Morgunblaðið - 06.06.1982, Blaðsíða 34

82
MORGUNBLAÐIÐ, SUNNUDAGUR 6. JÚNÍ1982
Sextugur:
Ólafur E. Stefáns-
son nautgriparækt
arráðunautur
Ólafur E. Stefánsson, naut-
griparæktarráðunautur verður
sextugur nú á mánudag 7. júní. Þó
að ekki sé það hár aldur og síst
sjái á manninum á hann þegar að
baki svo lángt og giftudrjúgt starf
að vert er þess að minnast.
Ólafur er fæddur á Eyvindar-
stöðum á Álftanesi, sonur merkis-
hjónanna Stefáns Jónssonar frá
Flatey og Hrefnu Ólafsdóttur,
bónda á Þórustöðum i Bitru á
Ströndum, sem lengi bjuggu á Ey-
vindarstöðum. Ólafur er alinn upp
við búskap en það er mikill styrk-
ur fyrir mann í hans starfi. En
það sem meira er, hann hefur orð-
ið þeirrar gæfu aðnjótandi þrátt
fyrir störf fyrir alla bændur
landsins, að þurfa nánast ekki að
fara að heiman, nema til þess að
afla sér menntunar, því að enn býr
hann í föðurtúni að Tjörn á Álfta-
nesi, þar sem þau hjón byggðu sér
fagurt býli á bakka Bessastaða-
tjarnar.
ólafur stundaði nám í Mennta-
skólanum í Reykjavík og lauk þar
stúdentsprófi árið 1943. Hann
lagði einn vetur stund á nám í
ensku og þýsku við Háskóla Is-
lands og lauk í þeim greinum
fyrsta stigsprófi ásamt cand. phil.
prófi. Þá fór hann til búnaðar-
náms við Edinborgarháskóla og
brautskráðist þaðan með B.Sc.
prófi í búfræði 1947.
Eftir heimkomuna gerðist hann
ráðunautur hjá Sambandi naut-
griparæktarfélaga í Borgarfirði
um tveggja ára skeið og var síðan
önnur tvö ár ráðunautur hjá Bún-
aðarsambandi Kjalarnesþings.
Árið 1952 réðst Ólafur E. Stef-
ánsson til Búnaðarfélags íslands
sem nautgriparæktarráðunautur
og tók við því mikilvæga starfi af
Páli Zóphóníassyni, sem þá varð
búnaðarmálastjóri um skeið.
Árið 1964 gegndi Ólafur starfi
búnaðarmálastjóra í forföllum
Halldórs Pálssonar. Ólafur hefur
gegnt margháttuðum trúnaðar-
störfum í þágu landbúnaðarins,
hann var í Tilraunaráði búfjár-
ræktar um árabil og síðan í Til-
raunaráði landbúnaðarins frá
stofnun þess árið 1965 og til þessa
árs. Hann hefur verið í stjórn
Bændahallarinnar sem fulltrúi
Búnaðarfélags íslands frá upphafi
og er nú formaður hennar. For-
maður kynbótanefndar nauta-
stöðvar Búnaðarfélags íslands frá
stofnun stöðvarinnar og hafði for-
ystu um stofnun hennar og síðar
formaður kynbótanefndar í
nautgriparækt. Þá var hann í und-
irbúningsnefnd að stofnun Sótt-
varnarstöðvar vegna innflutnings
á holdanautastofni frá 1972 er lög-
um um innflutning búfjár var
breytt og síðan í stjórn Sóttvarn-
arstöðvarinnar í Hrísey, enda hef-
ur Ólafur, bæði fyrr og síðar, verið
ötull baráttumaður fyrir bættri
nautakjötsframleiðslu.
Nú á þessu ári sá Ólafur árang-
ur erfiðis síns í margra ára bar-
áttu fyrir því að stofnuð yrði
rannsóknastöð mjólkuriðnaðarins,
sameiginleg fyrir öll samlögin í
landinu. Slík stöð er nú orðin að
veruleika og var Ólafur fenginn til
að taka að sér formennsku í stjórn
hennar og sýnir það með öðru
hvers trausts hann nýtur.
Ólafur hefur nú um mörg und-
anfarin ár verið skrifstofustjóri
Búnaðarþings og gegnt því eril-
sama starfi með ágætum.
Auk þess sem nú hefur verið tal-
ið upp hefur Ólafur gegnt fjöl-
mörgum nefndar- og stjórnar-
störfum, kjörinn af félögum eða
skipaður af stjórnvöldum. Öllum
sem honum er trúað til gegnir
hann af þeirri trúmennsku og
nákvæmni sem honum er eðlislæg.
Búskapur á íslandi hefur alla
tíð verið fyrst og fremst kvikfjár-
rækt. Af kvikfjárræktinni hefur
nautgriparæktin lengi skilað gild-
um helmingi framleiðsluverðmæt-
is búfjárafurða. Búnaðarfélag Is-
lands hefur nú haft búfjárrækt-
arráðunauta i þjónustu sinni í 80
ár eða síðan 1902. Þeir hafa veitt
leiðbeiningar um fóðrun, hirðingu
og kynbætur búfjárins. En það
sem meira er um vert er að þeir
hafa haft forystu um að skipu-
leggja ræktunar^törfin með fé-
lagslegum átökum. Með því að
vinna að stofnun og viðgangi
hinna fjölmörgu búfjárræktarfé-
Engin venjuleg
hljómtæki S 105 OPTONIKA
Það þarf mörg orð til þess aó lýsa þessari
frábæru samstæðu, svo hér verður ein-
göngu stiklað á stóru.
