Morgunblaðið - 13.05.1982, Blaðsíða 25

24
MORGUNBLAÐIÐ, FIMMTUDAGUR 13. MAÍ 1982
fttmgttitÞIitfeifr
Útgefandi hf. Árvakur, Reykjavík.
Framkvæmdastjóri Haraldur Sveinsson.
Ritstjórar Matthías Johannessen,
Styrmir Gunnarsson.
Fulltrúar ritstjóra Þorbjörn Guömundsson,
Björn Jóhannsson.
Fréttastjórar Freysteinn Jóhannsson,
Magnús Finnsson,
Sigtryggur Sigtryggsson.
Auglýsingastjóri Baldvin Jónsson.
Ritstjórn og skrifstofur: Aðalstræti 6, sími 10100. Auglýsingar: Aö-
alstræti 6, sími 22480. Afgreiösla: Skeifunni 19, sími 83033. Áskrift-
argjald 110 kr. á mánuöi innanlands. í lausasölu 7 kr. eintakiö.
Hver höndin upp
á móti annarri
Talsmenn vinstri framboða til borgarstjórnar í Reykjavík, sem
þátt tóku í framboðsfundi í sjónvarpssal sl. sunnudag, sönnuðu
kjósendum svo rækilega að ekki verður um villzt, að hver höndin er
upp á móti annarri í þessu svokallaða vinstra samstarfi. Það var ekki
aðeins að frambjóðendur þessara „samstarfsflokka" veittust harka-
lega hver að öðrum heldur greindi frambjóðendur sama flokksins
verulega á innbyrðis. Þannig sagði Sjöfn Sigurbjörnsdóttir, að Al-
þýðuflokkurinn myndi lækka fasteignaskatta eftir kosningar. Annar
frambjóðandi flokksins, Guðríður Þorsteinsdóttir, sagði hinsvegar 20
mínútum síðar, að engu slíku væri til að dreifa á þeim bæ. Skatta-
lækkun stæði síður en svo til!
Frambjóðendur Framsóknarflokksins tuggðu það hver upp eftir
öðrum, að flokkurinn myndi standa að 20% lækkun fasteignaskatta
eftir kosningar. Sigurjón Pétursson, oddviti vinstra samstarfsins,
upplýsti hinsvegar, að Framsóknarflokkurinn hefði greitt atkvæði
með öllum skattahækkunum vinstri manna í borgarstjórn síðan 1978.
Hér væri um dæmigert lýðskrum að ræða. Hann sagði síður en svo
ofgert í fasteignasköttum, að hans mati, sem þó eru hærri í Reykjavík
en í nágrannabyggðum.
Sjálfstæðismenn veittu 20% afslátt af fasteignagjöldum meðan
þeir stjórnuðu borginni. Síðan hefur tvennt gerzt, að fasteignamat
— sem gjaldstofn — hefur hækkað mun meir í Reykjavík en víðast
annars staðar og að vinstri meirihlutinn, framsóknarmenn meðtaldir,
stóðu að verulegri hækkun skattstigans ofan á hinn stórhækkaða
gjaldstofn!
Bragi Jósepsson, frambjóðandi Alþýðuflokks, hafði það helzt fram
að færa til stuðnings áframhaldandi vinstra samstarfi, undir forystu
Alþýðubandalagsins, að þetta sama Alþýðubandalag væri haldið
„þvermóðsku" og „þvergirðingshætti" í fræðslu- og skólamálum.
Sigurjón Pétursson lét sér ekki nægja að saka framsóknarmenn um
lýðskrum heldur hjó jafnframt að forystumönnum eigin flokks í
iðnaðarráðuneytinu. Hann kvað Reykvíkinga hafa verið afskipta við
mótun orku- og stóriðjustefnu stjórnvalda, þrátt fyrir það, að á
höfuðborgarsvæðinu væri bæði ódýrast að virkja og skynsamlegast að
reisa stór orkunýtingarfyrirtæki. Hér er fyrst og fremst veitzt að
Hjörleifi Guttormssyni, orku- og iðnaðarráðherra, sem er stefnuviti
stjórnvalda í þessum málaflokki.
