Morgunblaðið - 10.05.1984, Blaðsíða 10

58
MORGUNBLAÐIÐ, FIMMTUDAGUR 10. MAÍ 1984
IÐFÁXI
Tímaritið
Eiðfaxi
EIÐFAXI, fjórða tölublað 1984 er
komið út.
Auk ýmissa hestafrétta eru í
ritinu viðtöl við Árna Þórðarson
og Marinó frá Skáney, Maja Loeb-
ell skrifar um þjálfunaráætlun
keppnishests, Þorkell Bjarnason
skrifar um sýningarnefnd og af-
kvæmadóma á kynbótahrossum,
Kristinn Hugason skrifar um
meðgöngutíma og fengitíma hjá
hryssum.
Ritstjóri Eiðfaxa er Hjalti Jón
Sveinsson og ritstjórnarfulltrúi
Sigurður Sigmundsson.
Borgarstjórn
Reykjavíkur:
Viðgerðir á
höggmyndum
Á borgarstjórnarfundi á
fimmtudag var tillaga frá borg-
arfulitrúum Alþýóubandalagsins
á dagskrá um að borgarstjórn
beindi því til nefndar vegna und-
irbúnings 200 ára afmælis
Reykjavíkurborgar, að hún láti
gera áætlun um lagfæringu og
merkingu höggmynda í Reykja-
vík. Einnig tillaga frá Gerði
Steinþórsdóttur (F), um að gefin
yrði út eins konar sýningarskrá
með höggmyndum í Reykjavík
og að höggmyndir í Reykjavík
heyrðu undir stjórn Ásmundar-
safns og garðyrkjustjóra frá
næstu áramótum.
Að tillögu Huldu Valtýsdótt-
ur, formanns umhverfisráðs
borgarinnar, var þessum til-
lögum vísað til umhverfisráðs.
Sagði Hulda að starfsnefnd,
sem unnið hefði skýrslu á veg-
um umhverfisráðs um ástand
höggmynda í Reykjavík, hefði
verið falið að vinna að for-
gangsröðun varðandi viðgerð-
ar- og hreinsunarverkefni á
höggmyndunum. Þá hefði um-
hverfisráð falið garðyrkju-
stjóra að skrifa öðrum eigend-
um höggmynda í Reykjavík
varðandi viðhald, þar sem þess
væri þörf. Því væri eðlilegt að
þessum tillögum væri vísað til
umhverfisráðs.
Hver verður næsti
heimsmeistari í skák?
Skák
Gunnar Gunnarsson
Einvígi þeirra Kasparovs og
Smyslovs hefur farið fram með
óvenju kyrrlátum hætti, því fyrir-
fram var vitað að Kasparov myndi
fara þar með sigur af hólmi. Enda
þótt hinn fyrrum heimsmeistari,
Vasily Smyslov, hafi komið á
óvart með öruggri taflmennsku í
einvíginu við Ungverjann Ribli, þá
töldu flestir hann hafa heldur litla
möguleika á móti Kasparov, sem
líka hefur komið á daginn.
Til þess að tryggja sér réttinn á
að skora á heimsmeistarann Karp-
ov hefur Kasparov þurft að leggja
að velli nokkra snjalla skákmeist-
ara. Gaman er að rifja upp hvern-
ig hann hefur rutt úr vegi hverri
hindruninni á fætur annarri.
Fyrst byrjaði hann á að sigra í
millisvæðamótinu i Moskva 1982,
en í öðru sæti varð Beljavsky og
þeir tveir komust áfram. Þá varð
Tal að láta sér nægja 3. sætið hálf-
um vinningi á eftir Beljavsky.
Hinir sem komust áfram voru þeir
Portisch og Torre og Ribli og Smys-
lov í hinum mótunum, og síðan
bættust þeir Hiibner og Kortsnoj.
Eins og flestir skákunnendur
muna vann síðan Smyslov Hiibner,
Ribli vann Torre, Kortsnoj vann
Portisch og Kasparov vann Belj-
avsky.
Flestum er svo enn í fersku
minni einvígi þeirra fjórmenninga
í London sl., haust, Kasparovs og
Kortsnoj og Smyslovs og Ribli. Það
er hinsvegar önnur saga allt það
fjaðrafok sem Sovétmenn þyrluðu
upp með því að neita að tefla á
hinum upprunalega fyrirhugaða
stað: Pasadena í Bandaríkjunum.
Var ekki laust við að hrikti enn
einu sinni í stoðum FIDE út af
öllum þeim gauragangi. Var það
mikil þolraun fyrir eftirmann
Friðriks í forsetastóli FIDE,
('ampomanes frá Filippseyjum.
