Morgunblaðið - 21.08.1982, Blaðsíða 43
MORGUNBLAÐIÐ, LAUGARDAGUR 21. ÁGÚST 1982
43
• Asgeir Sigurvinsson lék sinn fyrsta leik með Stuttgart í Bundesligunni í
gærkvöldi og stóð sig mjög vel. Hann lagði m.a. upp mark liðsins.
Asgeir Sigurvinsson:
Ánægðir með að ná
stigi í Dortmund
— ÉG GAT ekki æft með Stuttgart-
liðinu í gær og það þurfti að sprauta
mig fyrir leikinn, þar sem ég er enn
slæmur í náranum. I>að er mjög
hvekkjandi að þessi meiðsli skuli
enn há manni, þau voru þess vald-
andi að ég gat ekki tekið á sem
skyldi í leiknum, sagði Ásgeir Sigur-
vinsson eftir leikinn í gærkvöldi.
— Eg var orðinn góður af þess-
um meiðslum, sem hafa hrjáð mig
í nokkuð langan tíma, en eftir
leikinn gegn Inter Milan á dögun-
um tóku meiðslin sig upp aftur og
allt hljóp í baklás. Það er ekki gott
að segja hvort þetta lagist á næst-
unni, en það verður reynt að halda
meiðslunum niðri með sprautum.
Ef ég næ mér ekki verður að skera
mig upp er vetrarfrí Bundeslig-
unnar kemur.
— Við vorum mjög ánægðir
með að ná í eitt stig hér á Dort-
mund, það er ágæt byrjun á
keppnistímabilinu. Lið Dortmund
er erfitt heim að sækja og ekki
mörg lið sem fara héðan með stig.
Við leggjum mikla áherslu á það
að spila skynsamlega á útivelli og
tökum enga áhættu. Ásgeir sagði
að meiðslin hefðu háð sér er líða
tók á leikinn, en þó ekki verulega.
Ásgeir sagðist vera búinn að
æfa óhemjuvel að undanförnu,
bæði með liðinu og í séræfingum
og vera kominn í mjög góða æf-
ingu. Hann sagðist vera mjög
ánægður með dvöl sína hjá Stutt-
gart, að sínum dómi félli hann
mjög vel inn í liðið, og leikaðferð
liðsins ætti mjög vel við sig. Hann
fengi að spila sína stöðu, og nú
væri bara að standa sig vel. Ásgeir
sagði að nú væri skammt stórra
högga á milli, því næsti leikurinn í
deildinni væri á þriðjudag, og síð-
an yrði leikið í bikarkeppninni síð-
ar í vikunni.
Leikmenn Stuttgart héldu strax
eftir leikinn heim á leið í lang-
ferðabíl, en það er fimm klukku-
stunda akstur. Á því sést að líf
knattspyrnumanna er ekki alltaf
skemmtilegt.
Feldkamp, þjálfari Dortmund:
Gáfum Stuttgart eitt stig
— Við áttum að hafa 2—0 í hálf-
leik, við fórum afar illa með mörg
góð marktækifæri í fyrri hálfleikn-
um,“ sagði þjálfari Dortmund eftir
leikinn. „Ég er mjög vonsvikinn yfir
því að við skyldum ekki sigra í leikn-
um, við hreinlega gáfum Stuttgart-
liðinu eitt stig. Nlíkt er ekki gott í
hinni hörðu keppni í deildinni. Ég er
bjartsýnn á keppnistímabilið og á
von á að liði mínu gangi vel, sagði
hann að lokum.
Þjálfari Stuttgart, Helmut Bent-
haus, sagðist vera allánægður með
að ná stigi úr þessum leik, það væri
erfitt að leika við Dortmund á
heimavelli, þeir hefðu góða áhorf-
endur, og leikvöllur Dortmund er
hálfgerð Ijónagryfja i að koma. f liði
mínu eru nokkrir nýir leikmenn sem
þurfa mótun, svo ekki er hægt að
dæma liðið fyrr en eftir nokkra leiki,
en ég er allánægður með leik liðsins.
Bock aftur til ÍS?
ÞAD hefur reyndar ekki fengist
staðfest, en eftir því sem Mbl. kemst
næst bendir margt til þess að
Bandaríkjamaðurinn Pat Bock muni
koma aftur til körfuknattleiksliðs ÍS
og leika með iiðinu í 1. deild í vetur,
en liðið féll úr úrvalsdeildinni á síð-
asta keppnistímabili. Þegar Bock fór
af landi brott síðasta vor höfðu ýmis
félög áhuga á að fá kappann til liðs
við sig, enda að mati margra besti
erlendi leikmaðurinn sem hér lék á
síðasta tímabili. Hann mun hins veg-
ar hafa sagt aö kæmi hann aftur á
annaó borð, þá myndi hann ganga í
fS á nýjan leik. Það er annars mikill
hugur í herbúðum fS-manna og
Kristinn Jörundsson, sá margreyndi
landsliðskappi úr ÍR, hefur verið
ráðinn þjálfari liðsins. — gg.
mmmmmmmmmmmmmmmmmmmmmmmmmmmmmmmmmmmmmmmmmmmmmammmt
Six skoraði eltir góóa
aukaspyrnu Asgeirs
Frá l»órarni Kagnarssyni í Dortmund.