Það kom og fram á þessum sjónvarpsfundi, að vinstri meirihlutinn
hefur ekki byggt eina einustu nýja leiguíbúð á líðandi kjörtímabili,
þótt á annað þúsund manns séu á biðlista eftir leiguhúsnæði í Reykja-
vík. Vinstri flokkarnir geta því nýtt óbreytt þau kosningaloforð um
þetta efni, sem viðruð vóru 1978, en síðan svikin. Vinstri meirihlutinn
hefur heldur ekki byggt eina einustu heilsugæzlustöð í Reykjavík á
kjörtímabilinu. Þessvegna boðar félagsmálaráðherra, sem — ásamt
fjármálaráðherra — hefur torveldað framgang þessa máls í þrjú ár,
til fréttamannafundar á dögunum, þar sem gömlu kosningaloforðin
frá 1978 eru endurflutt. Svipaða sögu má segja um dagvistarmál og
húsnæðismál aldraðra, en á þessum vettvangi var lítið sem ekkert
gert umfram það sem komið var vel á veg, eða framkvæmd tryggð á,
áður en meirihluti sjálfstæðismanna glataðist, m.a. með ákvörðun um
að verja ákveðnu híutfalli af útsvarstekjum borgarinnar til öldrun-
armála.
Framboðsfundur í sjónvarpssal sýndi vinstri framboðin, sem nú
eru reyndar einu fleiri en 1978, í þeim glundroðahlutverkum, sem
reynt hefur verið að fela. Það er meir en tímabært að söðla yfir og
gefa Alþýðubandalaginu og taglhnýtingum þess frí frá stjórnsýslu-
störfum í höfuðborginni.
„Kaþólskari en
páfinnu
Efstu menn á framboðslistum Alþýðuflokks og Framsóknarflokks
við borgarstjórnarkosningar í Reykjavík hafa báðir lýst því yfir
að þeir stefni að áframhaldandi vinstra samstarfi, þ.e. áframhaldandi
borgarstjórnarforystu Alþýðubandalagsins, eftir kosningar. Sigurður
E. Guðmundsson gekk raunar feti framar en Sigurjón Pétursson á
framboðsfundi í sjónvarpssal í árásum á Sjálfstæðisflokkinn og há-
stemmdum lýsingum á ágæti hásetahlutverks Alþýðuflokksins hjá
Alþýðubandalaginu. Hann reyndist „kaþólskari en páfinn"!
Borgarstjórnarkosningarnar, sem framundan eru, verða einvígi á
milli Sjálfstæðisflokksins annarsvegar og fjögurra annarra framboða
hinsvegar, sem öll leiða að sama marki: áframhaldandi vinstra sam-
starfi undir forystu kommúnista. Það er þakkarvert að Sigurður E.
Guðmundsson og Kristján Benediktsson hafa í raun gert Reykvíking-
um þessa tvo kosti ljósa. Og það er mikilsvert, að Reykvíkingar, sem
forða vilja höfuðborginni frá áframhaldandi borgarstjórnarforystu
Alþýðubandalagsins, snúi bökum saman um framboðslista Sjálfstæð-
isflokksins og tryggi Katrínu Fjeldsted, lækni, örugga kosningu laug-
ardaginn 22. maí nk.
MORGUNBLAÐIÐ, FIMMTUDAGUR 13. MAÍ 1982
25
Fjölskylduhátíðin 1
Laugardalshöll í kvöld
Þorgeir og Magnús láta brandarana
fjúka.
UNGT FÓLK í Sjálfstæðisflokknum gengst fyrir fjölbreyttri skemmti-
dagskrá á fjölskylduhátíð sem haldin verður i Laugardalshöllinni í kvöld og
hefst hátíðin klukkan 20.00, en Laugardalshöllin verður opnuð kl. 19.30.
Meðal skemmtiatriða má nefna
að 10 manna fimleikahópur, þar á
meðal íslandsmeistarinn í fimleik-
um, Heimir Gunnarsson, leikur
listir sínar fyrir áhorfendur, Jón
Páll Sigmarsson lyftingakappi
reynir við heimsmetið í réttstöðu-
lyftu annarrar handar og einnig
mun hann sýna á sér nýjar hliðar.
Þá verður áhorfendum gefinn kost-
ur á að reyna sig við lóðin. Ómar
Ragnarsson mætir með stjörnulið
sitt, en af liðsmönnum hans má
nefna Jón bróður hans, Rúnar Júlí-
usson, Bessa Bjarnason, Hermann
Gunnarsson og Magnús Ólafsson,
en Þorgeir Ástvaldsson mun að lík-
indum verma varamannabekkinn.
