Morgunblaðið - 24.12.1982, Síða 10
10
MORGUNBLAÐIÐ, FÖSTUDAGUR 24. DESEMBER 1982
— Coopers & Lybrandt endurskoðunarfyrir-
tækið telur framleiðsluna vonlausa
Kim
leyft
að fara
Seoul, 23. dcNomber. Al*.
LEIÐTOGI andstæöinga stjórnar-
innar í Suður-Kóreu, Kim Dae-
Jung, fór frá Suður-Kóreu til
Bandaríkjanna í dag samkvæmt ör-
uggum heimildum. Kona Kims og
tveir þriggja sona þeirra eru í fylgd
með honum.
Kim var á sínum tíma dæmdur
í 20 ára fangelsi fyrir undirróður,
en var fluttur úr fangelsi í
Chongju í sjúkráhús háskólans í
Seoul fyrir einni viku.
Kim hefur verið gigtveikur síð-
an hann brákaðist á mjöðm í
bílslysi í baráttunni fyrir for-
setakosningarnar 1971, þegar
minnstu munaði að hann sigraði
Park heitinn forseta.
Öflugur vörður hefur gætt
Kims í sjúkrahúsinu í Seoul og
aðeins fjölskylda hans hefur
fengið að að heimsækja hann.
Um 200 öryggisverðir voru á
hæðinni þar sem sjúkrastofa
hans var og nokkur hundruð um-
hverfis sjúkrahúsið. Blaðamenn
og ljósmyndarar voru reknir í
burtu.
Um 200 velunnarar mættu á
flugvöllinn til að kveðja Kim, en
hann sást ekki á stöðum sem eru
opnir almenningi. Upphaflega
átti hann að fara með flugvél
Kóreu-flugfélagsins til New
York. Seinna var ákveðið að
hann færi með flugvél Northwest
Airlines til San Diego, Kali-
forníu, með viðkomu í Seattle og
Los Angeles.
Miami Bcach, Bandaríkjunum, 23. dcs. AP.
SKIPTARÁÐANDINN í gjald-
þrotsmáli De Lorean-bifreiðaverk-
smiðjunnar á Norður-írlandi, sem
jafnframt keypti framleiðsluréttinn
á glæsivögnum verksmiðjunnar ef
grundvöllur kynni að reynast fyrir
framleiðslu þeirra á ný, tilkynnti í
dag, að ákveðið hefði verið af hálfu
fyrirtækisins, að taka ekki upp þráð-
inn þar sem frá var horfið í fram-
leiðslu bifreiðanna.
Forstjóri fyrirtækisins kunn-
gerði ákvörðun þessa að vandlega
íhuguðu máli eftir að honum hafði
borist skýrsla breska endurskoð-
unarfyrirtækisins Coopers &
Lybrandt, sem m.a. kom við sögu í
málefnum Álversins í Straumsvík
á sínum tína. Sagði forstjórinn,
Sol Shenk, að skýrsla Cooper &
Lybrandt væri á þann veg, að
glapræði væri að hefja fram-
leiðslu bílanna á ný.
„Ég heid ekki að þess sé nokkur
von, að bílar þessir verði fram-
leiddir á nýjan leik,“ sagði hann
við fréttamenn. Fyrirtækið keypti
í október alla þá De Lorean bíla,
sem til voru hjá verksmiðjunum,
rúmlega 1100 talsins. Verð þeirra
var í haust á bilinu 25—30.000
Bandaríkjadalir, eða sem svarar
4 —500.000 íslenskum krónum.
Sprenging í Sydney
Sydney, 23. dcscmbcr. AP.
ÍSRAELSKA ræðismannsskrifstofan
í Sydney eyðilagðist í kröftugri
sprengingu í dag og tvennt slasaðist.
Miklar skemmdir urðu í annarri
sprengingu, fimm klukkutímum
síðar, í bílageymslu í kjallara
Gyðingaklúbbs, og nokkrir bílar
skemmdust. Gestir veitingahúss í
Koo Stark í nýársfagnað
Elísabetar drottningar
Lundúnum. 23. dcscmhcr. AP.
