Morgunblaðið - 21.03.1984, Síða 2

2
MORGUNBLAÐIÐ, MIÐVIKUDAGUR 21. MARZ 1984
Víglundur Þorsteinsson:
Opinberir aðilar
ryðja fyrirtækjum
út af lánamörkuðum
VÍGLUNDUR l*or.steinsson, formað-
ur Félags ísl. idnrekenda, sagði á
ársþingi iðnrekenda í gær, að hlutur
ríkis og sveitarfélaga í innlendum og
erlendum lánum hefði vaxið úr rúm-
lega 20% árið 1968 í yfir 35% í árslok
1982. Á sama tíma hefði hlutur at-
vinnuveganna minnkað úr 57% í
46%.
Víglundur Þorsteinsson sagði,
að aukinn hlutur hins opinbera
kæmi fyrst og fremst fram í er-
lendum lánum. Nú væri svo komið
að nær tveir þriðju hlutar allra
erlendra skulda væru á vegum
opinberra aðila. Aðgangur at-
vinnufyrirtækja að erlendu lánsfé
hefði hins vegar verið takmarkað-
ur með opinberu skömmtunar-
kerfi. Þegar í óefni væri komið í
erlendum skuldum leitaði hið
opinbera í vaxandi mæli á inn-
lendan lánamarkað og væri veru-
leg hætta á því að opinberir aðilar
ryðji fyrirtækjunum út af lána-
markaðnum með þeirri miðstýr-
ingu fjármagns, sem hér hefði ríkt
um árabil.
Sjá ræðu Víglundar Þor-
steinssonar á ársþingi FÍI á
bls. 18.
Geir Magnússon banka-
stjóri Samvinnubankans
BANKARÁÐ Samvinnu-
hankans hefir ráðið Geir
Magnússon, framkvæmda-
stjóra fjármáladeildar Sam-
bands íslenskra samvinnufé-
laga, sem bankastjóra Sam-
vinnubankans.
Kristleifur Jónsson, sem ver-
ið hefur bankastjóri sl. 16 ár,
mun láta af störfum vegna ald-
urs við lok yfirstandandi árs.
Geir Magnússon fæddist í
Reykjavík 11. fbrúar 1942.
Hann stundaði nám í Sam-
vinnuskólanum 1959—1961.
Geir hóf störf í fjármáladeild
Sambandsins í ársbyrjun 1962.
Hann var einnig um hríð við
nám í Englandi og starfaði hjá
Hambros Bank í London.
Geir varð framkvæmdastjóri
fjármáladeildar Sambandsins
hinn 1. október 1976 og hefir
Þyrluflugvöllur á Akranesi
Akranesi, 19. mars.
SL. LAUGARDAG var formlega tekinn í notkun þyrlu-
flugvöllur á Akranesi og er hann staðsettur á íþrótta-
vallarsvæðinu á Jaðarsbökkum. Þyrlur frá Landhelg-
isgæslunni og varnarliðinu lentu á vellinum og reynd-
ist hann í alla staði vel.
Aðdragandi þess að komið var fyrir þyrluflug-
velli á Akranesi var nauðsyn þess að flytja mætti
sjúkt fólk og slasað til og frá staðnum, en flugvöll-
ur hefur ekki verið í kaupstaðnum undanfarih ár
og aðstaða fyrir þyrlur til að lenda ófullnægjandi.
Það var björgunarsveit slysavarnadeildarinnar
Hjálpin á Akranesi sem öðrum fremur beitti sér
fyrir þessari framkvæmd og var bæjartæknifræð-
ingi falið að finna hentugt svæði. Nokkrir staðir
komu til greina, en þó þótti enginn betri en olíu-
malarvöllur sem staðsettur er innan íþróttasvæð-
isins við Jaðarsbakka. Að fengnu leyfi íþróttaráðs
og bæjaryfirvalda var vellinum komið í eðlilegt
horf og nú sl. laugardag var æfing þar sem þyrl-
urnar reyndu aðflug, lendingu og flugtak. Gekk
það allt mjög vel.
