Morgunblaðið - 26.06.1982, Qupperneq 14

14
MORGUNBLAÐIÐ, LAUGARDAGUR 26. JÚNÍ 1982
Björn Björnsson og Hulda, kona hans, koma til veislu í Downing Street 10,
bústað breska forsætisráðherrans.
lætinu og smækkaði ekki i mót-
lætinu. Við kynntumst fólki sem
átti víðan sjóndeildarhring og
unnu jafnframt engu meir en
litlu landi norður í heimshöfum.
III
Björn og Hulda eiga nú sextíu
ára brúðkaupsafmæli. Þau geta
horft yfir víðáttur mikillar
sögu, sjálfs sín, dætra sinna og
fjölskyldna þeirra, og síðast en
ekki síst þjóðanna tveggja sem
þau hafa bæði unnið og unnað,
eigin þjóðar, íslendinga, og
hinnar er skóp þeim forlög og
bauð þeim fyrirheit, Breta.
Þau hjón eru að mörgu leyti
mjög ólík. Björn er úthverfur
maður með þrá samskiptanna
og félagshneigðarinnar, hefur
enda verið einna mikilvirkastur
í öllu félags- og menningarlífi
Islendinga í London. Hulda er
innhverf, leitar dýptarinnar og
þráir það heitast að skilja,
þekkja og meta, enda hefur hún
verið sá aðilinn er gerði sér
gleggsta grein fyrir undrum til-
verunnar og hinum óleystu gát-
um.
Bæði skildu þau Hulda og
Björn að það er ekki hlutskipti
mannsins aðeins að vera til.
Stærra er hitt að vera með öðr-
ura, fyrir aðra. En mest að vera
til í leit og þrÁ, að finna lífi sínu
fyllingu í því sem aldrei fyrnist,
vináttu, tryggð og trú.
Sextíu ára brúðkaupsafmæli hjónanna Björns
og Huldu Björnsson í London á morgun, 27. júní
ólíkustu málefnum. Og það sem
best var, þau voru aðlaðandi og
reiðubúin að hjálpa og aðstoða í
hverjum vanda.
Þeir urðu margir samfundirn-
ir sem ég og fjölskylda mín átt-
um með Birni og Huldu þetta
eftirminnilega ár í lífi okkar. Þá
var margt rætt, hreinskilin
skoðanaskipti fóru fram og
sköpuð sú vinátta sem aldrei
hefur skuggi á fallið síðan. Við
vorum svo sannarlega þiggjend-
ur í meira en einum skilningi.
Við kynntumst fólki sem sam-
einaði það besta úr hugarheimi
íslendingsins og lífsafstöðu
Bretans. Það var ekki auðvelt á
þessum tíma þorskastríðsins að
vera í senn íslenskur og breskur,
skilja og túlka ósættanlega
viðhorf. Við kynntumst fólki
sem þekkti allsnægtir og íburð
en ekki síður mótlæti og hörðum
kostum, miklaðist ekki í með-
Margir hafa átt leið til 29,
Vandon Court, Petty France,
London S.W.l. Allir hafa farið
þaðan ríkari af bjartsýni, lífstrú
og fögrum minningum. Það er
eins og gamla rómverska yfir-
skriftin standi letruð yfir dyrum
heimkynna hjónanna íslensku
er þar búa: „Gakk inn góður,
farðu betri út.“
Guðmundur Sveinsson
skólameistari.
Þess skal getið, að þau Hulda
og Björn Björnsson, ættingjar
þeirra og vinir, koma saman í
tilefni af demantsbrúðkaupi
þeirra hjóna á morgun í Wel-
land House, Woodcote Park
Avenue. Purley í Surrey.
Óskað heilla á
hamingjudegi
Sextíu ára brúðkaupsafmæli
hjónanna Björns og Huldu
Björnsson í London 27. júní
1982.
I
Það er sagt að sérhver mann-
vera þrái þrennt í lífinu: Gleði,
árangur og tilgang. Gleðiþráin
einkennir upphaf ævigöngunn-
ar, árangur og skyldur taka síð-
an að gerast fyrirferðarmeiri,
en fullum þroska nær maðurinn
ekki fyrr en hann hefur fundið
tilgang og takmark í lífsstríði
sínu.
Þessar alþekktu fullyrðingar
koma mér í hug er ég hugsa til
vina minna í London, Björns
Björnssonar stórkaupmanns og
konu hans, frú Huldu Björnsson.
Ég og fjölskylda mín áttum því
láni að fagna að kynnast þeim
hjónum mjög náið er ég dvaldi
við framhaldsnám í London á
Bretlandi um eins árs skeið,
1959-1960.
Það leyndi sér ekki að þar
fóru manneskjur sem þekkt
höfðu gleði lífsins og notið
hennar í ríkum mæli við marg-
breytilegar aðstæður í meira en
einu þjóðlandi, þótt ísland og
Bretland ættu hug þeirra öðrum
frcmur. Það var líka augljóst, að
þau hjónin höfðu á lífsleiðinni
náð sérstæðum árangri og gert
sér fyllstu grein fyrir skyldum
sínum, rækt þær á ólíkum svið-
um, sigrað og beðið ósigra eins
og alltaf verður þegar tekist er á
við vanda og aldrei hopað þótt
móti blási. Það var líka hverjum
manni auðsætt er þeim hjónum
kynntist að þau höfðu fundið lífi
tilgang og markmið, að þau áttu
sterka trú og ríka samúð og var
glæstasta uppskera lífs þeirra.
