Morgunblaðið - 20.03.1982, Blaðsíða 22

Morgunblaðið - 20.03.1982, Blaðsíða 22
22 MORGUNBLAÐIÐ, LAUGARDAGUR 20. MARZ 1982 Sýning í Gallerí 32 LAUGARIMGINN 20. mars opnar Sveinn Kggertsson málvcrkasýningu í Gallerí 32, Hverfísgötu 32. A sýningunni eru olíu og vatns- litamyndir, flestar málaðar á síð- astliðnu ári og það sem af er þessu ári. Þetta er fyrsta einkasýning Sveins. Þjálfarinn frumsýndur í Bíóhöllinni BIOHÖLLIN tekur amerísku gam- anmyndina l'jálfarann til sýninga sunnudaginn 21. mars. Aðalhlutverk leika Michael Biehn og ('athy Lee ('rosby. I stuttu máli fjallar myndin um ólympíusigurvegarann Randy Rawlings. Er hún óánægð með það l'jálfarinn (Cathy Lee ('rosby) legg- ur á ráðin. hlutskipti sitt að þurfa að kenna frúarleikfimi eftir afrek sín. Það rofar þó örlítið til er henni býðst staða þjálfara körfuboltaliðs Granger High School. En skóla- nefndin, með stjórnandann Fent- on Granger í broddi fylkingar, lýs- ir yfir óánægju sinni með ráðn- ingu Randyar. Þó fær hún að halda starfi sínu með því skilyrði að liðið tapi ekki leik. Hefst svo spennandi körfuboltaleikur. Fyrst gengur allt á afturfótunum hjá liði Randyar, en hún lumar á leynivopni. Getur því allt gerst. Snjór og ófærð Kgil.s.stör>um, 17. marz. AÐFARANÓTT mánudags byrjaði að snjóa hér á Kgilsstöðum — og allan mánudaginn gekk á með svo dimmum éljum að allt flug féll niður. I gærmorgun var komið vonskuveður og nær allar götur í þorpinu orðnar ófærar. Þetta kom þó ekki að sök fyrir grunnskólanemendur því að dag- urinn hafði verið tekinn til ráðstöfunar fyrir fræðslu kenn- ara — og því frí hjá nemendum. Upp úr hádegi í gær stytti svo upp en þá hafði talsverðum snjó kyngt niður. Yngstu íbúarnir biðu þá ekki boðanna með að nýta sér snjóinn til margs konar leikja. En líklega hafa starfs- menn sveitarfélagsins ekki orðið eins ánægðir með snjókomuna og ófærðina — þar sem snjó- ruðningurinn léttir óneitanlega pyngju samneyslunnar. Síðla gærdags var komið hið fegursta veður, flugvöllur og götur ruddar. Undir kvöld komu tvær farþegaflugvélar frá Reykjavík. Hins vegar verða fjarðarbúar nú að sjá sér fyrir farkosti upp í Egilsstaði í flugið hver og einn — þar sem sérleyf- ishafar hér eystra hafa lagt niður akstur um sinn eins og kunnugt er. Fréttaritari. Sæluvika Skagfirðinga hefst um þessa helgi — fjölbreytt lista- og skemmtanalíf í eina viku SauAárkróki, 19. marz. SÆLtlVIKA Skagfirðinga hefst á Sauðárkróki um næstu helgi. Að venju verður þar margt til fróðleiks og skemmtunar. Skólahljómsveit Kópavogs undir stjórn Björns Guð- mundssonar leikur í Bifröst næst- komandi laugardag klukkan 16.00 ásaml lúðrasveit Tónlistarskólans á Sauðárkróki, en stjórnandi hennar er Jónas Björnsson. Formlega hefst þó Sæluvikan ekki fyrr en sunnudaginn 21. marz með guðsþjónustu í Sauðárkróks- kirkju þar sem sóknarpresturinn, séra Hjálmar Jónsson prédikar. Klukkan 16.00 þann dag verður opnuð í Safnahúsi Skagfirðinga listsýníng. Þar sýna nemendur Myndlista- og handíðaskóla ís- lands verk sín í boði Listasafns Skagfirðinga. Um kvöldið frum- sýnir Leikfélag Sauðárkróks leik- ritið „Einkalíf" eftir Noel Coward. Leikstjóri er Elsa Jónsdóttir.' Kirkjukvöld verða í Sauðár- krókskirkju á mánudags- og þrið- judagskvöld. Þar syngur kirkju- kórinn undir stjórn Jóns Björns- sonar tónskálds. Einsöngvarar með kórnum eru Ragnhildur Oskarsdóttir og Þorbergur Jós- epsson. Einnig koma fram tónlist- armennirnir Sigurður Marteins- son, Jóhannes Eggertsson og Þor- valdur Steingrímsson, en gamall og rótgróinn Sauðkræklingur, Ottó A. Michelsen forstjóri, flytur erindi bæði kvöldin. Karlakórinn Heimir undir stjórn Jiri Hlavácek syngur í Bifröst á þriðjudags- kvöld, en undir lok vikunnar, á föstudag og laugardag, syngur Skagfirzka söngsveitin. Stjórn- andi hennar