Morgunblaðið - 31.03.1982, Side 3

MORGUNBLAÐIÐ, MIÐVIKUDAGUR 31. MARZ 1982
35
Náttúruverndarráð um Blönduvirkjun:
Kostnaðarsamanburður virkjun-
arkosta 1 og 2 ekki fullnægjandi
Kanna þarf málin nánar áður en endanleg ákvörðun um virkjun verður tekin
Kflirfarandi umsögn Náttúru-
verndarráös um virkjun Blöndu var
samþykkl á fundi Náttúruverndar-
ráds 23. marz og hefur nú borizt
Morgunblaðinu:
„Náttúruverndarráð minnir á
umsögn sína um fyrirhugaða
virkjun Blöndu er samþykkt var á
fundi 16.3 1978. (Sú umsögn var
byggð á skýrslu Orkustofnunar
OS-ROD 75.21.)
„Almennt séð virðast fram-
kvæmdir þær, sem frumáætlun
gerir ráð fyrir, ekki þurfa að raska
þeim svæðum eða stöðum sem frá
sjónarmiði náttúruverndar bæri
helzt að varðveita á virkjunar-
svæðinu og ekki virðast heldur
vera í húfi sérstæð eða fágæt
vistkerfi. Á hinn bóginn er ljóst að
mjög mikil eftirsjá er í því víð-
feðma gróðurlendi og beitarlandi
sem fer undir vatn á stæði hins
fyrirhugaða miðlunarlóns. Er það
tilfinnanlegt vegna þess hve stór
hluti gróinna heiðarlanda í þess-
um landshiuta fer þannig forgörð-
um. Náttúruverndarráð bendir á
að almennt séð er það óæskileg
þróun að sífellt er gengið á nátt-
úruleg og sumpart frjósöm lífkerfi
vegna umsvifa mannsins og þeim
breytt í fábreyttari vistkerfi með
ræktun eða í vistkerfi með litla
sem enga framleiðni eins og um
yrði að ræða í miðlunarlóni og
vatnsvegum Blönduvirkjunar. Við
mat á slíkum breytingum er nauð-
synlegt að hliðsjón sé höfð af
ástandi lífríkis á slíkum svæðum,
Mývatnssveit:
Vortónleik-
ar tónlistar-
skólans
Mývatnssveit, 29. marz.
VORTÓNLEIKAR Tónlistarskóla
Mývatnssveitar voru haldnir í
Skjólbrekku síöastliðinn laugar-
dag. Alls komu fram 60 nemend-
ur, þar af hljómsveit skipuð 30
nemendum. Húsfyllir var og tón-
leikunum mjög vel tekið.
Tónlistarskóli Mývatnssveit-
ar var stofnaður árið 1977 og
eru nemendur í vetur 65, þar af
13 í öldungadeild. Kennt er á
eftirtalin hljóðfæri: fiðlu, píanó,
orgel og blokkflautu, svo og
harmoniku, bæði gömlu gerðina
og með pólýfónískum bassa.
Skólastjóri er Sigríður Þ.
Einarsdóttir. Auk skólastjórans
kenna 3 stundakennarar við
skólann, séra Örn Friðriksson,
Margrét Láruadóttir og Kristín
Jónasdóttir. Fréttaritari.
landinu sem heild og í viðkomandi
landshluta. Þessir þættir þurfa
ásamt öðrum að koma til álita við
val á svæðum til mannvirkjagerð-
ar, m.a. við röðun á virkjunarkost-
um. Þar við bætist svo hagrænt
mat og hagsmunir þeirra, sem
nýta viðkomandi svæði, og við
Blöndu er þar fyrst og fremst um
beitarnot að ræða og í einhverjum
mæli veiði. Að dómi Náttúru-
verndarráðs er eðlilegt að við
ákvörðun um virkjun í þessum
landshluta sé jafnframt horft til
annarra kosta, þar sem um minni
skerðingu lífríkis væri að ræða og
lokaákvörðun verði tekin á
grundvelli víðtæks landnýt-
ingarmats sem ekki er í verka-
hring Náttúruverndarráðs að
leggja dóm á í heild."
Áð gefnum ábendingum taldi
ráðið ekki ástæðu til að leggjast
gegn fyrirliggjandi áætlun um
virkjun Blöndu en gaf ábendingar
um ýmis vandamál sem af virkjun
kynnu að leiða og þyrftu athugun-
ar við svo sem:
1. Hættu af jarðvegsfoki úr lón-
stæðum, sem gæti valdið upp-
blæstri.
2. Hættu sem stafað gæti af löng-
um veituskurðum sem lítil
reynsla er af hérlendis.
3. Bent var á að kanna þyrfti
hugsanleg veðurfarsáhrif lóns-
ins.
4. Bent var á að athuga þyrfti
hver áhrif kynnu að verða af
auknu vetrarrennsli, og hugs-
anlegum ísstíflum og flóðum
neðan til í Blöndu.
Síðan Náttúruverndarráð gaf
framangreinda umsögn hafa verið
gerðar áætlanir um nokkra aðra
virkjunarkosti við Blöndu og þeir
verið kynntir ráðinu, m.a. á fundi
þess 24. ágúst 1981, þar sem mætt-
ur var Kristján Jónsson, raf-
magnsveitustjóri. Náttúruvernd-
arráð hefur hins vegar ekki gefið
um þá umsögn, enda ekki verið
formlega eftir því leitað, þó er
ljóst að verulegur munur er á
þessum virkjunarkostum hvað
varðar áhrif þeirra á gróður og
lífríki og með tilliti til annarra
sjónarmiða sem fram voru sett í
umsögn ráðsins frá 1978.