Nú þegar eru uppi miklar
vangaveltur hvar eigi að halda
næsta heimsmeistaraeinvígi í skák.
Að sjálfsögðu bendir allt til að það
verði haldið ( föðurlandi beggja
keppendanna en þó hafa Englend-
ingar lýst áhuga sínum á að halda
það að hluta til í London.
Núverandi heimsmeistari,
Anatoly Karpov
Karpov fæddist í Leningrad 23.
maí 1951 og verður því bráðlega 33
ára gamall. í apríl 1975 var hann
krýndur sem heimsmeistari í skák
þar eð Fischer neitaði að tefla við
hann. Allur skákheimurinn beið
eftir einvígi þeirra til að fá úr því
skorið hvort nokkur gæti ógnað
veldi Bobby Fischers. Margir
töldu í fyrstu að Karpov væri því í
raun einungis „gerviheimsmeist-
ari“, annar sterkari sæti heima.
En á næstu árum átti Karpov eftir
að sannfæra menn um hið gagn-
stæða. Hann hóf að tefla í hverju
stórmótinu á fætur öðru og bar
alltaf sigur úr býtum. Þegar svo
kom að fyrra heimsmeistaraein-
víginu við Kortsnoj í Baguio á Fil-
ippseyjum 1978 sannaði hann svo
ekki varð um villst að hann var
verðugur titilsins. Þeir tefldu 32
skákir og úrslitin urðu þau að
Karpov varð fyrri til að sigra í 6
skákum, Kortsnoj vann 5, en
heildarúrslit urðu þau að Karpov
hlaut 16 ‘á vinning en Kortsnoj
15 Vfe.
Fjórum árum seinna endurtók
sagan sig: Karpov vann Kortsnoj í
Karpov
Merano á ltalíu 1982, en þá náði
Karpov 6. sigrinum i 18. skákinni.
Það sem mest einkennir stíl
Karpovs er hvað hann virðist tefla
áreynslulaust og með miklum létt-
leika. Skákir margra skák-
meistara bera oft keim af miklum
átökum og þeir jafnvel líða fyrir
það að finna leiðina til sköpunar. í
skákum Fischers mátti oft finna
mikinn kraft og sigurvilja. Karpov
er miklu afslappaðri; rólegur og
yfirvegaður, atburðarásin virðist
ekki hröð, hann tekur sjaldan
áhættu, en hann forðast alltaf að
lenda í tímaþröng. Hann tekur
ákvarðanir á undraskjótum tíma
og er fljótur að meta stöður. Það
er mjög algengt að hann eigi
klukkutíma til góða á móti hinum
lánlausa andstæðingi sínum.
Skilningur hans á skák er honum
jafn eðlilegur og móðurmálið, og
má óhikað telja Karpov einn af
hinum mestu skáksnillingum sem
uppi hafa verið.
Snillingurinn Kasparov
Kasparov hefur oft verið líkt við
mestu listamenn skáksögunnar,
t.d. Aljekín, Fischer og Tal en þeir
höfðu allir það sameiginlegt að
tefla mjög hvassan stíl, og vera
mjög skapandi og hugmyndaríkir.
Skákir þessara snillinga hafa oft
yljað skákunnendum um hjarta-
ræturnar því svo stórfenglega
hafa þeir teflt. Skákstíll Kasp-
arovs er feiknarlega kraftmikill,
en jafnframt hefur hann agað sig
og teflir nú af miklu meiri fjöl-
breytileik en nokkru sinni fyrr. í
einvíginu við Kortsnoj t.d. sýndi
hann að hann er ekki síðri í enda-
tafli en i byrjunum. Hann hefur
það sameiginlegt með Karpov að
hann er geysifljótur að hugsa og
kemst sárasjaldan i tímahrak.
Einvígi þeirra Karpovs og Kasp-
arovs verður tilhlökkunarefni
allra skákunnenda, en það hefst i
byrjun september nk.
Ummæli skákmeistara
um Karpov og Kasparov
Kortsnoj um Kasparov:
„Hann (þ.e. Kasparov) skortir al-
gerlega þann eiginleika að vera
þolinmóður, en það er mjög þýð-
ingarmikið fyrir hvern skákmann.
Hann skortir þolinmæði til að
notfæra sér smávægilegan hagn-
að. 1 öllum skákum leikur hann
Da4, Dh5 eða Ba6, alltaf löngum
leikjum; hann leikur alltaf
mönnum sínum eins langt og þeir
komast."
