Morgunblaðið - 19.11.1982, Blaðsíða 27

MORGUNBLAÐIÐ, FÖSTUDAGUR 19. NÓVEMBER 1982
27
Kveðjuorð:
Hafþór Helgason
kaupfélagsstjóri
Fæddur 12. janúar 1945
Dáinn 26. október 1982
Ég varð þeirrar gæfu aðnjót-
andi að kynnast Hafþóri á ungl-
ingsárum og átti með honum sam-
leið um árabil í skóla og frístund-
um. Það vakti fljótlega athygli
okkar félaganna hversu Hafþór
var fljótur til ákvörðunartöku og
allra framkvæmda. Hann var
fæddur leiðtogi og því sjálfkjörinn
foringi okkar í skátastarfi um ára-
bil og að sjálfsögðu fór hann ekki
troðnar slóðir í því embætti frekar
en öðrum og viðameiri, sem hann
síðar á ævinni tók sér fyrir hend-
ur. Hafþór vildi hafa aga og reglu
á hlutunum og reyndist honum
það furðu létt miðað við það að
baldnir jafnaldrar hans áttu í
hlut. Hann hafði mjög frjóa hugs-
un og var alltaf með nýjungar á
prjónunum, sem hann vildi reyna
bæði innan skátastarfsins og utan
og hreif hann okkur félagana með.
Það verður þó að segja hverja
sögu eins og hún er, en stundum
greindi okkur verulega á eins og
vera ber, enda báðir skapstórir og
stóðum fast á okkar meiningu.
Oftar var það þó Hafþór, sem átti
frumkvæðið að sáttum, og kom
þar fram hæfileiki, sem síðar á
lífsleiðinni átti eftir að verða hon-
um til góðs þegar sætta þurfti í
stærri málum og viðameiri.
Snemma fékk Hafþór áhuga á
flugi og öllu sem viðvék því. Undr-
aði það því engan þegar hann hóf
ungur flugnám, sem æ síðan átti
hug hans.
Um tíma skildu leiðir okkar er
ég fluttist til Danmerkur til náms.
Skömmu síðar fór Hafþór til
Þýskalands þar sem hann fór til
náms og starfa við bílaverksmiðju.
Rak hann eigið bílaverkstæði um
skeið að því loknu.
Að mínu námi loknu fluttist ég
vestur í Búðardal og hittumst við
því sjaldnar en efni stóðu til, en þó
lágu leiðir okkar saman á ný, er
hann gerðist framkvæmdastjóri
Vængja hf. og hóf meðal annars
að skipuleggja áætlunarflug til
Búðardals og Reykhóla. Þar var
Hafþór kominn í starf, sem átti
mjög vel við hann. Þar gat hann
sameinað sitt helzta áhugamál
nauðsynlegu brauðstriti. Gegndi
hann þessu starfi um þriggja ára
skeið og var hann jafnframt einn
af eigendum Vængja hf.
Þar held ég að hafi komið veru-
lega í ljós þeir eiginleikar Hafþórs
sem einkenndu hann svo mjög, en
það var óhemju dugnaður, ósér-
hlífni og skipulagshæfileikar. Það
kom mér ekki á óvart þegar Haf-
þór hringdi til mín vestur í Búð-
ardal vorið 1977 og sagði mér að
hann ætlaði að sækja um starf
kaupfélagsstjóra hjá Kaupfélagi
Saurbæinga. Að sjálfsögðu hvatti
ég hann til þess, en skýrði honum
jafnframt frá því að ég væri búinn
að segja starfi mínu lausu sem
mjólkursamlagsstjóri í Búðardal.
Hafþór brá skjótt við og flaug
vestur til að reyna að telja mér
hughvarf. Ekki þarf að orðlengja
það, ég fluttist á ný til Reykjavík-
ur, en Hafþór fór í Dalina. Þar
starfaði hann sem kaupfélags-
stjóri í þrjú ár og var undravert
hversu hann fékk áorkað í því
starfi sínu við uppbyggingu lítils
kaupfélags, sem margir töldu að
leggja ætti niður vegna smæðar
sinnar. Þar nutu sín áðurgreindir
eðliskostir hans. Fljótt vakti at-
hygli innan samvinnuhreyfingar-
innar, hversu vel honum farnaðist
í þessu starfi og þurfti því engan
að undra þegar farið var fram á
það við hann að taka að sér starf
kaupfélagsstjóra á ísafirði. Var þá
sjálfsagt farið að hægjast um í
uppbyggingarstarfinu í Saurbæn-
um og Hafþór farið að langa til að
takast á við stærri og erfiðari
verkefni, enda búinn að öðlast
mikla og dýrmæta reynslu. Það
mun hafa verjð á miðju ári 1980,
að þau Hafþór og Guðný ásamt
sonum tóku sig upp og fluttust til
Isafjarðar. Ég hygg að nokkur
kvíði hafi verið í þeim hjónum á
þessari stundu. Báðum hafði þeim
liðið mjög vel í Saurbænum og
höfðu átt velgengni að fagna. Nýja
starfið átti hug hans allan og
farnaðist honum vel í því. Mikil
uppbygging átti sér stað þennan
stutta tíma sem Hafþórs naut við,
svo mikil að undrum sætti.
