Morgunblaðið - 03.09.1982, Blaðsíða 32

r
Síminn á afgreiðslunm er
83033
FÖSTUDAGUR 3. SEPTEMBER 1982
Trúnaðarráð LÍÚ samþykkti í gær:
Fiskyeiðiflotinn verði
stöðvaður 10. september
— nema stjórnvöld geri viðunandi ráðstafanir
TRÚNAÐARRÁÐ Landsambands íslenzkra útvegsmanna sam-
þykkti samhljóða á fundi sínum í gær að stöðva fiskveiöiflotann, þar
sem Ijóst sé, eins og segir í ályktun trúnaðarráðsins, „að undirstöðu-
atvinnuvegur þjóðarinnar verður ekki rekinn með slíkum halla og
áframhaldandi rekstur leiðir einungis til skuldasöfnunar og stöðv-
unar flotans innan skamms tíma, nema viðeigandi ráðstafanir verði
gerðar.“ Stöðvunin kemur til framkvæmda eftir viku eða á miðnætti
föstudaginn 10. september nk. Trúnaðarráðið hefur ritað ríkisstjórn-
inni bréf þessa efnis. I*á voru á fundinum í gær kjörnir fjórir
fulltrúar til þess að eiga viðræður við ríkisstjórnina.
í trúnaðarráði LÍÚ eiga sæti 25
manns víðs vegar af landinu og
greiddu þeir allir ákvörðuninni at-
kvæði. Kristján Ragnarsson for-
maður LÍÚ sagði í viðtali við Mbl.
í gær að hann fagnaði mjög þess-
ari miklu samstöðu sem tekist
hefði og hann vænti þess að
stjórnvöld gerðu sér nú betur en
hingað til grein fyrir við hvaða
erfiðleika væri að glíma og að á
þeim þyrfti að taka.
í ályktun trúnaðarráðsins er
gerð grein fyrir erfiðri stöðu út-
gerðarinnar og segir að stjórn LIÚ
hafi varað við þessari þróun mála
frá því í júnímánuði, án árangurs.
Segir að vegna almennra efna-
hagsaðgerða hafi dregist á lang-
inn að í ljós kæmi til hverra úr-
ræða ríkisstjórnin gripi. Nú hafi
þau litið dagsins ljós og það sé
mat Þjóðhagsstofnunar á afkomu
fiskveiðanna eftir fiskverðs-
ákvörðun að halli sé að meðaltali á
minni togurum um 16% af tekj-
um. Halli á bátum sé lítillega
Kröflusvæðið:
Hræringa
vart á ný
AUKINNAR skjálftavirkni varð
vart á Kröflusvæðinu í fyrradag
og stóðu hræringar yfir fram
eftir nóttu. Landris í norðurátt
hófst í gærmorgun og virtist það
halda áfram, er Mbl. frétti síðast
seint í gærkvöldi.
Er Mbl. ræddi við Guðmund
Sigvaldason jarðfræðing í
gærkvöldi, en hann var þá stadd-
ur við Kröflu, sagðist hann ekk-
ert geta sagt um hvað þetta
þýddi. „Þetta er bara breyting
frá því sem verið hefur, hvað svo
sem það þýðir. Það hefur allt
verið mjög róiegt svo mánuðum
skiptir fram að þessu,“ sagði
hann.
minni en mun meiri á stóru togur-
unum.
í niðurlagi ályktunarinnar seg-
ir, að tii þess að tækifæri gefist til
enn frekari umfjöllunar um mál-
efni útgerðarinnar samþykki ráðið
að stöðvunin komi til fram-
kvæmda með þeim hætti að skip í
eigu félagsmanna LIÚ láti ekki úr
höfn eftir kl. 24 föstudaginn 10.
september nk., en skip sem þá séu
á veiðum Ijúki veiðiferð. Þó megi
bátar sem landa daglega halda
áfram veiðum til föstudagsins 17..
september.
I nefndinni sem trúnaðarráðið
kaus til viðræðna við ríkisstjórn-
ina eiga sæti: Kristján Ragnars-
son Reykjavík formaður LÍÖ, Vil-
helm Þorsteinsson Akureyri vara-
formaður LÍÚ, Kristinn Pálsson
útgerðarmaður í Vestmannaeyj-
um og Tómas Þorvaldsson útgerð-
armaður í Grindavík.
Sjá miðopnu.
t / /
/Cfí/t/M/?/'/? m
„Júmbóþota“ Flugleiða
Flugleiðir hafa tekið á leigu Boeing 747, júmbóþotu, til þess að nota við pílagrímaflug félagsins fyrir Alsírmenn
næstu tvo mánuðina. Ljósmyndari Mbl. í Stokkhólmi, Loftur, tók þessa mynd af vélinni í skýli SAS, er hún hafði
verið máluð i litum Flugleiða. Fyrsta flugið verður flogið á morgun laugardag. Sjá frétt á bls. 8.
