Morgunblaðið - 02.09.1983, Side 13

MORGUNBLAÐIÐ, FÖSTUDAGUR 2. SEPTEMBER 1983
13
Fjölbrautaskóli Garöabæjar
Skólar, félagsmál og
Hafnfirðingabrandarar
ÞAÐ ERU EKKI einungis byggingarmál sem helst eru á döfinni hjá bæjar-
stjórn Garðabæjar um þessar mundir, heldur einnig félagsmál. SkólakerB
bæjarins er mikiö til umfjöllunar og þá einkum fjölbrautaskólinn, sem hefur
aðsetur í Lyngási, þar sem grunnskóíinn var áður til húsa.
Jón Gauti kvað Fjölbrautaskóla
Garðabæjar ekki vera fullgildan
fjölbrautaskóla og hafi því verið
um mikla samvinnu við Flens-
borgarskóla í Hafnarfirði að ræða.
Hafi sá háttur verið hafður á, að
prófskírteini FG eru stimpluð af
Flensborg. Jón Gauti sagði þó að
aðsókn að Fjölbrautaskólanum í
Garðabæ sýndi að grundvöllur
væri fyrir rekstri framhaldsskóla
í bænum, en næsta haust væru
innritaðir í skólann um 300 nem-
endur. Heimild fékkst til að reka
fjölbrautaskóla í þrjú ár, eða í 6
annir, og á þeim tíma hefur skól-
inn útskrifað 42 sfudenta. Nem-
endur fjölbrautaskólafls eru ekki
einungis úr Garðabæ, heldur
sækja unglingar úr nágranna-
sveitum mjög í skólann, t.d. af
Álftanesi og úr Reykjavík.
Jón Gauti tjáði Mbl. að stórhýsi
væri nú í byggingu undir grunn-
skóla bæjarins, og verður síðari
hluti kennsluhúsnæðis þess tekinn
í notkun í ár. Skipulag yngri hluta
skólans er nú í athugun, með tilliti
til byggingar nýs skóla. í Garða-
skóla er félagsmiðstöð, íþróttahús
og sundlaug, og sagði Jón Gauti að
ekki yrði bætt við þann þátt fé-
lagsmála í bili, annað en að bún-
ingsklefar í íþróttahúsi yrðu lag-
færðir og bætt við þá, en skortur á
búningsklefum hefði verið aðal-
hemillinn á starfsemi hússins.
Nokkur töf hefur orðið á gerð
aðalskipulags Garðabæjar, en að
sögn Jóns Gauta, hefur sú töf
einkum orðið sökum samninga við
nærliggjandi sveitarfélög, Kópa-
vog og Hafnarfjörð, um breytt
bæjarmörk og þjóðbrautir. Árið
1982 voru samningar að baki og
nýir uppdrættir að bænum lágu
fyrir. Skipulagið verður tilbúið tii
samþykktar í október á þessu ári,
eða á svipuðum tíma og aðalskipu-
lag Kópavogs, og gildir til ársins
2004.
Hafnarfjörður, Bessastaða-
hreppur og Garðabær hafa haft
sameiginlega heilsugæslu og var
miðstöð þess rekin í Hafnarfirði.
Jón Gauti sagði, að lögum sam-
kvæmt ætti Garðabær að hafa
sjálfstæða heilsugæslustöð í bæn-
um, og hefur nú verið valið og inn-
réttað um 240 fermetra húsnæði
undir heilsugæslu, að Garðaflöt
14—16. Húsnæðið verður leigt út
til lækna og munu þeir reka
miðstöðina sjálfir. Þar verður
væntanlega boðið upp á alhliða
heilsugæslu í samráði við heil-
brigðismálaráðherra.
Þótt Garðabær sé kallaður
„svefnbær“ er þó ekki þar með
sagt að þar þrífist ekki félags-
starfsemi af ýmsu tagi. í Garðabæ
er m.a. starfandi siglingaklúbbur-
inn Vogur, sem hefur aðsetur sitt í
Arnarvogi. Einnig er þar starf-
andi æskulýðsmiðstöð, Lyons-,
Kiwanis-, J.C. og Rotaryklúbbar,
virkt kvenfélag og Hestamannafé-
lagið Andvari. Útivistarsvæði eru
mörg og falleg í Garðabæ og er
búið að friðlýsa stóran hluta af
landsvæði bæjarins. Heiðmörk er
að miklum hluta innan bæjar-
marka Garðabæjar, svo og Svína-
hraun og Gangahraun á Álftanesi.
Uppbygging hesthúsasvæðis er
hafin að Kjóavöllum, og verður
þar rúm fyrir um 60 hesthús, eða
1000 hesta. Staðsetning hesthús-
anna er alveg við aðalreiðvegi höf-
uðborgarsvæðisins og nú standa
yfir samningar við Kópavog og
Hafnarfjörð um sameiginlega
reiðvegi innan sveitarfélaganna.
15 hesthús eru nú þegar í bygg-
ingu að Kjóavöllum.
Hér hefur verið gripið niður í
það helsta sem bæjarstjórn
Garðabæjar fæst við um þessar
mundir, en að síðustu forvitnuð-
umst við um samkomulag Garða-
bæjar við sveitarfélögin þrjú sem
að bænum liggja. Jón Gauti svar-
aði því svo til að samkomulagið
við Kópavog og Bessastaðahrepp
væri ágætt, en samvinnan hefði þó
verið meiri við Hafnarfjörð á und-
anförnum árum, vegna margra
sameiginlegra rekstrarþátta bæj-
anna beggja.
