Morgunblaðið - 03.09.1982, Blaðsíða 15
MORGUNBLAÐIÐ, FÖSTUDAGUR 3. SEPTEMBER 1982
15
ForriAamenn Þjóðleikhússins kynna fréttamtfnnum vetrardagskrána. Frá rinstri: Halldór Ormason mióasölustjóri, Sveinn Einarsson þjóóleikhús-
stjóri, ívar H. Jónsson fjármálafulltrúi og Árni Ibsen leikhúsritari.
Sex ný íslensk verk frum-
sýnd í Þjóðleikhúsinu í vetur
SEX NÝ íslensk leikrit veröa frum-
sýnd í Þjóöleikhúsinu á leikári því
sem nú er að hefjast, en alls eru
fyrirhugaðar fjórtán frumsýningar
i vetur að viðbættri einni á vegum
Islenska dansflokksins auk gesta-
leikja. Ennfremur verða í vetur
tcknar upp sýningar á þremur
verkum frá fyrra leikári. Þetta
kom fram á fundi sem þjóðleikhús-
stjóri hélt með fréttamönnum á
dögunum þar sem kynnt var vetr-
ardagskrá leikhússins.
Eins og undanfarin ár verður
boðið upp á áskriftarmiða að
nýjum uppfærslum á stóra svið-
inu og hefst sala þeirra eftir há-
degi á morgun, laugardag.
Askriftarverkefni leikársins
verða þessi:
Garðvcislan, eftir Guðmund
Steinsson er dæmisaga um hugs-
anleg endalok mannkynsins á
jörðinni. Síðasta verk Guðmund-
ar, Stundarfriður, var sýnt yfir
80 sinnum í sex löndum í með-
ferð Þjóðleikhússins og það
verður leikið í dönsku og sænsku
þjóðleikhúsunum í vetur, svo og í
Vestur-Þýskalandi. Leikstjóri
Garðveislunnar er María Krist-
jánsdóttir, leikmynd eftir Þór-
unni Sigríði Þorgrímsdóttur og
leikhljóð eftir Gunnar Reyni
Sveinsson.
Hjálparkokkarnir (The Sup-
porting Cast) er nýr bandarískur
gamanleikur sem naut velgengni
á Broadway í fyrra. Höfundur er
George Furth, en þýðandi Óskar
Ingimarsson. Helgi Skúlason
leikstýrir, Baltasar teiknar
leikmyndina og Helga Björnsson
sér um búninga.
Ennþá hefur þriðja verkefnið
ekki hlotið íslenskt nafn, en þar
er á ferðinni hið þekkta leikrit
Eugene O’Neills, Long Day’s
Journey Into Night, í nýrri þýð-
ingu Thors Vilhjálmssonar.
Leikstjóri verður bandarískur
sérfræðingur í verkum O’Neills,
Kent Paul. Leikmynd gerir
Quentin Thomas, þekktur bresk-
ur leikmyndateiknari sem starf-
ar í Bandaríkjunum.
Jómfrú Ragnheiður nefnist
leikgerð Bríetar Héðinsdóttur,
af Skálholti Kambans. En þetta
er sama leikgerð og hún setti
upp hjá Leikfélagi Akureyrar á
síðasta ári og aðalleikkonan
verður sú sama og þá, Guðbjörg
Thoroddsen. Bríet leikstýrir
verkinu, Sigurjón Jóhannsson
gerir leikmynd og Jón Þórarins-
son tónlist. Þetta verður jóla-
verkefni leikhússins.
Oresteian eftir Aiskylos er eitt
af sígildum verkum leikbók-
menntanna, en þetta verður
frumflutningur á þessu verki hér
á landi í búningi Helga Hálfdan-
arsonar. Leikstjóri er Sveinn
Einarsson, leikmynd eftir Sigur-
jón Jóhannsson og tónlist eftir
Jón Þórarinsson. Marjo Kuusela
stjórnar danshreyfingum.
Grasmaðkur heitir nýtt leikrit
eftir Birgi Sigurðsson og er það
hið fyrsta sem sýnt er í Þjóð-
leikhúsinu af verkum hans. Er
hér á ferðinni fjölskyldusaga úr
Reykjavík nútímans. Brynja
Benediktsdóttir leikstýrir.
Síðasta áskriftarverkefnið er
síðan í raun tvær sýningar sama
kvöldið, ópera og ballett. Óperan
er Cavalleria Rusticana eftir
Mascagni, en ballettinn er Frök-
en Júlía eftir Birgit Cullberg.
Benedikt Árnason leikstýrir
óperunni, Birgir Engilberts
hannar leikmynd og hljómsveit-
arstjóri verður Jean-Pierre
Jacquillat. Birgit Cullberg mun
sjálf setja á svið verk sitt, sem er
frægast þeirra er hún hefur
samið, og sonur hennar, Niklas
Ek, dansar sem gestur annað að-
alhlutverkið.
Á litla sviðinu verður fyrst
frumsýnt breskt verðlaunaleik-
rit eftir Tom Kempinski, sem á
íslensku nefnist Tvíleikur. Síðan
verða tekin til sýninga þrjú ný
íslensk verk, Súkkulaði handa
Silju, eftir Nínu Björk Árnadótt-
ur, Milli skinns og hörunds. eftir
Ólaf Hauk Símonarson og I kjall-
aranum, eftir Svövu Jakobsdótt-
ur.
Á árinu verður tekin til sýn-
inga leikgerð höfundarins sjálfs
af Línu Langsokki eftir Astrid
Lindgren. Þessi leikgerð er ný af
nálinni og raunar um söngleik að
ræða.
