Morgunblaðið - 29.02.1984, Page 19

MORGUNBLAÐIÐ, MIÐVIKUDAGUR 29. FEBRÚAR 1984
19
Eyjólfur Sigurðsson hjá hluta þeirra bóka, sem verða á boðstólum á bókamarkaðinum. Ljósm. Mbi. KÖE.
Bókamarkaður hefst í dag
— fjögur til fimm þúsund bókatitlar á markaðsverði
BÓKAMARKAÐUR hefst í Mark-
aðshúsi Bókhlöðunnar að Lauga-
vegi 39 í dag, miðvikudag. Alls
verða á milli fjögur og fimm þús-
und bókartitlar í boði á markaðs-
verði, þar á meðal barna- og ungl-
ingabækur, ævisögur, íslenskar og
erlendar skáldsögur, ritsöfn, ætt-
artölur og fleira.
Þetta kom fram á blaða-
mannafundi sem Bókhlaðan boð-
aði til í gær og sagði Eyjólfur
Sigurðsson, framkvæmdastjóri
Bókhlöðunnar, að einnig væri í
boði sérstakur magnafsláttur.
„Ef verslað er fyrir eitt þúsund
krónur, er veittur 5% afsláttur
en við veitum 10% afslátt ef
verslað er fyrir 3.000 krónur eða
meira,“ sagði Eyjólfur.
„Hinn árlegi bókamarkaður
Félags íslenskra bókaútgefenda
verður ekki haldinn í ár og
ástæðan fyrir því að Bókhlaðan
beitir sér fyrir svo stórum bóka-
markaði er sú, að talið var rétt
að beita sér fyrir því að mögu-
leikar fólks á því að nálgast
bækur á besta verði, yrðu ekki
skertir."
Bókamarkaðurinn stendur til
11. mars næstkomandi og meðal
þeirra barnabóka sem til sölu
eru, eru Grimmsævintýrin í
frumútgáfu á 45 krónur hver
bók, en margar barna- og ungl-
ingabækur eru á verðinu 50—100
krónur. Einnig eru, eins og áður
segir, til sölu ævisögur, ættar-
tölur, skáldsögur og fleira.
Nefnd um verkefni Bjargráðasjóðs:
Iðgjöld af tryggingum yrðu
geysihá vegna mikillar tjónatíðni
— Sérstakur sjóður sjái áfram um tjón í hinum hefðbundnu
búgreinum en aukabúgreinar tryggi sig á almennum markaði
STJÓRNSKIPUÐ nefnd um verkefni
Bjargráðasjóðs og athugun á trygg-
ingakerfi fyrir landbúnaðinn telur að
útilokað sé að fella útiræktun mat-
jurta inn í tryggingakerfi, þar eð ið-
gjöld þyrftu að verða geysihá vegna
mikillar tjónatíðni. Þá telur nefndin,
að mikil vandkvæði séu á því, að unnt
sé að taka upp tryggingar á uppskeru-
tjóni vegna grasbrests af völdum
kulda, kals og óþurrka.
í álitsgerð nefndarinnar, sem nú
liggur fyrir Búnaðarþingi, kemur
fram að nefndin telur að möguleik-
ar eigi að vera á því að fá að
tryggja hjá starfandi tryggingarfé-
lögum alifuglarækt, gróður-
húsarækt, fiskirækt, þ.m.t. klak- og
eldisstöðvar, loðdýrarækt, svína-
rækt og keyptar brunatryggingar á
heyjum og búfé. Telur nefndin að
slíkar tryggingar þyrftu að ná til
tjóns af völdum sjúkdóma, tjóns af
völdum fóðureitrunar og tjóns
vegna bilana í tæknibúnaði búa.
Varðandi búfjártjón í hinum
hefðbundnu búgreinum, nautgripa-
rækt, sauðfjárrækt og hrossarækt,
svo og uppskerutjón á garð-
ávöxtum og tjón vegna grasbrests
og óþurrka, leggur nefndin til að
framvegis verði svipað fyrirkomu-
lag haft og verið hefur hjá búnað-
ardeild Bjargráðasjóðs. Leggur
nefndin til, að sérstakur sjóður
taki við hlutverki deildarinnar og
yfirtaki jafnframt skuldbindingar
og eignir hennar. Tekjuöflun sjóðs-
ins verði í meginatriðum sú sama
og nú er hjá búnaðardeild Bjarg-
ráðasjóðs, þ.e. framlög, tiltekinn
hundraðshluti af söluvörum
nautgripa-, sauðfjár- og hrossaaf-
urða og garðávaxta. Þessi hundr-
aðshluti gæti þó verið breytilegur
eftir áhættu í hverri framleiðslu-
grein fyrir sig. Telur nefndin að
framlagið þurfi að vera a.m.k. jafn-
hátt því, sem nú er, til að tryggja
öryggi í landbúnaðinum og á móti
því komi jafnhátt framlag ríkis-
sjóðs. Þá leggur nefndin til að
fyrirgreiðsla sjóðsins verði ein-
göngu í formi óafturkræfra fram-
laga eða styrkja (bóta).