Stjörnuliðið keppir við úrval úr
borgarstjórnarflokki sjálfstæð-
ismanna, en af stjörnum úr þeim
herbúðum má meðal annarra nefna
Albert Guðmundsson, Kolbein
Pálsson og Júlíus Hafstein, en
einnig mun Vilhjálmur Þ. Vil-
hjálmsson keppa þrátt fyrir
meiðsli. Leikur þessi verður án efa
tvísýnn, ekki síst vegna þess að
Ómar mun að sögn ekki láta sér
nægja að stjórna spili stjörnuliðs-
ins, heldur mun hann lýsa leiknum
líka.
Þá munu Þorgeir Ástvaldsson og
Magnús Ólafsson mæta á staðinn
og sýna hvað í þeim býr, fjölda-
söngur verður á dagskránni og
munu nokkrar áður óþekktar úr-
valsraddir úr borgarstjórnarflokki
sjálfstæðismanna láta frá sér
heyra. Þá munu Magnús Kjart-
ansson hljómlistarmaður og félag-
ar leika nokkur Reykjavíkurlög.
Þrír frambjóðendur Sjálfstæðis-
flokksins, Davíð Oddsson, Ingi-
björg Rafnar og Katrín Fjeldsted,
munu flytja stutt ávörp. Kynnir á
hátíðinni verður Hermann Gunn-
arsson íþróttafréttamaður.
I samtali við Morgunblaðið sagði
Árni Sigfússon formaður Heim-
dallar, að hann hvetti allt stuðn-
ingsfólk Sjálfstæðisflokksins á öll-
um aldri til að mæta á hátíðina og
taka þátt í skemmtuninni.
Jón Páll ætlar að reyna við heims-
met og hver veit nema það lukkist
hjá honum.
Davíð Oddsson, Ingibjörg Rafnar og Katrín Fjeldsted flytja ávörp.
Ómar og stjörnulið hans bregða á
leik gegn frambjóðendum.
Hermann Gunnarsson er kynnir
kvöldsins.
Enginn ágreiningur nema um hafréttarsáttmálann
og viðnámsþrótti sínum og hernað-
arlegu jafnvægi í Evrópu, auk þess
sem við erum sammála um að á
grundvelli þessa valdajafnvægis
beri báðum þjóðunum skylda til að
stuðla að samningum austurs og
vesturs um afvopnun.
Þá höfum við fagnað nýjustu yf-
irlýsingum Reagans forseta um
fyrirhugaðar samningaviðræður
við Sovétríkin um langdrægan
vopnabúnað, en þær viðræður hefj-
- segir Helmut Schmidt um viöræöur
hans og Gunnars Thoroddsen
Á BLAÐAMANNAFUNDI að loknum viðræðum Gunnars Thoroddsen og
Helmut Schmidt í fyrradag sagði kanzlarinn m.a. að þvi er segir í fréttatil-
kynningu frá v-þýzka sendiráðinu í Reykjavík: „Tilgangurinn með þessum
fundi er að stuðla enn að samheldni ríkja Vestur-Evrópu. Frá mínum bæjar-
dyrum séð eru viðræður af þessu tagi nauðsynleg viðbót við reglulega fundi
með bandamönnum okkar, á sama hátt og við ræðum við aðra nágranna
okkar i Evrópu.
Að þessu sinni eiga viðræður sér
stað undir sérlega erfiðum kring-
umstæðum að því er varðar efna-
hagsástandið í heiminum og
stjórnmál á alþjóðavettvangi. Við
höfum lagt niður fyrir okkur hvað
rætt verður á fyrirhuguðum fundi
um efnahagsmál, en sá fundur
verður haldinn í Rambouileéw, og
einnig höfum við lagt drög að við-
ræðum þjóðarleiðtoga og utanrík-
isráðherra NATO-ríkjanna sem
fram eiga að fara í Bonn.
Við síðarnefnda tækifærið verð-
ur Gunnar Thoroddsen forsætis-
ráðherra aftur gestur okkar hér í
Bonn, auk þess sem afráðið er að
ræðast við í þriðja skiptið á Kiel-
ar-vikunni, sem haldin verður í
Kiel í lok næsta mánaðar, en þar
verða einnig forsætisráðherrar
hinna Norðurlandanna.
