Morgunblaðið - 20.08.1982, Blaðsíða 3

MORGUNBLAÐIÐ, FÖSTUDAGUR 20. ÁGÚST 1982
3
Flugfélag Norðurlands hf.:
Hagnaður, en erfið
lausafjárstaða
AÐALKUNDUR Flugfélags Norður-
lands hf. var haldinn 10. ágúst sl.
Heildarvelta 1981 var kr.
10.990.266,00 og hagnaður kr.
219.725,00. Þótt reksturinn gengi vel
á sl. ári var lausafjárstaðan fremur
erfið. Nær öll föst lán félagsins eru
hjá erlendum bönkum, segir í frétta-
tilkynningu frá félaginu.
Félagið á 6 flugvélar og flugu
þær samtals 3.839 stundir á veg-
um þess 1981. Ein þessara flugvéla
af Twin Otter-gerð var leigð
Flugleiðum hf. mest allt árið.
Fluttir voru 20.042 farþegar á
áætlunarflugi, sem er 14% auk-
ning frá árinu áður. Vöruflutn-
ingar jukust einnig verulega, eða
um 35% í 329 tonn. Áætlunarflug
er frá Akureyri til ísafjarðar,
Siglufjarðar, Grímseyjar, Húsa-
víkur, Kópaskers, Raufarhafnar,
Þórshafnar, Vopnafjarðar, Egils-
staða og til Reykjavíkur um
Ólafsfjörð.
Leiguflug til útlanda óx veru-
lega frá því sem áður hefur verið,
en Mitsubishi-skrúfuþotan, sem
keypt var á árinu, hentar mjög vel
til slíkra verkefna. Twin Otter var
á Grænlandi einn mánuð sam-
fleytt í þágu danskra aðilja, en
auk þess voru margvísleg verkefni
önnur á Grænlandi.
Flogin voru 77 sjúkraflug auk
þess sem fjöldi sjúklinga var flutt-
ur með áætlunarflugvélunum.
Mikið annríki var á flugvéla-
verkstæði félagsins á Akureyrar-
flugvelli. Þar vinna 5 flugvirkjar
ásamt aðstoðarmanni. Auk þess
að annast allt viðhald eigin flug-
véla, sér verkstæðið um viðhald
flugvéla Flugfélagsins Arna hf.
flestra einkaflugvéla á Akureyri
auk varahlutasölu.
Félagið hefur með höndum alla
afgreiðslu flugvélaeldsneytis á
Akureyrarflugvelli.
Starfsmenn voru 17 að meðal-
tali 1981.
Úrslitaleikir Evrópu-
keppninnar sýndir beint
SJÓNVARPIÐ hefur gert samning
til fjögurra ára um beinar útsend-
ingar úrslitaleikja í Evrópukeppn-
inni í knattspyrnu. Á næstu fjórum
árum verða því úrslitaleikir bikar-
keppni og meistarakeppni Evrópu
sýndir beint hér á landi.
Góðar sölur
á Bretlandi
FJÖGUR islenzk fiskiskip seldu afla
sinn á Bretlandi i gær og fyrradag og
fengu þau öll gott verð fyrir hann.
í fyrradag seldi Sæljónið SU
afla sinn, 44,7 lestir í Grimsby.
Heildarverð var 540.000 kr. og
meðalverð á kíló 12,10. Talsvert
var af ufsa í aflanum. í gær seldi
Höfrungur II 56,6 lestir, mest
þorsk, í Grimsby. Heildarverð var
870.500 krónur, meðalverð 15,39.
Þá seldi Lyngey SF 25,7 lestir í
Hull í gær. Heildarverð var
402.700 krónur, meðalverð 15,66.
Dalaröst ÁR seldi einnig í Hull í
gær 64,8 lestir af þorski og ufsa.
Heildarverð var 779.700 krónur,
meðalverð 12,03.
I dag mun eitt skip, Einar Bene-
diktsson, selja afla sinn, um 100
lestir, í Hull.
Að sögn Bjarna Felixsonar,
íþróttafréttamanns hjá sjónvarp-
inu, hefur lengi verið áhugi á að fá
þessa leiki til beinnar útsend-
ingar, en vegna þess að semja hef-
ur orðið um það til fjögurra ára,
hefur ekki verið hægt að ganga frá
því máli fyrr en nú. Þá mun vænt-
anlega einnig reynt að sýna úrslit
í UEFA-keppninni, en um það
verður að semja sérstaklega. Áuk
þessa verða svo væntanlega
úrslitaleikir í ensku knattspyrn-
unni sýndir beint eins og gert var
síðastliðinn vetur.
