Morgunblaðið - 16.12.1983, Page 18

18
MORGUNBLAÐIÐ, FÖSTUDAGUR 16. DESEMBER 1983
Áiyktun borgarfunds í Kópavogi:
Rekstur sambýlis fyrir þroskahefta
verði hafinn þegar á næsta ári
Á ALMENNUM borgarafundi um
málefni fatlaðra, sem haldinn var í
Kópavogi, var samþykkt einróma eftir-
farandi ályktun:
„Almennur borgarafundur, hald-
inn í Menntaskólanum í Kópavogi 8.
desember 1983, beinir þeim tilmæl-
um til fjárveitingavaldsins að það
geri kleift að hefja rekstur á sam-
býli fyrir þroskahefta í Kópavogi á
næsta ári.
Fundurinn bendir á að þetta er
eitt brýnasta verkefnið í málefnum
fatlaðra og þörfin á sambýli er mjög
aðkallandi í Kópavogi."
Til fróðleiks má geta þess að
fundinn sóttu 106 manns og var
hann haldinn á vegum Svæðis-
stjórnar Reykjaness og Félagsmála-
stofnunar Kópavogs.
Jónas Þ. Steinarsson, framkvæmdastjóri Bflgreinasambandsins, afhendir
Kristjáni Guðlaugssyni, syni höfundar, fyrsta eintakið af ritverkinu. Á mynd-
inni eru, talið fri vinstri: Guðni Kolbeinsson sem bjó verkið til prentunar,
Kristján Guðlaugsson, Jónas Þ. Steinarsson og Þórir Jensen, formaður
Bflgreinasambandsins.
Ljónoi. Mbl. KEE
Bflgreinasambandið gefur út:
Bifreiðir á ís-
landi 1904—1930
Bílgreinasambandið hefur nú gef-
ið út ritverkið „Bifreiðir i íslandi
1904—1930“ eftir Guðlaug Jónsson.
Guðni Kolbeinsson bjó ritið til
prentunar og á fundi með blaða-
mönnum, sem haldinn var í tilefni
af útkomunni, sagði Guðni að erf-
itt hefði reynst að fá bókaút-
gefendur til að gefa ritið út. Höf-
undur hefði á sínum tima gefið út
hluta verksins, en ekki séð sér
fært að gefa það út i heild sinni og
því hefði Bílgreinasambandið
ákveðið að ráðast í útgáfuna.
Á fundinum kom og fram, að í
ritverkinu væri rakin „landnáms-
saga bifreiða hérlendis allt frá því
Alþingi ákvað að veita Dethlev
Thomsen, konsúl, styrk til kaupa á
fyrstu bifreiðinni sem hingað
barst“. Aðstandendur útgáfunnar
sögðu að mikinn fróðleik væri að
finna i ritinu, en því færi fjarri að
það væri leiðinlegt aflestrar.
Margar skemmtilegar frásagnir
væri að finna, sem greindu frá
svaðilförum um vegleysur og tor-
leiði, svo og kímilegar sögur af
viðbrögðum íslendinga við þeirri
tækninýjung, sem bifreiðin var.
Guðlaugur Jónsson var lög-
regluþjónn og síðar rannsóknar-
lögreglumaður í Reykjavík. Hann
safnaði sjálfur miklum hluta þess
myndefnis, sem er í verkinu, en
Þjóðminjasafn íslands, Bjarni
Einarson frá Túni og fleiri aðilar
munu hafa lánað myndir til verks-
ins.
„Bifreiðir á íslandi 1904—1930“
er í tveim bindum og er prentað í
Prentsmiðju Árna Valdemarsson-
ar hf. og bundið í Bókbandsstof-
unni örk hf. Ástmar Ólafsson
hannaði kápu og öskju utan um
ritverkið.
Börn frá Höfn
í jólaheimsókn
á Stokksnesi
Höfn, Hornarirdi, 11. denember.
HIN ÁRLEGA skemmtun hjá
varnarliðinu var haldin úti i
Stokksnesi í gær. Hefur þetta
verið fastur liður mörg undan-
farin ár.
Ungu kynslóðinni er boðið og
þeim gert margt til skemmtun-
ar, meðal annars kvikmyndasýn-
ing, veitingar og auðvitað kom
jólasveinninn í heimsókn og
færði öllum krökkunum pakka
með leikföngum.
Að auki fengu öll börnin mynd
af sér með jólasveinum. Margt
var um manninn og ekki annað
að sjá en allir skemmtu sér hið
besta.
— Steinar.