Morgunblaðið - 21.08.1982, Blaðsíða 13

1 •
MORGUNBLAÐIÐ, LAUGARDAGUR 21. ÁGÚST 1982
13
Skálholtstónleikar
Verk eftir Hafliða Hallgrímsson
Tónlist
Jón Þórarinsson
Þetta er áttunda ár sumar-
tónleikanna í Skálholtskirkju, og
eru þeir orðnir merkur og fastur
liður í menningarlífinu, framtak
sem mikil eftirsjá væri að, ef
þeir legðust niður. Fram að
þessu hafa þær staðið fyrir tón-
leikunum sameiginlega, Manuela
Wiesler og Helga Ingólfsdóttir,
og flutt sjálfar mikinn hluta
þeirra. En nú hefur sú breyting
orðið á, að Helga er ein í forsvari
fyrir þessari starfsemi, en ekki
er að efa að hún nýtur til þess
góðs fulltingis eiginmanns síns,
Þorkels Helgasonar dósents, sem
er hinn mesti áhugamaður um
þetta menningarstarf.
Þriðju Skálholtstónleikarnir á
þessu sumri voru haldnir um síð-
ustu helgi, 14. og 15. ágúst, og
voru þeir helgaðir verkum eftir
Hafliða Hallgrímsson. Flytjend-
ur voru höfundurinn og Helga
Ingólfsdóttir. Hafliði hefur verið
búsettur í Bretlandi um árabil,
fyrst í London en nú í Edinborg,
og starfað sem cellóleikari og
tónskáld. Af þeim sökum er
hann ef til vill minna þekktur
hér heima en efni standa til. Þó
hefur hann leitazt við að halda
góðum tengslum við föðurland
sitt, iðulega komið hér fram á
tónleikum og allmörg verk hans
hafa orðið hér kunn, bæði af
tónleikaflutningi og í útvarpi.
Hafliði er sjálfstæður höfundur,
óbundinn af ismum og kreddum,
stíllinn nokkuð fjölbreytilegur,
en þó persónulegur. Það eru góð
tíðindi, að hann hyggst nú gefa
sér meiri tíma til tónsmíða en
áður.
I Skálholti var frumflutt nýtt
verk eftir Hafliða, Strönd, són-
ata fyrir sembal, sem Helga Ing-
ólfsdóttir lék fagurlega. Saman
fluttu þau Hafliði tvö íslenzk
þjóðlög, skemmtilega og frum-
lega útsett fyrir celló og sembal,
og loks lék Hafliði einleiksverk
fyrir celló, Solitaire. Verk eftir
hann með þessu nafni hefur áður
orðið kunnugt, en það hefur nú
Hafliði Hallgrímsson
verið endursamið, og má því
segja að einnig hér hafi verið um
frumflutning að ræða. Solitaire
er margslungið verk og glæsi-
legt, gerir miklar kröfur til flytj-
andans og tæknikunnáttu hans,
en er um leið efnismikið og
áhrifaríkt, að minnsta kosti eins
og það lét í eyrum í frábærum
flutningi höfundarins. Öll var
efnisskráin hin áhugaverðasta
og tónleikarnir í heild einkar
ánægjulegir, eins og Skálholts-
tónleikar hafa jafnan verið.
Því miður gat ég ekki verið
viðstaddur fyrri Skálholtstón-
leika í sumar, en á hinum fyrstu
lék Árni Arinbjarnarson á orgel
verk eftir Sweelinck, Buxtehude
og Bach, og á hinum næstu
fluttu þeir Halldór Vilhelmsson,
söngvari og Gústaf Jóhannesson,
organleikari, verk eftir Gunnar
Reyni Sveinsson. Síðustu tón-
leikarnir að þessu sinni verða
um helgina 21. og 22. ágúst, en
þar flytur Orthulf Prunner,
organleikari Háteigskirkju, verk
úr Klavierúbung III eftir Joh.
Seb. Bach. Ástæða er til að
minna á, að á undan tónleikun-
um á sunnudag, kl. 14, verður
messað í Skálholtskirkju, en
guðsþjónustur á þeim stað eru
einstaklega hátíðlegar og hríf-
andi.
Eigum nokkra sérlega fallega MAZDA bíla, á mjög hagstæðu verdi.
Nú er möguleiki á að gera mjög hagstæð kaup áður en verð
hækkar.
Allir bílarnir eru með 6 mánaða ábyrgð.
BÍLABORG HF
Smiðshöfða 23. sími 81299
I
••
Kolvitlaus í
kolkrabbanum!
Kolkrabbinn er æsilegt leiktæki á Tívolísvæðinu.
Hann þeytir þér í hringi, upp og niður,
upp og niður og þú verður kolvitlaus í höfðinu.
(Allt er þó fullkomlega örugt) Kolkrabbinn er eitt af
mörgum skemmtilegum tækjum á svæðinu.
Vertu velkomin á sýninguna Heimilið og fjölskyldan 82.
ESI