Morgunblaðið - 17.05.1981, Blaðsíða 17

MORGUNBLAÐIÐ, SUNNUDAGUR 17. MAÍ1981
17
þá um föt í snyrtiherbergi stöðvar-
innar og komum þeim áfram í
geymslu fyrir lítinn pening á leigu-
bilastöð við hliðina á járnbrautar-
stöðinni. Það er liflegt og afslappað
kvöldlíf við gömlu bátahöfnina í
Weymotuh, sem sýnilega er aðset-
ursstaður siglingafólks á Ermar-
sundi. Skúturnar liggja þar hver
utan á annarri og sumar úti á
flóanum, en siglingafólkið fer í land
að kvöldinu til að fá sér bita í
veitingahúsi og drykk í einhverjum
af þessum litlu börum við höfnina,
þar sem skreytingar og fólk minnir
allt á sjóinn og siglingarnar. Það er
ákaflega notalegt að rölta þar um,
horfa á gömlu húsin og skúturnar.
Kl. 11 fengum við farmiðana, 14
pund á mann, og stigum um borð í
ferjuna til eyjarinnar Jersey. Höfð-
um ekkert fyrir því að reyna að fá
kojur sem sjálfsagt hefur verið
erfitt, enda sváfum við ágætlega í
sætunum, sem hægt var að halla
aftur eins og í flugvélum — og
rýmra um fæturna. Hægt er að fá
mat og drykk um borð, en við
fengum okkur máltíð í veitingahúsi
áður en lagt var af stað. Til Jersey
eru um 100 sjómílur og við komum
þangað kl. 6 að morgni. Þeir sem
eru akandi, geta tekið bíla sína með
í ferjunni og eins er hægt að fljúga
út í eyna, þar sem er einn fjölfarn-
asti flugvöllur Bretlands.
Enn höfðum við ekki hugmynd
um hvort við kæmumst á leiðar-
enda í St. Malo á Frakklandsströnd,
þar sem ferðalag okkar átti í
rauninni að hefjast. í blöðum var
sagt að ferðafólk hefði átt í erfið-
leikum með að komast yfir Ermar-
sund vegna verkfallsins í frönsku
höfnunum. Jafnvel komið til handa-
lögmála í Le Havre eða Cherburg,
þegar bresk ferja ætlaði að leggja
að. En þarna á hafnarbakkanum í
Jersey blasti við notaleg sjón,
kaffivagn, sem kom sér vel fyrir
tvær nývaknaðar förukonur með
töskur sínar í eftirdragi í morgun-
sárið. Hjá þægilegum kaffisölukarli
fengum við þær fréttir að kl. 7
opnuðu bæði farangursgeymsla
þarna við hliðina, svo og afgreiðsla
ferjanna, og ekki vissi hann betur
en að loftpúðaferjurnar gengju yfir
til St. Malo á Frakklandsströnd,
sem nú var aðeins í 12 mílna
fjarlægð — í bili að minnsta kosti.
Það reyndust réttar upplýsingar.
Úr því við vorum ekki með bíl,
gætum við fengið far með loftpúða-
ferju fyrir 9 pund yfir til St. Malo
kl. 17.30 síðdegis og tæki ferðin sú
ekki nema hálfan annan tíma. Við
losuðum okkur því snarlega við
töskurnar í geymslu og röltum upp
eftir löngum hafnargarðinum í bæ-
inn St. Helier. Þarna hefðum við þá
heilan dag til að skoða okkur um á
þessari rómuðu eyju, sem yrði eins
og krydd í kökuna áður en við
kæmum á upphafsstað ferðar okkar
á Bretagne. Við þökkuðum okkar
sæla fyrir að hafa ekki hlustað of
mikið á úrtölur Bretanna á Water-
loo-stöðinni, en haldið upp á von og
óvon í áttina. Raunar minnist ég
þess ekki að hafa nokkurn tíma
þurft að snúa við á ferðum eða
strandað svo nokkru nemi. Er þvílík
heillakráka á ferðalögum. Og ekki
sakar að geta þess að reynslan af
lestarferðinni varð svo góð, að ekki
aðeins fórum við með hraðlestinni
frá Rennes í Bretagne tveimur
vikum síðar til Parísar, heldur
völdum við líka sama ferðamáta frá
París til London. Tókum næturlest-
ina með ferju frá Dunkerque til
Dover, á leiðinni heim. Greiddum
fyrir það 15 sterlingspund hvor í
stað 45 punda fyrir flugfar. Og
komum að auki beint inn á Vikt-
oríu-járnbrautarstöðina í London,
við hliðina á Viktoríu-flugafgreiðsl-
unni, þaðan sem flugvallarrútur
ganga beint út á Lundúnaflugvöll.