Niðurstöður starfshópa iðnaðarráðuneytisins um ISAL:
Krafa um hækkun raforkuverðs
og breytingu á skattareglum
Gripið til nauðvarnaraðgerða, verði ekki orðið við sanngirniskröfum, segir Hjörleifur Guttormsson
GJÖRBREYTTAR forsendur, frá þvi raforkusamningur var gerður við ÍSAL
árið 1966 og hann endurskoðaður 1975, réttlæta kröfur um að raforkuverðið
hækki ur 6,45 mill/kWh (9,3 aurar) í 15—20 mill/kWh (21,5—28,7 aurar) og
veröi það framvegis að fullu verðtryggt. Þetta er megin niðurstaða starfshóps
á vegum iðnaðarráðuneytisins, sem kannað hefur þróun raforkuverðs til
ÍSAL og kemur þetta álit fram í fréttatilkynningu sem iðnaðarráðherra
kynnti á blaðamannafundi i gær.
Þá var og lögð fram álitsgerð
starfshóps sem fjallaði um skatt-
lagningu ISAL og komst hann að
þeirri niðurstöðu að skattareglum
þeim sem ÍSAL er skattlagt eftir,
sé verulega áfátt og talið er heppi-
legra að framtíðarskipan skatta-
mála verði á þann veg, að árlega
greiði ÍSAL fastan verðtryggðan
skatt, að viðbættu framleiðslu-
gjaldi eða veltuskatti, sem sé óháð
bókfærðum hagnaði fyrirtækisins.
Niðurstaða starfshópsins um
hækkun raforkuverðs, tekur fyrst
og fremst mið af breyttum for-
sendum varðandi framleiðslu-
kostnað á raforku innanlands,
þróun raforkuverðs til álvera ann-
ars staðar í heiminum og sam-
keppnisstöðu álverksmiðju á ís-
landi, samanborið við verksmiðjur
í V-Evrópu og N-Ameríku, að því
er fram kemur í fréttatilkynning-
unni.
Af niðurstöðum starfshópsins
sem um skattamál fjallaði má
nefna að hagkvæmasta skatta-
kerfið frá sjónarmiði íslands virt-
ist vera fast verðtryggt árlegt
gjald.
Samið um 7% verðlækkun á gildandi
saltfisksölusamningi í Portúgal
FYRIR skömmu varð um það sam-
komulag milli SÍF og saltfiskkaup-
enda þeirra í Portúgal að lækka verð
á gildandi solusamningi um 7% í doll-
urum. Var það gert til þess að jafna
verðmlsmun á íslenzkum saltfiski og
fiski frá öðrum innflytjendum og
einnig vegna hinnar miklu hækkunar
dollara gagnvart Evrópugjaldmiðlun-
um.
Að sögn Friðriks Pálssonar, fram-
kvæmdastjóra SÍF, var gerður stór
sölusamningur við Portúgala í marz
1981 og hann síðan endurtekinn að
mestu í febrúar á þessu ári. Á því
tímabili hækkaði dollari um 12 til
17% gagnvart Evrópugjaldmiðlum
og því var í febrúar samið um 5 til
6% lægra verð en samið var um árið
áður. Frá því í febrúar á þessu ári
til ágústmánaðar hefur dollarinn
hækkað um 14 til 18% gagnvart
Evrópugjaldmiðlunum að meðaltali
og um 26% gagnvart portúgalska
gjaldmiðlinum escudos. Þess vegna
hefur verð á íslenzkum saltfiski ver-
ið hærra en annarra keppinauta, svo
sem Norðmanna. Þeir selja sinn fisk
í norskum krónum og í kjölfar geng-
isfellingar norsku krónunnar hafa
þeir fengið ríkisstyrk, sem nemur
1,25 krónum norskum eða 2,70 krón-
um íslenzkum á kíló.
Þessi staða og jafnframt það, að
kaupandi tslenzka saltfisksins taldi
sig þurfa að fara fram á allt að 40%
útsöluverðshækkun meðan keppi-
nautarnir töldu sig komast af með
helmingi minna, varð til þess að SÍF
og kaupandinn í Portúgal sömdu um
7% verðlækkun í dollurum á gild-
andi samningi. Með því var komið
til móts við kaupendur vegna hækk-
andi gengis dollarans og nálgazt
verð keppinautanna. Lækkun þessi
gildir frá miðjum júní til áramóta
og reiknað er með að hún sé um 5
milljónir dollara eða 72 milljónir ís-
lenzkra króna. í fyrra var fluttur út
saltfiskur til Portúgals fyrir tæpar
100 milljónir dollara en reiknað er
með að upphæðin verði nokkru
lægri nú.
Á blaðamannafundinum kom
m.a. fram að von væri á lögfræði-
legri álitsgerð um lagalega stöðu
stjórnvalda gagnvart Alusuisse og
úrræði þau sem unnt væri að
grípa til, léði fyrirtækið ekki máls
á kröfum um endurskoðun samn-
inga. Hjörleifur var spurður um
hver viðbrögð stjórnvalda yrðu,
væri Alusuisse ekki tilbúið til við-
ræðna. „Verði ekki orðið við
sanngirniskröfum okkar þá gríp-
um við til okkar úrræða, sem fel-
ast í þeim rétti sem fullvalda ríki
hefur,“ sagði Hjörleifur. Sagði
hann að yrði skellt skollaeyrum
við óskum um breytingar, þá yrði
gripið til „nauðvarnaraðgerða",
sem væri einhliða breyting á
samningnum.
Sjá niðurstöður starfshópa bls. 18.