Morgunblaðið - 16.12.1983, Síða 23

MORGUNBLAÐIÐ, FÖSTUDAGUR 16. DESEMBER 1983
23
Pólland:
Prestur
handtekinn
Czestocbowa og Varsjá, Póllandi,
13. desember. AP.
LECH Walesa lagöi Nóbelsverð-
launapening sinn fyrir framan
myndina af svörtu madonnunni í
kapellu Jasna Gora-klaustursins
snemma í morgun, eins og hann
hafði ákveðiö aðgera.
Tvö ár eru í dag liðin frá því að
herlög voru sett í Póllandi. Með
setningu þeirra var starfsemi
Samstöðu, óháðu verkalýðsfélag-
anna, jafnframt bönnuð.
Rúmlega 300 manns troðfylltu
kapelluna í morgun þegar Walesa
lagði verðiaunapeninginn fyrir
framan myndina. Engir lögreglu-
menn voru sjáanlegir í nágrenn-
inu. Guðsþjónustan í morgun
hófst nákvæmlega á sama tíma og
Jaruzelski tilkynnti í útvarps-
ávarpi fyrir tveimur árum, að her-
lög hefðu verið sett í landinu.
Lögreglan í Varsjá handtók í
morgun prest, sem stutt hefur
Samstöðu, og sakaði hann um að
hafa undir höndum „ólöglega
hluti“. Kom tilkynning lögregl-
unnar í kjölfar húsleitar, sem gerð
var hjá prestinum. Talsmaður
stjórnarinnar blés í morgun jafn-
framt á þær ásakanir Bandaríkja-
manna, að yfirvöld ofsæktu kirkj-
una.
■ ■■ 1
\T/
, ERLENT,
Brennuvargur og morðingi?
Mynd þessi sýnir hina 21 árs gömlu Carol Compton, sem hefur verið ákærð fyrir tilraun til að
myrða 3ja ára gamalt barn sem hún var ráðin til að gæta í ítölsku borginni Livorno á síðasta ári.
Ungfrú Compton er einnig fyrir rétti vegna meintrar íkveikju, en hún er einmitt sökuð um að hafa
ætlað að myrða barnið með því að bera eld að rúmi þess. Barnið hlaut minniháttar brunasár því
móðirin kom aðvífandi í tæka tíð. Ungfrúin, sem er skosk, á yfir höfði sér allt að 60 ára fangelsi, en
er talið líklegt að hún fái 5—7 ára dóm. A myndinni ræðir ungfrú Compton við móður sína, en
rimlar skilja þær að.
Þota sprakk
BOEING 707 þota frá flugfélagi
Kólombíu, sprakk rétt eftir flug-
tak á flugvellinum í Medelin. Var
þotan notuð til birgðaflutninga og
var á leið til Florida til viðgerðar.
Þrír voru í áhöfn þotunnar og lét-
ust allir, einnig 15 aðrir á jörðu
niðri, en brakið dreifðist um mikið
svæði og tendraði líflega elda. 19
manns slösuðust enn fremur og
björgunarsveitir fengu miklu
framgengt með snarræði sínu.
Sá danski
fyrir rétt
DANSKI sjóliðsforinginn sem
hleypti af skutulseldflaug af dönsku
herskipi, óvart, með þeim afleiðing-
um að nokkrir sumarbústaðir
skammt fyrir utan Kaupmannahöfn
sprungu í loft upp, verður dreginn
fyrir rétt á næstunni.
Atvikið átti sér stað í september
á síðasta ári og þótti mesta mildi
að enginn skyldi skaddast. Danska
herráðið ákvað umrædda meðferð
á hinum 54 ára gamla Henning
Olsen, en aðrir sjóliðsforingjar,
svo og Olsen sjálfur, eru lítið
hrifnir, telja ábyrgðina liggja hjá
kerfinu og þar af leiðandi fleiri og
háttsettari mönnum. Olsen: „Stór-
laxarnir eru nú að flýja hver um
annan þveran.“ Starfsbræður
Olsens ætla í mál.
Ný flugbraut
Flugmálayfirvöld og spænsk
stjórnvöld hafa hafið lagningu
nýrrar flugbrautar á flugvellinum
í Madrid í kjölfarið á tveimur afar
mannskæðum flugslysum á
skömmum tíma. Enrique Baron,
samgönguráðherra Spánar greindi
frá þessu í gær, en gat þess ekki
hvenær brautin yrði tilbúin. Alls
létust 279 manns í óhöppunum
tveimur.
I Hagkaup getið þiö
valið úr 120 reróum af
frá 18 framleið-
endum
Sælgætisúrvalið
er stórkostlegt
1]Œ
Opk) til kl. 22
HAGKAUP
Skeifunni 15
Reykjavík