Botvinnik um Karpov:
„Skákir Karpovs undanfarið
bera vott um vissa stöðnun. En
hann er „hagsýnn" skákmaður og
slíkir skákmenn tefla vel allt fram
Norðmenn á haukalóð við landið:
Fá 115 krónur fyrir
lúðukílóið í Noregi
Vonast eftir 115.000 króna hlut fyrir þriggja vikna túr
„ÞESSI túr hefur gengið mjög vel hjá okkur og lítur út fyrir góða afkomu, bæði
útgerðarinnar og áhafnarinnar. Mest höfum við haft 3 lestir af lúðu á dag en
eftir tæpan hálfan mánuð erum við komnir með 14 lestir og vonumst til að ná 25
áður en túrnum lýkur þann 15. maí,“ sagði Karl Longva, matsveinn á línubátn-
um Harhaug frá Álasundi, sem nú er á lúðulínu hér við land, í Noregi i samtali
við Morgunblaðið.
„Við komum á miðin í kantinum
vestur af landinu 27. apríl og höfum
verið ákaflega heppnir með veður.
Það eina, sem hefur valdið okkur
erfiðleikum eru háhyrningarnir.
Þeir liggja í hópum í námunda við
skipið og þegar við drögum línuna
stinga þeir sér niður og rífa lúðuna
af krókunum. Við fáum stundum
bara blákjaftinn af lúöunni upp.
Það kveður misjafnlega rammt að
þessu, en á mánudaginn gátum við
ekkert aðhafzt í 12 tíma vegna
þessa. Við höfum reynt að keyra
burt frá línunni á hægri ferð og láta
háhyrninga elta okkur og keyra síð-
an á fullu til baka til að losna við þá
og hefur það gengið þokkalega.
Afkoma áhafnar og útgerðar af
þessum veiðum er mjög góð. Við
fáum um 115 krónur fyrir kílóið af
lúðunni, en hún er heilfryst um
borð. Þannig gefur þriggja lesta
dagur um 19.000 krónur á mann og
náum við.25 lestum í túrnum gefur
hann okkur um 115.000 krónur, sem
vissulega er dágott fyrir þrjár vik-
ur. Við erum 11 um borð og drögum
um 7.000 króka daglega.
Nú hefur aflakvóti okkar við ís-
land verið minnkaður niður í 1.000
lestir og mega aðeins 10% þess vera
þorskur. Því má segja að lúðulínan
sé eina leiðin til að ná hagnaði út úr
þessu. Við getum einnig veitt tals-
vert af keilu, en fyrir hana fáum við
of lítið verð til þess, að þessi langa
Karl Longva, matsveinn á norska
línubátnum Harhaug.
sigling, 800 til 900 mílur, borgi sig.
Veiðitímabilið stendur yfir frá 27.
apríl til 13. júní og nú eru þrír
norskir línubátar að veiðum hér og
aðrir þrír á leiðinni hingað. Við
reiknum með að koma annan túr
hingað og vonumst jafnframt eftir
því, að veiðitíminn verði lengdur og
kvótinn verði aukinn,“ sagði Karl
LongVa.
Sjónvarpsmóttökuskermur Hljómbæjar:
Uppsetningu seinkar lítillega
„ÞAÐ seinkar lítillega uppsetningu
móttökuskermsins hjá okkur vegna
þess, að framleiðandinn lofaði eitt-
hvað upp f ermina á sér. Þá hefur
komið fram möguleiki á að nota minni
skerm en upphaflega var ætlað og
munum við prufa hann fyrst, líklega
um næstu mánaðamót,“ sagði Birgir
Hermannsson, framkvæmdastjóri
Hljómbæjar, er blm. Morgunblaðsins
innti hann eftir því, hvenær móttöku-
skermurinn yrði settur upp.
Eins og fram hefur komið í Morg-
unblaðinu er hér um að ræða mót-
tökuskerm, sem taka mun á móti
efni á 12 rásum frá gervitunglum,
sem endurvarpa efni evrópskra
sjónvarpsstöðva. Birgir Hermanns-
son sagði, að þeir myndu fyrst í stað
sjá hvernig móttakan kæmi út og
síðar taka ákvörðun um það hvort
efninu yrði dreift. Þeir hefðu fullan
rétt til þess að taka efnið niður fyrir
sjálfa sig, en óljóst væri með dreif-
ingarheimild. Þá myndi Hljómbær
einnig taka að sér að útvega mót-
tökuskerma fyrir almenning ef
áhugi á slíkum kaupum væri fyrir
hendi.
Harhaug heldur á miðin á ný eftir að hafa tekið vistir í Reykjavík og skilið
matsveininn eftir, en hann er á leið heim til að ferma dóttur sína.
Morgunblaöiö/Rax.