Og því hægt að spara sér fyrirhöfn
og gistingu í þeirri leiðinni í
London. En það er önnur saga. Við
vorum enn á útleið — í Jersey.
Jersey er syðst og stærst af
Ermarsundseyjum Breta, rétt suð-
"nf,ir Frakklandsströnd og hefur
eins og sumar þeirra nokKun
sjálfsforræði og þing. Frá háum
granitklettum í norðri hallar hún
niður að góðum sandströndum i
suðri, þar er höfuðborgin St. Helier.
Eyjan nýtur golfstraumsins og er
'Wa frjósöm og mikill ferða-
ákanvK- TI~' hað leyti sem
mannastaður. um r ‘'‘■ovrði
ísland var að byggjast, tiu.v.
Ströndin í Waymouth er dæmigerö fyrir
Ermarsundsbæina, þar sem er „promenaði“ í
boga með flóanum og þar ffyrír framan bað-
strendur með gulum sandi, sem ná langt út.
Þar una bresku fjölskyldurnar sér vel.
hún Normönum á Frakklandi og
ýmislegt mun bera þess enn merki í
lögum og máli. Þótt þeir séu svona
sunnarlega hafa íbúar kosið að hafa
samfylgd með Bretum fremur en
Frökkum, en ekki gekk það þó
átakalaust, enda mikið um kastala-
vígi og hergöng ýmiskonar á söfn-
um á staðnum. í heimsstyrjöld-
inni síðari héldu Þjóðverjar Jer-
sey og geymdu þar fanga og ýmsar
sögur af þeirri baráttu. Á Jersey
mætti eyða 1—2 vikum og hafa nóg
að skoða, fyrir utan það að njóta
baðstrandalífs. Verst þótti mér að
hafa ekki tima til að komast norður
á eyna og sjá nátturuverndarsvæði
dýra, sem útvarpsmaðurinn og
nátturuverndarunnandinn Gerald
Durrell kom á fót 1963, þar sem
sjaldgæfar dýrategundir og jurtir
fá hæli og ræktunar og uppeldis-
aðstöðu. En kvikmynd um þennan
dýragarð var sýnd í sjónvarpinu
íslenzka. Þarna eru ræktaðar
sjaldgæfar dýrategundir svo sem
orangutanar og gorilluapar, páfa-
gaukar, fasanar, flamingoar og
margar aðrar dýrategundir. En við
höfum aðeins einn dag til umráða
og eyðum honum í mikilli skemmti-
og íþróttastöð, sem byggð hefur
verið í hinu forna Regent-virki uppi
á háum kletti, sem gnæfir yfir
Á Jersey gnœfir á klettahæö gamall kastali, sem breytt hefur
verið í eina íburðarmestu sport-.skemmti-, sýninga og ráöstefnu-
miðstöð Evrópu með sundhöll, hverskyns íþróttasölum, skemmti
sýningum, hljómleikum o.fl. Allt undir einu þaki og hægt að fara
þangaö upp meö dráttarbraut eða í lyftu gegnum klettinn.
Á götu í London.
borgina. En þangað má komast
hvort heldur er með lyftu gegn um
klettinn af bilastæði eða með tog-
braut úr miðjum bænum.
