Morgunblaðið - 15.08.1982, Blaðsíða 3

MORGUNBLAÐIÐ, SUNNUDAGUR 15. ÁGÚST 1982
3
*
Islenzk heimilisiðnaö-
arsýning í Danmörku
Spjallað við Traute Sönderholm
HÉR Á landi er stödd Traute Sönderholm, kona fyrrver-
andi forstjóra Norræna hússins, Erik Sönderholm. Voru
þau hér á árunum 1976—1981. Núna er Traute hér á landi
til að safna munum á íslenzka heimilisiðnaðarsýningu,
sem verður haldin í byrjun nóvember. Þetta má e.t.v.
frekar kalla íslenzka menningarsýningu, þar sem ekki
verður eingöngu um heimilisiðnaðarsýningu að ræða.
— Þegar við komum aftur
til Danmerkur frá íslandi
spurði fólk okk'ur um landið og
vildi fá að vita um menningu
þess og sögu. Þannig er, að á
Suður-Láglandi er 150 ára
gamall herragarður, sem er
eins konar hvíldarheimili. Þó
ekki í þá veru að menn liggi á
meltunni allan daginn, heldur
er alltaf eitthvað um að vera
þar. Þennan herragarð áttu
hjón, sem voru barnlaus, og
gáfu gögn og gæði til þess, að
þar mætti verða um ókomna
framtíð heimili, þar sem menn
gætu komið og hvílt sig. En
jafnframt væri í gangi menn-
ingarleg dagskrá árið um
kring.
Forstöðumaður „Fugla-
söngs", en það heitir herra-
garðurinn, spurði mig hvort ég
gæti séð um íslenzka menn-
ingarviku á herragarðinum.
Fékk ég ferðastyrk til þess að
koma hingað til íslands og
safna handavinnu, munum,
skartgripum, grafík, ferðabók-
um og myndum. Verður þetta
sett upp á Fuglasöng. Erik,
maðurinn minn, ætlar að
flytja 2 fyrirlestra um ís-
lenzka sögu og íslenzkar bæk-
ur, sem þýddar hafa verið á
dönsku. Þá verð ég með lit-
myndasýningu, sem ég kalla
„Hringferð um Island". Þar
ætla ég að sýna það helzta,
sem íslenzk náttúra hefur að
skarta.
Eg kenndi á blokkflautu í
tónlistarskólanum í Görðum,
og ætlar Alma Hansen skóla-
stjóri að vera svo elskuleg að
koma með einhvers konar
tónlistarheyrnarhorn á sýn-
inguna, og jafnframt að segja
frá tónlistarlífinu hér á Is-
landi.
Það hefur gengið mjög vel
að fá alla þessa muni hér á
Islandi, og er ég þakklát þeim,
sem ég hefi leitað til. Fengið
góða fyrirgreiðslu. Eg hef af-
gangstíma áður en ég fer út og
ég gæti ekki hugsað mér að
vera allan þennan tíma hér í
Reykjavík, svo ég ætla að fara
í Þórsmörk áður.
Þessi herragarður er um 130
km frá Kaupmannahöfn og á
herragarðinum eru gistiher-
bergi, þar sem fólk dvelur í
lengri eða skemmri tíma.
Kemur fólk gjarnan frá Kaup-
Traute Sönderbolm med nokkra muni sem verða í sýningunni.
mannahöfn og víðar til þess að
sjá það, sem er á dagskrá
hverju sinni. Þarna kemur t,d.
strokkvartett Kaupmanna-
hafnar o.m.fl. svo það er eins
konar listahátíð allt árið. Sal-
irnir, sem þetta verður sýnt í,
eru jafnframt matsalir fyrir
þá sem herragarðinn dvelja.
Og eiginlega borða menn sig í
gegnum sýninguna þar sem
menn njóta hennar um leið og
þeir borða. Sýningin kemur til
þeirra frekar en að menn komi
á sýninguna.
Þetta ætti að geta orðið
mikil auglýsing fyrir ísland.
Þegar finnsk vika var á Fugla-
söng, hlaut hún mikla umfjöll-
un í blöðum og fjölmiðlum í
Danmörku. Forstöðumaður
Fuglasöngs, Rönn Sörensen
prestur, vildi að íslenzka sýn-
ingin yrði, þegar stjórn herra-
garðsins kemur saman.
