Morgunblaðið - 03.09.1982, Blaðsíða 19
MORGUNBLAÐIÐ, FÖSTUDAGUR 3. SEPTEMBER 1982
19
„Naustið bygg-
ir á gamalli
hefð og
henni munum
við fylgja“
— segja nýir eigendur hins gamal-
gróna veitingastaðar
NAUSTIÐ, einn vinsælasti og rótgrónasti veitingastaður landsins, er nú
kominn í hendur nýrra eigenda, hjónanna Ómars Hallssonar og Ruthar
Ragnarsdóttur. Af því tilefni boóuðu nýir og gamlir eigendur til blaða-
mannafundar í Naustinu sl. fimmtudag. Var staðurinn fagurlega blómum
skreyttur í tilefni dagsins, en hollenskur blómaskreytingamaóur kom
sérstaklega frá Amsterdam til að annast skreytingarnar. Umboðsaðilar
Bing og Gröndahl á íslandi lögðu til nokkrar afar fallegar postulínsstytt-
ur, m.a. snæuglu og íslenskan fálka, sem prýddu staðinn og Guðmundur
Ingólfsson lék listir sínar á pianóið fyrir viðstadda.
Guðni Jónsson, er rekið hefur
Naustið frá árinu 1979, afhenti
nýju eigendunum lykilinn. Sagð-
ist Guðni þess fullviss að Naust-
ið væri í góðum höndum og
kvaðst hann treysta þeim ómari
og Ruth til þess að halda merki
staðarins á lofti. „Naustið byggir
á gamalli hefð og henni munum
við fylgja, jafnframt því að
brydda upp á ýmsum nýjung-
um,“ sagði Ómar Hallsson.
Fram kom, að ekki eru fyrir-
hugaðar breytingar á starfsliði í
náinni framtíð, enda sagðist
Ómar taka við góðu fólki og að
starfsaldur væri óvenjulega hár
í Naustinu, miðað við það sem
almennt gerðist.
Naustið hefur áunnið sér
fastan sess í hjörtum Reykvík-
inga og annarra, þau tæplega 28
ár, sem liðin eru frá því að það
var opnað, 6. nóvember 1954, og
staðið af sér alla storma í veit-
ingahúsaiðnaðinum. Þar eiga ef-
laust einhvern hlut að máli hin-
ar smekklegu innréttingar
Sveins Kjarvals, arkitekts, sem
staðist hafa einstaklega vel tím-
ans tönn.
Árið 1953 stofnuðu sjö menn
hlutafélag um veitingahúsið
Naustið, sem síðar var opnað í
hinum sögufrægu húsakynnum
Geirs Zoega að Vesturgötu 6—8.
Það voru þeir Ásmundur Ein-
arsson, Ágúst Hafberg, Eyjólfur
Konráð Jónsson, Hafsteinn
Baldvinsson, Geir Zoéga jr., Sig-
urður Kristinsson og Halldór S.
Gröndal. Hal.'dór Gröndal veitti
síðan Naustinu forstöðu til árs-
ins 1965 og bryddaði upp á
margs konar nýjungum í veit-
ingahúsarekstri hér á landi. Frá
1965 til ársins 1979 veitti Geir
Zoega Naustinu forstöðu og af
honum tók svo Guðni Jónsson
við rekstrinum og hefur rekið
Nausdð til þessa.
Naustið naut mikilla vinsælda
þegar í upphafi og meðal nýj-
unga, sem þar var bryddað upp
á, má nefna „þjóðarvikurnar”
svonefndu, kynningarviku á mat
ýmissa þjóða eins og Bandaríkj-
anna, Sovétríkjanna, Austurrík-
is, Þýskalands, Ítalíu, Spánar og
fleiri. Þá átti Naustið tvímæla-
laust stóran þátt í að endurvekja
þorramatinn, sem nú er ómiss-
andi þáttur í matarvenjum ís-
lendinga.
Margar veglegar veislur hafa
verið haldnar í Naustinu og
mörgum erlendum þjóðhöfðingj-
um hefur verið stefnt þangað.
Ásgeir heitinn Ásgeirsson, for-
seti, hélt „konunglegar“ veislur í
Naustinu. Hann hélt Gústafi
Adolf VI, Svíakonungi, Friðriki
IX, Danakonungi, Haraldi, ríkis-
arfa Noregs, og Kekkonen, Finn-
landsforseta, veislu í Naustinu.
Þó að Naustið hafi nú starfað í
tæpa þrjá áratugi hefur hinn
upprunalegi blær ekki glatast.
„Éger þeas fullviss að Naustið er i góðum höndum,“ sgði Guðni Jónsson, er hann afhenti þeim Ómari Hallssyni
og Ruth Ragnarsdóttur „lykilinn sem gengur að öllu“.
Svipur Naustsins hefur lítið breyst í tímans rás, enda myndu víst fæstir kæra sig um það. Hlýlegar og
smekklegar innréttingar Sveins Kjarvals standa enn fyrir sínu. Þessi mynd er tekin um 1968 og ef grannt er
skoðað má sjá Ómar Hallsson við framreiðshi (Lv.).
Starfsfólkið er líka að góðu
þekkt, og eins og Ómar Hallsson
sagði, þá er starfsaldurinn lang-
ur. Símon Sigurjónsson, bar-
þjónn, hefur t.d. starfað í Naust-
inu frá upphafi og er landskunn-
ur. Sjálfur vann ómar reyndar
sem framreiðslumaður í Naust-
inu á árunum 1967—69. Ómar
sagði að 19. september nk. myndi
hefjast í Naustinu amerísk vika í
stíl við þjóðarvikur fyrri ára, og
einnig munu vera væntanlegir
til landsins tveir matreiðslu-
menn frá Portúgal, en Portúgal-
ir munu vera manna lagnastir
við að matreiða fisk, og ætti því
að vera forvitnilegt hvernig
þeim ferst við íslenska fiskinn.
