Morgunblaðið - 30.12.1982, Blaðsíða 30

30
MORGUNBLAÐIÐ, FIMMTUDAGUR 30. DESEMBER 1982
VIÐSKIPTI
VIÐSKIPTI - EFNAHAGSMÁL - ATHAFNALÍF
Umsjón Sighvatur Blöndahl
OECD:
Atvinnulausir
verða um 25
milljónir 1984
ATVINNULEYSI hefur farið verulega vaxandi á liðnum árum í ríkjum
Efnahags- og framfarastofnunar Evrópu, OECD, en samkvæmt nýjustu spám
stofnunarinnar verða atvinnulausir orðnir um 35 milljónir í ársbyrjun 1984,
en samkvæmt bráðabirgðatölum voru þeir liðlega 30,25 milljónir í ár og um
25 milljónir á siðasta ári. Ef spá OECD reynist á rökum reist mun atvinnu-
leysi í aðildarríkjunum aukast um 40% á árabilinu 1981 —1984.
Efnahagssérfræðingar stofnun-
arinnar segja ljóst, að sá umtals-
verði efnahagsbati sem menn hafa
verið að gera sér vonir um á næsta
ári í iðnríkjum heimsins, sé borin
von. Það séu engin teikn á lofti um
verulegan bata. Segja sérfræð-
ingarnir, að 1,5% aukning þjóðar-
framleiðslu á næsta ári í ríkjum
samtakanna sé mjög viðunandi
miðað við núverandi aðstæður, en
á yfirstandandi ári varð um 0,5%
samdráttur.
Spá samtakanna gerir síðan ráð
fyrir, að aukning þjóðarfram-
leiðslu aðildarríkja OECD verði
orðin um 2,75% á seinni helmingi
ársins 1984.
Það vekur athygli við skoðun á
spá samtakanna, hversu mun
svartsýnni hún er, en spá sú sem
OECD sendi frá sér á miðju ári.
Segir í spánni nú, að aðalástæðan
fyrir þessari mun meiri svartsýni
en þá, sé sú, að eftirspurn frá
þróunarrikjunum og ríkjum
OPEC sé mun minni, en menn hafi
gert sér vonir um.
Á miðju ári spáði OECD því, að
hagvöxtur í Vestur-Evrópu á
seinni helmingi ársins yrði í ná-
munda við 2,25%, en samkvæmt
nýju spánni verður hann neikvæð-
ur um 1%. Allt þetta leiðir svo af
sér spá um verulega aukið at-
vinnuleysi, en í spá OECD á miðju
ári var því spáð, að atvinnulausir
yrðu um 32 milljónir í upphafi árs
1984, en nú er því sem sagt spáð,
að þeir verði um 35 milljónir.
Launatengd gjöld:
30% bætast ofan
á launataxtana
— 15 mismunandi gjöld bætast ofan á taxtana
DAGVINNUTAXTI Iðjulauna, 9.
flokkur A, eftir 2 ár, var 1. júlí sl.
39,88 krónur. Ofan á þá upphæð
lcggjast síðan 15 mismunandi liðir í
formi launatengdra gjalda, að upp-
hæð 11,80 krónur, þannig að raun-
verulega upphæðin er 51,76 krónur.
Þessar upplýsingar koma fram í
„Hagtölum iðnaðarins 1983“.
Ofan á hinn venjulega taxta
leggjast því tæplega 30% í formi
launatengdra gjalda, eins og með-
fylgjandi upptalning ber glöggt
með sér.
LAUNATENGD GJÖLD, miðað við Iðiulaun, 9. flokk A, eftir 2 ár í
iólímánuði sl.
1-Dagvinnutaxti 39,88 krónur
2-Veikindagreiðslur 1 ;4o "
3-Slysagreiðslur 0, 28 "
4-Orlof 3,46 "
5-Vinnueftirlitsgjald 0,03 "
6-Sjúkrasjóður 0,45 n
7-Orlofsheimilasjóður 0, 23 n
8-LÍfeyrissjóður 2,49 "
9-Slysatrygging I 0,10 n
10-Atvinnuleysistryggingarsjóður 0, 25 "
11-Lífeyristryggingar 0,90 "
12-Slysatrygging II 0,05 "
13-Launaskattur 1,13 "
14- Félagsgjöld atvinnurekenda 0, 29 "
15-Aðstöðugjald 0,51 "
16-Iðnlánasjóðsgjald 0,31 n
SAMTALS 51,76 krónur
Fjárfesting í iðnaði 1981:
Um 13,8% heildarfjár-
festingar í landinu
— Komst hæst í 18,1% á árinu 1979
HEILDARFJÁRFESTING í iðnaði jókst um liðlega 42,6% milli áranna 1980
og 1981, en árið 1980 var hún samtals 535,0 milljónir króna, borið saman við
763,1 milljón króna á síðasta ári. Þessar upplýsingar koma fram í „Hagtölum
iðnaðarins 1983“.