Þessu gamla virki, sem tekur yfir
22 ekrur, með görðum sínum, köst-
ulum og virkisveggjum, hefur nú
verið breytt fyrir 5 milljónir sterl-
ingspunda í eina íburðarmestu
skemmti-, sport-, sýninga- og ráð-
stefnumiðstöð í Evrópu. Um margt
er að velja þegar inn er komið. Allt
er undir einu þaki. Þar eru sýningar
og veitingasalir, sundhöll, salir
fyrir alls konar keppnisleiki og
aðrir fyrir hljómleika, sýningar og
hvers kyns skemmtanir. Gloucest-
er-salurinn tekur 2000 manns í
sæti. Allt sumarið eru þarna
skemmtanir af ýmsu tagi síðdegis
og fram á kvöld, og leiktæki fyrir
krakkana. En í virkisgörðunum
fallegt blómskrúð og tré, og fagurt
útsýni af virkisveggjum. Það var
sannarlega ekki vandi að eyða þar
mörgum klukkutímum.
Okkur var ekki til setunnar boðið.
Loftpúðaskipið beið kl. 5.30 og laust
eftir kl. 7 á mánudagskvöld stigum
við á land í gamla bænum St. Malo
á Frakklandsströnd og töltum í
síðasta sinn með töskurnar frá
höfninni og inn fyrir múrana í
gamla bæinn, til að finna hótel, því
hér skyldi ferðalagið endurskipu-
lagt. Tekinn bíll á leigu.
Mikið var um ferðafólk í bænum,
svo við tókum fljótlega herbergi í
ágætu hóteli fyrir 115 franka, sem
reyndist það dýrasta sem við tókum
á Bretagne, enda borgað fyrir 3 rúm
þar inni. En frá ferðalaginu um
þennan ágæta skaga verður sagt í
sí'^Ú grein.
Eftir Elínu Fálmadóttur
Bólivía:
Hershöfðingi
í útlegð
La Paz. Bolivíu. 15. mai. AP.
ALBERTO Natusch Busch, hcrs-
höfðingi. sem leiddi skammvinnt
valdarán i Bóliviu árið 1979 hélt
frá Bóliviu í dag i útlegð til Perú.
Ilann hafði setið fáeina daga i
fangelsi áður.
Garcia Meza forseti sakaði hann
um aðild að valdaránstilraun sem
var gerð fyrr í vikunni en rann út
í sandinn samdægurs.
Garcia Meza tók við völdum
eftir að hafa steypt af stóli Lidiu
Gueiler sem er einnig i útlegð. Sex
sinnum hafa orðið stjórnarskipti i
Bólivíu síðan 1978, þar af hafa
fjögur þeirra orðið vegna valda-
rána.
Danmörk:
Stjórnar-
kreppu
af stýrt
Kaupmannahofn. 15. mai.
Frá frcttaritara Mbl. Ib Bjórnhak.
RÍKISSTJuRN Anker Jörgen-
sens mun sitja áfram. Stjórnin
hefur gefið stuðningsflokkum
sínum tveim. Radikaie venstre og
Kristilega þjóðarflokknum og
Miðdemókrötum tryggingu fyrir
þvi að ekki verði kosningar i
bráð. bað voru einkum Miðdemcí-
kratar sem voru áfram um að
Anker Jörgensen héti því að ekki
yrði lagt fram frumvarp um
atvinnulýðræði með ákvæðum um
dcilingu hagnaðar árið 1982 og
hefur Jörgensen nú lofað þessu.
Flokkarnir fjórir hafa þá komið
sér saman og stjórnin því ekki í
neinni fallhættu að sinni.
Guatemala:
Hryðju-
verk enn
(•uatcmalahorK. 15. mai. AP.
HRYÐJUVERKAMENN myrtu í
dag Mendez Lopez næsthæstráð-
anda í stærsta „einkaher" sem
hægrisinnar hafa komið á lagg-
irnar í landinu. Kona nokkur
kom til hans hvar hann sat að
snæðingi og tókst að fá hann með
sér út að bifreið sem í voru tveir
menn og skutu þeir Lopez til
bana.
I þessum einkaher eru fimm
þúsund manns og hefur hann sætt
ásökunum fyrir að myrða verka-
lýðsleiðtoga, presta sem sýnt hafa
vinstri tilhneigingar, námsmenn
og fleiri fjendur Romeo Lucas
Garcia.
Talið er að um 200 manns láti
lífið í Guatemala á mánuði fyrir
tilverknað hryðjuverkamanna til
hægri eða vinstri.
MYNDAMÓTA
Aó.tlstraiti 6 simi 25810