Þá hefur einnig verið athugaður
möguleiki á því að sýna ensku
deildarleikina beint, en að sögn
Bjarna hefur nú verið samið um
sýningar á þeim leikjum á sama
hátt og verið hefur, það er leikirn-
ir verða sýndir viku gamlir. Þó
sagði Bjarni hugsanlegt að ein-
hverjir deildar- eða bikarleikir
yrðu sýndir beint. Útsendingar frá
ensku knattspyrnunni hefjast
laugardaginn 28. þessa mánaðar
með svokölluðum Charity Shield-
leik, sem að þessu sinni verður á
milli Liverpool og Tottenham,
Englandsmeistara og bikarmeist-
ara síðasta keppnistímabils. Sama
dag hefst enska deildakeppnin.
Feröamálasamtök Vesturlands:
Eldri borgarar fá 30%
afslátt á gistingu
FERÐAMÁLASAMTÖK Vestur-
lands hafa tekið þá ákvörðun, að frá
og með 25. ágúst nk til 31. október
verði öllum eldri borgurum, 67 ára
og eldri, veittur 30% afsláttur á gist-
ingu á hótelum á Vesturlandi.
I fréttatilkynningu frá samtök-
unum segir að þetta gildi fyrir eft-
irtalin hótel: Hótel Akranes, Hótel
Borgarnes, Hótel Búðir, Hótel Sjó-
búðir, Ólafsvík, Hótel Stykkis-
hólm og Hótel Bjarg, Búðardal.
Norræn farandsýning
í Norræna húsinu
SÝNING á teikningum, sem hingað kem-
ur frá Noregi, verður opnuð 1 Norræna
húsinu á laugardag, 21. ágúst. Þetta er
norræn farandsýning. llm sýninguna seg-
ir í fréttatilkynningu fri Norræna húsinu:
„Aðdragandi þessarar sýningar er sá,
að Norræna listamiðstöðin í Sveaborg í
Finnlandi sem hóf starfsemi sína 1978,
bauð í árslok 1980 norrænum lista-
mönnum að taka þátt í stórri sýningu á
teikningum, og 600 listamenn sendu
3.000 teikningar þangað. Þriggja
manna dómnefnd, skipuð Per Bjur-
ström frá Nationalmuseet í Stokk-
hólmi, Sam Vanni frá finnsku aka-
demíunni og Tage Martin Hörling frá
Norrænu listamiðstöðinni, valdi síðan
úr 162 teikningar eftir 52 listamenn.
Jafnframt ákvað dómnefndin að bjóða
nafnkunnum teiknara frá hverju Norð-
urlandanna að sýna, og af íslands hálfu
var Kristjáni Davíðssyni boðið, frá
Danmörku var Jorgen Romer boðið, frá
Finnlandi Ulla Rantanen, frá Noregi
Aase Gulbranden og frá Svíþjóð Lenu
Cronquist. Aðrir íslendingar sem
myndir eiga á þessari sýningu eru Sig-
rún Guðjónsdóttir, Sigurður Þórir Sig-
urðsson og Valgerður Bergsdóttir.
í veglegri sýningarskrá eru nokkrar
greinar um teikningar, og þar skrifar
Bragi Ásgeirsson um íslenska teikni-
list.
Sýningin verður opin daglega frá kl.
14—19 til 5. september."
KOMA
Wrangler
jakki
áöur 495
Nú 250.-
Wrangler
jakki
Áöur 449
Nú 220.'
Gaberdine
buxur
Áöur 495.-
Nú 250.-
Gaberdine
jakki
Áður 850,-
Nú 425.-
Allir kjólar
í Garbo
kosta núna
kr. 300.-
Ullar
flannel
buxur
Áður 550.
Nú 275.-
Sumarútsalan heldur áfram
og að auki byrjum við með
sértilboðin á ýmsum vörum:
íBjl KARNABÆR
I ~ AUSTURSTRÆTI 22, LAUGAVEGI 66, GLÆSIBÆR.

Simi Irá skiptiborði 85055
i&wtm
2. hasö Sími 85055
Latigmgi 20 Smti tri tkipHbordt 85055