Ráðinu er ljóst að mikill munur
er á þeim virkjunarkostum, sem
mest hafa verið ræddir, það er
virkjunarkostum I og II. Með kosti
I fer verulega meira land undir
vatn heldur en ef kostur II yrði
valinn.
Þá er ljóst samkvæmt upplýs-
ingum, sem nú liggja fyrir um
miðlunarþörf landskerfisins að
stærra lónið (kostur I) við Blöndu
myndi ekki draga úr þörf fyrir
miðlunarlón annars staðar svo
sem við Fljótsdalsvirkjun. Meiri
landfórn við Blönduvirkjun myndi
því ekki leiða til þess að hægt yrði
að þyrma öðru verðmætu landi
eða náttúruverðmætum svo sem á
Eyjabökkum.
I þessu sambandi bendir ráðið á
að mikill hluti hins stóra lóns
(kostur I) myndi verða grunnur,
og þar myndast miklar fjörur
fyrrihluta sumars.
Því minna sem lónstæðið er því
minni verður hættan, sem kann að
stafa af foki úr lóninu og á jarð-
vegseyðingu út frá því, samanber
umsögn ráðsins frá 1978.
Fyrir liggur að virkjunarkostur
I er nú talinn um 90 milljónum
króna ódýrari en kostur II með
sama miðlunarrými.
Hins vegar telur ráðið þann
kostnaðarsamanburð ófullnægj-
andi, þar sem komið hafa fram
mismunandi tölur um það hve
mikið kynni að sparast í landbót-
um ef sá kostur yrði valinn, sem
hefur í för með sér minna lón og
minni náttúruspjöll.
Náttúruverndarráð telur brýnt,
að kannað verði af þar til bærum
aðilum, hve mikið kynni að spar-
ast í ræktunarkostnaði og viðhaldi
ræktunar, kostnaði við girðingar
og viðhald þeirra svo og í kostnaði
við vegi og brýr o.fl. ef kostur II
yrði valinn. Fyrr en þetta hefur
verið gert er ekki hægt að bera
kostina saman á raunhæfan hátt
og því óráðlegt að dómi ráðsins að
binda sig við einn virkjunarkost
frekar en annan.
Ráðið leyfir sér í þessu sam-
bandi að minna á samþykkt Nátt-
úruverndarþings 1981, þar sem
segir m.a.:
„Þingið harmar hins vegar ef
nauðsynlegt verður að leggja víð-
áttumikið gróðurlendi undir vatn
við virkjanir. Telur þingið að
virkjunaraðilum beri skylda til að
græða upp jafnmikið land og
hverfur undir vatn.“
Með tilvísun til framanritaðs
beinir Náttúruverndarráð þeim
tilmælum til iðnaðarráðherra að
mál þessi verði könnuð betur með
tilliti til náttúruverndar og land-
verndarsjónarmiða áður en end-
anleg ákvörðun verður tekin um
virkjunartilhögun og það er von
ráðsins að til þessa reynist svig-
rúm bæði innan ramma þess
samnings sem gerður hefur verið
á milli virkjunaraðila og fulltrúa
hreppa í Húnavatns- og Skaga-
fjarðarsýslum, svo og þeirra tíma-
marka, sem settar hafa verið um
upphaf og lok virkjunarfram-
kvæmda.“
Magnús Pétursson
Magnús Pétursson
hagsýslustjóri
FORSKTI íslands hefur að tillögu
fjármálaráðherra skipað Magnús
Pétursson til að gegna stöðu hag-
sýslustjóra frá og með 1. mars 1982,
en hann var sá eini sem sótti um
stöðuna.
Magnús Pétursson er fæddur 26.
maí 1947, stundaði hagfræðinám í
York, Englandi, 1968—1971 og síð-
an framhaldsnám í Svíþjóð
1973—1976. Starfsmaður í fjár-
málaráðuneyti, fjárlaga- og hag-
sýslustofnun og félagsmálaráðu-
neyti 1976—1979. Skrifstofustjóri
í fjárlaga- og hagsýslustofnun frá
1980 og settur hagsýslustjóri frá
10. október 1981.
Kosið í
stjórn FBM
FIMMTUDAGINN 18. marssl. lauk
stjórnarkosningu í Félagi bókagerð-
armanna. 12 félagsmenn voru í
framboði til 3ja sæta í aðalstjórn fé-
lagsins og 3ja varamannasæta, en á
hverju ári gengur út helmingur
stjórnar og varastjórnar.
Kosningu hlutu Svanur Jóhann-
esson, bókbindari, Ómar Frank-
línsson, offsetprentari og Baldur
H. Aspar, prentari. Auk þeirra
skipa stjórn FBM þau Magnús
Einar Sigurðsson, formaður, Guð-
rún Guðnadóttir, Gísli Elíasson og
Þórir Guðjónsson.
BILL-SERGREIN URVALS,
Óýrasti ferðamátinn sumarið 1982
Tryggðu þérfar
Fjölmargar gerðir bíla - Ótakmarkaður akstur.
2 vikur 3 í bíl kr. 4.950.- á mann / 3 vikur 5 í bíl kr. 5.245.- á mann.
Á
URVAL
® 26900
Umboðsmenn um allt land
fc/m, idag!
Við Austurvöll
r*f