Við höfum hér rætt um Pólland
og í stórum dráttum fara skoðanir
okkar saman í því efni. Við erum
algjörlega sammála um þær kröfur
sem hafa verið gerðar til pólsku
stjórnarinnar, þ.e. að aftur verði
tekinn upp sá háttur er á var hafð-
ur áður en herlög voru sett, föngum
skuli sleppt, og frelsi verkalýðsfé-
laga endurreist um leið og viðræð-
ur hefjist á ný milli þessara
tveggja eða þriggja áhrifaaðila.
Pá höfum við rætt um Falk-
landseyjadeiluna og erum þar sam-
mála í mati okkar um leið og við
vonum að unnt reynist að finna
skjóta og friðsamlega lausn.
Við höfum rætt um samskipti
austurs og vesturs. Af hálfu Þjóð-
verja er sérstök áherzla lögð á
hernaðarlegt mikilvægi íslands og
aðild íslands að Atlantshafsbanda-
laginu. Ríkisstjórn Gunnars Thor-
oddsen og meirihluti íslendinga
eru fylgjandi áframhaldandi aðild
að NATO. Við erum sammála um
að NATO þurfi að viðhalda varnar-
ast í lok næsta mánaðar og grund-
vallast á því að slíkum vopnum
verði fækkað verulega.
Einnig höfum við rætt um
vandamál varðandi greiðslujöfnuð
og fiskveiðar. Með tilliti til fisk-
veiða hafa tvær tillögur komið
fram af hálfu íslendinga en þær
verða að ræðast í tengslum við
samninga milli EBE og íslendinga.
Varðandi gagnkvæm tengsl örl-
aði ekki á ágreiningi. Þvert á móti
teljum við ástæðu til að fagna sér-
staklega hinu frábæra sambandi
milli íslendinga og Þjóðverja.
Gunnar Thoroddsen forsætisráð-
herra vakti sérstaka athygli á því
hve margir íslendingar stunda
nám við þýzka háskóla, en ég lagði
áherzlu á þær miklu mætur sem
við Þjóðverjar höfum í íslenzkum
bókmenntum.
Að einu leyti hefur stjórnir ríkja
okkar greint á nýlega, þ.e. um hinn
nýja hafréttarsáttmála þar sem
Sambandslýðveldið Þýzkaland sat
hjá við atkvæðagreiðslu. íslend-
ingar greiddu atkvæði með sátt-
málanum, en sú afstaða á sína
skýringu í því að þeir eiga mikilla
hagsmuna að gæta varðandi við-
hald fiskistofna á N-Atlantshafs-
svæðinu. Strandlengja íslands er
löng, strandlengja Sambandslýð-
veldisins er mjög stutt og að þessu
leyti virtust hagsmunir í máli
þessu stangast mjög á. Þrátt fyrir
þetta leiddi ágreiningur ekki af sér
nein vandamál. Af þessum fundi er
ekki fleira að segja en það að hann
fór fram í miklu samlyndi og
ágætu andrúmslofti sem ríkir á
milli vina.“
l.jósm. Mbl. Ka\.
Albert Guðmundsson og Hulda Valtýsdóttir á vinnustaðarfundi í Hörpu.
Albert Guömundsson á vinnustaðarfundi:
Stefnum að lækkun
skatta á borgarbúa
„ÞETTA var mjög ánægjulegur
fundur, það var tekið frábærlega
vel á móti okkur, mikið var spurt
og létt og kátt yflr hópnum, þó
margar spurningarnar hafi verið
beinskeyttar. Þetta var fjörugur
fundur,“ sgði Albert Guðmunds-
son borgarfulltrúi og þriðji maður
á framboðslista Sjálfstæðisflokks-
ins í Reykjavík í samtali við Morg-
unblaðið, en i gær voru þau Hulda
Valtýsdóttir á vinnustaðarfundi í
Málningarverksmiðjunni Hörpu.
„Við Hulda héldum stutt inn-
gangserindi en síðan svöruðum
við fyrirspurnum. I erindi mínu
ræddi ég stuttlega fjárhagsstöðu
borgarinnar og benti á að auðséð
væri að mörg skref hefðu verið
stigin aftur á bak í fjármálum
borgarinnar á þessu kjörtíma-
bili. Ég lagði áherslu á að með
auknum skattaálögum hefði
vinstri meirihlutinn aflað sér 30
milljarða gamalla króna um-
fram það sem Sjálfstæðisflokk-
urinn hefði haft yfir að ráða á
síðasta kjörtímabili. Þar fyrir
utan hefði vinstri meirihlutinn
bæði tekið erlend og innlend lán
til þess að geta sett saman fjár-
hagsáætlun. Ég sagði að Sjálf-
stæðisflokkurinn stefndi að því
að lækka skattana á borgarbúa
til samræmis við það sem þeir
voru í meirihlutatíð Sjálfstæðis-
flokksins í Reykjavík, en for-
senda þess er auðvitað sú að
staða borgarsjóðs sé jafn góð og
var þegar Sjálfstæðisflokkurinn
missti meirihlutann í Reykja-
vík,“ sagði Albert.