Þá leggur nefndin til að lögum
um Viðlagatryggingu Islands verði
breytt þannig, að tjón af völdum
foks og óveðurs á öllum verðmæt-
um, sem falla undir lögin, verði
bætt með sama hætti og önnur
hamfaratjón. Og einnig, að til
tjóna á ræktunarlöndum skuli telj-
ast tjón á girðingum umhverfis
þau.
Búnaðarþing hef-
ur afgreitt 9 mál
58 mál hafa nú verið lögð fram á
Búnaðarþingi og hafa 9 þeirra þegar
verið afgreidd sem ályktanir Búnað-
arþings. í ályktun um tölvuþjónustu
búnaðarsambanda er stjórn Búnaðar-
félags fslands falið að láta gera svo
fljótt sem við verður komið áætlun
um verkefni sem henta myndi fyrir .
búnaðarsamböndin að tölvuvinna og
þann kostnað, sem leiða myndi af
tölvukaupum sambandanna.
Þau mál sem lögð hafa verið
fyrir Búnaðarþing og ekki hefur
verið greint áður frá hér í blaðinu
eru:
Mál nr. 46: Erindi Gunnars
Oddssonar og Egils Bjarnasonar
um afurðalán.
Mál nr. 47: Erindi Sigurðar J.
Líndal um útrýmingu á riðuveiki.
Mál nr. 50: Frumvarp til breyt-
inga á iögum nr. 42, 12. maí 1969
um afréttarmálefni, fjallskil og
fleira.
Mál nr. 51: Erindi Sveins Jóns-
sonar og Bjarna Guðráðssonar um
leiðbeiningaþjónustuna.
Mál nr. 52: Álitsgerð stjórnskip-
aðrar nefndar um verkefni Bjarg-
ráðasjóðs og athugun á trygginga-
kerfi fyrir landbúnaðinn.
Mál nr. 53: Erindi Jóns ólafsson-
ar og Sveins Jónssonar varðandi
tolla og söluskatt af fjárfestingar-
vörum og fleira.
Mál nr. 54: Tillaga til þingsálvkt-
unar um úttekt á rekstrar- og af-
urðalánakerfi atvinnuveganna, 203.
mál 106. löggjafarþings.
Mál nr. 55: Erindi Valgarðs Eg-
ilssonar og Sigurðar Sigurðarsonar
um sumardvöl barna og unglinga í
sveit.
Mál nr. 56: Erindi stjórnar Bún-
aðarfélags íslands um milliþinga-
nefnd til að endurskoða lög um
Framleiðnisjóð landbúnaðarins,
Stofnlánadeild landbúnaðarins og
jarðræktarlög.
Mál nr. 57: Erindi Jóseps Rósin-
karssonar, Gísla Pálssonar og Sig-
urjóns Friðrikssonar um loðdýra-
rækt.
Mál nr. 58: Erindi Jóseps Rósin-
karssonar um flokkun heyköggla.
Sett verði upp vegleg land-
búnaðarsýning í Reykjavík
í ÁLYKTUN Búnaðarþings um aukna
upplýsingastarfsemi bændasamtak-
anna er meðal annars lagt til að at-
hugaðir verði möguleikar á að koma
upp veglegri landbúnaðarsýningu í
Reykjavík svo (ljótt sem auðið er.
Einnig er lagt til að unnið verði að
gerð myndbanda um landbúnað til
sýninga í skólum. Þá er lagt til að
stefnt verði að aukningu og eflingu
allrar upplýsingastarfsemi landbún-
aðarins, til dæmis að aukinni blaða-
útgáfu og auglýsingum.