Að sögn flugmanna beggja þyrlanna reyndist
þessi völlur mjög vel og er aðstaða óvíða betri hér
á landi. Aðflug er mjög gott og nánast hægt að
ienda í hvaða veðri sem er. Þyrlurnar höfðu um
klukkustundarviðdvöl á Akranesi og gafst fólki
kostur á að skoða þær og notfærði sér það mikill
fjöldi fólks. Þótti yngri kynslóðinni það mjög til-
komumikið.
Sérstök ástæða er til að þakka þeim slysavarna-
mönnum frumkvæði þeirra í þessari framkvæmd
sem mjög getur varðað öryggi bæjarbúa. Starfsemi
þeirra hefur verið mjög öflug á undanförnum árum
og er full þörf að bæjarbúar veiti þeim og öðrum
sem starfa að slíkum málum stuðning.
J.G.
Mistök, sem verður að
lagfæra, hafi það gerzt
Geir Magnússon
— segir Halldór Asgrímsson aðspurður um hvort
farið sé að meta fisk eftir nýjum reglum
hann átt sæti í framkvæmda-
stjórn Sambandsins frá þeim
tíma.
Hann á sæti í bankaráði
Seðlabanka íslands og einnig í
stjórn Lífeyrissjóðs SÍS og
Iðnrekstrarsjóðs.
Eiginkona Geirs er Kristín
Björnsdóttir og eiga þau 3
börn.
„Ég skal ekki um það full-
yrða, en hafi það gerzt er þar um
mistök að ræða, sem verður að
lagfæra. Það verður að vera öll-
um Ijóst, að ekki er hægt að
taka upp algjörlega nýtt mat
nema það liggi fyrir áhrif þess í
verði. Þess vegna var ákveðið að
þetta tilraunamat ætti sér stað
samhliða gildandi matsreglum
og það var fullt samkomulag um
Gísli Ólafsson
lœknir látinn
GÍSLI (Hafs.son, læknir, er látinn í
Reykjavík, 65 ára að aldri. Gísli fædd-
ist 20. júlí 1918, sonur hjónanna Olafs
Agústs Gíslasonar, stórkaupmanns, og
Ágústu Þorsteinsdóttur. llann varð
stúdent frá Menntaskólanum í Rcykja-
vfk árið 1938 og hóf nám í læknisfræði
við Háskóla íslands. Þaðan lauk hann
prófi árið 1946 og stundaði fram-
haldsnám ■ Bandaríkjunum, Bretlandi
og Noregi.
Gísli fékk almennt lækningaleyfi í
maí 1949 og var sérfræðingur í
kvensjúkdómum og fæðingarhjálp.
Hann var fæðingarlæknir á Lands-
pítalanum, en starfaði síðustu árin
sem röntgenlæknir.
Eftirlifandi kona Gísla heitins er
Erla Haraldsdóttir. Þau eiga þrjú
börn, öll uppkomin.
Dr. Jóhannes Nordal um Blönduvirkjun:
Engin áhrif
á virkjunina
— þótt ósamið sé um vatnsréttindi
„ÞAÐ HEFUR engin áhrif á framkvæmdir við Blönduvirkjun þótt ekki
hafi verið samið við landeigendur um þau vatnsréttindi, sem ekki eru
þegar í eigu ríkisins," sagði dr. Jóhannes Nordal, stjórnarformaður
Landsvirkjunar, er blaðamaður Mbl. spurði hann hvernig hægt væri að
hefjast handa við virkjunarframkvæmdir án þess að gengið hefði verið
frá samningum um vatnsréttindin. Frá þessu sagði í Mbl. sl. sunnudag
og þriðjudag.
Landsvirkjun tók við málinu
þegar það var komið talsvert
áleiðis," sagði dr. Jóhannes.
„Ríkið á hluta af vatnsréttindum
þarna, t.d. alveg tvímælalaust
Auðkúluafrétt, og það er ekki
óalgengt að ákveðið sé að ráðast
í mannvirkjagerð af þessu tagi
þótt ekki hafi verið gengið frá
öllum samningum. Lög gera m.a.
ráð fyrir, að virkjunaraðili geti
eignast þessi réttindi, ef ekki
með mati, þá með samningum.