Albert benti á að þegar Sjálf-
stæðisflokkurinn fór frá völdum
í Reykjavík árið 1978 hefði verið
gerð úttekt á stöðu borgarsjóðs
og niðurstaða hennar hefði verið
góð, slíka úttekt þyrfti að gera
nú í vor, ynni Sjálfstæðisflokk-
urinn meirihlutann. Albert sagði
að ef það væri rétt sem talsmenn
meirihlutans segðu um stöðu
borgarsjóðs, að staðan væri góð,
þá yrðu skattar lækkaðir. Albert
sagði ennfremur að hægt væri
að lækka skattana, ef marka
mætti loforð tveggja núverandi
meirihlutaflokka sem skatta-
lækkanir á stefnuskrá sinm.
„Þetta er staðfesting á því sem
við höfum verið að segja, að
skattarnir eru hærri en þeir eiga
að vera og þurfa að vera,“ sagði
Albert.
Albert sagði ennfremur að
vinstri meirihlutinn skildi eftir
sig slóð af sviknum kosningalof-
orðum frá 1978, og benti Albert
því til staðfestingar á upptaln-
ingu Álfheiðar Ingadóttur í
sjónvarpinu á dögunum, þar sem
hún gat þeirra mörgu mála sem
frestað hefði verið í tíð þessa
meirihluta. Benti Albert á að
það væri meirihlutinn sem tæki
ákvarðanir um frestanir, en ekki
minnhluti Sjálfstæðisflokksins.
„Kosningaloforðin fyrir þessar
kosningar eru þau sömu og fyrir
síðustu kosningar," sagði Albert.
Albert sagði að margar spurn-
ingar hefðu komið fram á fund-
inum, spurningar um skipulags-
mál, uppbyggingu eldri borgar-
hverfa, uppbyggingu flugvallar-
svæðisins, dagvistarmál, barna-
leikvelli og fjölmörg mál önnur.
Ræddi við Carstens
Gunnar Thoroddsen forsætisráðherra, sem nú er í þriggja daga
opinberri heimsókn í V-Þýzkalandi ásamt Völu konu sinni, átti í gær
viðræður við Carl Carstens, forseta V-Þýzkalands í Bonn. Síðar í gær
var á dagskrá forsætisráðherra að leggja blómsveig á leiði Jóns
„Nonna" Sveinssonar í Köln. símamynd ap.
Halldór Torfajson, jaröfræðingur:
Tíu ár minnst til að fá hug-
mynd um sprunguhreyf-
ingar á Rauðavatnssvæði
Þjóðviljafyrirsögn ekki mín
MENN hafa greinilega vanmetið hættuna og vandann, sem er því
samfara að byggja á svona svæði, sem hlýtur að vera bæði erfitt og
dýrt. Fyrirsögnin á greininni í Þjóðviljanum er ekki í samræmi við
það sem ég hefl sagt, eins og raunar mátti lesa út úr textanum, sagði
Halldór Torfason, jarðfræðingur, er blaðamaður Mbl. bar undir
hann ummælin, sem Þjóðviljinn hefur eftir honum um byggingar-
svæði norðan Kauðavatns undir fyrirsögninni: „Ekki meiri hætta en
á sprungulausu svæði. Halldór Torfason segir niðurstöður um
Rauðavatnssvæðið hafa verið mistúlkaðar.“
Vi m sig
— Ummerki um ungar hreyf-
ingar á Rauðavatnssvæðinu eru
fá, enda erfitt að greina hreyf-
ingar í jökulruðningi, segir Hall-
dór. En í holu fimm, sem við gróf-
um núna, er greinilegt að bæði
jökulruðningurinn og jarðvegur-
inn ofan á honum höfðu hreyfst
um 40—50 sm. Þarna er öskulagið
frá því um 1500 og greinilegt mis-
gengi í því. Aðra vitneskju hefi ég
ekki um hreyfingar á sprungunum
nema mælingar Eysteins
Tryggvasonar í Búrfellshrauni,
þar sem hann hefur mælt hreyf-
ingar á 2ja km prófíl og fengið 11
mm sig á suðurendanum á honum
miðað við norðurendann á árunum
1970—80. En aftur á móti engár