Enginn fær þó slíku áorkað í
starfi, nema hann búi við jafnvægi
og öryggi, sem ánægjulegt heimil-
islíf getur veitt og er ég þess full-
viss, að Guðný og synir þeirra
hafa verið Hafþóri það lífsakkeri
sem hverjum manni er nauðsyn-
legt.
Þá sjaldan að við hittumst á
seinni árum, var Hafþóri tíðrætt
um fjölskyldu sína, sem alltaf var
honum efst í huga. Ég veit að Guð-
nýju er mikill missir að góðum
eiginmanni og sonunum að skiln-
ingsríkum föður og góðum félaga.
Því votta ég Guðnýju, drengjunum
og Sigurbjörgu móður hans mína
innilegustu samúð.
Blessuð veri minning góðs
drengs.
Heimir Lárusson
ÆSK-dagurinn á sunnudag
ÆSK, /Gskulýðssamband kirkjunnar í
Hólastifti, hefur undanfarin ár notað
síðasta sunnudag kirkjuársins til að
kvnna starfsemi sína og afla fjár til
hennar. Þessi dagur er nú 21. nóvem-
ber.
ÆSK var stofnað árið 1959 og
aðalhvatamenn að stofnun þess
voru núverandi biskup, Pétur Sigur-
geirsson, og vígslubiskup, Sigurður
Guðmundsson á Grenjaðarstað.
Markmiðið var að efla í hvívetna
allt barna- og æskulýðsstarf á Norð-
urlandi (Hólastifti), en þó sérstak-
lega að beita sér fyrir byggingu
sumarbúða.
Sá draumur varð að veruleika ár-
ið 1964, er Sumarbúðir ÆSK við
Vestmannsvatn í Aðaldal voru vígð-
ar.
A þeim tíma sem liðinn er hafa
þúsundir barna dvalist í búðunum,
auk þess sem unglingar og aldraðir
hafa gist þar hluta úr sumri undan-
farin 11 ár.
En ÆSK hefur einnig staðið fyrir
margvíslegri annarri starfsemi. Mót
og námskeið eru á hverju ári fyrir
unglinga og leiðtoga í starfinu. Eitt
slíkt mót verður haldið í Stórutjarn-
arskóla í Ljósavatnshreppi núna
helgina 19.—21. nóvember. Þar
koma saman unglingar frá 8 stöðum
á Norðurlandi, og komast færri að
en vilja, þar sem þátttakendur mega
ekki vera fleiri en 100.
ÆSK hefur einnig beitt sér fyrir
ýmiskonar útgáfu. Má þar nefna út-
gáfu á bókum og blöðum, og ber þar
hæst Æskulýðsblaðið, sem gefið
hefur verið út í fjölda ára, og er eitt
tölublað væntanlegt nú á næstunni.
Nokkrar plötur hafa einnig komið
út og nú síðast jólaplatan „Kom
blíða tíð“ þar sem Barnakór Akur-
eyrar syngur.
Jólakort hefur ÆSK gefið út í
mörg ár, og svo mun einnig verða
nú, og er það ein öruggasta fjáröfl-
unarleið þess.
Til að standa straum af kostnaði
við þessa starfsemi s.s. útgáfunni,
þarf peninga. ÆSK leitar því eftir
stuðningi almennings, og væntir
þess að sem flestir sjái sér fært að
styrkja þetta starf með fjárfram-
lagi, og þakkar um leið öllum sem
stutt hafa starfsemina í gegnum ár-
in.
Sóknarprestar munu taka við
fjárframlögum í sinni heimabyggð,
en einnig er hægt að koma þeim til
sr. Péturs Þórarinssonar, Möðru-
völlum, sr. Þórhalls Höskuldssonar,
Akureyri, og sr. Pálma Matthías-
sonar, Akureyri.
(KrétUlilkynning)
Matsniðurstöður
og meðalþyngd
þorsks ’80 og ’82
EINS og fram hefur komið í fréttum
er nú mikið rætt um gæðamat á fiski
svo og ástand fiskistofna. Sam-
kvæmt skýrslum Fiskifélags íslands
fyrir árin 1980 og 1981 kemur í Ijós
að meðalþyngd þorsks hefur aukizt
nokkuð milli þeirra ára. Ennfremur
kemur þar í Ijós að fiskur flokkast
almennt nokkru verr á árinu 1981.