BANDARÍSKU leikkonunni Koo
Stark, sem fræg er orðin fyrir sam-
band sitt við Andrew prins, hefur
verið boðið í nýársfagnað konungs-
fjölskyldunnar, að sögn breska
blaðsins Daily Express í dag. I>á
skýrði Daily Mirror frá því í gær, að
þau skötuhjú hefðu átt fjögurra
Morðingjar
Hvass
fundnir
Kaupmannahöfn, 23. dcNcmbcr. AP.
TVEIR fíkniefnaneytendur voru í
dag úrskurðaðir í mánaðar gæzlu-
varðhald í Kaupmannahöfn
ákærðir fyrir að hafa brotizt inn á
heimili Frants Hvass, fyrrum
sendiherra Dana í Vestur-Þýzka-
landi, og barið hann til bana með
kampavínsflösku. Mennirnir tveir
hafa játað á sig verknaðinn en
neita því, að ætlunin hafi verið að
drepa Hvass.
stunda ástafund í Buckingham-höll
á mánudagskvöld.
Talsmaður Buckingham-hallar
neitaði að staðfesta fregnina, er
hún var borin undir hann, en vildi
heldur ekki bera hana til baka á
þeim forsendum, að aldrei væri
gefið upp opinberlega hverjum
drottningin byði í veislur.
Undir fyrirsögnininni „Koo
mætir einnig" skýrði Daily Ex-
press frá því, að Andrew prins,
sem nú er 22 ára gamall og af
flestum blöðum heims talinn eftir-
sóttasti piparsveinninn sem völ er
á, hefði óskað eftir því að Koo
Stark yrði boðið í nýársfagnaðinn.
Blaðið sagði einnig, að hennar
væri von í lok næstu viku og
myndi hún dveljast eitthvað fram
á nýárið með konungsfjölskyld-
unni, að sveitasetri hennar að
Sandringham í Norfolk. Þá lét
blaðið þess og getið, að öll kon-
ungsfjölskyldan, að Margréti
drottningarsystur og Játvarði,
yngsta syni drottningar, undan-
skildum, yrði saman komin í
Sandringham yfir hátíðirnar.
Allra fregna af Andrew prins og
Koo Stark hefur verið beðið með
mikilli eftirvæntingu allt frá því
fyrst spurðist til þeirra á leyni-
legri ferð þeirra til eyjarinnar
Mustique í Karabíska hafinu.
Fréttir af þeirri ferð vöktu heims-
athygli, ekki síst fyrir þá sök, að
hin 26 ára ungfrú Stark var á sín-
um bendluð við tvær kvikmyndir,
sem báðar flokkast undir „létt
klám.“
Gyðingahverfi voru fjarlægðir eft-
ir að sprengingu var hótað í síma.
Ræðismannsskrifstofa ísraels
var á sjöundu hæð skrifstofubygg-
ingar og sprengjunni var komið
við dyr skrifstofunnar. í bygging-
unni eru einnig ræðismannsskrif-
stofur Spánar, Italíu og Ung-
verjalands, skrifstofur tveggja
fyrrverandi forsætisráðherra, Sir
William McMahon og Gough
Whitlam, og nefndar, sem rann-
sakar eiturlyfjasölu í Ástralíu.
Aðalræðismaður Israels, Dr
Moshe Liba, hafði eftir lögregl-
unni að Frelsissamtök Palestínu,
PLO, hefðu tekið á sig sökina á
sprengingunni. En talsmaður PLO
í Ástralíu, Ali Kazak, neitaði því
að samtökin bæru ábyrgðina.
Hann benti á að PLO nyti samúð-
ar í heiminum og sagði að tilræðið
mundi aðeins þjóna hagsmunum
andstæðinga Palestínumanna.
Doug Anthony starfandi for-
sætisráðherra kvað ekki útilokað
að tilræðinu hefði verið stefnt
gegn skrifstofu rannsóknarnefnd-
arinnar í eiturlyfjamálinu.