Eins og áður er getið mun Is-
lenski dansflokkurinn standa
fyrir einni frumsýningu á ís-
lenskum dansverkum í haust og
ennfremur verður sett upp á
vegum Þjóðleikhússins ný leik-
gerð eftir sögu Jónasar Hall-
grímssonar, Leggur og skel. Er
þessi sýning hugsuð þannig að
setja megi hana upp víðs vegar
utan leikhússins og einnig í hús-
inu sjálfu.
Að lokum er þess að geta að
teknar verða að nýju upp sýn-
ingar á Amadeusi, Gosa og Silki-
trommunni. Verða örfáar sýn-
ingar í haust á tveimur fyrr-
nefndu verkunum en sýningarn-
ar á Silkitrommunni eru fyrir-
hugaðar í apríl, áður en leik-
flokkurinn leggur upp í leikför á
leiklistarhátíðina í Caracas í
Venezuela.
Guðmundur Steinsson og Birgir Sigurðsson. Þjóðleikhúsið frumsýnir í
vetur ný leikrit eftir þá báða á stóra sviðinu.
Farmanna- og fiskimannasambandið:
Frekari fiskverðsað-
gerðir fyrirsjáanlegar
— sjómenn munu ekki líða ráðstöfun fjár utan skiptaverðs
Morgunblaðinu barst í gær eftir-
farandi fréttatilkynning frá Far-
manna- og fiskimannasambandi fs-
lands:
„í ljósi þeirrar ákvörðunar um
fiskverð sem tekin var í fyrradag
gegn atkvæðum útvegsmanna og
sjómanna, þá er sýnt að með
þeirri ákvörðun hafa stjórnvöld
afráðið að bæta í engu sjómönnum
það tekjutap sem þeir hafa orðið
fyrir vegna minni afla. En þegar
vel hefur aflast hafa stjórnvöld
haldið fiskverði niðri. Þannig hafa
stjórnvöld hafnað þeim rökum
sem þau hafa sjálf beitt við fisk-
verðsákvarðanir á undanförnum
árum.
Þessi verðákvörðun gengur mun
skemur heldur en sjávarútvegs-
ráðherra var búinn að lýsa yfir að
hann væri reiðubúinn að styðja.
Fiskverð nú dugir hvergi nærri til
að bæta hag sjómanna og útgerðar
og því fyrirsjáanlegar frekari að-
gerðir. Þegar að þeim aðgerðum
kemur vill FFSÍ vara stórlega við
því að gengið verði á hlut sjó-
manna til að rétta hlut útgerðar.
Sjómenn munu ekki líða að fjár-
munum verði ráðstafað utan
skiptaverðs enda mundu aðgerðir
af slíku tagi hafa ófyrirsjáanlegar
afleiðingar í för með sér og kalla á
hörð viðbrögð af hálfu sjómanna."
TIL
ÍSLANDS
Lestun í eriendum
höfnum
AMERÍKA
PORTSMOUTH
Mare Garant 3. sept.
Fjallfoss 13. sept.
Laxfoss 20. sept.
Mare Garant 27. sept.
NEWYORK
Mare Garant 7. sept.
Fjallfoss 15. sept.
Mare Garant 29. sept.
HALIFAX
Hofsjökull 27. sept.
Goöafoss 8. okt.
BRETLAND/
MEGINLAND
ROTTERDAM
Alafoss 6. sept.
Eyrarfoss 13. sept.
Alafoss 20. sept.
Eyrarfoss 27. sept.
ANTWERPEN
Alafoss 7. sept
Eyrarfoss 14. sept.
Alafoss 21 sept.
Eyrarfoss 28. sept.
FELIXSTOWE
Álafoss 8. sept.
Eyrarfoss 15. sept.
Alafoss 22. sept.
Eyrarfoss 29. sept.
HAMBORG
Alafoss 9. sept.
Eyrarfoss 16. sept.
Alafoss 23. sept.
Eyrarfoss 30. sept.
WESTON POINT
Helgey 20. sept.
Helgey 4. okt.
NORÐURLÖND/
EYSTRASALT
BERGEN
Manafoss 13. sept.
Manafoss 27. sept.
KRISTIANSAND
Mulafoss 15. sept.
Laxfoss 29. sept.
MOSS
Dettifoss 7. sept.
Mulafoss 14. sept.
Dettifoss 21. sept.
Lagarfoss 28. sept.
GAUTABORG
Dettifoss 8. sept.
Mánafoss 15. sept.
Dettifoss 22. sept.
Mánafoss 29. sept.
KAUPMANNAHÖFN
Dettifoss 9. sept.
Mánafoss 16. sept.
Dettifoss 23. sept.
Mánafoss 30. sept.
HELSINGBORG
Dettifoss 10. sept.
Mánafoss 17. sept.
Dettifoss 24. sept.
Mánafoss 1. okt.
HELSINKI
Mulafoss 8. sept.
Lagarfoss 22. sept.
GDYNIA
Múlafoss 10. sept.
Lagarfoss 24. sept.
HORSENS
Múlafoss 13. sept.
Lagarfoss 27 sept.
THORSHAVN
Dettifoss 16. sept.
VIKULEGAR
STRANDSIGLINGAR
- framog til baka
fré REYKJAVÍK alla mánudaga
frá ISAFIRÐI alla þriöiudaga
frá AKUREYRI alla fimmtudaga
EIMSKIP
. SÍMI 27100