Morgunblaðið - 27.10.1982, Blaðsíða 29

MORGUNBLAÐIÐ, MIÐVIKUDAGUR 27. OKTÓBER 1982
61
Svona
er þetta
allt
saman
Hjálpsemi og vin-
gjarnlegt viðmót
Magnús Guðmundsson skrifar:
„Kæri Velvakandi.
Einn ágætasti blaðamaður
okkar, Árni Johnsen, skrifar um
hljómplötuna „Við djúkboxið" í
Mbl. 14. okt. sl. Hann lofar plöt-
una í bak og fyrir og segir m.a. að
hún innihaldi „hið eina sanna
rokk sem nötrar af lífsgleði". Þá
fer hann fögrum orðum um texta-
gerð plötunnar og segir að texta-
höfundarnir „séu eins konar
gæðamerki á slíkri plötu og það er
þakkarvert að virkilega er vandað
til hennar".
Jæja, loksins er þá komin út góð
rokkplata með góðum textum,
hugsaði ég með mér og keypti
strax eintak af plötunni. En hvað
kemur þá í ljós? Árni hafði gert
mér grikk. „Við djúkboxið" er
fremur róleg diskóplata sem á
ekkert annað skylt við rokk-
stemmningu sjötta áratugarins en
sjálfar laglínurnar. Textarnir eru
óttalegt bull. Ég trúi því ekki að
svo ágætur vísnavinur sem Árni
er, að hann viti ekki betur. Ég læt
hér örlítið sýnishorn af texta plöt-
unnar fylgja:
„Hún var fengileg og mögur,
bísnis köld en fögur,
ég hef-áður fyrr frétt hún hafi reynt aö koma
strákum til.
Sjaldan sést hún masa
en meö aöra hönd í vasa
sést hún upp á Hlemmi aö éta rabbabara
upp viö þil."
Svona er þetta allt saman. En
ég vil nota tækifærið og þakka
Birgi Isleifi Gunnarssyni kærlega
fyrir umsögn hans um plötu Nýja
Kompanísins. Þar passaði hver
stafkrókur."
Katrín Guðmundsdóttir skrifar:
„Kæri Velvakandi.
Oft heyrast kvartanir og að-
finnslur í garð þeirra sem starfa
að alls konar þjónustustörfum,
ekki síst ef um opinbera starfs-
menn er að ræða. Því finnst mér
ekki úr vegi að láta-frá sér heyra,
þegar maður verður fyrir góðri
reynslu.
Nýlega voru í heimsókn hjá mér
gamlir vinir mínir frá Englandi,
eldri hjón sem hafa ferðast víða,
en létu nú loks verða af því að
koma til íslands. Eins og flestir
ferðamenn vildu þau gjarnan
senda vinum sínum víðs vegar um
heiminn póstkort héðan og fór ég
því með þau niður á pósthús til að
kaupa frímerki. Mikið var að gera
í afgreiðslunni og höfðu vinir mín-
ir á orði, að líklega mundi af-
greiðsludaman ekki hafa tíma til
að leyfa þeim að velja frímerki
sem þau vildu fá í sem flestum
gerðum og báðu mig að túlka fyrir
sig þessa ósk sína við konuna.
En þess gerðist ekki þörf, því að
í ljós kom, að hún talaði reiprenn-
andi og mjög góða ensku og var öll
af vilja gerð að aðstoða þau, leit-
aði að gömlum merkjum aftast í
möppunni sinni sem hún sagði að
kæmu stundum inn í skiptum
fyrir nýrri.
Er ekki að orðlengja það, að við
fengum þarna góða og mjög vin-
samiega afgreiðslu og voru hjónin
þakklát konunni fyrir hjálpsem-
ina og vingjarnlegt viðmót.
Annað má ég til með að minnst
á, sem vakti ánægju okkar þarna
inni. Það er sú nýbreytni að prýða
glugga og veggi pósthússins með
blómum. En hvað það gerir stað-
inn miklu hlýlegri og manneskju-
legri en var. Ég minnist þess, að
mér fannst oft dálítið nöturlegt
umhorfs þarna inni, en nú er þar
hlýlegt og nærri heimilislegt.
Þökk sé forráðamönnum póst-
hússins fyrir það framtak."
- O -
Velvakandi hefur fregnað, að
blómaskreytingin sé til komin
fyrir framtak starfsfólksins í af-
greiðslusal pósthússins.
Cockpit Inn:
Ráðlegg íslendingum að koma þangað

I Cockpit Inn i Laicmborf.
