Morgunblaðið - 14.03.1984, Blaðsíða 3

MORGUNBLAÐIÐ, MIÐVIKUDAGUR 14. MARZ 1984
3
. Iðnaðardeild Sambandsins:
Selur 250 þúsund
peysur til Sovét
Akureyri, 13. mars.
„VIÐ undirrituðum samning á sölu
á 250 þúsund peysum til sovéska
samvinnusambandsins í síðustu
viku. Aður höfðum við gert samning
við Kaznoexport í Sovétríkjunum
um sölu á 24 þúsund peysum og
jökkum. Upphæð þessara tveggja
samninga er um 110 milljónir
króna," sagði Sigurður Arnórsson,
rramkvæmdastjóri ullariðnaðar hjá
Iðnaðardeild SÍS á Akureyri, þegar
blm. Mbl. ræddi við hann.
Auk þessa samnings er í undir-
búningi að selja til Sovétríkjanna
100 þúsund trefla að verðmæti um
7,5 milljónir króna og nýlega var
einnig undirritaður samningur
um sölu á vefnaði í 10—15 þúsund
kápur til Bandaríkjanna og er
hugsanlegt að eitthvað af þeim
kápum verði saumaðar hér.
„Samningur okkar við Rússana
er sá stærsti sem við höfum gert
til þessa og góðar söluhorfur eru
framundan. Allt þetta leiðir til
þess að fjölga hefur þurft starfs-
fólki hjá okkur nokkuð og auk
þess lengja vaktir verulega. Nú er
unnið í prjónadeild allan sólar-
hringinn á þrem vöktum og í
saumadeild eru tvær vaktir.
Starfsmannafjöldi hjá ullariðnaði
okk'ar er nú 342 manns. Útlit er
fyrir að á þessu ári fari um
25—30% af framleiðslu okkar á
markað í Sovétríkjunum. Annað
fer á markaði í Vestur-Evrópu og
í Bandaríkjunum og einnig hefur
orðið um gifurlega aukningu að
ræða á innanlandsmarkaði," sagði
Sigurður Arnórsson að lokum.
GBerg.
Forstöðumaður
Borgarskipulags:
Borgarráð
samþykkti að
ráða Þorvald
BORGARRÁÐ samþykkti á fundi
sínum í gær að ráða Þorvald S. Þor-
valdsson arkitekt í starf forstöðu-
manns Borgarskipulags frá og með
1. apríl nk. Þrír borgarráðsmenn
Sjálfstæðisflokksins greiddu Þor-
valdi atkvæði, en fulltrúar Alþýðu-
bandalags og Framsóknarflokks
sátu hjá við atkvæðagreiðsluna.
í Mbl. í gær var sagt frá sam-
þykkt skipulagsnefndar um málið,
en þar var mælt með því sam-
hljóða að Þorvaldur skyldi ráðinn,
en fulltrúar minnihlutans sátu
þar einnig hjá. Hinir tveir um-
sækjendurnir hlutu ekki atkvæði.
Endanlega verður gengið frá
ráðningu í starf forstöðumanns
Borgarskipulags á fundi borgar-
stjórnar á morgun, fimmtudag.
Vélasamstæður
Blönduvirkjunar:
ASEA hyggst
gera tilboð
HKRLENDIS hefur verið staddur
stjórnarformaður sænska stórfyrir-
tækisins ASEA, Curt Nicoline. Hann
hefur átt viðræður við forráðamenn
I>andsvirkjunar, en fyrirtækið
hyggst gera tilboð í vélasamstæður
Blönduvirkjunar.
Þá átti Nicoline viðræður við ís-
lenska vinnuveitendur, en hann er
m.a. varaformaður BJAKK, al-
þjóðlegra samtaka vinnuveitenda,
sem aðsetur hafa í París.
Dauft yfir
loðnuveiðum
HELDUR er nú að dofna yfir loðnu-
veiðinni. Frá miðnætti aðfaranætur
þriðjudagsins til síðdegis f gær
höfðu aðeins tvö skip tilkynnt um
afla og mánudagsaflinn varð aðeins
rúmar 9.000 lestir af 17 skipum.
Til viðbótar þeim skipum, sem
getið var í Morgunblaðinu í gær,
tilkynntu eftirfarandi um afla á
mánudag: Keflvíkingur KE, 500,
Rauðsey AK, 430, Albert GK, 550,
Skírnir AK, 260, Guðmundur RE,
500 og Júpíter RE 700 lestir. Um
klukkan 17 í gær höfðu aðeins tvö
skip tilkynnt um afla, Guðmundur
Ólafur OF með 460 lestir og Örn
KE með 550 lestir.

MatseðM
Ftug'®^ °9 s'
nætur.kvoio 2kr
l Broadv^V*ra 3
\ l UC tl ^ ^Gott fólK M,ra
Btoadway
Merð Uá j
VcrónunV.
Missið ekki af þessari einstæðu skemmtun sem nú er flutt í síðasta sinn
l