
sökkva mér djúpt í sinnepsfræð-
in núna, en ég mæli með góðu,
ósætu, frönsku sinnepi. Það fæst
t.d. í Jurtinni og Kirkjufelli. í
Sláturfélagsbúðunum í Glæsibæ
og á Háaleitisbrautinni er nú
boðið upp á glæsilegt úrval
sinneps. Ef þið komið þangað
mæli ég með ávaxtasinnepi í
þetta salat (Moutarde au vin-
aigre rouge aux 3 fruits), búnu
til úr sinnepsfræjum, rauðvíns-
ediki, tómötum, hindberjum og
sólberjum. Þetta er milt sinnep
og ævintýralega bragðgott. Ein
krukka af góðu sinnepi í staðinn
fyrir páskablómin ...
3 msk sesamfræ
1 jöklasalathöfuð, þó ekki risa-
stórt
300 — 400 gr vínber
Sósa:
1 msk edik
3 msk olia
1 tsk sinnep
1. Ristið fræin á þurri pönnu,
þar til þau fara að hoppa og taka
lit. Þau verða bragðmeiri, ef þau
eru ristuð.
2. Hreinsið salatið og þvoið, en
þerrið það vel, áður en það er
blandað sósunni. Það má gera
daginn áður, og geyma í plast-
poka í kæliskáp. Þvoið vínberin
og þerrið. Skerið þau í tvennt að
endilöngu og takið steinana úr.
Undir plasti í kæliskáp geymast
þau þannig í nokkrar klst.
3. Blandið sósuna og þeytið
hana með gaffli. Sósuna má
reyndar gjarnan laga daginn
áður. Setjið salatið í skál, ásamt
vínberjunum og fræjunum.
Hellið sósunni yfir um leið og
salatið er borið fram. Bezt er að
salatið sé svalt, en ekki svo kalt
að bragðið dofni.
Súkkulaðikaka
(Handa sex)
Þessi kaka er sending af
himnum fyrir sælgætis- og
kökuunnendur. Hún er þung og
höfug, bæði sælgæti og kaka, en
þó hvorugt. Hún er bezt 2—3
daga gömul, geymist í 2 vikur í
kæliskáp og nokkra mánuði í
frysti. Pakkið henni í álpappír
og geymið hana þannig. Það er
smekksatriði hvort þið viljið
hana kælda, en mér finnst hún
njóta sín bezt ef hún er látin
standa við stofuhita í um 20
mín. eftir að hún kemur úr
kæliskáp. Sumir vilja eflaust
léttþeyttan rjóma með, ískaldan.
Og einhverjir kjósa líklega
kaffibolla með henni.
Ef ykkur sýnist svo getið þið
notað nokkrar msk af víni í
hana, e.t.v. gróft saxaðar val-
hnetur eða heslihnetur. Ef hún
er páskaterta er tilvalið að
útbúa egg eða unga úr marsi-
pani, sprauta rjómadoppum á og
tylla góðgætinu þar ofan á. En
það bezta við þessa köku er
kannski hvað hún er drjúg ...
500 gr suðusúkkulaöi
20 gr (helzt) ósalt smjör
1 msk vatn
1 msk hveiti
4 egg
1. Setjið ofninn á 225°. Smyrj-
ið botninn á hringlaga formi, um
22 cm í þvermál.
2. Bræðið súkkulaðið og
smjörið yfir vatnsbaði við væg-
an hita. Súkkulaði bráðnar við
um 40°, svo ekki þarf mikinn
hita. Bætið hveiti og vatni í.
Takið af hitanum og bætið
rauðunum í, einni í einu og
hrærið vel í. Blandan hleypur
saman og verður býsna þykk.
Stífþeytið hvíturnar og blandið
þeim í súkkulaðiblönduna í 2
umferðum. Hrærið eins lítið í og
hægt er. Hellið deiginu í formið
og bakið í miðjum ofni í 15 mín.,
já aðeins í 15 mín. Hún er þá
ennþá alveg mjúk í miðjunni, og
það er það sem gerir hana svo
sérstaka. Kælið og takið hana úr
forminu. Lítið hana vera áfram
á botninum, þar til hún er borin
fram.
Þetta er herleg máltíð, ekki
satt. Ef þið viljið enn bæta við
réttum, eru góðir ostar, t.d. á
eftir salatinu, góð viðbót. Vænn
biti af gömlum goudaosti, keypt-
um í annarri hvorri búð Osta- og
smjörsölunnar, er ekki ama-
legur, t.d. með brauði og perum.
Það er reyndar gamall siður
að láta matseðilinn vera á borð-
inu, þegar sezt er til borðs. Þetta
er afburða skynsamlegt þegar
um margréttaðan mat er að
ræða, því þá geta matargestir
farið hóflega að matnum, til að
eiga magarúm fyrir allar kræs-
ingarnar, og jafnvel aukapláss í
lokin, fyrir velsældina. Það er
nefnilega býsna gott að standa
upp frá borðum hæfilega mett-
ur, en ekki pakksaddur og út-
belgdur. Þetta er gott að hafa í
huga, ekki sízt um hátíðir ...
Appelsínur Marokkó — Appelsínur Jaffa — Sítrónur —
Greipaldin — Epli rauð — Epli gr»n — Epli • Granny
Smith — Epli dönsk — Vínber blá — Perur — Plómur —
Avocado — Mangó — Bananar.
w KAUPMENN- VERSLUNARSTJÓRAR
AVEXTIR
IKUNHAR
EGGERT KRISTJAIMSSOIM HF
Sundagörðum 4, sími 85300
ÞÚ AUGLÝSIR UM
ALLT LAND ÞEGAR
ÞÚ AUGLÝSIR í
MORGUNBLAÐINU