Þar kemur ennfremur fram, að
sem hlutfall af heildarfjárfestingu
í landinu, hefur fjárfesting í iðn-
aði heldur farið niður á við á um-
ræddu tímabili, en árið 1980 var
hlutfallið 14,7%, en á síðasta ári
hins vegar 13,8%.
Heildarfjárfestingin á síðasta
ári skiptist þannig, að 295,8 millj-
ónir, eða 38,8% fóru í byggingar,
en 467,3 milljónir, eða um 61,2%
fóru í vélar og tæki ýmis konar. A
árinu 1980 var þetta hlutfall lítið
eitt öðru visi, en þá fóru 216,5
milljónir, eða um 40,5% í bygg-
ingar, en hins vegar 318,5 milljón-
ir, eða 59,5% í vélar og tæki.
Á árabilinu 1971—1981 jókst
heildarfjárfesting í iðnaði úr 23,8
milljónum króna í 763,1 milljónir
króna, eða um liðlega 3.106%. Á
árinu 1971 fór um 11,0 milljónir
króna, eða 46,2% heildarfjárfest-
ingar iðnaðar í byggingar, eða
nokkru hærra hlutfall en á síðasta
ári. Þá fóru 12,8 milljónir króna,
eða 53,8% í vélar og tæki.
Fjárfesting í iðnaði, sem hlut-
fall af heildarfjárfestingu í land-
inu, hefur verið nokkuð breytileg.
Árið 1971 var hlutfallið 14,8%.
Síðan lækkaði það nokkuð næstu
árin á eftir og var 10,7% árið 1973,
10,4% árið 1974, 11,2% árið 1975,
10,0% árið 1976. Úr því fór það
vaxandi. Var 12,4% árið 1977,
16,7% árið 1978, 18,1% árið 1979,
14,7% árið 1980 og 13,8% árið
1981.
Um 9,7% sölusamdráttur
hjá Volkswagen á árinu
— Seldu 2,1 milljón bíla á móti 2,332 milljónum árið 1981
VOLKSWAGEN, stærsti bílafram-
leiðandi Vestur-Þýzkalands seldi
samtals 2,1 milljón Volkswagen og
Audi bíla á þessu ári, borið saman
við 2,332 milljónir bíla á árinu 1981.
Samdrátturinn í sölu milli ára er því
um 9,7%.
Talsmaður fyrirtækisins sagði á
fundi með blaðamönnum fyrir jól-
in, að ástæðan fyrir þessum sam-
drætti væri einfaldlega sá mikli
samdráttur, sem átt hefði sér stað
í efnahagsmálum heimsins og
verkað beint og óbeint á bílaiðnað-
inn. „Við sjáum engin teikn á lofti
um betri tíð á næsta ári og gerum
því ráð fyrir, að salan verði í svip-
uðum farvegi og í ár,“ sagði tals-
maðurinn.
„Það gæti þó hugsast, að við
næðum að rétta hlut okkar eitt-
hvað við í Bandaríkjunum, en þar
hefur lægðin komið hvað mest
niður á okkur, auk þess sem Brasi-
lía gæti komið eitthvað upp,“
sagði talsmaðurinn ennfremur.
Það kom ennfremur fram hjá
talsmanninum, að rekstrartap
væri óhjákvæmilegt á árinu 1982,
en hversu mikið væri ekki ljóst.
Eftir fyrstu níu mánuði ársins var
tap fyrirtækisins um 142 milljónir
þýskra marka, sem svarar til 981
milljónar íslenzkra króna. Hann
gat þess ennfremur, að rekstrar-
hagnaður fyrirtækisins á síðasta
ári hefði verið í kringum 136 millj-
ónir þýzkra marka, eða um 939
milljónir íslenzkra króna.