er Snæbjörg Snæ- bjarnardóttir og undirleikari Ólafur Vignir Albertsson. Þá mun leikfélag Ólafsfjarðar koma hingað í heimsókn og sýna Þorlák þreytta. Sauðárkróksbíó sýnir úr- valskvikmyndir alla daga vikunn- ar ogdansleikir verða mörg kvöld. Fyrirhugað var að dr. Kristján Eldjárn, fyrrverandi forseti ís- lands, flytti erindi í safnahúsinu laugardaginn 26. marz, en vegna forfalla verður að fresta því þar til um miðjan apríl. - Kári Ljósm. Mbl. RAX. Guðjón Ármann Kyjólfsson afhenti Steingrími Hermannssyni sjávarútvegs- ráðherra fyrsta eintakið af bókinni Stjórn og sigling skipa. „Stjórn og sigling skipa" — ný bók eftir Guðjón Armann Eyjólfsson Stjörnubíó frumsýnir Riddarana STJÖRNUBÍÓ frumsýnir gaman- myndina Riddarana, laugardaginn 20. mars. í aðalhlutverkum eru Kob- ert Wuhl og Tony Danza. Leikstjórn er í höndum Floyd Mutrux. Myndin á að gerast árið 1965 í Beverly Hills í Hollywood. Hverf- issamtökin þar hafa ákveðið að halda veglega veislu í tilefni af lokun vafasams skemmtistaðar í hverfinu. Ástæðan er sú að stað- urinn hefur verið athvarf Riddar- anna og vinstúikna þeirra. í stað skemmtistaðarins á að reisa skri f stof u byggi ngu. Riddararnir, sem eru hinir mestu drísildjöflar, hyggjast því láta til skarar skríða gegn hinni léttlyndu Freedman, en hún stóð að lokun skemmtistaðarins. Eftir því sem lengra líður á kvöldið æs- ist leikurinn og Freedman þarf að þola margar svívirðingar Riddar- anna áður en yfir lýkur. Listi Alþýðu- f lokks á Húsavík Húsavík, 19. mars, LISTI Alþýðuflokks við bæjarstjórn- arkosningar á Húsavík hefur nú ver- ið kunngerður. Níu efstu sæti listans skipa: 1. Gunnar B. Salomonsson, 2. Herdís Guðmundsdóttir, 3. Arn- ljótur Sigurjónsson, 4. Konráð Eggertsson, 5. Sigrún Jónsdóttir, 6. Viðar Eiríksson, 7. Sigurður Pétursson, 8. Kristjana Bene- diktsdóttir, 9. Guðmundur Aðal- steinsson. Fréttaritari. ísafoldarprentsmiðja h.f. hefur nýverið gefið út bókina „Stjórnun og sigling skipa", eftir Guðjón Ármann Kyjólfsson, skólastjóra Stýrimanna- skólans. Bókin, sem er 228 blaðsiður að stærð, skiptist í 12 höfuðkafla, og i formála bókarinnar segir hófundur meðal annars: „Það er einlæg ósk höfundar, að bók þessi verði íslenzkum sjómönn- um og nemendum stýrimannafræða að sem mestu gagni. Auk mynda og skýringa við sigl- ingareglur er að finna í bókinni ýmsar aðrar upplýsingar, sem skipstjórnarmenn verða að hafa á reiðum höndum. Ég kenndi siglingareglur í mörg ár og varð mér fljótlega ljóst, að íslenzkum sjómönnum væri nauð- syn að fá siglingareglur með skýr- ingarmyndum og dæmum. Nem- endur hvöttu mig eindregið til að taka saman þess háttar bók og stend ég því við gamalt loforð með þessu riti. Lengur en skyldi dróst að koma verkinu af stað. Siglingareglur eru alþjóðlegar, en nauðsynlegt var að færa myndskreytta útgáfu okkar í íslenzkan búning, auk þess sem sérstakar íslenzkar aðstæður krefjast þess, að lögð sé meiri áherzla á sum atriði í reglunum ,hjá okkur en gert er meðal ann- arra þjóða, t.d. merkingu fiski- skipa við hinar ýmsu veiðar o.fl. Til að fá íslenzkan svip á skýr- ingarmyndir fékk ég í lið með mér Rafn Sveinbjörnsson, listfengan sjómann, vestfirzkan. Hann var þá búsettur á Akranesi og teiknaði fjölmargar myndir í bókina, bæði eftir minni fyrirsögn og með hliðsjón af myndum í erlendum bókum. Inn á myndir Rafns setti ég síðan öll ljós- og dagmerki ásamt þokumerkjum, þar sem það á við og ber að sjálfsögðu einn ábyrgð í þeim efnum sem öðrum í bókinni. Rafn heitinn sýndi þessu verki einlægan og mikinn áhuga, en lifði því miður ekki að sjá bók- ina líta dagsins ljós. Hann andað- ist 6. mars 1978. Flestar myndir Rafns eru skip og bátar íslenzkrar gerðar, en í baksýn eru íslenzk fjöll og jöklar."

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.