„Búnaðarþing telur æskilegt að
hafa árlega dag helgaðan landbún-
aði og þá yrði lögð sérstök áhersla
á að kynna landbúnað fyrir fólki í
þéttbýli," segir einnig í álykt-
uninni. í greinargerð með ályktun-
inni segir að mjög gott tækifæri
ætti að gefast til að halda veglega
landbúnaðarsýningu í Reykjavík á
næstu 2—3 árum. Sagt er að slíka
sýningu sé hægt að halda án þess
að bændasamtökin þurfi að kosta
verulega til. Þá er sagt að landbún-
aðurinn sé illa á vegi staddur varð-
andi auglýsinga- og kynningar-
starfsemi og hvergi þekkist, þar
sem umtalsverður landbúnaður sé
stundaður, að ekki skuli vera starf-
rækt auglýsingaskrifstofa til að sjá
um útgáfustarfsemi og auglýsingar
fyrir landbúnaðinn og búvörur al-
mennt.
Riðuveikinni verði útrýmt
SIGURÐUR J. IJndal búnaðarþings-
fulltrúi hefur lagt fram á Búnaóar-
þingi erindi þar sem lagt er til að
stefnt verði að útrýmingu á riðuveiki
úr landinu.
í erindi Sigurðar segir að riðu-
veiki hafi aukist mjög að útbreiðslu
síðustu áratugi en andvaraleysi
hafi ríkt gagnvart þessum sjúkd-
ómi þar til nú á síðustu árum að
farið var að spyrna við fótum gegn
útbreiðslu hennar með niðurskurði.
Hafi þetta lánast vel en hinsvegar
standi litlar fjárveitingar til bóta-
greiðslna, til þeirra sem farga fé
sínu, í vegi fyrir áframhaldandil
aðgerðum. Leggur Sigurður til að
sú fækkun sauðfjár, sem fyrir-
sjáanleg er vegna þröngra mark-
aða, verði látin koma niður á riðu-
veikum fjárstofnum og þrýst verði
á um nauðsynlegt fjármagn í því
skyni.
Alþjóðlegt skákmót í Grindavík:
Fyrsta alþjóða
mótið utan
Reykjavíkur
„ÞETTA er í fyrsta sinn, sem al-
þjóðlegt skákmót er haldið utan
höfuðborgarinnar og verða meðal
keppenda okkar fremstu skák-
meistarar, sem að undanförnu
hafa gert garðinn frægan, og einn-
ig nokkrir erlendir meistarar.
Alþjóðamótið verður svo vel skip-
að, að þar geta keppendur unnið til
áfanga að titli stórmeistara eða al-
þjóðlegs meistara,“ sagði Jóhann
l»órir Jónsson, ritstjóri Tímaritsins
Skákar, scm gengst fyrir alþjóð-
legu skákmóti í Festi í Grindavík,
en skákmeistararnir dvelja á hót-
elinu við Bláa lónið þar sem að-
stæður eru mjög góðar. Mótið
hefst í dag og í gær var dregið um
töfluröð, en þátttakendur eru 12.
Töfluröðin er: 1. Haukur Ang-
antýsson, 2. Ingvar Ásmundsson,
3. Jón L. Árnason, 4. Björgvin
Jónsson, 5. Helgi ólafsson, 6.
Knezevic, 7. Elvar Guðmunds-
son, 8. Gutman, 9. William
Lombardy, 10. McCambridge, 11.
Jóhann Hjartarson, 12. Larry
Christiansen.
Til þess að ná stórmeistara-
árangri þarf viðkomandi skák-
maður að hljóta 8 vinninga eða
meira. Einn íslenzkur skákmað-
ur gæti náð stórmeistaratitli ef
Keppendur og aðstandendur alþjóðlega skákmótsins í Festi í Grindavík fyrir utan hótclið við Bláa lónið.
Morgunbladiö/Júlíus.
allt gengur í haginn, en það er
Jóhann Hjartarson, sem hefur
sigrað á þremur siðustu skák-
mótum, sem hann hefur tekið
þátt í. í Gausdal, í skákmóti
Búnaðarbankans og Reykjavík-
urskákmótinu.
Framkvæmdastjórn mótsins
skipa eftirtaldir: Eiríkur Alex-
andersson, framkvæmdastjóri,
Gísli R. ísleifsson, skákstjóri,
Halldór Ingvason, bæjarfulltrúi,
Jóhann Þórir Jónsson, ritstjóri,
Jón G. Briem, lögmaður, Jón
Böðvarsson, skólameistari og
Páll Jónsson, sparisjóðsstjóri.
Fyrstu verðlaun í mótinu eru
1.000 dalir, önnur verðlaun 600
og þriðju verðlaun 400, fjórðu
verðlaun 300 dalir, fimmtu verð-
laun 200 og sjöttu verðlaun 100
dalir. í dag tefla eftirtaldir sam-
an; Christiansen — Haukur,
Ingvar — Jóhann, Björgvin —
Lombardy, Helgi — Gutman,
Knezevic — Elvar og McCambri-
dge og Jón L.