II
Sunnudaginn 27. júní 1982
eiga þessi heiðurshjón sextíu
ára brúðkaupsafmæli. Þá verður
mörgum til þeirra hugsað með
þakklæti, þá beinast heillaóskir
til þeirra, þá verða þau umvafin
vináttu og tryggðum.
Það var á heimili íslensku
sendiherrahjónanna í London,
dr. Kristins Guðmundssonar, er
þá var ambassador íslands á
Bretlandi, og konu hans, frú
Elsu, að leiðir fjölskyldu minnar
og þeirra Björns og Huldu lágu
saman. Hin mikla reisn sendi-
herraheimilisins varð til að
tengja alla íslendinga í London
saman bæði þá er áttu þar
fastan samastað svo og hina er
komnir voru til dvalar um tak-
markaðan tíma.
Með okkur aðkomufólkinu og
þeim Birni og Huldu tókust
fljótt allnáin samskipti. Kom
þar margt til. Þau hjón voru
mjög aðgengileg að ekki sé
fastar kveðið að orði. Þau höfðu
fas og framkomu heimsborgar-
anna með allri þeirri virðingu og
ástúð sem slíku getur fylgt, þeg-
ar best tekst til. Þau höfðu
þekkingu og áhuga á hinum
Þessi mynd var tekin við heimíli Huldu og Björns Björnssonar, Allerford, Purley, Surrey, þegar Olympíuleikarnir
voru haldnir í London 1948, en þá komu allir íslensku keppendurnir og ýmsir aðrir gestir saman á heimili þeirra
hjóna.
Fjórir ættliðir. Til hægri á myndinni er Hulda Björnsson, þá dóttir hennar
Ingunn Crocker, þá dóttir Ingunnar, Júlía Kristín Kdmonds, og sonur henn-
ar, James Björn Edmonds.
Talsvert hefur áunnist
í orkusparnaðarmálum
Á SÍDASTLIÐNUM áratug hækkaði
verð á olíuvörum mun meira en á
öðrum vörum. Hækkanirnar urðu
einkum milli áranna 1973 og 1974 og
1978 og 1979. Sala á eldsneyti hefur
aukist lítillega á áratugnum, en
verðmæti þess í innflutningi hefur
vaxið frá um 6,7% 1972 í 18,5% 1979
og 15,3% 1981.
Við þessum verðhækkunum hef-
ur verið brugðist með þrennum
hætti. í fyrsta lagi með aukinni
nýtingu innlendra orkugjafa,
einkum jarðhita til húshitunar. Á
árinu 1973 voru seld tæplega 160
þúsundir tonna af gasolíu tii hús-
hitunar, en salan var komin niður
í tæplega 50 þúsundir tonna á ár-
inu 1981. Hún hefur því dregist
saman um 69%.
í öðru lagi með notkun á svart-
olíu í stað gasolíu. í árslok 1980
brenndu 99 fiski- og flutningaskip
svartolíu. Sala á svartolíu hefur
liðlega tvöfaldast frá árinu 1970
til 1980.
I þriðja lagi með orkusparnaði.
Hann má m.a. sjá í mun minni
bensínnotkun á hverja bifreið.
1973 var hún um 1800 lítrar á ári á
hverja bifreið, en 1981 tæplega
1400 lítrar, og hafði þvi minnkað
um fjórðung.
Orkusparnaðarnefnd telur, að
talsvert hafi áunnist með fyrr-
nefndum aðgerðum til að bregðast
við hækkandi olíuverði. Nefndin
vill þó leggja áherslu á eftirfar-
andi: I fyrsta lagi að hraðað verði
framkvæmdum til nýtingar inn-
lendra orkugjafa til húshitunar,
með hitaveitum, fjarvarmaveitum
og beinni rafhitun. í öðru lagi að
nýting innlendra orkugjafa í at-
vinnugreinum verði aukin. í þriðja
lagi verði lögð áhersla á hag-
kvæmari orkunýtingu.
Víða má bæta orkunýtingu. Sem
dæmi má nefna, að allt að helm-
ings munur er í olíunotkun á hrá-
efnistonn milli bestu og verstu
fiskimjölsverksmiðjanna. í hús-
hitun hefur nokkuð áunnist,
strangari kröfur eru gerðar um
einangrun o.fl. í reglugerð frá
1979. Á árinu 1981 hóf Húsnæð-
isstofnun ríkisins lánveitingar til
orkusparandi breytinga á íbúð-
arhúsnæði. Lánin eru veitt til ein-
angrunar þaka og veggja, ísetn-
ingar tvöfalds glers í stað ein-
falds, til að skipta á lágþrýstum
olíubrennara í hraðgengan eða í
rafalshitun. Þrátt fyrir háværar
raddir um hækkun olíustyrks hef-
ur eftirspurn eftir orkusparandi
lánum verið mun minni en áætlað
var. Þó er ljóst, að mikill munur er
á milli olíunotkunar einstakra
húsa og að munurinn stafar fyrst
og fremst af lélegri einangrun,
vanstilltum hitakerfum,
olíukynditækjum, o.s.frv., segir í
frétt frá Orkusparnaðarnefnd.