íáðleggingar til íslendinga
Isem hyggja á heimsókn í
[Cockpit Inn í Luxemborg
Friárik G. FHériiuxni skrifar: fremur dýrt I þeaaarí bór*. en Siguröaaon i Cockpit Inn I Lun-1
Margrét Magnúsdóttir skrifar:
„Velvakandi.
Ég varð ekki lítið undrandi, er
ég las frásögn Friðriks G. Frið-
rikssonar af viðskiptum hans við
Cockpit Inn í Luxemborg og af-
drifum fiskfantasíunnar góðu.
Ekkert af því sem Friðrik nefnir
kemur heim og saman við þá
reynslu sem ég fékk af þessum
stað í sumar sem leið.
Við dvöldumst fjögur saman í
Luxemborg í þrjár vikur í ág-
ústmánuði sl. og borðuðum
a.m.k. fjórum sinnum í Cockpit
Inn. Þar fengum við hina ágæt-
ustu þjónustu og maturinn var
fyrsta flokks í öll skiptin. Það
sama hef ég heyrt á kunningjum
mínum sem þar hafa komið. Állir
hafa rómað matinn og þjónust-
una. Og eitt okkar, 17 ára gömul
vinkona dóttur minnar, prófaði
einmitt fiskfantasíuna hans
Friðriks — og varð ekki meint af,
heldur líkaði dável. Vil ég nota
þetta tækifæri til að senda Val-
geiri veitingamanni og kokkinum
hans góða mínar bestu þakkir
fyrir veittan beina í sumar. Þá
langar mig einnig til að þakka
Valgeiri sérstaklega fyrir að
skipta góðfúslega fyrir mig
tveimur ávísunum, sem ég hefði
annars þurft að bíða eftir í tvo til
þrjá daga að fá útleystar, og
hann tók ekki svo mikið sem eina
krónu í afföll.
Með þetta í huga hvet ég ís-
lendinga sem leið eiga um Lux-
emborg til að líta við í Cockpit
Inn. Og ég held þeim sé líka alveg
óhætt að skella sér á eina fisk-
fantasíu, „ef þeir eru ekki eitt-
hvað veilir fyrir í maga“.“
GÆTUM TUNGUNNAR
Heyrst hefur: Stúlkan varð ekki var við neitt óvenju-
legt.
Rctt væri: Stúlkan varð ekki vör við neitt óvenjulegt.
óskast til starfa nk. taugardag. Vinsamlega gefið ykk-
ur fram í eftirfarandi hverfi:
Breiðholtshverfi:
Mætið í Breiðholtskóla fimmtudag 28. þ.m. kl. 20:00.
Uppl. í síma 75816 eöa 81888.
Bústaða- og Fossvogshverfi:
Maetið í safnaðarh. Bústaðakirkju fimmtudag 28.
þ.m. kl. 18:00—20:00.
Grensáshverfi:
Upplýsingar í síma 30649.
Fella- og Hólahverfi:
Mætiö í Fjölbrautarskólanum fimmtudag 28. þ.m.
kl. 17:00.
Langholtshverfi:
Mætið í Þróttheimum við Holtaveg fimmtudag 28.
þ.m. kl. 20:30.
Árbæjarhverfi:
Kvöldsími 72447.
Háteigshverfi:
Upplýsingar í síma 20201.
Laugarneshverfi:
Upplýsingar verða hringdar inn 27379 Sverrir.
Neshverfi:
Mætið í KR-heimilinu miövikudag 27. þ.m. kl. 19:00.
Umdæmisráð Reykjavíkurborgar.
STÖRGUESItEG
HEINIllSTfEKI
KPS PA460 ein fullkomnasta og glæsilegasta
eldavélin á markaðnum.
2 fullkomnir ofnar, ofan og neöan. Sjálfhreinsandi grill-
ofn með snúningstein að ofan. Emaleraöur ofn að neð-
an, Ijós í takkaborði við hvern rofa. Barnaöryggi, örygg-
isgler í hurð.
Gufugleypir með fullkominni klukku og fjarstýribúnaði
fylgir með vélinni.
Þú gerir ekki betri kaup.
PA 460 með gufugleypi kostar aðeins kr. 12.539.
Vildarkjör.
Litir: gulur, grænn og rauöur.
KOfllD OG SKOÐIÐ DESSIGIJESIIEGU TJEKI
EINAR FARESTVEIT & CO. HF.
BERGSTAÐASTRÆTI I0A - SlMI 16995