MAGNARI 2X50w (sínus).
Beint tengdur ,,DC"
Örtölfustýröur,
(engir þræði).
Hljóðminni.
Rafstýrðir snertirofar.
ÚTVARP FM — AM — LW.
Örtölvustýrt.
Ouartz læst.
Sjálfvirkur leitari.
Fast stöövaval.
Þráðlaus fjarstýring:
Með henni nýtur þú þægilegrar tónlistar,
þaðan sem þú situr — og stjórnar öllum
eiginleikum hennar. — Þægilegt líf, ekki
satt?
KASETTUTÆKI
Örtölvustýrt.
Rafstýrðir snertirofar.
Dolby/Metal.
Lagaleitari
FLÖTUSPILARI
2ja mótora.
Algerlega sjálfvirkur.
Beint drifinn.
Rafstýrðir snertirofar.
HÁTALARAR
60w hver.
3 hátalarar í boxi.
Bassaendurkast.
í tilefni SHARP vikunnar bjóðum við S 105
samstæðuna frá OPTONIKA x á greiðslu-
kjörum sem flestir ættu að ráöa við:
Utborgun kr. 5000.— og eftirst. á 8 mán.
HLJÐMBÆR
HLJÐM'HEIMIUS'SKRIFSTOFUTÆKI HVERFISGOTU 103
SIMI 25999
SHARP
VIKAN
7.6.-12.6.
laga og byggja upp landskerfi
þeirra.
Ólafur hefur nú veitt nautgripa-
ræktinni forystu í rétt 30 ár og
lengur en nokkur annar. Árangur-
inn sem náðst hefur er mikill. Um
1950 voru færðar skýrslur yfir ná-
lega 12.400 kýr hjá nautgripa-
ræktarfélögunum. Meðalnyt
„árskúa" hjá félagsmönnum var
þá um 2760 kg. og mjólkin hafði
um 3,7% fitu.
Nú eru færðar skýrslur um ná-
lega 22.000 kýr og er meðalnyt
„árskúa" um 3800 kg. með um
4,2% fitu. Nytin hefur á þessum 30
árum hækkað um 37% og fituein-
ingum sem „árskýrin" skilar fjölg-
að um nálega 56%.
Þetta hefur náðst fyrir dugnað
bænda, félagslega samstöðu og
síðast en ekki síst vinnu ráðu-
nauta og eiga Ólafur og sam-
starfsmenn hans bæði hjá Búnað-
arfélagi íslands og úr hópi hér-
aðsráðunauta og annarra starfs-
manna bænda ríkan þátt i þessu.
Þegar Ólafur hóf störf voru
nautgripasæðingar nýlega hafnar
hér á landi. Með þeim sköpuðust
aukin tækifæri til skipulegra
kynbóta. Með djúpfrystingu sæðis
var jfnvel stigið enn stærra skref.
Nú nær hið félagslega kynbóta-
kerfi til allra bænda hvar sem er á
landinu, vilji þeir notfæra sér það.
Afkvæmarannsóknir voru þá
tæplega hafnar en nú eru þær að
öllu leyti byggðar á hinu trausta
félagskerfi, sem byggt hefur verið
upp með samstilltu átaki fram-
sýnna bænda og traustra forystu-
manna.
Eg hef nú farið allmörgum orð-
um um Ólaf E. Stefánsson og
nautgriparæktina en færri um
manninn sjálfan, sem samt er ekki
síður ástæða til. En Ólafur ann
starfi sínu og ber ríkt stolt í
brjósti fyrir hönd þeirrar atvinnu-
greinar, sem hann hefur helgað
krafta sína. Þá þykir honum mið-
ur ef honum finnst á hana hallað
eða hennar hlutur hafður minni
en ástæða er til. Kemur mér þá
sérstaklega í hug stöðug barátta
hans fyrir því að auka rannsóknir
í nautgriparækt, en þar hefur
óneitanlega hallast á t.d. miðað
við rannsóknir í sauðfjárrækt,
hvað sem veldur?
Ólafur er háttprúður maður,
traustur, vel gefinn og samvisku-
samur með afbrigðum. Hann er
vel menntaður og vel að sér á sínu
sviði og öðrum. Hann hefur næmt
eyra fyrir góðu málfari og dettur
engum í hug að þar þurfi að
breyta stafkrók, sem hann hefur
skrifað eða farið höndum um.
Ólafur er maður skemmtinn í
viðræðum og framsögn og sér vel
það skoplega í hlutunum, en hátt-
vísin ræður (næstum um of) yfir
kímninni þannig að hún verður
aldrei í háði.
Það er rík ástæða til að þakka
Ólafi E. Stefánssyni fyrir öll hans
margháttuðu störf í þágu Búnað-
arfélags Islands og bændastéttar-
innar en þeim er engan veginn að
ljúka. Ég þakka einnig fyrir öll
holl ráð og hjálpsemi sem hann
hefur sýnt mér frá fyrstu kynnum.
Þar hefur ekki skugga á borið. Ég
veit einnig að ég má mæla fyrir
munn alls samstarfsfólks hans hjá
Búnaðarfélagi íslands með sömu
þakkarorðum.
Ég sendi Ólafi, Þórunni og Önnu
bestu kveðjur og árnaðaróskir í
tilefni þessa merkisafmælis.
Jónas Jónsson
AUCLÝSINCASTOFA
MYNDAMðTA HF