hreyfingar á árunum 1966—70 á
sama stað, sem sýnir að ekki dugir
að mæla bara eitt ár og finna enga
hreyfingu. Ef hreyfingar yrðu á
sprungusveiminum á Reykjanes-
skaga, gæti það orðið eftir 100 ár
og eftir eitt ár. Og þá væru að
Halldór kvaðst aldrei hafa látið
eftir sér hafa að þetta væri vel
byggingarhæft svæði. — Þetta er
ekki gott byggingarsvæði, segir
hann, en ef ekki er annarra kosta
völ undir byggingar, þá verður að
kortleggja vel sprungur og mis-
gengi og skipuleggja út frá því. En
Ijóst er að lagnir og götur hljóta
að lenda yfir sprungum, þvert eða
langs á þær, og verður þá að gera
viðeigandi ráðstafanir. Ég veit
raunar ekki hvort til eru rör, sem
þola hugsanlegar hreyfingar af
þessu tagi. Og ekki er enn vitað
hvort eða hver hreyfing er á
sprungum á þessum stað.
Halldór kvaðst i greinargerð
sinni frá 30.3. 1981 hafa bent á að
þarna við Rauðavatn væru
sprungur og líklegt að þar fælust
minni sprungur undir. En þá hafði
hann aðeins verið beðinn um að
gefa almenna umsögn um jarðveg
og yfirborð, og taldi að með þessu
væri hann að vara við. Það var svo
ekki fyrr en í vetur að borgarverk-
fræðingur tilkynnti Borgarskipu-
lagi Reykjavíkur að hann hefði
heðið Halldór um að fara að huga
nánar að sprungusvæðinu þarna.
Svo vel vildi til að auð jörð var
fram undir jól, loftmyndir voru
til, sem hægt var að byrja að
skoða, og svo var hægt að grafa
sex prufuholur á mismunandi
stöðum á svæðinu í vor. Og þarna
er sprungusvæði og misgengi, fer
niður í 50 metra milli sprungna,
og það er framhald af sprungu-
sveiminum á Krýsuvíkursvæðinu.
Sprungukort teiknað eftir korti Halldórs Torfasonar jarðfræðings af Rauða-
vatnssvæðinu.
sjálfsögðu þau hús, sem á sprung-
um stæðu, í hættu.
Þegar Halldór Torfason var
spurður hve langan tíma mundi
þurfa til að fá einhverja vitneskju
um það hvort sprungurnar á þessu
hugsanlega byggingarsvæði væru
á hreyfingu, sagði hann að lág-
mark væri 10 ár, ef maður vildi fá
hugmynd um hreyfingar á svæð-
inu.
Korpúlfsstaða- og Keldna-
land kortlögð
Þá sagði Halldór það rangt að
nákvæm kortlagning á svona
svæði hefði ekki farið fram áður.
1974—75 vann hann að slíkri
kortlagningu á vegum borgarverk-
fræðings á svæði Korpúlfsstaða,
Geldinganesi og Keldnalandi og
gerði þrjú kort af þessum svæðum,
þ.e. berggrunnskort, jarðgrunns-
kort og yfirborðskort. Of dýrt
þótti að gefa þau út þá, en til eru
tvö eintök, annað á að vera hjá
borgarskipulagi og hitt hefur
hann sjálfur, og hafa þau því verið
tiltæk til notkunar. Kortlagningin
á sprungunum var að vísu gróf, en
við þessa athugun sá hann engar
sprungur í Keldnalandi. Hins veg-
ar voru á þessum svæðum gömul
misgengi, sem hann kvaðst telja
óvirk, enda talin utan við Krýsu-
víkursveiminn. Sama var að segja
um Korpúlfsstaðaland og á Ulf-
arsfellssvæðinu var mikið af
gömlum misgengjum. I Geld-
inganesi kvaðst hann ekki muna
eftir neinu slíku.
Að lokum sagði Halldór að hann
hefði beðið um og fengið heimild
til að grafa á svæðinu suðvestan
við Rauðavatn á fyrirhuguðu
byggingarsvæði í Selásnum og
yrði það gert nú alveg á næstunni.