Stjórnin kemur tvisvar saman
á ári og hún spannar helztu
menningarsamtök, sem eru
starfandi í Danmörku. Það er
því mikill heiður fyrir ísland,
að fá að vera á þessum tíma,
þegar þessi stjórn kemur sam-
an og kemst í snertingu við
sýninguna, sagði Traute Sönd-
erholm.
Fjölnir hf.:
Gefur út bók
um áfengis-
vandamálið
— eftir dr. Joe Pirro leið-
beinanda við Freeport-
sjúkrahúsið
Útgáfufélagið Fjölnir hf.
mun í haust gefa út bók um
áfengisvandamálið, eftir dr.
Joe Pirro, leiöbeinanda og
fyrirlesara við Freeport-
sjúkrahúsið í New York í
Bandaríkjunum. Hundruð ís-
lendinga sem hafa átt við
áfengisvandamál að striða
hafa sem kunnugt er leitað
sér lækninga til Freeport-
sjúkrahússins, og þá vakn-
ingu og breytingu í viðhorf-
um fólks til vandans sem
orðið hefur hér á landi und-
anfarin ár má rekja til
Freeport-ferðanna að veru-
legu leyti.
Dr. Pirro er þeim Islendingum
er til Freeport hafa farið vel
kunnur, auk þess sem hann hefur
oftar en einu sinni komið hingað
til lands til fyrirlestrahalds og
leiðbeininga, og þá meðal annars
komið fram í sjónvarpsþáttum um
áfengisvandamálið.
Hrafn Pálsson félagsráðgjafi
þýðir bókina og færir í íslenskan
búning, en bókin er sérstaklega
samin fyrir íslenskar aðstæður og
hefur ekki komið út á ensku áður.
Útgefandi bókar dr. Pirros er sem
fyrr segir hið nýstofnaða útgáfu-
félag, Fjölnir hf.
SUS heldur
fund með ís-
lendingum
búsettum
erlendis
✓
SAMBAND ungra sjálfstæðismanna
efnir til fundar með námsmönnum,
sem stunda nám erlcndis en eru
hcima í fríi, og öðrum kjósendum,
sem búsettir eru erlendis um stund-
arsakir, á mánudagskvöld. Á fundin-
um munu Davíð Oddsson borgar-
stjóri og Friðrik Sophusson alþingis-
maður flytja stutt ávörp, en að sögn
Geirs H. Haarde, formanns SUS, er
fundurinn ekki síður ætlaður til þess
að gefa námsmönnum erlendis tæki-
færi til að koma á framfæri viðhorf-
um sinum og upplýsingum um hags-
munamál sin.
Geir H. Haarde sagði í samtali
við Mbl. að fundurinn væri haldinn
til þess m.a. að styrkja og efla þau
tengsl, sem myndazt hafa milli ís-
lenzkra kjósenda erlendis og
Sjálfstæðisflokksins að undan-
förnu, en SUS hefur í vetur unnið
skipulega að því að efla fylgi
Sjálfstæðisflokksins meðal kjós-
enda erlendis. I því skyni fóru þeir
Davíð Oddsson og Geir í ferðalag
til nokkurra borga á Norðurlönd-
um í marz sl. og héldu vel heppnaða
fundi með stúdentum. Geir sagði,
að vinstri menn hefðu lengi ráðið
ferðinni meðal hópa íslendinga er-
lendis og hefði SUS þótt tímabært
að reyna að sporna þar með ein-
hverjum hætti við fótum.
Fundurinn á mánudagskvöld
verður í kjallarasa! Valhallar að
Háaleitisbraut 1 og hefst kl. 20.30.
Hann er opinn öllum íslendingum,
sem búsettir eru erlendis eða fara
utan á næstunni og áhuga hafa á
að kynna sér stefnu Sjálfstæðis-
flokksins og rabba við nokkra for-
ystumenn hans.

Ferðaskrifstofan
ÚTSÝN
Fáeinsæti COSt3 ClGl Sol
laus í næstu feröir wwi
ti' Portoroz
osta del Sol
Hvergi gefst annað eins
tækifæri til að njóta veð-
urblíðu, frábærrar gisti-
þjónustu og fjölbreytni.
Hingað streymir fólk alls
staðar að til að skemmta
sér og njóta lífsins.
Portoroz
Kjörinn heilsubótarstaður
Bezta gistiaðstaðan.
Lignano
Hinn orðlagði sumarleyf-
isstaður fyrir alla fjölskyld-
una. Betri og vinsælli en
nokkru sinni fyrr.
Reykjavík
Austurstræti 17,
símar 20100 og 26611
Akureyri
Kaupvangsstræti 4,
sími 96-22911