Rafmagn fór af á
stóru svæði í USA
Loka varð spilavítum í Las Vegas
l.os Anjfclcs, 23. dc.M*mbcr. AP.
RAFMAGN FOR af síðdegis á miðvikudag á stóru svæði í vesturhluta
Bandaríkjanna með þeim alleiðingum, að rafmagnslaust varð á meira cn 2
millj. heimila og hjá fjölda fyrirtækja. Náði rafmagnsleysið til Kaliforníu,
Nevada og Arizona, en stóð mislengi. Borglr eins og San Francisco, Sacram-
ento og San Jose urðu alveg rafmagnslausar í um klukkutíma en í Los
Angeles stóð rafmagnsleysið yfir aðeins örstutta stund.
Kafmagnið fór af, þegar stór
rafmagnsleiðsla slitanði í óveðri,
sem gekk yfir vesturhluta Banda-
ríkjanna. Þegar leiöslan slitnaði,
varð keðjuverkun á þann veg, að
bilun varð í mörgum orkuverum á
þessu svæði.
Ein afleiðing rafmagnsleysisins
var sú, að loka varð skemmtigarð-
inum i Disneylandi í Kaliforníu og
ljósadýrðin í spilaborginni Las
Vegas í Nevada slokknaði svo að
loka varð spilavítum. Lögreglan í
San Francisco skýrði frá meira en
20 vopnuðum ránum, sem framin
voru, á meðan rafmagnslaust var í
borginni og þá fyrst og fremst á
fólki, sem ekki komst heim til sín
eftir vinnu, sökum þess að spor-
vagnar stöðvuðust, þar sem þeir
voru, er rafmagnið fór af.
Verður þriggja ára á annan í jólum. — Sjimpansinn Júlíus í dýragarðin-
um í Kristiansand í Noregi, sem er ein vinsælasta stjarna norska
sjónvarpsins, verður þriggja ára á annan í jólum. Hann er þegar búinn
að fá nokkrar gjafir og auðvitað var hann ekkert að bíða með aö taka
þær upp.
Fornt skipsflak
finnst við Rhodos
Aþcna, 23. dc.Ncmbcr. AP.
GRÍSKIR fornleifafræðingar hafa
fundið skipsflak neðansjávar, sem
álitið er að sé frá sjöttu öld fyrir
Kristsburð. Flakið fannst í nánd við
eyjuna Rhodos, samkvæmt heimild-
um stjórnvalda í dag.
Hið forna skip, sem liggur á
u.þ.b. 35 metra dýpi, hefur verið
með farm í ferðum er það fórst,
sem að öllum líkindum hefur verið
vín, ef tekið er mið af krukkum
þeim er fundist hafa í flakinu.
Grískir fornleifafræðingar, sem
hafa verið að kanna svæðið um-
hverfis eyjarnar, hafa fundið
meira en 700 skipsflök á undan-
förnum fjórum árum.
Tveir dóu í
sprengingu
Tcl Aviv, 23. dcscmbt>r. AP.
TVEIR ísraelskir hermenn létu
lífið í morgun þegar sprengja
sprakk skammt frá þeim í bæki-
stöðvum hersins við Ein Hilwe-
flóttamannabúðirnar skammt frá
Sídon í suðurhluta Líbanon.
í frétt frá ísraelska varn-
armálaráðuneytinu segir, að
þriðji hermaðurinn og tveir
Arabar, sem einnig voru í ná-
grenninu, hafi einnig særst.
Hermenn fínkembdu svæðið í
leit að spellvirkjunum strax
eftir sprenginguna en fundu
ekkert grunsamlegt.
Þetta er önnur sprengingin í
sömu vikunni, em verður ísra-
elskum hermönnum að ald-
urtila. Á þriðjudag sprakk
herbifreið í loft upp er hún ók
yfir jarðsprengju með þeim af-
leiðingum að tveir menn fór-
ust.
De Lorean-bílarnir ekki
á göturnar á nýjan leik