Hvað varðar árið í ár liggja endan-
legar niðurstöður ekki fyrir, en Ijóst
er að gæðum hrakar lítillega og með-
alþyngd þorsksins fer nokkuð lækk-
andi þó ekki sé um yngri fisk að
ræða. Að öllum líkindum stafar það
af átusnauðari sjó en hin tvö árin á
undan.
Hér fara á eftir matsniðurstöð-
ur fyrir árin 1980 og 1981 sam-
kvæmt skýrslum Fiskifélags ís-
lands.
Matsniðurstöður samkv. skýrslum Fiskifélags íslands 1980.
l.K.fl. 2.g.n. 3.g.n. , Flokkað Meðalþyngd
SUÐURLAND:
ösl. 59,7 23,2 17, 1 77,36 4,23
Sl.m.h. 83,7 15.3 l.o 58, 26 2,67
REYKJANES:
ósl. 68,9 16, 1 15,0 82,31 4, 18
Sl.m.h. 84, 5 12.4 3. 1 85,32 2,67
VESTURLAND:
ósl. 74, 5 17, 1 8.4 70,49 4,02
Sl.m.h. 89,6 8.9 1,5 78,77 2,71
VESTFIRÐIR:
Ösl. 83,8 12, 3 3,9 53,92 3,38
Sl.m.h. 93,5 6,2 0,3 78,72 2,36
NORÐURLAND VESTRA:
ósl. 89,4 8.3 2,3 77,01 2, 59
Sl.m.h. 92,8 6, 9 0, 3 89.07 2.30
NORDURLAND EYSTRA:
Ósl. 85,0 9,3 5.7 80,34 2,97
Sl.m.h. 91,5 6,9 1.6 86,72 2.43
AUSTFIRÐIR:
ósl. 57,0 25,0 18,0 84, 14 5.42
Sl.m.h. 91,9 7, 3 0,8 85, 10 2, 60
Matsniðurstöður samkvæmt skýrslum Fiskifélags fslands 1981.
í.g.n. 2. g. fl. 3.g.n. Flokkað Meðalþyngd
SUÐURLAND:
ósl. 58,4 26, 6 15,0 97, 1 5,38
Sl. m. h. 84,4 14,0 1,6 96,6 2,69
REYKJANES:
ósl. 61,7 19, 5 18, 8 94, 5 5, 17
Sl.m.h. 82,7 14,0 3,3 99, 1 2,72
VESTURLAND:
ósl. 75,3 17,4 7.3 84,6 4, 41
Sl.m.h. 91,6 7,2 1,2 98,3 2, 58
VESTFIRÐIR:
Ósl. 86,6 10,7 2,7 97,8 3, 36
S1. m. h. 92, 7 7,0 0,3 98, 5 2, 33
NORÐURLAND VESTRA:
ösl. 95, 1 3,6 1.3 89,2 2,79
Sl.m.h. 93, 5 6, 1 0,3 99, 8 2,26
NORÐURLAND EYSTRA:
ósl. 85,9 8, 1 6.0 92,4 3,32
Sl.m.h. 90. 8 8,0 1,2 99, 9 2,32
AUSTFIRÐIR:
ósl. 55, 9 21,5 22,6 97. 1 4,94
Sl. m. h. 85,9 13,6 0, 6 99,7 2,37
„Lausnarorð“, bók
eftir Marie Cardinal
ÚT ER komin hjá Iöunni bókin
Lausnarorð eftir franska höf-
undinn Marie Cardinal. Snjó-
laug Sveinsdóttir þýddi.
— Höfundur bókarinnar fædd-
ist í Alsír árið 1929 og ólst þar
upp. Hún stundaði nám heima og i
París og gerðist síðan háskóla-
kennari í heimspeki. Á fertugs-
aldri tók hún að þjást af sálsýki
sem smám saman magnaðist uns
þar kom, að hún gekkst undir sál-
greiningu. Frá henni segir í þess-
ari bók. Vegna sálgreiningarinnar
þarf hún að gera upp fortíð sína,
uppruna sinn, uppeldi og mótun.
Þeirri sjálfskrufningu lýsir sagan.
Lausnarorð segir frá bernsku og
æsku Marie Cardinal í Alsír. Hún
elst upp hjá móður sinni, fráskil-
inni konu, í siðvöndu kaþólsku
umhverfi betri borgara. „Sam-
skiptun þeirra mæðgna, sem hafa
gagnger áhrif á líf dótturinnar, er
hér lýst af fágætri einurð og
vægðarleysi,“ segir í kynningu for-
lags á kápubaki. „Sú frásögn mun
ekki síst gera þessa bók lesandan-
um minnisstæða." Marie Cardinal
býr nú í París og hefur samið
fleiri bækur sem hlotið hafa við-
urkenningu og verið þýddar á
mörg tungumál. Hún hefur verið
formaður franska rithöfundasam-
bandsins. Bókin er 218 blaðsíður.
Prentrún prentaði.