Meðal nýjunga í rekstri, sem
nýju eigendurnir hafa hugleitt,
er að lengja opnunartíma
Naustsins um helgar, sem svarar
opnunartíma vínveitingahúsa og
gefa þannig þeim, sem ekki kæra
sig um að olnboga sig áfram í
biðröðum danshúsanna um helg-
ar, kost á að fá sér snúning í
rólegheitunum, eða neyta kaldra
rétta eftir venjulegan matmáls-
tíma. Hljómsveit Guðmundar
Ingólfssonar ásamt söngvaran-
um Pálma Gunnarssyni mun
skemmta gestum á kvöldin og
barinn verður framvegis ein-
göngu opinn matargestum.
ómar og Ruth hafa tekið á
leigu húseign Geirs Zoéga, sem
er við hliðina á Naustinu. „Það
er óráðið enn hvernig hún verður
nýtt,“ sagði Ómar, „en þar
opnast nýir möguleikar.“
Klausturhólar:
Fyrsta bókauppboð
haustsins á morgun
Fyrsta bókauppboó Klausturhóla
á þessu hausti, sem er 99. list-
munauppboó verslunarinnar, verður
haldió klukkan 14 á morgun, laug-
ardag. Bækurnar, sem eru 200 tals-
ins, verða til sýnis hjá Klausturhól-
um í dag milli klukkan 9 og 18. Að
vanda eru fjölmargar athyglisverðar
og fágætar bækur á uppboðinu, en
þeim er skipt í eftirtalda flokka: Ým-
is rit, Rit íslenskra höfunda,
Náttúrufræði, Ferða- og landfræði-
rit, Trúmálarit, Rímur, Æviminn-
ingar og æviskrár, Ljóð, Tilskipanir,
Ixúkrit, Grasa- og plöntufræði og
skyld rit, Þjóðsögur, sagnaþættir og
þjóðleg fræði, Saga lands og lýðs og
Blöð og tímarit.
Af einstökum verkum, sem ætla
má að veki athygli, má nefna bók
Finns Jónssonar og Helga Pét-
urssonar, Um Grænland að fornu
og nýju, sem er útgefin í Höfn
1899. Einnig má nefna Vasaqver
fyrir bændur og einfalldlinga á Is-
landi, eðr ein auðvelld reiknings-
list, Kaupmannahöfn 1782. Þá er á
skránni Skrá yfir prentaðar ís-
lenzkar bækur og handrit í Stipt-
isbókasafninu í Reykjavík, prent-
uð í Reykjavík 1874. Þá er íslenzk
grasafræði eftir Odd J. Hjaltalín,
útgefin í Höfn 1830, á skránni,
einnig Jöklarit eftir Þórð Þor-
keisson Vídalín, og af trúmálarit-
um má nefna Það Nýa testament,
útgefið í Kaupinhafn 1813. Af
grasafræðibókum má nefna ýmsar
fágætar sérprentanir eftir Helga
Hallgrímsson, Hörð Kristinsson,
Steindór Steindórsson og Áskel og
Doris Löve.
Enn má nefna að á skránni eru
fyrstu 56 tölublöð af Vísi til dag-
blaðs í Reykjavík, frá 14. desem-
ber 1910 til 19. maí 1911, og margt
fleira, sem bókamönnum mun
þykja akkur í að eignast.
Sauðárkrókur:
Fyrsta opna golfmót-
ið á Hlíðarendavelli
Sauðárkrókur, 2. seplember.
GOLFMÓT, svonefnt Volvo-open,
verður haldið á Hlíðarendavelli við
Sauðárkrók nk. laugardag 4. sept-
ember og hefst kl. 10 f.h. Spilaðar
verða 18 holur með og án forgjafar.
Þetta er fyrsta opna golfmótið,
sem haldið er á nýjum golfvelli
sem tekinn var í notkun sl. vo
Völlurinn er 9 holu völlur í fjé
breyttu og fögru landslagi.
Volvo-umboðið á íslandi gefi
öll verðlaun á þessu fyrsta opi
golfmóti á Hlíðarendavelli.
Kári
Steinar hf. gera
framleiðslu-
samning við WEA-
samsteypuna
Hljómplötuútgáfan Steinar hf.
hefur nýlega gert umfangsmikinn
samning við hljómplötusamsteyp-
una WEA um framleiðslu á plötum
frá WEA. Samningur þessi gerir
kleift að halda plötum frá WEA
um 30% ódýrari en ella.
WEA er næst stærsta hljóm-
plötufyrirtækjasamsteypa
heims. Burðarás samsteypunnar
eru hljómplötufyrirtæki Warner
Brothers, Elektra/Asylum og
Atlantic Records en þessi fyrir-
tæki eiga síðan fjölda dótturfyr-
irtækja á þessu sviði og öðrum
tengdum hljómplötuiðnaðinum.
Fyrstu fjórar hljómplöturnar,
sem framleiddar eru hérlendis
samkvæmt þessum samningi og
þegar eru komnar á markað, eru
með hljómsveitunum Fleetwood
Mac og Van Halen og með söngv-
urunum Robert Plant og B.A.
Robertson. Á næstunni koma svo
nýjar plötur með Donnu
Summer, rokksveitinni Bad
Company og Michael McDonald,
aðalsöngvara Doobie Brothers.
Mikiil fjöldi heimskunnra
listamanna eru á merkjum
WEA. Meðal annars má nefna
Rod Stewart, AC/DC, Foreigner,
Crosby, Stills & Nash, Eagles,
Doobie Brothers, Pointer Sist-
ers, Frank Sinatra, Chicago og
Randy Crawford.