„Ég vil aðeins bæta því við, að
við Garðbæingar erum með öllu
saklausir af þessu Hafnfirð-
ingabrandaraflóði sem gengið hef-
ur yfir landsmenn að undan-
förnu.“ Þetta voru lokaorð Jóns
Gauta Jónssonar, bæjarstjóra
Garðabæjar, og lýsa þau kannski
best samkomulaginu milli ná-
grannasveitanna tveggja, því ef-
laust eru fáir aðrir landshlutar al-
saklausir af gerð Hafnfirðinga-
brandara.
hgj
Ungum er þaö
allra best að byrja
snemma að byggja?
„Á undanfornum árum hefur
ungu fólki reynst æ erfiðara að
koma sér upp eigin húsnæði. Kemur
þar einkum til fjárskortur Bygg-
ingarsjóðs ríkisins, skortur á lánsfé
á almennum lánsfjármarkaði og
mikill fjármagnskostnaður. Ástand
þetta er afieiðing af óstjórn efna-
hagsmála í landinu undanfarin ár.“
Orð þessi eru tekin úr upphafi
ályktunar sem bæjarstjórn sam-
þykkti þann 7. apríl á þessu ári, en
ályktunin hljóðar upp á það, að
svæðið sem markast af Arnar-
svæði munu fljótlega liggja fyrir,
og ættu lóðirnar að verða bygg-
ingarhæfar á næsta ári.
Jón Gauti sagði í þessu sam-
bandi að þarna muni ungum Garð-
bæingum gefast tækifæri á að
byggja ódýrt á heimaslóðum, en
það væri einmitt fólkið sem ann-
ars mundi flytjast burt, og aðal-
lega þá í Breiðholtið.
Auk fyrirhugaðra hverfa fyrir
aldraða og unga í Garðabæ, er
einnig gert ráð fyrir hverfi handa
öðrum umsækjendum, sem byggj-
„Gryfjan" svonefnda, þar sem ungum Garðbæingum verður gert kleift að
byggja einbýlishús á sem ódýrastan hátt.
Ætli búið sé að tryggja þessum ungu Garðbæingum lóð í „Gryfjunni"?
nesvegi, Reykjanesbraut og Bæj-
arbraut, eða „Gryfjan" svonefnda,
verði tekið til deiliskipulags með
það fyrir augum að þar rýmist
m.a. hagkvæmar lóðir fyrir ein-
býlishús og/eða raðhús, einkum
fyrir ungt fólk í Garðabæ. Bæjar-
stjórnin stefnir að fyrstu úthlutun
fyrir árslok 1983, og að vinna
svæðið þannig að unnt verði að
koma fyrir 70 einbýlishúsum fyrir
Garðbæinga, með sérstökum skil-
yrðum. Fyrstu tillögur að þessu
ast mun upp á sama tíma og hin
hverfin, eða á næstu 5 árum. Þar
fyrir utan eru sérstök iðnaðar-
svæði í byggingu og eru það eink-
um þrjú svæði sem verða tileinkuð
ýmis konar iðnaði. Það er svonefnt
Hraunasvæði, Skeiðarás og Lyng-
áshverfi og Búðahverfi, þar sem
verður aðallega léttur iðnaður.
Auk þess verður eitthvað um iðn-
að í miðbænum, t.d. hefur lyfja-
fyrirtækið Pharmaco byggt hús á
því svæði.
Aldraðir áfram í
eigin húsnæði
Flestir landsmenn kannast við
Dvalarheimili aldraðra sjómanna,
DAS, og aðsetur þess við Laugarás í
Reykjavík og í Hafnarfirði. En færri
vita þó að DAS í Hafnarfirði var
byggt í Garðabæ fyrir mistök, og
voru bæjarmörk Hafnarfjarðar færð
utan um dvalarheimilið þar. Heimil-
ið liggur því í raun inn í Garðabæ.
Þessar upplýsingar fékk Mbl.
Hrafnista í Hafnarfirði. Svæðið sem liggur að Hrafnistu er innan bæjar-
marka Garðabæjar og þar er fyrirhugað að byggja hús fyrir aldraða, sem
verða í einkaeign. Mbl./Kmilía.
hjá Jóni Gauta, þegar talið barst
að málefnum aldraðra, en bæjar-
stjórnin hyggur nú á að bæta um
betur og tileinka öldruðum svæðið
í kringum dvalarheimilið, þ.e.
þann hluta sem tilheyrir Garða-
bæ. Þar eiga að rísa, í fyrsta
áfanga, 28 íbúðir fyrir einstakl-
inga eða hjón, og verða íbúðirnar í
einkaeign. íbúar húsanna hafa að-
gang að þeirri þjónustu sem elli-
og hjúkrunarheimilið veitir vist-
mönnum sínum, en eiga það fram
yfir hina, að búa í eigin húsnæði.
Sjómannadagsráð ráðstafar
íbúðunum til einstaklinga eða fé-
lagasamtaka, en svæðið sem um
getur rúmar um 130 hús. Talið er
að dvalarheimilið geti annast
þjónustu við nær 100 slík hús með
góðu móti.
í framtíðinni geta því aldraðir
íbúar í Garðabæ og víðar eignast
húsnæði þar sem nauðsynlega
þjónustu verður ekki langt að
sækja, og þeir gætu hæglega feng-
ið sérfræðilega umönnun og
hjúkrun.
Á teikningunni sést glöggt að Hrafnista er í raun í Garðabæ. Svæðið merkt
A, er I. áfangi í byggingu íbúða fyrir aldraða í einkaeign.