35.000 áhorfendur sáu Borussia
Dortmund og VFB Stuttgart gera
jafntefli, 1:1, á heimavelli Dortmund
í gærkvöldi. Leikur liðanna var mjög
fjörugur og vel leikinn, og einkennd-
ist af mikilli baráttu og miklum
hraða. Lið Dortmund var sterkara
liðið í leiknum og hefði átt skilið að
ganga með sigur af hólmi.
Dortmund náði forystu í leikn-
um á 24. mínútu er Böninghausen
skoraði mjög fallegt mark innan
úr miðjum vítateig eftir glæsilega
sóknarlotu. Dortmund-liðsins. í
fyrri hálfleik voru leikmenn
Dortmund mun sprækari og áttu
tvö dauðafæri sem áttu að geta
gefið liðinu mark, en bæði fóru
forgörðum.
I síðari hálfleiknum komst lið
Stuttgart mun meira inn í leikinn,
sem jafnaðist, og á 72. mín. tókst
Stuttgart að jafna leikinn, 1:1.
Ásgeir Sigurvinsson tók auka-
spyrnu rétt utan við vítateigs-
hornið og sendi mjög laglega inn á
markteiginn á franska landsliðs-
manninn Didier Six, sem kastaði
sér fram og skoraði með föstum
skalla. Dortmund átti gott tæki-
færi til að ná forystunni aftur í
leiknum á 84. mín. en tókst ekki að
skora.
Ásgeir Sigurvinsson átti góðan
leik í liði Stuttgart, vann feykilega
vel og dreifði spili liðsins mjög vel.
Franski landsliðsmaðurinn Didier
Six var besti maður Stuttgart,
hann hafði ótrúlega yfirferð og
gerði mikinn usla í vörn Dort-
mund. í vörn Stuttgart átti Karl
Heinz Förster góðan leik, en fyrir
leikinn var honum færður blóm-
vöndur þar sem á síðasta keppnis-
tímabili var hann kjörinn vinsæl-
asti leikmaðurinn í þýsku Bundes-
ligunni.
KörfuknaUleiksdeild Hauka
hefur ráðið Kinar Bollason fyrrum
landsliðsþjálfara til starfa, en
hann mun því þjálfa meistaraflokk
félagsins i 1. deildarkeppninni i
körfuknattleik á komandi keppn-
istímabili. Haukarnir þykja annars
vera með bráðefnilegt lið og hafa
þeir sett stefnuna á úrvalsdeildina.
Lið Dortmund kemur greinilega
mjög sterkt til leiks á keppn-
istímabilinu, liðið leikur -mjög
hraða knattspyrnu og vörn liðsins
í leiknum gegn Stuttgart var mjög
sterk. Markvörðurinn, Immer,
varði oft mjög vel og miðvörður-
inn, Russmann, var mjög sterkur.
í sókninni bar mjög mikið á rúm-
enska landsliðsmanninum Raduc-
anu og Manfred Burgsmúller.
Gífurleg stemmning var á
áhorfendapöllunum á þessum
fyrsta heimaleik Dortmund-liðs-
ins hjá aðdáendum beggja liða.
Dakarsta Webster mun lcika
áfram með liðinu, en Haukarnir
báru af sér að Jón Sigurðsson
landsliðsmaður úr KR væri að
ganga til liðs við félagið, en sá orð-
rómur hefur óneitanlega verið á
kreiki.
- gg-
Einar þjálfar Hauka
Magnús Pétursson:
Bikarúrslitin hans
síðasti stórleikur
ÚRSLITALEIKUR bikarkeppni KSf
verður leikinn sunnudaginn 29.
þessa mánaðar, og eigast þá við lið
ÍA og ÍBK sem kunnugt er. Er leikur
þessi merkilegur fyrir nokkurra
hluta sakir, m.a. að þetta er 10. úr-
slitaleikur Skagamanna í sögunni,
og hefur ekkert annað lið leikið svo
oft til úrslita. Þeir hafa þó aðeins
einu sinni borið sigur úr býtum; í
níundu tilraun, er þeir lögðu Val að
velli 1—0 1978.
Leikur þessi verður 100. innbyrö-
isleikur þessara liða frá upphafi í
mótum, þ.e. 1. deildar keppninni,
bikarkeppninni og litlu bikarkeppn-
inni. Þá má nefna að þetta verður í
5. skipti sem Jón Gunnlaugsson er í
Skagahópnum í úrslitaleik, og vænt-
anlega hans fjórði úrslitaleikur.
