Morgunblaðið - 16.12.1983, Qupperneq 32
32
MORGUNBLAÐIÐ, FÖSTUDAGUR 16. DESEMBER 1983
Hrmgormanefnd og skatturinn:
*
Otvírætt að veiðilaun eru skattskyld
„ÞAÐ er ótvírætt kveðið á um það í
tekjuskattslögunum að veiðilaun
eru skattskyld eins og hver önnur
laun. Því fórum við fram á það við
hringormanefnd að hún léti okkur í
té launaseðla vegna selveiðilauna,"
sagði Garðar Valdimarsson skatt-
rannsóknastjóri þegar blaðamaður
bar undir hann ummaeli Björns
Dagbjartssonar, formanns hring-
ormanefndar, í Morgunblaðinu í
síðustu viku, þar sem hann segir að
hringormanefnd líti á greiðslur
fyrir selinn sem veiðilaun og því séu
þær ekki framtalsskyldar.
Garðar sagðist ekkert geta sagt
um það hvort eitthvað af þessum
launum hefði verið gefið upp á síð-
asta ári. Það kynni að vera að menn
teldu þessar tekjur fram undir al-
mennari liðum. En hér væri um
stórar upphæðir að ræða og nauð-
synlegt væri fyrir skattinn að fá
launaseðlana í hendur.
Björn Dagbjartsson sagðist ekki
ætla að þræta fyrir það að strangt
tekið væru þessar tekjur skatt-
skyldar. Hins vegar teldi hann
ósanngjarnt að heimta skatt af
þessum tekjum og óeðlilegt af rfkis-
valdinu að vinna þannig gegn því
stemma stigu við hringormavand-
anum.
Þægileg afgreiðsla i Húsi Versiunarinnar.
Staðsetning okkar hér í glæsilegu Húsi Verslunarinnar og aðstæður
allar eru hinar ákjósanlegustu.
Það gerir þér sérlega létt fyrir að sinna bankamálum þínum,
jafnt innlendum og nú einnig að hluta til erlendum,
á þægilegan og öruggan hátt. Hér erum við
MIÐSVÆÐIS, þar sem er
AUÐVELD AÐKEYRSLA,
NÆG BÍLASTÆÐI og
LIPUR BANKAÞJÓNUSTA.
Við erum mættir á ,,miðsvæðið“, til þjónustu reiðubúnir.
^ Verið velkomin.
U€RZLUNfiRBflNKINN
Húsi Verslunarinnar - nýja miðbænum.
Símanúmer til bráðabirgða eru: 84660 & 84829.
Endanlegt símanúmer verður 687200.
Fjölmennt á fjölskyldu-
hátíð í Ölfusborgum
NÝSTÁRLEG fjölskylduhátíð var
haldin í orlofsbúðunum að Ölfus-
borgum helgina 25.-27. nóvem-
ber síðastliðinn á vegum Sam-
vinnuferða-Landsýnar, ASÍ og Al-
þýðuorlofs. Um 100 manns fylltu
orlofshúsin og komust færri að en
vildu.
Ferðin hófst síðdegis á föstu-
degi og lauk á sunnudagskvöldi.
Meðal dagskráratriða voru
pylsuveizla, kvöldvökur, göngu-
ferðir, jólaföndur, leikir, sögu-
stundir, mikið af dansi og söng
og ýmiss konar uppákomum þar
sem keppt var um ferðaverðlaun.
Þetta er í fyrsta skipti sem slík
fjölskylduhátíð er haldin í
orlofsbúðunum. Þótti þessi
fyrsta fjölskylduhátíð í ölfus-
borgum gefa góða raun og voru
gestir ánægðir með þessa til-
breytingu í skammdeginu, segir í
frétt frá ferðaskrifstofunni.
Bókaútgáfan JÁ gefur
út bókina Sjálfsfrelsun
Sjálfsfrelsun heitir nýútkomin
bók eftir Argentínumanninn L.A.
Amman, og er það bókaútgáfan JÁ
sf. sem gefur hana út. Bókin er
árangur hópvinnu manna úr ólfkum
greinum, sem grundvallaðist á kenn-
ingum Silos, upphafsmanns Sam-
hygðar, sem er hreyfing sem vinnur
að jafnvægi og þróun mannsins.
Bókin skiptist í fimm kafla:
l.Spennulosun, 2-Sjálfsþekking,
3.Hugfimi, 4.Hugvirkni og 5.Sjálfs-
yfirfærsla.
í kynningu Samhygðar á bók-
inni segir m.a.: „Þessi bók er um
flesta hluti byltingarkennd, hún
er ekki meðferð heldur tæki til að
gera einstaklinginn hæfan til að
vera hamingjusamur og breyta
þjóðfélaginu svo það stuðli að
hamingju hans og annarra. Bókin
kynnir nýja, nákvæma og hagnýta
sálfræði og skilgreinir manninn á
nýjan hátt. Sjálfsfrelsunarkerfið
er ekki aðeins fræðilegs eðlis held-
ur getur leikmaðurinn hagnýtt sér
það til fróðleiks og einnig notað
aðferðir sem bókin býður uppá til
jiá'Þ'
FRELSUN
L.A. Ammann
þess að kynnast sjálfum sér og
koma á jafnvægi hugar og lík-
ama.“
Sonia Diego Þýddi bókina úr
spænsku og naut aðstoðar félaga
úr Samhygð, en þeir ásamt stuðn-
ingsmönnum standa að bókaút-
gáfunni JÁ sf.
Skáldsagan Tim
eftir Colleen
McCullough
ÚT ER komin hjá ísafoldar-
prentsmiðju hf. skáldsagan Tim,
eftir höfund Þyrnifuglanna, Coll-
een McCullough. Bókin lýsir nánu
sambandi rúmlega tvítugs þroska-
hefts manns og fertugrar konu.
Þetta er áhrifamikil saga sem
sýnir að hið vonlausa þarf ekki
alltaf að vera vonlaust segir í frétt
frá útgáfunni. Bókin er 232 bls. að
stærð og er að öllu leyti unnin hjá
ísafoldarprentsmiðju hf.