Það er því engin óvissa ríkj-
andi í þessu máli. Það hefur ver-
ið vitað frá upphafi að þarna
þyrfti að semja, þótt það geti
tekið langan tíma. Það er hægt
að hefja framkvæmdir, eins og
nú stendur til, og ef samningar
takast ekki er hægt að vísa deil-
unni í gerðardóm,“ sagði Jó-
hannes Nordal.
Engar eiginlegar virkjunar-
framkvæmdir eru enn hafnar við
Blönduvirkjun. Á svæðinu er nú
unnið við vegagerð og „aðstöðu-
sköpun“, eins og það heitir.
Vinna við jarðgöng og stöðvar-
hús hefst á næstunni.
það milli hagsmunaaðila," sagði
sjávarútvegsráðherra, Halldór
Ásgrímsson, er Morgunblaðið
innti hann eftir því, hvort farið
væri aö meta ferskan fisk eftir
nýjum reglum.
„Þegar fiskverð var ákveðið í
febrúar, var jafnframt ákveðið að
taka ekki upp nýjar matsreglur,
heldur að framkvæma tilrauna-
mat við hlið hins. Hins vegar er
búið vinna mikið starf, sem meðal
annars felur í sér samræmingu á
vinnubrögðum, en það þótti nauð-
synlegt áður en nýjar reglur yrðu
teknar upp, að gera sér grein fyrir
því hvaða áhrif þær hefðu á fisk-
verðið. Þar af leiðandi var það
ákveðið að láta það bíða þar til
fiskverð yrði ákveðið næst. Hitt er
svo annað mál, að það hefur marg-
oft komið fram á undanförnum
árum, að það hefur verið misræmi
í vinnubrögðum á hinum ýmsu
stöðum á landinu og það er nátt-
úrlega hlutur líka, sem ekki má
eiga sér stað. Sjómenn og útgerð-
armenn verða að geta treyst því,
að það sé sama hvar landað er,“
sagði Halldór Ásgrímsson.
Jöfnun gjalda á
drykkjarvörum
RÍKISSTJÓRNIN ákvað á fundi sín-
um í gærmorgun að heimila fjármála
ráðherra, Albert Guðmundssyni, að
jafna gjöld á drykkjarvörum. Aðspurð-
ur sagði fjármálaráðherra að útreikn-
ingum á því hvað gjaldjöfnunin myndi
þýða í útsöluverði fyrir hverja drykkj-
artegund, gosdrykki, ávaxtasafa o.fl.
tegundir væri ekki lokið, en með því að
jafna gjöld á drykkjarvörum myndu
allir, innflytjendur sem framleiðendur,
sitja við sama borð.
Fjármálaráðherra kvað það einnig
í athugun hvort mjólkurdrykkir
þyldu gjaldheimtu ríkissjóðs, þ.e.
með söluskatti, án þess að útsöluverð
þeirra hækkaði. Sagðist hann vænta
þess að taka ákvörðun um gjaldjöfn-
unina á næstu dögum.
Alþjóðlega skákmótið í Neskaupstaö:
Fimm keppendur
með 1,5 vinninga
AÐEINS einni skák lauk með vinningi á alþjóðlega skákmótinu í Neskaupstað í
gær, Lombardy vann Dan Hanson. Skák Wedbergs og Benónýs fór í bið, en
örðum lauk með jafntefli. Eftir tvær umferðir eru fimm keppendur efstir og jafnir
með \'/i vinning.
Jafntefli gerðu Knezevic og Rób-
ert, Margeir og Schussler, Jóhann og
McCambridge og Guðmundur og
Helgi. Skák Guðmundar og Helga
þótti mjög spennandi. Strax í 9. leik
fórnaði Guðmundur manni og virtist
við það ná frumkvæðinu, ep þegar
leið á skákina fórnaði Helgi drottn-
ingunni og náði við það gagnfærum,
sem nægðu til jafnteflis. I biðskák
Benónýs og Wedbergs eiga báðir
keppendur eftir fimm peð og tvo
riddara, en þó það sé óskastaða Ben-
ónýs í endatafli er staða hans talin
lakari.
Eftirtaldir keppendur hafa 1V2
vinning; Helgi, Margeir, Jóhann,
Schussler og Lombardy. Þriðja um-
ferð verður tefld í dag, miðvikudag.