Hann lék gegn Val 1974 og 1976 og
einnig gegn ÍBK 1975. I leiknum
gegn Val 1978 sat Jón á bckknum.
Dómari þessa merkilega úrslita-
leiks verður enginn annar en
Magnús V. Pétursson, einn okkar
kunnasti dómari í fjölda ára, og er
leikurinn ekki síður merkilegur
fyrir þær sakir. Þannig er mál
með vexti, að Magnús verður
fimmtugur seinna á þessu ári, og
er það því síðasta ár hans sem 1.
deildar dómara. Þannig hittist á
að bikarúrslitaleikurinn verður
síðasti stórleikur Magnúsar með
flautuna, hér heima að minnsta
kosti. í tilefni af þessu spjallaði
undirritaður við Magnús í gær.
„Ég held nú að þeir hafi ekki
sett mig á úrslitaleikinn bara
vegna þess að ég er að hætta,"
. iWI
• Magnús V. Pétursson
sagði Magnús, en hann hefur
dæmt nokkra bikarúrslitaleiki áð-
ur. Hann byrjaði að dæma í 1.
deild, „eða meistaraflokki, eins og
það var kallað þá“, árið 1956,
þannig að þetta er hans 32. keppn-
istímabil sem dómari.
„Þetta hefur verið alveg ljóm-
andi skemmtilegur tími,“ sagði
Magnús, „ég hef kynnst mörgu
góðu fólki í gegnum íþróttirnar og
það er aðalatriðið. Þetta hefur
auðvitað tekið mjög mikinn tíma,
en það skilar sér.“
Magnús hefur margoft dæmt
Evrópuleiki erlendis, og segist
hann hafa verið við dómarastörf á
Evrópuleikjum í 11 eða 12 löndum.
„Ég hef t.d. verið á öllum Norður-
löndunum, öllum Bretlandseyjum
og Luxemborg. Og þó þetta sé mitt
síðasta sumar hér heima í 1. deild-
inni, þá má ég dæma Evrópuleiki
þar til 1. ágúst á næsta ári, því ég
er fæddur eftir 1. ágúst. Ég hef þó
ekki hugmynd um það hvort ég
verði látinn dæma fleiri Evrópu-
leiki,“ sagði Magnús.
Sinn fyrsta landsleik dæmdi
Magnús árið 1965, og var það leik-
ur Svía og Kýpur sem fram fór í
Norköping. „Leikurinn var liður í
heimsmeistarakeppninni, og
þurftu Svíar að vinna 6—0 til að
komast áfram, en þeim tókst að-
eins að sigra 3—0,“ segir Magnús
er hann rifjar upp sinn fyrsta
landsleik.
Magnús sagðist hafa haft mjög
mikla ánægju af dómarastörfum
sínum, og sagðist hann vona að
hróður íslenskra dómara ætti eftir
að aukast enn, þvi við hefðum
mjög frambærilega stráka á Evr-
ópumælikvarða. „Það hefur alltaf
tekist mjög vel til hjá okkur,"
sagði Magnús, en hann hefur
dæmt heimaleiki hjá nokkrum af
frægustu liðum Evrópu, svo sem
Liverpool, Tottenham, Arsenal og
Glasgow Rangers.
í viðtali við islenskt íþróttablað
fyrr í sumar, kom fram að Magnús
væri „sá besti á íslandi". Hann var
spurður nánar út í þetta.
„Já, þessu var slegið upp þarna,
en þetta var nú svolítið mistúlk-
að,“ segir Magnús. „Ég tel mig
ekki þann besta á íslandi, ungu
strákarnir standa mér fyllilega
jafnfætis. En ég hef fengið þetta
viðurnefni frá fjölda manna. En
mér skilst að blaðið hafi selst
upp,“ segir Magnús og hefur
greinilega gaman af öllu saman.
I dag er Magnús á ferðinni eins
og svo oft áður og blæs hann í
þetta skipti í flautu sína í leik ÍBV
og KA í Éyjum. Óskum við honum
og félögum hans í dómaratríóinu
hér með góðrar ferðar.
- SH.
mmmmmmmmmmmmmmma
LJÓMA
10 RALLY 82
Þessi fyrirtæki styrkja LJÓMA-RALLY ’82:
Smjörlíki hf.,
Bílaleiga Akureyrar — Inter rent,
Flugleiðir hf.,
Eimskip hf.,
Míkro hf., tölvuþjónusta.
Upplýsingamiðstöð er opin að Hótel Loftleiðum á meðan keppnin
stendur. Sími: 22322. ........>h
Komið og fáið ókeypis Áhorfenda-leiðabók og fylgist meö IMIKRDfj
einni erfiðustu Rally-keppninni í Evrópu. laugavegur 178
<vwðr5
^fJAvVj